كورىكتى شينجياڭنىڭ اسپانى اناعۇرلىم اشىق، تاۋى اناعۇرلىم جاسىل، سۋى اناعۇرلىم تۇنىق بولۋى ءۇشىن
− اۆتونوميالى رايوننىڭ ورتالىقتىڭ ەكولوگيالىق ورتانى قورعاۋدى قۋزاۋ - تەكسەرۋى بويىنشا رەتتەۋ - تۇزەتۋ قىزمەتىنە جالپى شولۋ
□ انار بۇلت \ شينجياڭ گازەتىنىڭ ءتىلشىسى ۋاڭ يايۇن
2022.07.13 16:30 كەلۋ قاينارى : شينجياڭ گازەتى
ورتالىقتىڭ ەكولوگيالىق ورتانى قورعاۋدى قۋزاۋ - تەكسەرۋىن ورىستەتۋ − پارتيا ورتالىق كوميتەتىنىڭ، مەملەكەتتىك كەڭەستىڭ ەكولوگيالىق وركەنيەت قۇرىلىسى مەن ەكولوگيالىق ورتانى قورعاۋ قىزمەتىن ىلگەرىلەتۋدەگى كەلەلى تۇزىمدىك ورنالاستىرۋى.
باس شۋجي شي جينپيڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە جاسىل تاۋ، تۇنىق سۋ − باعالى بايلىق ۇستانىمىنا تاباندى بولىپ، كورىكتى شينجياڭنىڭ اسپانىنىڭ اناعۇرلىم اشىق، تاۋىنىڭ اناعۇرلىم جاسىل، سۋىنىڭ اناعۇرلىم تۇنىق بولۋىنا مۇمكىندىك جاساۋدى باسا دارىپتەدى.
2017 - جىلى 8 - ايدىڭ 11 - كۇنىنەن 9 - ايدىڭ 11 - كۇنىنە دەيىن، ورتالىق قورشاعان ورتانى قورعاۋدى قۋزاۋ - تەكسەرۋ 8 - گرۋپپاسى شينجياڭدا قورشاعان ورتانى قورعاۋ جونىندە قۋزاۋ - تەكسەرۋ ورىستەتتى، سونداي - اق 2018 - جىلى 1 - ايدىڭ 2 - كۇنى قۋزاۋ - تەكسەرۋ پىكىرىن اڭىس ەتتى. رايونىمىز ورتالىق قورشاعان ورتانى قورعاۋدى قۋزاۋ - تەكسەرۋ 8 - گرۋپپاسى اڭىس ەتكەن پىكىر بويىنشا رەتتەۋ - تۇزەتۋدى تىڭعىلىقتى ىلگەرىلەتىپ، ەكولوگيالىق وركەنيەت قۇرىلىسى مەن ەكولوگيالىق ورتانى قورعاۋ قىزمەتىندە ۇزدىكسىز تىڭ ىلگەرىلەۋشىلىككە قول جەتكىزدى.
جوعارى دەڭگەيدە ىلگەرىلەتىپ، قۋزاۋ ارقىلى رەتتەۋدى جەبەدى
باس شۋجي شي جينپيڭ ەكولوگيالىق ورتانى قورعاۋدىڭ ناقتى تياناقتاندىرىلۋ - تياناقتاندىرىلماۋىنىڭ تەتىگى باسشى كادرلاردا ەكەندىگىن تالاي رەت باسا دارىپتەدى.
اۆتونوميالى رايوندىق پارتكوم مەن ۇكىمەت ورتالىق قورشاعان ورتانى قورعاۋدى قۋزاۋ - تەكسەرۋىندە اڭىس ەتىلگەن پىكىر بويىنشا رەتتەۋ - تۇزەتۋ قىزمەتىنە بارىنشا ءمان بەرىپ، ورتالىقتىڭ ەكولوگيالىق ورتانى قورعاۋدى قۋزاۋ - تەكسەرۋىنىڭ ساياسيلىعىن، قاتاڭدىعىن جانە ماڭىزدىلىعىن تەرەڭ تانىپ، ماسەلەنى رەتتەۋ - تۇزەتۋدى ويداعىداي مىقتى يگەرۋدى شي جينپيڭنىڭ ەكولوگيالىق وركەنيەت يدەياسىن امالياتتا ايگىلەۋدىڭ ماڭىزدى شاراسى ەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋدىڭ ماڭىزدى تۇتقاسى ەتىپ، اڭىس ەتىلگەن پىكىر بويىنشا رەتتەۋ - تۇزەتۋدىڭ ساياسي جاۋاپكەرشىلىگىن باتىلدىقپەن ارقالاپ، ”ەكىنى تۇراقتاندىرۋدى“ قورعاۋدىڭ، ”ەكىنى قورعاۋدى“ امالياتتا ايگىلەۋدىڭ ساياسي بيىگىنەن شىن مانىندە يدەيا مەن ارەكەتتى پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىمەن، ورنالاستىرۋلارىمەن بىرلىككە كەلتىردى.
2018 - جىلى 4 - ايدىڭ 17 - كۇنى پارتيا ورتالىق كوميتەتى، مەملەكەتتىك كەڭەس اۆتونوميالى رايوندىق پارتكوم مەن ۇكىمەت جاساعان «شينجياڭ ۇيعۇر اۆتونوميالى رايونىنىڭ ورتالىق قورشاعان ورتانى قورعاۋدى قۋزاۋ - تەكسەرۋ 8 - گرۋپپاسى اڭىس ەتكەن پىكىردى دايەكتىلەندىرۋ، تياناقتاندىرۋ بويىنشا رەتتەۋ - تۇزەتۋ جوباسىن» (تومەندە قىسقارتىلىپ «رەتتەۋ - تۇزەتۋ جوباسى» دەلىنەدى) بەكىتىپ، 113 ءتۇرلى رەتتەۋ - تۇزەتۋ مىندەتىنە قاراتا رەتتەۋ - تۇزەتۋ نىساناسىن، رەتتەۋ - تۇزەتۋ شاراسىن، جاۋاپتى مەكەمە - ورىندى، جاۋاپتى ادامدى جانە رەتتەۋ - تۇزەتۋ ۋاقىت شەگىن ءبىر - بىرلەپ ايقىندادى.
بۇكىل رايونداعى ءار دارەجەلى پارتكومدار مەن ۇكىمەتتەر جانە ولاردىڭ قاتىستى تاراۋلارى جاۋاپكەرشىلىكتى ناقتىلاندىرىپ، ”پارتيا مەن ۇكىمەت تەڭ جاۋاپتى بولاتىن“، ”ءبىر ورىندا قوس جاۋاپكەرشىلىك ارقالايتىن“ قىزمەت ارناسىن قالىپتاستىردى. اۆتونوميالى رايون اۆتونوميالى رايوندىق پارتكومنىڭ شۋجيى گرۋپپا باستىعى، اۆتونوميالى رايوننىڭ ءتوراعاسى ءبىرىنشى ورىنباسار گرۋپپا باستىعى بولعان رەتتەۋ - تۇزەتۋ قىزمەتى باسشىلىق گرۋپپاسىن قۇردى. «اۆتونوميالى رايوننىڭ ورتالىقتىڭ قورشاعان ورتانى قورعاۋدى قۋزاۋ - تەكسەرۋىندە اڭىس ەتىلگەن پىكىر بويىنشا رەتتەۋ - تۇزەتۋ قىزمەتىنەن ەسەپ بەرۋ قولدانباسىن» جاساپ، رەتتەۋ - تۇزەتۋ مىندەتى مەن رەتتەۋ - تۇزەتۋ شاراسىن ونان ارى ەگجەي - تەگجەيلىلەندىردى.
2018 - جىلدان بەرى اۆتونوميالى رايوندىق پارتكوم مەن ۇكىمەتتىڭ نەگىزگى باسشىلارى ناقتى ورىنعا بارىپ، 77 رەت ەكولوگيالىق ورتا قىزمەتىنە تەكسەرۋ - زەرتتەۋ جۇرگىزىپ، 148 رەت ەكولوگيالىق ورتانى قورعاۋ جاعىنداعى قاتىستى ماجىلىستەردى باسقارىپ اشىپ، 358 رەت قاتىستى بەكىتۋ جاساپ، ءتۇيىندى، قيىن ماسەلەلەردى سايكەستىرە قۋزاپ - جەتەكشىلىك ەتىپ، سايكەستىرىپ شەشىم ەتتى.
جاۋاپتى باسشى اپتا سايىن سوڭىنا ءتۇسىپ قاداعالاپ، اي سايىن ورنالاستىرىپ، 38 رەت ناقتى ورىنعا بارىپ قۋزاپ - جەتەكشىلىك ەتىپ، رەتتەپ - تۇزەتتى.
باسشىلىق گرۋپپاسى كەڭسەسى ءتىزىم بويىنشا ورنالاستىرۋ، رەتتەۋ - تۇزەتۋدەن سوڭ تىزىمنەن ءوشىرۋ، ەستەلىكتى باسقارۋ جانە تىزىمنەن ءوشىرۋ، ەستەلىكتى ارناعا ءتۇسىرۋ سياقتى ”ءۇش ءتۇزىم، ءبىر ولشەم“ ورناتىپ، قۇرىلىس ۋاقىتىن قاۋىرت ورنالاستىرۋدىڭ، جوبا بەلگىلەپ شايقاس جۇرگىزۋدىڭ، ەستەلىك جاساپ تىزىمنەن ءوشىرۋدىڭ بۇكىلدەي جابىق اينالىمدى بولۋىن اتقاردى.
4 رەتتەۋ - تۇزەتۋ، قۋزاۋ - جەتەكشىلىك ەتۋ گرۋپپاسى جيىنى 305 رەت قۋزاۋ - جەتەكشىلىك ەتۋ بويىنشا ورنالاستىرۋ ءماجىلىسىن اشىپ، 156 رەت ارناۋلى قۋزاپ ءبىتىرۋ ءماجىلىسىن اشىپ، 334 رەت تىزىمنەن شىعارۋ ەستەلىگىن قاراپ تەكسەرۋ ءماجىلىسىن اشىپ، 538 رەت قورىتىندىلاپ تۇجىرىمداۋ ءماجىلىسىن اشىپ، 6571 جەردە (رەت) رەتتەۋ - تۇزەتۋ ناقتى ورنىن كورىپ، ناقتى ورىندا قۋزاۋ - جەتەكشىلىك ەتۋمەن جاپپاي قامتۋدى جۇزەگە اسىردى.
ماسەلەمەن تىعىز بايلانىستىرىپ، كۇش بىرىكتىرە قامال الدى
ماسەلەنى باعدار ەتۋ − ورتالىق ەكولوگيالىق ورتانى قورعاۋدى قۋزاۋ - تەكسەرۋىنىڭ كورنەكتى ەرەكشەلىگى.
اۆتونوميالى رايون ورتالىق قورشاعان ورتانى قورعاۋدى قۋزاۋ - تەكسەرۋ 8 - گرۋپپاسى اڭىس ەتكەن پىكىر بويىنشا رەتتەۋ - تۇزەتۋدىڭ تياناقتاندىرىلۋىن باستان - اياق ويداعىداي يگەرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋدىڭ، تياناقتاندىرۋدىڭ شەشۋشى شاراسى ەتىپ، شينجياڭنىڭ ەكولوگيالىق وركەنيەت قۇرىلىسىن ىلگەرىلەتۋدىڭ پارمەندى ارەكەتى ەتىپ، شينجياڭنىڭ ەكولوگيالىق ورتانى قورعاۋ قىزمەتىن كۇشەيتۋدىڭ ماڭىزدى ورايى ەتىپ، بايقالا سالىسىمەن لەزدە تۇزەتىپ، دەرەۋ ارەكەتتەنىپ، تاباندا تۇزەتىپ، باقىلاي ءجۇرىپ تۇزەتىپ، ماسەلەنى رەتتەۋ - تۇزەتۋدىڭ ناقتى ناتيجەگە قول جەتكىزۋىنە شىنايى كەپىلدىك ەتتى.
ورتالىق قورشاعان ورتانى قورعاۋدى قۋزاۋ - تەكسەرۋ 8 - گرۋپپاسى شينجياڭعا جايعاسقان مەزگىلدە، قۋزاۋ - تەكسەرۋ گرۋپپاسى رايونىمىزدىڭ بىتىرۋىنە تاپسىرعان بۇقارانىڭ 2322 ارىز - ارمان ءىسى بۇكىلدەي ءبىتىرىلىپ اياقتالىپ، حالىق بۇقاراسىنىڭ مۇددەسىمەن تىعىز قاتىستى ءبىر توپ قورشاعان ورتا ماسەلەسى جونگە سالىندى.
قازىرگە دەيىن «رەتتەۋ - تۇزەتۋ جوباسى» تۇراقتاندىرعان 113 ءتۇرلى رەتتەۋ - تۇزەتۋ مىندەتىنىڭ 111 ءتۇرى ورىندالىپ، قالعان 2 ءتۇرى تىعىز ىلگەرىلەتىلۋدە.
سونىمەن بىرگە بىرەۋى ارقىلى وزگەسىن تۇسپالداۋعا تاباندى بولىپ، شاعىن پار قازانداردى جابۋ، توقتاتۋ، زاڭسىز ماشينالى قۇدىقتاردى رەتتەۋ - جونگە سالۋ، جاراتىلىستىق قورىقتى باسقارۋ، اۋىز سۋ قاينارى ءوڭىرىن قورعاۋ، قورشاعان ورتا نەگىزدىك قۇرىلعىلارى قۇرىلىسى سياقتى جاقتاردا ءوزىن تەكسەرۋ، ءوزىن تۇزەتۋ سەرپىنىن ارتتىرىپ، ءبىر توپ كورنەكتى ەكولوگيالىق ورتا ماسەلەلەرى شەشىم ەتىلدى.
اسپان اناعۇرلىم اشىق بولدى −
اۆتونوميالى رايون ءۇرتىس 4 جىل بويى ”ءۇرىمجى − سانجى − شىحىزى“، ”كۇيتۇن − مايتاۋ − شيحۋ“ وڭىرلەرىنىڭ اتموسفەراسىنىڭ لاستانۋىن وڭالتۋدان قامال الۋ ارەكەتىن ورىستەتىپ، كوكتەمدە شاڭدى تىزگىندەدى، جازدا لاستانۋدى بوگەدى، كۇزدە جاراقسىز زاتتاردى جونگە سالدى، قىستا تۇمشانى جونگە سالدى.
بولات - تەمىر، سەمەنت، كوكىستەندىرۋ سياقتى سالالارداعى مەشەۋ ءوندىرىس قۋاتىن ازايتىپ نەمەسە جويىپ، كومىر جاعاتىن اگراگاتتار مەن ەلەكتروليزدىك كاسىپورىنداردى ىعىستىرۋدى ازايتاتىن ەتىپ جاقسارتۋدى اتقاردى. جيىنى 3757 ”بىتىراندى، بىلىققان، لاس زاتتار شىعاراتىن“ كاسىپورىنداردى تەكسەرىپ جانە رەتتەپ - جونگە سالىپ، 39 ميلليون 670 مىڭ كيلوۆاتتىق گەنەراتور اگراگاتتارىن توتەنشە تومەن ىعىستىراتىن ەتىپ وزگەرتۋدى ورىندادى.
وڭتۇستىك شينجياڭدا ”كومىردى ەلەكترگە وزگەرتۋ“ ينجەنەرياسى (1 - مەرزىمدىك) قۇرىلىسىن زور كۇشپەن اتقارىپ، 13 ميلليارد 876 ميلليون يۋاندى ءبىر تۇتاس جوسپارلاپ ورنالاستىرىپ، جيىنى 892 مىڭ وتباسىنداعى تۇرعىن تازا ەنەرگيا پايدالاناتىن بولدى. جىلىنا ءبىر ميلليون 190 مىڭ توننا ولشەمدى كومىر ۇنەمدەپ، كومىر قىشقىل گازىنىڭ شىعارىلۋىن 2 ميلليون 980 مىڭ توننا ازايتتى.
2018 - جىلدان 2021 - جىلعا دەيىن، رايونىمىزدىڭ اۋاسى ساپالى كۇن سانى تولقىن ءتارىزدى ارتۋ كۇيىندە بولىپ، اۋاسى اۋىر لاستانعان كۇن سانى تولقىن ءتارىزدى كەمەيۋ كۇيىندە بولىپ، ۇساق تۇيىرشىك زاتتاردىڭ (5.PM2)، سىمىرىلەتىن تۇيىرشىك زاتتاردىڭ (PM10) ورتاشا قويۋلىعى جالپى تۇلعالىق جاقتان تومەندەۋ كۇيىن كورسەتتى.
سۋ اناعۇرلىم تۇنىق بولدى −
اۋىز سۋ قاينارى ءوڭىرىن قورعاۋ ارناۋلى قيمىلىن ورىستەتتى. جيىنى 685 قورشاعان ورتا ماسەلەسىن اداقتاپ، رەتتەپ - تۇزەتىپ، بۇكىل رايونداعى اۋىز سۋ قاينارىنىڭ ساپالى سۋ ساپاسى سالىستىرماسى ％95كە جەتتى.
جەر استى سۋىن شەكتەن تىس اشۋدى جالپىلاي جونگە سالۋدى ىشكەرىلەي ورىستەتىپ، 17 مىڭ 531 زاڭسىز ماشينالى قۇدىقتى رەتتەۋ - جونگە سالۋ مىندەتىن جاپپاي ورىندادى.
اۆتونوميالى رايون، ايماق (وبلىس، قالا)، اۋدان (قالا، رايون)، اۋىل - قالاشىق (ءمالى)، قىستاق (الەۋمەتتىك اۋماق) 5 دارەجەلى وزەن باستىعى ءتۇزىمىن، كول باستىعى ءتۇزىمىن جانە ورمان باستىعى ءتۇزىمىن ورناتتى. ادامسىز اۋماقتان سىرت 612 وزەندى، 42 كولدى باسقارۋ كولەمىنە الدى.
لاس سۋدى ءبىر جايلى ەتۋ قۇرىلعىلارىنىڭ ولشەمىن جوعارىلاتىپ جاڭالاۋدى ۇزدىكسىز ىلگەرىلەتتى. بۇكىل رايوندا 111 قالا - قالاشىق تۇرمىستىق لاس سۋلارىن ءبىر جايلى ەتۋ زاۆودىن سالىپ، قولدانىسقا بەرىپ، اۋدان دارەجەلى جەرلەردى تۇرمىستىق لاس سۋلاردى ءبىر جايلى ەتۋمەن جاپپاي قامتۋدى جۇزەگە اسىردى.
2018 - جىلدان 2021 - جىلعا دەيىن، مەملەكەت تىزگىندەيتىن جەر ءۇستى سۋلارىن باعالاۋداعى قيما بەت سۋ ساپاسى جالپى تۇلعالىق جاقتان ساپالى بولىپ، ارالىق سۋدىڭ پايدالانىلۋ مولشەرلەمەسى ％35.75كە جەتتى.
توپىراق اناعۇرلىم تازا بولدى −
2018 - جىلدان بەرى ءبىر توپ تاريحتان قالعان قاتەرلى، جاراقسىز زاتتار مەن قاتتى جاراقسىز زاتتاردى جۇيەلى ءبىر جاقتى ەتۋ ورىندالدى. 2021 - جىلدىڭ سوڭىنا دەيىن رايونىمىزدا 90 قالا - قالاشىق تۇرمىستىق قوقىر - قوقسىقتاردى كومىپ ءبىر جايلى ەتۋ الاڭى سالىنىپ قولدانىسقا بەرىلىپ، بارلىق قالالاردى جانە اۋدان قالاشىقتارىن قامتىپ، زالالسىزداندىرىپ ءبىر جايلى ەتۋ مولشەرى ％98.64كە جەتتى. بۇكىل رايوننىڭ قاتەرلى، جاراقسىز زاتتاردى ءبىر جايلى ەتۋ قۋاتى جىلىنا 8 ميلليون 452 مىڭ تونناعا، مەديتسينالىق جاراقسىز زاتتاردى ءبىر جايلى ەتۋ قۋاتى كۇنىنە 159.7 تونناعا جەتتى.
قازىرگە دەيىن لاستانعان ەگىستىك جەردى حاۋىپسىز پايدالانۋ مولشەرى ％98تەن جوعارى بولدى، لاستانعان جەردى حاۋىپسىز پايدالانۋ مولشەرى ％100كە جەتتى.تومەنگى شەكتى ويداعىداي ساقتاپ، ەكولوگيانى قورعادى
باس شۋجي شي جينپيڭ جاسىل دامۋدىڭ نەگىزىن ويداعىداي سالعاندا عانا، بۇدان كەيىنگى دامۋدا ارشىندى ىلگەرىلەۋشىلىك بولاتىندىعىن اتاپ كورسەتتى.
2018 - جىلدان بەرى رايونىمىز توعىزتاراۋ جابايى جاڭعاعى قاتارلى 8 قورىقتىڭ باس جوباسىن جاساۋ جانە شەكاراسىن انىقتاپ، بەلگى تۇرعىزۋدى جاپپاي اياقتاتتى. قورىق اۋماعى ىشىندەگى 1021 كەن كاسىبى ۇقىعى بۇكىلدەي شەگىندىرىلىپ، 171 ورىننىڭ ەكولوگياسىن قالپىنا كەلتىرۋ تۇگەلدەي ورىندالدى.
قارامايلى تۇياقتى جابايى حايۋاناتتار جاراتىلىستىق قورىعىنىڭ جەر اۋدانى بەلگىلەنگەن باستاپقى كەزدەگى14856.48 شارشى كيلومەتر بويىنشا قالپىنا كەلىپ، بارلىق كەن - تاۋ بويىنشا اشۋ قيمىلدارى تۇگەلدەي شەگىندىرىلىپ، 15717 مۋ جەر قۇرىلىمى مەن وسىمدىك جامىلعىسى قالپىنا كەلتىرىلدى.
جۇڭگوداعى ەڭ ۇلكەن ىشكى قۇرلىقتىق تۇششى كول − باعراش كولىندە 2018 - جىلدان 2021 - جىلعا دەيىن 592 ميلليون تەكشەمەتر ەكولوگيالىق سۋ جەتكىزىلىپ، ەكولوگيالىق سۋ جەتكىزۋ مەن ەكولوگيالىق سۋ تولىقتاۋ مىندەتىن جوسپاردان اسىرا ورىنداپ، سۋ ورتاسىنىڭ ساپاسى ۇزدىكسىز جاقساردى.
مەملەكەت دارەجەلى سازدىق باقشاسى − ساياپىل كولىندە كولدىڭ كولەمى 2014 - جىلداعى 0.18 شارشى كيلومەتردەن بىرتىندەپ 2020 - جىلعى 20.92 شارشى كيلومەترگە دەيىن قالپىنا كەلىپ، تاعى دا قايتادان قارا لايلەك، سۇر تىرنا، بارىلداۋىق تىرنا سياقتى قۇستاردىڭ دامىلداپ، اسىر سالاتىن سايرانباعىنا اينالدى.
ەكولوگيالىق حاۋىپسىزدىك قالتقىسىن ونان ارى بەكەمدەۋ ءۇشىن، «اۆتونوميالى رايوننىڭ ”ءۇش شەك، ءبىر ءتىزىم“ ەكولوگيالىق ورتانى وڭىرگە ءبولىپ باسقارۋ - تىزگىندەۋ جوباسى» شىعارىلىپ، 14 ايماقتا (وبلىس، قالا) ”ءۇش شەك، ءبىر ءتىزىم“ جەتىستىكتەرى تياناقتاندى.
”جاسىل قالقان“ ارناۋلى ارەكەتىن جانە جاراتىلىستىق قورىق رايونىنداعى ادامزات قيمىلىن الىستان بارلاپ باقىلاۋ - تەكسەرۋدەگى كۇدىكتى ماسەلەلەردى ناق مايدانعا بارىپ تەكسەرۋدى جانە ماسەلەنى ءبىر جايلى ەتۋدى ۇزدىكسىز ورىستەتتى.
ەرتىس وزەنى الابىنداعى، تارىم وزەنىنىڭ ماڭىزدى قاينارى رايونىنداعى (اقسۋ وزەنى الابى) تاۋ، سۋ، ورمان، اتىز، كول، جايلىم ەكولوگياسىن قورعاۋ، قالپىنا كەلتىرۋ سياقتى كەلەلى ەكولوگيالىق ينجەنەريالاردى اتقارىپ، قورعانىس ورمانى جۇيەسى قۇرىلىسىن، سۋ مەن توپىراقتىڭ زايا بولۋىن جانە توپىراقتىڭ قۇمايتتانۋىن جونگە سالۋدى ۇزدىكسىز ىلگەرىلەتتى. جيىنى 11 ميلليون 166 مىڭ 500 مۋ ورمان وتىرعىزىپ، 6 ميلليون 837 مىڭ 800 مۋ ورماندى جەتىلدىرىپ، 21 ميلليون 498 مىڭ 500 مۋ قۇمايتتانعان جەردى جونگە سالدى.
جاسىلداندىرۋ قۇرىلىسىن بەلسەنە ىلگەرىلەتتى. 2018 - جىلدان بەرى رايونىمىز مەملەكەتتىك ەكولوگيالىق وركەنيەت قۇرىلىسىنان ۇلگى كورسەتۋ رايونىنان جەتەۋىن، ”تۇنىق سۋ، جاسىل تاۋ − باعالى بايلىق“ امالياتتىق جاڭالىق اشۋ بازاسىنان ەكەۋىن قۇردى.
ونەركاسىپتى جاسىل دامىتۋ ارناۋلى قيمىلىن ىشكەرىلەي ىلگەرىلەتتى. جاسىل جاساۋدىڭ تيبىن جاڭالاپ دارەجەسىن ءوسىرۋدى جەبەپ، اۆتونوميالى رايون دارەجەلى جانە ودان جوعارى دارەجەلى جاسىل زاۆودتان 135ىن، جاسىل باقشا رايونىنان 9ىن جەتىلدىردى. مەملەكەت دارەجەلى جاسىل كەن تاۋدان 67سىن قۇردى.
ءتۇزىمدى كەمەلدەندىرىپ، باياندى ىلگەرىلەتتى
باس شۋجي شي جينپيڭ ەكولوگيالىق ورتانى قورعاۋدا، ءسوزسىز، تۇزىمگە سۇيەنۋ، زاڭمەن باسقارۋعا سۇيەنۋ كەرەكتىگىن باسا دارىپتەگەن بولاتىن.
«ەكولوگيالىق ورتانى قورعاۋدى جاپپاي كۇشەيتىپ، لاستانۋدان ساقتانۋدان جانە ونى جونگە سالۋدان قامال الۋ شايقاسىن باتىل ويداعىداي جۇرگىزۋ جونىندەگى اتقارۋ جوباسى»، «شينجياڭ قورشاعان ورتانى قورعاۋ جوباسى (2018 − 2022 - جىل)»، «اۆتونوميالى رايوننىڭ اشىق اسپاندى قورعاۋ شايقاسىنىڭ جەڭىسىنە جەتۋ 3 جىلدىق ارەكەت جوسپارى (2018 − 2020 - جىل)»... 2018 - جىلدان بەرى اۆتونوميالى رايون ەكولوگيالىق ورتانى قورعاۋعا قاتىستى 120دان استام زاڭ ەرەجە، ساياسات، حۇجات شىعاردى. جەر - جەر، قاتىستى تاراۋلار وسىعان سايكەستى ساياسات، ءادىس سياقتىلاردى ىركەس - تىركەس شىعارىپ، ۇزاق ءونىمدى مەحانيزمدى ۇزدىكسىز كەمەلدەندىرگەندىكتەن، تۇتاس قوعامدا ورتانى قورعاۋدى باقىلاۋ، تەكسەرۋ، رەتتەۋ - تۇزەتۋ قىزمەتىن بىرگە ويداعىداي ىستەيتىن اۋقىم قالىپتاستى.
سونىمەن بىرگە رەتتەۋ - تۇزەتۋ مىندەتىن تياناقتاندىرۋدى بەلسەنە ىلگەرىلەتۋ ءۇشىن، اۆتونوميالى رايون لاستانۋدان ساقتانۋ جانە ونى جونگە سالۋدان قامال الۋ شايقاسىنىڭ ناتيجەلەرىن باعالاۋدى اتقارۋ جوباسى مەن كورسەتكىشتەرىنە ءنومىر قويۋ ەگجەي - تەگجەيلى ەرەجەسىن العا قويىپ، قۋزاۋ - تەكسەرۋدە اڭىس ەتىلگەن ماسەلەلەردى رەتتەۋ - تۇزەتۋدىڭ تياناقتاندىرىلۋ جاعدايىن ءار دارەجەلى باسشىلىق القالارىن جانە باسشى كادرلاردى باعالاۋدىڭ ماڭىزدى مازمۇنىنا ەنگىزىپ، قاتاڭ كورسەتكىشپەن، شىنايى باعالاۋمەن جاۋاپكەرشىلىكتى تياناقتاندىرۋدى ساتى - ساتى بويىنشا ىلگەرىلەتتى.
بۇدان سىرت، لاستانۋدى تەمىردەي تەگەۋرىنمەن جونگە سالۋدى ۇدايىلاندىرۋدى زور كۇشپەن ىلگەرىلەتتى. 2018 - جىلدان بەرى ”ەكىنى ءوز قالاۋىمەن تاڭداۋ، ءبىردى اشىق ۇستاۋدى“ اتقارىپ، لاستاۋ قاينارى بويىنشا كۇندەلىكتى 49 مىڭ 5 ورىندى(رەت) باقىلاپ باسقارىپ، ەكولوگيالىق ورتاعا قاتىستى اكىمشىلىك جازا دەلوسىنان 6099ىن ءبىر جايلى ەتتى، بيڭتۋان مەن جەرگىلىكتى ورىن ”12369“ قورشاعان ورتانى قورعاۋ بويىنشا اشكەرەلەۋ تەلەفونى ارقىلى جيىنى 14 مىڭ 376 دەرەكتى قابىلدادى.
قورشاعان ورتانى لاستاعان جانە ەكولوگيانى بۇلدىرگەن زاڭعا، ەرەجەگە قايشى ارەكەتتەرگە قاتاڭ سوققى بەرىپ، ەكولوگيالىق ورتانى قورعاۋ سالاسىندا قورشاعان ورتا بويىنشا زاڭ اتقارۋدىڭ كوپ ءتۇرلى ارەكەتىن ورىستەتتى.
اۆتونوميالى رايوندىق پارتكوم مەن ۇكىمەت ىلگەرىندى - كەيىندى ورتالىق ەكولوگيالىق ورتانى قورعاۋدى قۋزاۋ - تەكسەرۋ كەڭسەسى شينجياڭعا وتكىزىپ بەرگەن ورتالىق قورشاعان ورتانى قورعاۋدى قۋزاۋ - تەكسەرۋ جانە كەلەلى ەكولوگيالىق ورتا ماسەلەلەرىنە قاتىستى جاۋاپتىلاردى قاتاڭ جاۋاپقا تارتتى.
جاڭا جاعداي، جاڭا مىندەت الدىندا، بيڭتۋان مەن جەرگىلىكتى ورىن ”ءبىر تۇتاس جۇيە“ ەكەندىگىن ۇزدىكسىز كۇشەيتتى، شينجياڭ قورشاعان ورتانى قورعاۋ كوميتەتى قۇرىلىپ، بيڭتۋان مەن جەرگىلىكتى ورىننىڭ ”ءبىر تۇتاس جوبا، ءبىر تۇتاس ساياسات، ءبىر تۇتاس ولشەم، ءبىر تۇتاس تالاپ، ءبىر تۇتاس ىلگەرىلەتۋ“ سىندى قورشاعان ورتانى قورعاۋدى سايكەستى جونگە سالۋ جۇيەسى ورناتىلدى.
2021 - جىلى اۆتونوميالى رايون بيڭتۋانمەن بىرلەسىپ، ولكە دارەجەلى قۋزاۋ - تەكسەرۋدى باستاپ، ونى ورتالىق ەكولوگيالىق ورتانى قورعاۋدى قۋزاۋ - تەكسەرۋىنىڭ جالعاسى جانە تولىقتاماسى ەتتى. 8 ەكولوگيالىق قورشاعان ورتانى قورعاۋدى قۋزاۋ - تەكسەرۋ گرۋپپاسىن قۇرىپ، ”ءۇرىمجى − سانجى − شىحىزى“، ”كۇيتۇن − مايتاۋ − شيحۋ“ ءوڭىرى جانە ىلە وزەنى اڭعارىنا قاتىستى ايماقتا (وبلىس، قالا)، بيڭتۋانعا قاتىستى شى، قالالاردا ەكولوگيالىق ورتانى قورعاۋ داعدىلى قۋزاۋ - تەكسەرۋىن جانە اتموسفەرانى ارناۋلى قۋزاۋ - تەكسەرۋىن ورىستەتتى.
اۆتونوميالى رايوننىڭ ەكولوگيالىق ورتانى قورعاۋدى قۋزاۋ - تەكسەرۋ پىكىرى 63 كورنەكتى ماسەلەنى، قاتىستى ايماقتار (وبلىس، قالا) رەتتەپ، سالالاپ، ەگجەي - تەگجەيلىلەندىرەتىن 193 ماسەلەنى اڭىس ەتىپ اتاپ كورسەتتى. 2022 - جىلى 2 - ايدىڭ 15 - كۇنىنە دەيىن 193 ماسەلەنىڭ 32سىن تاباندا ارەكەتكە كەلىپ، تاباندا تۇزەتتى، 161ى رەتتەپ - تۇزەتىلۋ ۇستىندە.
2022 - جىلى 3 - ايدىڭ 25 - كۇنىنەن 4 - ايدىڭ 25 - كۇنىنە دەيىن ورتالىق ەكولوگيالىق ورتانى قورعاۋدى قۋزاۋ - تەكسەرۋ 5 - گرۋپپاسى شينجياڭدا 2 - كەزەكتى ەكولوگيالىق ورتانى قورعاۋدى قۋزاۋ - تەكسەرۋ ورىستەتىپ، رايونىمىزدىڭ ەكولوگيالىق وركەنيەت قۇرىلىسىن قايتالاي ”جالپى بەتتىك تەكسەرىپ“، شينجياڭنىڭ ەكولوگيالىق قورشاعان ورتانى قورعاۋ سالاسىندا ساقتالعان ماسەلەلەردىڭ ”تامىرىن ۇستاپ، دياگنوز قويدى“.
2022 - جىلى 6 - ايدىڭ 1 - كۇنى ورتالىق ەكولوگيالىق ورتانى قورعاۋدى قۋزاۋ - تەكسەرۋ 5 - گرۋپپاسى اۆتونوميالى رايونعا جانە شينجياڭ ءوندىرىس - قۇرىلىس بيڭتۋانىنا قۋزاۋ - تەكسەرۋ پىكىرىن اڭىس ەتتى.
قازىرگە دەيىن جايعاسىپ ورنالاسۋ مەزگىلىندەگى قۋزاۋ - تەكسەرۋ گرۋپپاسى اۆتونوميالى رايوننىڭ بىتىرۋىنە وتكىزگەن 2087 ارىز - ارمان ىستەرىنىڭ ىشىندە بىتىرىلگەنى نەمەسە كەزەڭدىك بىتىرىلگەنى 1900 بولىپ، ءبىتىرىلۋ سالىستىرماسى ％91.04كە جەتتى. اڭىس ەتىلگەن پىكىردە اتاپ كورسەتىلگەن 4 جاقتاعى 15 ءتۇرلى ماسەلەنى اۆتونوميالى رايون قاتاڭ نەگىزگى اۋەننەن جازباي، رەتتەۋ - تۇزەتۋ قىزمەت جوباسىن دالمە - ءدال، عىلمي جاساۋدا.
كورىكتى شينجياڭنىڭ اسپانىنىڭ اناعۇرلىم اشىق، تاۋىنىڭ اناعۇرلىم جاسىل، سۋىنىڭ اناعۇرلىم تۇنىق بولۋى ءۇشىن، رايونىمىز قۋزاۋ - تەكسەرۋدە اڭىس ەتىلگەن ماسەلەلەردى رەتتەۋ - تۇزەتۋدى قوزعاۋشى كۇش ەتىپ، قۋزاۋ - تەكسەرۋ بويىنشا رەتتەۋ - تۇزەتۋدىڭ قالعان جۇمىستارىن قاتاڭ، ناقتى تۇردە ويداعىداي ىستەۋدە، اسپانى اشىق، جەرى جاسىل، سۋى تۇنىق كورىكتى شينجياڭ قۇرۋ ماڭگى جالعاسا بەرەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
