«شي جينپيڭ ەكونوميكا يدەياسىن ۇيرەنۋ باعدارلاماسىن» باسپادان شىعارۋ اڭگىمە ءماجىلىسى بەيجيڭدە اشىلدى
2022.07.12 17:55 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 11 - كۇنى، بەيجيڭ. «شي جينپيڭ ەكونوميكا يدەياسىن ۇيرەنۋ باعدارلاماسىن» باسپادان شىعارۋ اڭگىمە ءماجىلىسى 7 - ايدىڭ 11 - كۇنى بەيجيڭدە اشىلدى. مەملەكەتتىك دامۋ جانە رەفورما كوميتەتىنىڭ پارتگرۋپپا شۋجيى، مەڭگەرۋشىسى حى ليفىڭ ماجىلىسكە قاتىناستى ءارى ءسوز سويلەدى.
حى ليفىڭ مىنانى ءبىلدىردى: پارتيانىڭ 18 - قۇرىلتايىنان بەرى باس شۋجي شي جينپيڭ ماركسيزمدىك ساياساتكەر، ويشىل، ستراتەگ رەتىندەگى تەرەڭ كورەگەندىگىمەن، سەزگىر تۇجىرىم جاساۋ قۋاتىمەن، نازاريالىق جاسامپازدىق قۋاتىمەن ەكونوميكالىق دامۋعا قاتىستى ءبىرقىدىرۋ جاڭا ۇستانىمداردى، جاڭا يدەيالاردى، جاڭا ستراتەگيالاردى العا قويىپ، شي جينپيڭ ەكونوميكا يدەياسىن قالىپتاستىرىپ جانە دامىتىپ، ەلىمىزدىڭ ەكونوميكالىق دامۋىنداعى داۋىرلىك سۇراۋعا، حالىقتىڭ سۇراۋىنا، تاريحتىڭ سۇراۋىنا تەرەڭ جاۋاپ بەردى، بۇل − ەلىمىز ەكونوميكاسىنىڭ ساپالى دامۋىنىڭ، جاپپاي سوتسياليستىك وسىزاماندانعان مەملەكەت قۇرۋدىڭ عىلمي نازاريالىق باعدارناماسى.
حى ليفىڭ «ۇيرەنۋ باعدارلاماسىنىڭ» باستى مازمۇنىمەن ۇشتاستىرىپ، شي جينپيڭ ەكونوميكالىق يدەياسىن ۇيرەنۋ، ءتۇسىنۋ، دايەكتىلەندىرۋ جونىندە 6 جاقتاعى تانىم - اسەرىن باياندادى: ءبىرىنشى، پارتيانىڭ جالپى جاعدايدى مەڭگەرىپ، ءار جاقتى سايكەستىرەتىنىن تەرەڭ ءتۇسىنۋ كەرەك، پارتيانىڭ ەكونوميكالىق قىزمەتكە جاپپاي باسشىلىعىن كۇشەيتۋ − ەلىمىز ەكونوميكاسى دامۋىنىڭ ءتۇبىرلى كەپىلى. ەكىنشى، حالىقتى وزەك ەتكەن دامۋ يدەياسىندا تاباندى بولۋ − ەلىمىز ەكونوميكاسى دامۋىنىڭ ءتۇبىرلى مايدانى ەكەنىن تەرەڭ ءتۇسىنىپ، دامۋ بارىسىندا حالىق تۇرمىسىن قامتاماسىز ەتۋ جانە جاقسارتۋ كەرەك. ءۇشىنشى، «جاڭا دامۋ كەزەڭىن يگەرۋ، جاڭا دامۋ ۇستانىمىن دايەكتىلەندىرۋ، جاڭا دامۋ جاعدايىن قالىپتاستىرۋ، ساپالى دامۋدى ىلگەرىلەتۋ» سىندى ماڭىزدى نازاريالىق جانە رەال ءمانىن تەرەڭ ءتۇسىنۋ كەرەك. ءتورتىنشى، نەگىزگى ەكونوميكالىق تۇزىمدە تاباندى بولۋ جانە ونى كەمەلدەندىرۋ، مەملەكەتتىڭ كەلەلى دامۋ ستراتەگياسىن اتقارۋ، جاڭالىق اشۋ ارقىلى دامۋعا دەم بەرۋدە تاباندى بولۋ، جاساۋ كاسىبى مەن ناقتى ەكونوميكانى زور كۇشپەن دامىتۋ، ەسىك اشۋدى جاپپاي كەڭەيتۋ سياقتى كەلەلى شارالاردىڭ امالياتتىق تالابىن تەرەڭ ءتۇسىنۋ كەرەك. بەسىنشى، حاۋىپسىزدىك − دامۋدىڭ العى شارتى، دامۋ − حاۋىپسىزدىكتىڭ كەپىلى ەكەنىن تەرەڭ ءتۇسىنىپ، ساپالى دامۋ مەن جوعارى دەڭگەيدەگى حاۋىپسىزدىكتىڭ ءتيىمدى ىقپالداستىعىن قۇلشىنا جۇزەگە اسىرۋ كەرەك. التىنشى، دۇرىس قىزمەت تاكتيكاسى مەن ادىسىندە تاباندى بولۋ − ەكونوميكالىق قىزمەتتى ويداعىداي ىستەۋدىڭ ءادىس نازارياسى ەكەنىن تەرەڭ ءتۇسىنىپ، عىلمي، پارمەندى شارالار ارقىلى ەكونوميكانىڭ ورنىقتى، اقاۋسىز دامۋىن ساقتاۋ كەرەك.
حى ليفىڭ بىلاي دەپ اتاپ كورسەتتى: ءبىز شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، شي جينپيڭ ەكونوميكا يدەياسىن ىشكەرىلەي ۇيرەنىپ، دايەكتىلەندىرىپ، ەكونوميكالىق، قوعامدىق دامۋدىڭ ءتۇرلى قىزمەتتەرىن تىڭعىلىقتى ىستەپ، ءىس جۇزىندىك ارەكەتىمىزبەن پارتيانىڭ 20 - قۇرىلتايىنىڭ تابىسپەن اشىلۋىن قارسى الۋىمىز كەرەك.
اڭگىمە ءماجىلىسىن ورتالىق ۇگىت ءبولىمى مەن مەملەكەتتىك دامۋ جانە رەفورما كوميتەتى بىرلەسىپ وتكىزدى، ورتالىق ۇگىت ءبولىمى، ورتالىق قازىنا كەڭسەسى، ورتالىق پارتيا تاريحى جانە قۇجات زەرتتەۋ ورنى، قازىنا مينيسترلىگى، حالىق بانكەسى سياقتى تاراۋلارداعى جاۋاپتى جولداستار ماجىلىسكە قاتىناستى ءارى ءسوز سويلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
