اۆتونوميالى رايون شارا بەلگىلەپ
فينانس بايلىعىن جەبەپ، بازار تۇلعالارىنىڭ قيىنشىلىعىن شەشۋىنە قولداۋ كورسەتتى
2022.07.13 16:31 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ران حۋ 7 - ايدىڭ 11 - كۇنى ۇرىمجىدەن حابارلايدى. اۆتونوميالى رايوندىق قازىنا مەڭگەرمەسى تاياۋدا «قازىنا ساياساتىنىڭ جەتەكشىلىك رولىن ساۋلەلەندىرىپ، فينانستى قولداپ، بازار تۇلعالارىنىڭ قيىنشىلىعىن شەشىپ، دامۋىنا دەم بەرۋ جونىندەگى حابارلاندىرۋدى» باسىپ تاراتىپ، قازىنا ساياساتىنان پايدالانىپ فينانس بايلىعىن ونان ارى جەبەپ، بازار تۇلعالارىنىڭ قيىنشىلىعىن شەشۋىن اناعۇرلىم ويداعىداي قولداپ، اۆتونوميالى رايون ەكونوميكاسىنىڭ ورنىقتى ارتۋى مەن جوعارى ساپالى دامۋىن قولداپ - قۋاتتادى.
اۆتونوميالى رايوندىق قازىنا مەڭگەرمەسىنىڭ قاتىستى جاۋاپتىسى بىلاي دەپ تانىستىردى: ۇكىمەتتىك قارجى قۇراۋ كەپىلدىك قۇرىلىمدارىنىڭ سەنىمدىلىكتى ارتتىرۋ رولىن ساۋلەلەندىرۋ ءۇشىن، رايونىمىز ورتا، شاعىن، ۇساق كاسىپورىنداردىڭ قارجى قۇراۋىنا كەپىلدىك ەتۋ، حاۋىپ - قاتەر بويىنشا تولەم بەرۋ مەحانيزمىن كەمەلدەندىرىپ، 2022 - جىلى قارجى قۇراۋ كەپىلدىك اقى مولشەرىن %1تەن تومەندەتۋ ساياساتىن ۇزدىكسىز اتقارىپ، ورتا، شاعىن، ۇساق كاسىپورىنداردىڭ قارجى قۇراۋ قيىن، قارجى قۇراۋ قىمبات بولۋ جاعدايىن جاقسارتادى. ساياسات سيپاتىندىق اۋىل شارۋاشىلىق سەنىمدى قارىز قارجى قۇراۋ كەپىلدىك قۇرىلىمدارى اۋىل شارۋاشىلىعىنىڭ لايىقتى كولەمدەگى شارۋاشىلىق تۇلعالارىن 100 مىڭ يۋان دا 3 ميلليون يۋانعا دەيىن ساياسات سيپاتىندىق اۋىل شارۋاشىلىق كەپىلدىك كاسىبىمەن قامدايدى.
«حابارلاندىرۋدا» شارۋاشىلىق قۇرۋ كەپىلدىك قارىز اقشاسى ءوسىمىن قازىنادان تولەۋ ساياساتىن ۇگىتتەۋ جانە اتقارۋ تەبىنىن ارتتىرۋ جاعىندا، جەر - جەردەگى قازىنا تاراۋلارى ادام كۇشى بايلىعى جانە قوعامدىق قامتاماسىزداندىرۋ تاراۋلارىمەن بىرگە شارۋاشىلىق قۇرۋ كەپىلدىك قارىز اقشاسىنىڭ ءوسىمىن قازىنادان تولەۋ ساياساتىن ۇگىتتەۋ جانە اتقارۋ تەبىنىن ارتتىرىپ، ساياساتقا، شارتقا ۇيلەسەتىن شارۋاشىلىق قۇرۋ كەپىلدىك قارىز اقشاسى ءوسىمىن بەلگىلى دارەجەدە قازىنادان شىعارۋى كەرەك، - دەپ ايقىن بەلگىلەنگەن.
اۆتونوميالى رايوندىق قازىنا مەڭگەرمەسى 2022 - جىلى ورتالىق قازىنادان جالپىعا ءتيىمدى فينانستى دامىتۋدان ۇلگى كورسەتۋ رايوندارىن قولداۋ بويىنشا شىعارعان 100 ميلليون يۋان سيلىق، كومەك قاراجاتىنان تولىق، ويداعىداي پايدالانىپ، ىلە قازاق اۆتونوميالى وبلىسىنىڭ قورعاس قالاسىنا، ءۇرىمجى قالاسىنىڭ تيانشان رايونىنا، اقسۋ ايماعىنىڭ جالپىعا ءتيىمدى فينانستان ۇلگى كورسەتۋ رايونىنا جەتەكشىلىك ەتىپ، قۋزاستىرىپ، فينانس بايلىعىنىڭ شاعىن، ۇساق كاسپورىندارىنا، اۋىل شارۋاشىلىعى، اۋىل - قىستاق، شارۋالار سياقتى ءالسىز سالالارعا قىزمەت وتەۋىنە جەتەكشىلىك ەتتى.
اۋىل شارۋاشىلىق قامسىزداندىرۋدى حاۋىپ - قاتەر بويىنشا قامتاماسىزداندىرۋ دەڭگەيىن جوعارىلاتۋ ءۇشىن، اۆتونوميالى رايوندىق قازىنا مەڭگەرمەسى كوتەرمەگە العان قۇرىلىمداردىڭ اۋىل شارۋاشىلىق قامسىزداندىرۋ قاراجاتى مولشەرىن رەتتەۋ مەحانيزمىن جانە قامتاماسىزداندىرۋ دەڭگەيىن يكەمدى رەتتەۋ مەحانيزمىن بىرتىندەپ ورناتۋىنا جەتەكشىلىك ەتىپ، قازىنالىق قوسىمشا قاراجات نەگىزگى قامسىزداندىرۋ، ساۋدالىق قامسىزداندىرۋ جانە قوسىمشا قامسىزداندىرۋ ءوزارا ۇشتاستىرىلعان اۋىل شارۋاشىلىق قامسىزداندىرۋ ونىمدەرى جۇيەسىن قالىپتاستىرۋ جونىندە ىزدەنىس جاساپ، قامسىزداندىرۋدى قامتاماسىز ەتۋ دەڭگەيىن جوعارىلاتادى. وڭتۇستىك شينجياڭداعى 4 ايماق - وبلىستىڭ جاڭعاق، شىلان، ورىك، بادام، الما، ءجۇزىم ەگۋ اۋىل شارۋاشىلىعى قامسىزداندىرۋ قاراجاتىنا %35 قوسىمشا قاراجات بەرەدى. سويىس سيىر، سويىس قوي سياقتى باستى باعىمشىلىق ءونىم ءتۇرىن كولەمدەندىرۋ، ولشەمدەندىرۋ نەگىزى ءبىرشاما جاقسى اۋدانداردا، قالالاردا قامسىزداندىرۋ قۇرىلىمدارىنىڭ ساۋدا سيپاتىندىق باعىمشىلىق كاسىبىن قامسىزداندىرۋ سىناق ءتۇيىنى جاعىندا ىزدەنىس جاساۋىنا جەتەكشىلىك ەتىپ شابىت بەرەدى.
«حابارلاندىرۋدا» مىنالار تالاپ ەتىلگەن: اۆتونوميالى رايونىمىز قازىنانىڭ كوتەرىمدىلىك قۋاتى جول بەرگەن كولەمدە ءار دارەجەلى ۇكىمەت نەگىزدىك قۇرىلعى، الەۋمەتتىك قىزمەت وتەۋ سالاسىندا PPP ۇلگىسىنەن پايدالانۋدى بارىنشا جالپىلاستىرۋ كەرەك. كاسىپورىنداردىڭ بازارعا قاتىناسۋ بەلسەندىلىگىن ۇزدىكسىز جوعارىلاتۋ ءۇشىن، اۆتونوميالى رايون كاسىپورىنداردى بازارعا قاتىناسۋ ساياساتى ارقىلى جەتەكتەۋ ارناۋلى قارجىسى رەتىندە قازىنادان ءار جىلى 10 ميلليون يۋان شىعارىپ، كاسىپورىنداردىڭ كومەك قاراجاتى، قىزمەت وتەۋ قۇرىلىمدارىنىڭ سيلىق قاراجاتى جانە قاتىستى قىزمەت قاراجاتى رەتىندە پايدالانادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
