چىن مين:
90 - جىلداردا تۋىلعان، قاربالاس بولسا دا قۋانىشتى سەرىك ەتكەن الەۋمەتتىك اۋماق ”قوجايىنى“
□ انار بۇلت \ شينجياڭ گازەتىنىڭ ءتىلشىسى جاڭ يانفاڭ
2022.07.13 16:33 كەلۋ قاينارى : شينجياڭ گازەتى
”اتا، اجەم ەكەۋىڭىزدى كورگەلى كەلدىك، ەكەۋىڭىزگە قاجەتتى دۇنيە بولسا بىزگە تەلەفون شالساڭىز بولعانى دەرەۋ جەتىپ كەلەمىز...“ 7 - ايدىڭ 1 - كۇنى قۇمىل قالاسى يجوۋ رايونى شىيوۋ شينچىڭ ءمالىسى نانحۋان جولى الەۋمەتتىك اۋماعى پارتكومىنىڭ شۋجيى چىن مين قاراستى اۋماقتىڭ تۇرعىنى، 85 جاستاعى گو سۇڭدىنىڭ ۇيىنە امانداسا كەلدى.
بىلتىر 4 - ايدا گو سۇڭدىنىڭ سالدانىپ توسەك تارتىپ جاتقان جۇبايى تۇتقيىل اۋىرىپ، ەسىنەن تانىعاندا، چىن مين شيپاحانامەن بايلانىس جاسايدى، سونداي - اق الەۋمەتتىك اۋماق كادرلارىن باستاپ قارتتاردى عيماراتتان كوتەرىپ الىپ ءتۇسىپ، قۇتقارۋ اۆتوكولىگىنە شىعارادى. ”جۇبايىم ىلگەرىندى - كەيىندى 3 رەت بالنيتساعا جاتىپ ەمدەلدى، شياۋچىن شۋجي ءار جولى كومەكتەسەدى، بىزگە بار پەيىلىمەن قارايلاسادى، بەينە ءبىزدىڭ نەمەرە قىزىمىز سياقتى“، - دەدى گو سۇڭدى اسەرلەنە.
بيىل 29 جاستاعى چىن مين مەكتەپ بىتىرە سالا الەۋمەتتىك اۋماققا كەلىپ قىزمەت ىستەپ، جۇمىسىن تاباندىلىقپەن 6 جىل جالعاستىرادى. الەۋمەتتىك اۋماقتىڭ قىزمەتى ۇساق - تۇيەك جۇمىستارعا تولى بولادى، ول ءار كۇنى وتە قاربالاس بولعانىمەن، سول قاربالاستىقتان قۋانىش تابا بىلەتىن.
”مەن بالا كەزىمدە تەلەۆيزوردان «قولى بوس ما اپاي» مەلودراماسىن كورگەنمىن، اق كوڭىل ما اپايدىڭ كورشىسىنە قالىڭدىق تانىستىرۋى، داۋ - شاردى جاراستىرۋى سياقتى ىستەرى ماعان تەرەڭ اسەر قالدىرعان ەدى“. چىن مين بىلاي دەدى: ”ءبىز الەۋمەتتىك اۋماق قىزمەتىن جاقسى ىستەۋدە ما اپاي سەكىلدى باۋىرمال بولۋمەن بىرگە، ءتىپتى دە سابىرلى بولىپ جاۋاپكەرشىلىك ارقالاپ، قىزمەت ءادىسىن ويداعىداي يگەرگەندە عانا، الەۋمەتتىك اۋماقتىڭ ۇلكەندى - كىشىلى ىستەرىن ويداعىداي ىستەي الامىز“.
نانحۋان جولى الەۋمەتتىك اۋماعىندا 4430 وتباسى بار، مۇناي كاسىپورنىنىڭ تۇرمىس بازاسى رەتىندە، قاراستى اۋماقتا قارتتار مەن بالالاردىڭ سانى مول، قىزمەتكە شىعاتىندار دا مول ەدى. ”ەكىنى جەڭىلدەتۋ“ ساياساتى اتقارىلۋدان بۇرىن قاراستى رايونداعى ءبىر ءبولىم باستاۋىش مەكتەپ وقۋشىلارىنىڭ وقۋدان تاراعاننان كەيىن قاراۋسىز قالۋ ماسەلەسىن شەشۋ ءۇشىن چىن مين قاراستى رايونداعى مەكتەپتەردى، الەۋمەتتىك اۋماقتاردى، وتباسىلارىن ءبىر تۇلعالاندىرعان وقۋ - اعارتۋ ۇلگىسىن ورناتۋ جونىندە بەلسەنە ىزدەنىس جاساپ، الەۋمەتتىك اۋماقتا ”ليڭديان مەكتەبىن“ اشتى ءارى ونى فورماسى سالىستىرمالى تۇراقتى، مازمۇنى سالىستىرمالى تۇردە كەمەلدى باسقارۋ ۇلگىسىنە اينالدىردى، ”اتا - انالار جانىندا بولماسا، ءبىز بارمىز، مەكتەپ وقۋدان تاراتسا، ءبىز جالعاستى وقىتامىز“ دەگەندى بەلگىلى دارەجەدە جۇزەگە اسىردى، ەرىكتىلەر مەن الەۋمەتتىك اۋماق كادرلارى بالالارعا تاپسىرمانى تەگىن پىسىقتاتىپ بەرىپ، جاستار مەن ورەندەردىڭ ”الاڭسىز ايلاعىن“ قالىپتاستىرىپ، اتا - انالاردى ۋايىمنان ارىلتتى.
”بىلتىر 9 - ايدان باستاپ’ليڭديان مەكتەبى‘ مەرەكە، دەمالىس كۇندەرىندە اشىلاتىن مەكتەپكە وزگەرتىلدى، بالالاردىڭ الەۋمەتتىك اۋماققا كەلىپ كىتاپ وقۋىنا، تاپسىرما جازۋىنا، قىزىل كينو كورۋىنە بولادى“. چىن مين بىلاي دەدى: قازىر ءدال جازعى دەمالىس كەزى، مۇندا ءار كۇنى بالالار دەرلىك كەلەدى، شىفان مەكتەبىنەن وقۋ تاۋىسقاندىعىم سەبەپتى، بالالاردىڭ تاپسىرماسىن پىسىقتاۋى جاعىندا ارتىقشىلىعىمدى ساۋلەلەندىرۋىمە ابدەن بولادى. بالالار تاعى الەۋمەتتىك اۋماق ۇيىمداستىرعان ءتۇرلى ەرىكتى قيمىلدارعا قاتىناسىپ، دەمالىس كەزىندەگى تۇرمىسىن ءماندى دە ماعىنالى وتكىزۋىنە بولادى.
الەۋمەتتىك اۋماق شاعىن بولعانىمەن، سان مىڭداعان وتباسىلارىمەن جالعاسىپ جاتىر، پارتكوم مەن ۇكىمەتتىڭ بۇقارامەن بايلانىس جاسايتىن، بۇقاراعا قىزمەت وتەيتىن جۇيكە تامىرى، تۇرعىنداردىڭ تىنىش ءومىر، شات - شادىمان تىرشىلىك كەشىرەتىن مەكەنى. چىن مين بىلاي دەدى: تۇرعىنداردىڭ قيىنشىلىعىن، تالاپ - تىلەكتەرىن مۇمكىندىكتىڭ بارىنشا ويداعىداي شەشىپ قويماي، كەيبىر ىستەردە الدا ءجۇرۋ كەرەك.
تاياۋدا الەۋمەتتىك اۋماق قاراستى اۋماقتاعى شارتقا ۇيلەسەتىن، قوسىننان شەگىنگەن 300 نەشە اسكەريلەر ءۇشىن قوسىننان شەگىنگەن اسكەريلەرگە قامقورلىق كۋالىگىن الۋدى ءوتىنىش ەتتى، كوپ ساندى قوسىننان شەگىنگەن اسكەريلەر ەگدە تارتقان، ءجۇرىس - تۇرىسى قولايسىز بولعاندىقتان، چىن مين الەۋمەتتىك اۋماق كادرلارىمەن بىرگە وتباسى سايىن ارالاپ تىزىمگە الىپ، ولاردىڭ ينفورماتسياسىن كومپيۋتەرگە ەنگىزدى.
2020 - جىلى جاڭا تيپتى ايدارشا ۆيرۋس وكپە قابىنۋ ىندەتى تۋىلعان كەزدە چىن مين پارتيا مۇشەلەرى ەرىكتى قىزمەت وتەۋ اترەتىن قۇرىپ، تۇرمىستىق زاتتىق ماتەريالداردى كوتەرىپ، عيمارات سايىن جوعارى - تومەن شاپقىلاپ، ءار كۇنى 20 مىڭ قادامنان استام جول باستى. قاراستى رايونداعى بەلگىلى تۇرعىن راك اۋرۋىن ەمدەيتىن ءدارىنى ءىشىپ تاۋىسقان سوڭ، ول دەرەۋ سايكەستىرىپ ساتىپ الىپ، جانعا اراشا بولاتىن ءدارىسىن دەر كەزىندە سول تۇرعىننىڭ ۇيىنە جەتكىزىپ بەرەدى...
الەۋمەتتىك اۋماقتىڭ ”قوجايىنى“ رەتىندە، 90 - جىلداردىڭ تۇلەگى چىن مين 70 - ، 80 - جىلداردىڭ تۇلەكتەرى بولعان 20 نەشە الەۋمەتتىك اۋماق كادرىن باستاپ، الەۋمەتتىك اۋماقتىڭ ۇلكەندى - كىشىلى ىستەرىن ءتارتىپتى تۇردە ءبىر جاقتى ەتتى. ”العاش قىزمەت ىستەگەن كەزىمدە ىشتەي ابىرجىعان ەدىم، تالەيىمە جاقسى باسشىعا كەز بولدىم، ول اقىرىنداپ ماعان قالاي ىستەۋدى ۇيرەتتى، ءبىزدى باستاپ ىستەدى، ودان كوپتەگەن بۇقارالىق قىزمەت تاجىريبەلەرىن ۇيرەندىم“، - دەدى چىن مين.
6 جىلدان بەرى چىن مين ءار كۇنى قاراستى اۋماقتاعى ۇلكەندى - كىشىلى كوشەلەردە قاربالاس جۇمىس ىستەپ، تۇرعىنداردى مازالاعان، ۋايىمداتقان، الاڭداتقان ىستەردى امالدىڭ بارىنشا شەشىپ، تۇرعىنداردىڭ قيىنشىلىعىن، تالاپ - تىلەگىن شەشۋىنە كومەكتەستى. تىنىم تاپپاي شاپقىلاۋ بارىسىندا ول جاستىق كوكتەمىن وتكىزگەنىمەن، ەسەيىپ - تولىستى.
”مەنىڭ جاستىق ورالىم الەۋمەتتىك اۋماقتا، تۇرعىندار مەنىڭ جان اشىر - جاقىنىم، ءار جولى تۇرعىندار ءۇشىن ءبىر ماسەلەنى شەشىپ بەرىپ، ولاردىڭ ءدان ريزا بولىپ قايتقانىن كورگەنىمدە، ىشتەي شاتتىققا بولەنەمىن“. چىن مين بىلاي دەدى: ”تۇرعىندار الەۋمەتتىك اۋماقتىڭ قىزمەت وتەۋىنەن الاڭسىزدىق پەن باقىتتى سەزىنسە، مىنە بۇل ءبىزدىڭ قىزمەتىمىزدىڭ ەڭ ۇلكەن قوزعاۋشى كۇشى بولىپ تابىلادى“.
2021 - جىلى چىن مين اۆتونوميالى رايوندىق تاڭداۋلى پارتيا ىستەرى قىزمەتكەرى بولىپ باعالاندى. كەلەسى قادامداعى نىسانانى تىلگە العاندا، چىن مين مىنانى ءبىلدىردى: بۇرىن جىڭجوۋدا تەكسەرۋدە، ۇيرەنۋدە بولىپ، جەرگىلىكتى ورىننىڭ زەردەلى الەۋمەتتىك اۋماق قىزمەتىنىڭ وتە جاقسى ىستەلگەندىگىن، قونىستانۋ كۋالىگىن ءبىتىرۋ سياقتى جۇمىستاردىڭ اۆتوماتتى ماشينادا تىكەلەي ورىندالاتىندىعىن، وتە قولايلى ەكەندىگىن كوردىم. ”مەن ءارقايسى تاراۋلاردىڭ، ورىنداردىڭ بىرگە قۇلشىنۋى ارقىلى الەۋمەتتىك اۋماق تۇرعىندارىنىڭ دا ينتەرنەتتە اناعۇرلىم كوپ جۇمىستاردى بىتىرۋىنە مۇمكىندىك جاسالۋىن ءۇمىت ەتەمىن. تۇرعىنداردىڭ باقىت سەزىمىن ۇزدىكسىز جوعارىلاتۋ − مەنىڭ ۇزدىكسىز قۇلشىناتىن بەتالىسىم“.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
