قىستاق تۇرعىندارىنىڭ جايدارى ءجۇزى − العا باسۋدىڭ قوزعاۋشى كۇشى
− اۆتونوميالى رايوندىق تاڭداۋلى پارتيا ىستەرى قىزمەتكەرى ايان نۇرقۇمار جونىندە
□ انار بۇلت \ شينجياڭ گازەتىنىڭ ءتىلشىسى جاڭ تيڭ
2022.07.13 16:32 كەلۋ قاينارى : شينجياڭ گازەتى
”اسكەريدەن نەگىزگى ساتى قىزمەتكەرىنە دەيىن، مەنىڭ سالاۋاتىمدا وزگەرىس بولعانىمەن، حالىق ءۇشىن قىزمەت وتەۋ اۋەلگى ماقساتىم وزگەرگەن جوق. ءبىزدىڭ قىزمەتىمىز، شىنىندا، وتە جاپالى، الايدا ءار جولى قىستاق تۇرعىندارىنىڭ جايدارى ءجۇزىن كورگەنىمدە، ەڭبەگىمنىڭ تاتىرلىق ەكەنىن سەزىنەمىن، بۇل مەنى العا باسۋعا جىگەرلەندىرەتىن ەڭ زور قوزعاۋشى كۇش“، - دەدى 7 - ايدىڭ 1 - كۇنى التاي قالاسى قاراشىلىك اۋىلى جالشي قىستاعى پارتيا ياچەيكاسىنىڭ شۋجيى ايان نۇرقۇمار تىلشىگە.
مىندەت وتەگەن 3 جىلدان بەرى ول قىستاق تۇرعىندارىن باستاپ كوپىر سالىپ، جول جوندەپ، 3 - جاق قارجى قوسۋشىلاردى ەنگىزىپ، تومەن كىرىستى وتباسىلارعا جۇمىستانۋ جاعىنان كومەكتەسىپ، سۇيەمەلدەپ، قىستاق تۇرعىندارىن بىرگە دامىپ، تاماشا تۇرمىس كەشىرۋگە باستادى...
”پارتيا مەنى باۋلىدى، مەن ۇيىم ەڭ قاجەت ەتكەن جەرگە بارىپ، اۋىلداستاردىڭ تاماشا تۇرمىس كەشىرۋىنە مۇمكىندىك جاساۋىم كەرەك“. ايان نۇرقۇمار قاي - قاشان دا ”جاقسى القا قۇرۋدى، جاقسى قوسىن باۋلۋدى، دامۋدىڭ جاقسى جولىمەن ءجۇرۋدى، جاقسى قىزمەت مەحانيزمىن قالىپتاستىرۋدى“ نىسانا ەتۋگە تاباندى بولىپ، جالشي قىستاعىنىڭ ءىس جۇزىندىگىمەن تىعىز بىرلەستىرىپ، قىستاق كادرلارىن جانە ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىن باستاپ، ”ياچەيكا شۋجيى جالپى جاعدايدى ءبىر تۇتاس مەڭگەرۋ جانە القا قوسىنىن مىقتى ۇستاۋ، قىستاق كادرلارى اۋماق باستىعى بولۋ، قىزمەت اترەتى جەتەكشى بولۋ، پارتيا مۇشەلەرى اۆانگارد بولۋ“ سىندى قىزمەت ۇلگىسىن قاراستىرىپ، قىستاق تۇرعىندار كوميتەتىنىڭ قىزمەت ونىمدىلىگىن ءونىمدى جوعارىلاتتى.
ول اپتا سايىن قىستاق گرۋپپالارىنا بارىپ ىشكەرىلەي تەكسەرۋ جۇرگىزىپ، ءارقايسى پارتيا شاعىن گرۋپپاسىنىڭ پارتيا قۇرىلىسى قىزمەتىن ىلگەرىلەتۋ جاعدايىن ناقتى ورىندا ۇعىسىپ، ارالاپ جاعداي ۇعىسۋ، تەكسەرۋ جۇرگىزۋ ارقىلى ناقتى جاعدايدى انىق ءبىلىپ، كاسىپكە قانىعىپ، قابىلەتىن شىڭداپ، وي جەلىسىن ايقىنداپ، قىزمەتتىڭ تابان تىرەر تياناعىن تاپتى.
”بۇرىن كەيبىر قيىنشىلىعى بار وتباسىلاردىڭ كومەكتەسسەڭ دە بايىمايتىن، قول ۇشىن بەرسەڭ دە جاقسارمايتىن باستى سەبەبى، ولاردا بايۋعا بولعان جىگەر مەن باتىلدىق كەمشىل، ءوز كۇشىنە سۇيەنىپ ءومىر سۇرەتىن كاسىپتىك شەبەرلىك جەتكىلىكسىز“. ايان نۇرقۇمار كوپ جاقتان ىسكە كىرىسىپ، قىستاق تۇرعىندارىنىڭ جۇمىستانۋ قيىنشىلىعىن شەشتى.
ايان نۇرقۇماردىڭ ءبىر جاۋىنگەر سەرىگى : ”اياننىڭ تەلەفون بەرگەنىنەن باسقا ەشنارسەدەن قورىقپايمىن...“، - دەپ ازىلدەدى. ايان نۇرقۇمار كوپتەگەن ”جەكەلىك بايلانىسىن“ ىسكە قوسىپ، قىستاقتاعى قارىمدى جاستاردى سىرتقا شىعىپ جۇمىستانۋعا تانىستىرىپ، ولاردىڭ قوس قولىنا سۇيەنىپ ەڭبەك ىستەپ بايۋىنا مۇمكىندىك جاسادى. 3 جىلدا ايان نۇرقۇمار ءوزىنىڭ جاۋىنگەر سەرىكتەرى، ساباقتاستارى ارقىلى 56 قىستاق تۇرعىنىن سىرتقا شىعىپ جۇمىستانۋعا تانىستىردى.
وتباسى جاعدايى كۇردەلى، سىرتقا شىعىپ جۇمىستانا المايتىن قىستاق تۇرعىندارىنا قاراتا، ايان نۇرقۇمار قىستاق تۇرعىندارىن جۇمىستانۋ شەبەرلىگىنە باۋلۋدى كۇشەيتىپ، جۇمىستانۋ، شارۋاشىلىق قۇرۋ تۇعىرىن ورناتۋعا سوڭىنا ءتۇسىپ كومەكتەسىپ، قىستاق تۇرعىندارىنىڭ كىرىسىن ارتتىرىپ بايۋ ارناسىن كەڭەيتتى.
قازىر جالشي قىستاعىنان اشىلعان ءماريا چيلى بالكۇلشە دۇكەنىندە قاريدارلاردىڭ اياعى ۇزىلمەيدى، دۇكەن قوجايىنى ءماريا ماقان مەن كۇيەۋى توتەنشە قاربالاس.
”بۇرىن ەشقانداي تەحنيكانىڭ تەتىگىن بىلمەگەندىكتەن، تەك ەكەۋىمىزدىڭ جان - جاقتان قارا جۇمىس ىستەپ تاپقان اقشامىزبەن ارەڭ تۇرمىس كەشىرەتىنبىز، ايان شۋجيدىڭ كومەگىندە قىستاق تۇرعىندار كوميتەتىنىڭ ەسكى جيىن زالىنان بالكۇلشە دۇكەنىن اشتىق“، - دەدى ءماريا شاتتانا، قازىر ونىڭ بالكۇلشە دۇكەنى تاياۋ ماڭداعى 6 ەرەن بازارىن زاتپەن قامداپ، جىل سايىن 250 مىڭ يۋان كىرىس كىرگىزەدى، اۋەل دەسەڭىز ونىڭ شاعىن دۇكەنى 3 قىستاق تۇرعىنىن جۇمىستاندىردى.
ەرەكشە كاسىپ سالاسىن دامىتۋدىڭ بال ءدامىن تاتقان سوڭ ايان نۇرقۇمار بالكۇلشە دۇكەنىن ۇلگى ەتىپ، ”پارتيا ياچەيكاسى + سەلبەستىك كووپەراتيۆ“ ءوندىرىس تيجارات ۇلگىسىن تۇلعالاپ، ىلگەرىندى - كەيىندى كەستەحانا، ناۋبايحانا سياقتى 10نان ارتىق ساۋدا دۇكەنىن قۇردى.
ايان نۇرقۇمار بىلاي دەدى: قازىر بۇقارانىڭ قالتاسى قامپايدى، رۋحاني دۇنيەنى دە بايىتا ءتۇسۋ قاجەت. ول قىستاقتاعى پارتيالى كادرلار مەن بايۋ باستاماشىلارىن اتتانىسقا كەلتىرىپ، ولەڭ جازىپ، دومبىراعا قوسىپ ايتۋ ارقىلى پارتيانىڭ ابزال ساياساتىن قىستاقتا جىرلادى.
ايان نۇرقۇماردىڭ قۇلشىنا قىزمەت ىستەۋىنىڭ ارقاسىندا جالشي قىستاعىنىڭ نەگىزگى ساتى ۇيىمىنىڭ قۇرىلىسى جاڭا بەلەسكە كوتەرىلىپ، پارتيا ياچەيكاسىنىڭ ۇيىسۋ قۋاتى، ۇيىمداستىرۋ قۋاتى جانە بەدەلى ۇزدىكسىز جوعارىلادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
