ماڭگى شينجياڭدىق بولۋعا پەيىل
□ انار بۇلت \ شينجياڭ گازەتىنىڭ ءتىلشىسى ليۋ شياڭ
2022.07.13 16:29 كەلۋ قاينارى : شينجياڭ گازەتى
جاسىل القاپ ءشول دالانى جيەكتەپ، جىبەك جولى تيانشان تاۋىن ەندەي وتەدى، بۇل ارا وتانىمىزدىڭ باتىس بولىگىندەگى كورىكتى شينجياڭ.
كوز جاۋىن الاتىن كوركەم كورىنىستەر، الۋان ءتۇرلى ۇلتتىق سالت - سانا، گۇلدەنگەن سان - سالالى كاسىپتەر ... جۇرتتىڭ ءبارى شينجياڭ جاقسى جەر دەيدى.
”ماڭگى شينجياڭدىق بولۋعا پەيىلمىن“! 8 جىلدىڭ الدىندا باس شۋجي شي جينپيڭ شينجياڭدا قىزمەت تەكسەرگەندە شينجياڭنىڭ بايلىعى مول، قورى كوپ دەپ القاعان بولاتىن. ىقىلاستى سۇيىسپەنشىلىك، مەيىرىمدى سوزدەر ءاربىر شينجياڭدىقتىڭ كوڭىلىنە جىلۋ سيلاپ، قالىڭ كادرلار مەن بۇقارانى بولاشاقتى كوزدەي وتىرىپ ىنتىماقتاسا كۇرەس جۇرگىزۋگە جىگەرلەندىردى.
ياڭگۋاننان وتكەندە كوركەم كورىنىس كوز تارتادى
ياڭگۋاننان وتكەن جەر − قارلى تاۋلار مەن ءشول دالالار كوسىلىپ جاتقان، اسقار تاۋلار، وزەن - كولدەر جانە بايىرعى ورمان - توعايلار ءبىر - بىرىنە كورىك قوسقان الەم.
جاز ماۋسىمىنداعى شينجياڭ بەينە ۇزىننان - ۇزاققا سوزىلىپ جاتقان كوركەم كارتينا ىسپەتتى سۇلۋ دا سىمباتتى، كەسەك تە ايباتتى بەينەسىمەن سانسىزداعان جۇرتتىڭ ارمانداعان جەرىنە اينالدى.
”مايتاۋ − كۇشار تاس جولىمەن جۇرسەڭىز، ءتورت ماۋسىمعا كۋا بولاسىز“، ”جەر ۇيىعى قاناستىڭ اتاعى اسپانداعان“، ”قاشقار بايىرعى قالاسىندا بايىرعى مەن وسى زامان كوركەم توعىسقان“... ۋيچات دوستار شەڭبەرىندە شار تاراپتان كەلگەن قوناقتار سۋرەت جانە جازۋ ارقىلى شينجياڭنىڭ ساۋلەتى مەن كوپ نەگىزدى كوركەمدىگىن ايگىلەدى.
ەمىن - ەركىن سەيىلدەپ جۇرگەن سان - ساناقسىز ساياحاتشىلار نەنىڭ تىنىشتىق، نەنىڭ جاراسىمدىلىق ەكەندىگىن، وتە - موتە، سەزىنە الادى.
”شينجياڭ ساياحاتتىڭ حاۋىپسىز، جايلى كوزەۋلى جەرى ەكەن“. سولتۇستىك شينجياڭدى ارالاپ شىققان جياڭسۋلىق ساياحاتشى گۋ ميڭچىڭ 7 - ايدىڭ 9 - كۇنى شينجياڭعا تاعى كەلىپ، وڭتۇستىك شينجياڭ ساپارىن باستادى. شينجياڭنىڭ كۇن سايىن وسىزاماندانىپ كەلە جاتقان باسقارۋ جۇيەسى مەن باسقارۋ قابىلەتى ونىڭ ءار جولعى ساپارىنا شەكسىز جايلىلىق سيلادى.
سەنىمى ەسەلەپ ارتقان كاسىبي قايراتكەرلەر ”ساياحات ارقىلى شينجياڭدى گۇلدەندىرۋدە“ بولۋعا ءتيىستى مازمۇندى ابدەن سەزىنە الادى.
6 - ايدىڭ 27 - كۇنى اۆتونوميالى رايوننىڭ ساياحاتتى دامىتۋ جينالىسى اشىلىپ، شينجياڭنىڭ ساياحات كاسىبىنىڭ دامۋىنا تاسقىنداعان قوزعاۋشى كۇش ۇستەدى. 7 - ايدىڭ 1 - كۇنىنەن باستاپ، شينجياڭداعى 5A دارەجەلى كورىنىس وڭىرلەرىنىڭ كۇندىك قابىلداعان ساياحاتشىلارى ورنىقتى تۇردە 110 مىڭ ادام - رەتتەن استى. ”جينالىستان كەيىن بازاردىڭ اڭىسى توتەنشە ايقىن بولدى“. باركول قازاق اۆتونوميالى اۋدانىنداعى جاڭ گۇيپيڭ ءبىر عاجايىپ تاس دۇكەنىن اشادى، ءار كۇنى دۇكەنگە كەلەتىن ساياحاتشىلاردىڭ سانى بۇرىنعىدان نەشە ەسەلەپ ارتتى. ”كىرىس تابيعي تۇردە ەسەلەپ ارتتى. ساياحاتتىڭ، ءسوز جوق، ءبىزدى ۇزدىكسىز بايىتا بەرەتىندىگىنە سەنەمىن“، - دەدى ول كۇلىمسىرەپ.
اشىق اسپاننىڭ شۇلەن شۋاعىنا بولەنگەن ورنىقتى دا گۇلدەنگەن شينجياڭ الۋان تۇسكە ەنىپ، ومىرشەڭدىك كۇشىن قاۋلاتتى.
ءتۇستى شاعي قولىندا بيلەپ جۇرگەن كوكتە كىم، بار الاپتان جارقىرايدى وزگەرىستەر نەتكەن تىڭ؟ باسىپ وتكەن جولىمىزعا قايىرىلا قاراساق، ءاربىر وزگەرىستەردى تۇگەلدەي جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ عىلمي جەتەكشىلىگىنەن بولە قاراۋعا بولمايدى. 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە باس شۋجي شي جينپيڭ بىلاي دەپ باسا دارىپتەدى: شينجياڭنىڭ قوعامدىق كەلەلى جاعدايىنىڭ ءۇرتىس ورنىقتىلىعىن، ۇزاق ۋاقىت ورنىقتىلىعىن ساقتاۋدا سوتسياليستىك زاڭمەن باسقارۋ تۋىن بيىك ۇستاپ، زاڭمەن باسقارۋ رۋحىن اسقاقتاتىپ، مەملەكەتتى جالپى بەتتىك زاڭمەن باسقارۋ تالابىن شينجياڭ قىزمەتىنىڭ ءار سالاسىندا تياناقتاندىرۋ كەرەك.
بۇل − كورىكتى شينجياڭ تۋرالى قالام تەربەۋ، بۇل − سان الۋان باقىتتىڭ قاينار بۇلاعى.
كوڭىلدە تۇتقا بولسا، داۋىلدى تولقىننان قورىقپايسىز. شينجياڭدا تۇرمىس كەشىرىپ جاتقان ءار ۇلت كادرلارى مەن بۇقاراسى پارتيا مەن مەملەكەتتىڭ زور كۇشپەن قولداۋىندا، تۋىسقان ولكە، قالالاردىڭ كۇش سالا كومەكتەسۋىندە، اۆتونوميالى رايوندىق پارتكومنىڭ ىنتىماقتاستىرۋىندا، باستاۋىندا، العىستى سەزىممەن كۇرەس جۇرگىزۋ جىگەرىن جانىپ، دامۋ تۋىن كوتەرىپ، شي جينپيڭنىڭ زاڭمەن باسقارۋ يدەياسىمەن ءتۇرلى قىزمەتتەرگە جەتەكشىلىك ەتۋگە تاباندى بولدى.
ءاربىر كۇلىمسىرەگەن جارقىن جۇزدەر، ءاربىر ەكپىندەي ىلگەرىلەگەن ارشىندى قادامدار 10 مىڭ شاقىرىمدىق شەكارا ءوڭىردىڭ ەڭ تاماشا ءداۋىردى قارسى العاندىعىن؛ تيانشان پەرزەنتتەرىنىڭ ەڭ تاماشا داۋىرگە قادام تاستاعاندىعىن بىردەن دالەلدەۋدە!
ءبىر بەلدەۋ، ءبىر جول جاڭا بەلەس اشتى
2000 جىلدىڭ الدىنداعى اياق ىزدەرى، تۇياق ىزدەرى، كەرۋەن ىزدەرى شينجياڭنىڭ بايتاق ساحاراسىن، ءشول دالاسىن، قارلى تاۋلارىن كەسىپ ءوتىپ، باتىس پەن شىعىستى تۇتاستىرعان بايىرعى جىبەك جولىن اشتى ءارى ۇزاق ۋاقىت گۇلدەنىپ - كوركەيە ءتۇستى.
ۋاقىت زىمىراپ وتە شىقتى، 2013 - جىلى ءتوراعا شي جينپيڭ ”ءبىر بەلدەۋ، ءبىر جولدى“ بىرگە قۇرۋ باستاماسىن العا قويدى، مىڭ جىلدىق جىبەك جولى تاريحي ماشاقاتتى ەڭسەرە وتىرىپ، جاڭا ءومىردى قارسى الدى.
شينجياڭ بايىرعى جىبەك جولىنىڭ وزەكتى وڭىرىنە ورنالاسقان. شينجياڭدا قىزمەت تەكسەرگەن كەزدە باس شۋجي شي جينپيڭ بىلاي دەپ باسا دارىپتەدى: جىبەك جولى ەكونوميكالىق بەلدەۋىن قۇرۋدا شينجياڭنىڭ ەشكىم باسا المايتىن ورنى جانە رولى بار، وسى تاريحي ورايدى مىقتاپ يگەرىپ، ءوزىنىڭ وڭىرلىك سىرتقا ەسىك اشۋ ستراتەگياسىن مەملەكەتتىڭ جىبەك جولى ەكونوميكالىق بەلدەۋى قۇرىلىسىمەن، باتىسقا ەسىك اشۋ جالپى تۇلعالىق ورنالاستىرۋىمەن توعىستىرۋ كەرەك.
سودان باستاپ جوعارى جىلدامدىقتى تاس جول، پويەز رەليسى، اۋە كاريدورى بۇرىنعى زامانعى جىبەك جولىن بويلاپ، جاڭا كومەسكى كۇشتى جارىققا شىعاردى. شينجياڭ اناعۇرلىم اشىق بەينەمەن، اناعۇرلىم كەڭ كوز ايامەن ۋاقىت جانە كەڭىستىك جاعىندا دۇنيە جۇزىمەن جەدەل توعىسىپ، بولاشاقپەن قاۋىشتى.
7 - ايدىڭ 1 - كۇنى ءۇرىمجى حالىقارالىق قۇرلىقتىق پورت رايونىنا ءبىر - بىرلەگەن كونتينەرلەر، جارتىلاي تىركەمەلى اۆتوكولىكتەر تارتىپپەن كىردى، ءۇرىمجى − سانجى كەدەنىنىڭ قىزمەتكەرلەرى جوعارى ونىمدىلىكپەن تەكسەرىپ وتكىزىپ جاتتى. سول كۇنى ءۇرىمجى حالىقارالىق قۇرلىقتىق پورت رايونىنىڭ جىلدىق تاس جول ەكسپورتى تۇڭعىش رەت 10 مىڭ اۆتوموبيل - رەتتەن استى.
”ءبىز ’كوپ تۇيىندە زات تيەۋ، شوعىرلى تەكسەرۋ‘ تاس جول ەكسپورتى جاڭا ۇلگىسىن جولعا قويىپ، زاتتاردى ءونىمدى باقىلاپ - باسقارۋمەن بىرگە، تۇتاس زات اينالىمى تىزبەگىنىڭ ونىمدىلىگىن دە جوعارىلاتتىق“، - دەدى ءۇرىمجى − سانجى كەدەنى باقىلاۋ - باسقارۋ 1 - ءبولىمىنىڭ باستىعى ۋاڭ جيشي.
اشىق ەكونوميكانىڭ دامۋى دانەكەر مەن تۇعىردان ايرىلا المايدى.
قورعاس شەكارا وتكەلىندە ءبىر - بىرلەگەن جۇڭگو − ەۆروپا كەزەكشى پويەزدارى ويناقى گۋدوك شالىپ، كەڭ - بايتاق ەۆروپا − ازيا ۇلى قۇرلىعىنا قاراي جول الدى؛ قاشقار كەشەندى باجىسىز اۋماعى، جۇك تولتىرا تيەلگەن جۇك اۆتوموبيلى، سالىنىپ جاتقان زاۆود ۇيلەرى دەرلىك قاربالاس كۇيگە ەنگەن؛ الاتاۋ ساعاسى ”جىل بويى بوران ازىناپ تۇراتىن“ قىلتاناق شىقپايتىن جەردەن جىبەك جولى ەكونوميكالىق بەلدەۋىنىڭ ماڭىزدى تورابىنا اينالدى...
سوڭعى جىلدارى شينجياڭ ءۇرىمجى حالىقارالىق قۇرلىقتىق پورت رايونىن باستاماشى ەتىپ، قورعاس، قاشقار ەكونوميكالىق اشۋ رايوندارىنىڭ جانە ءتۇرلى كەشەندى باجىسىز اۋماقتاردىڭ دامۋىن ىلگەرىلەتىپ، تارباعاتاي ءتۇيىندى اشۋ، اشىق ۇستاۋ سىناق رايونى قۇرىلىسىن باستادى، ”ءۇش تاۋ، ەكى ويپات“ اشۋ مەن ەسىك اشۋدىڭ جاڭا سالتىن ۇدەتتى.
سونىمەن بىرگە شينجياڭ بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن كۇش سالا تۇلعالاپ، جوعارى دەڭگەيدە سىرتقا ەسىك اشۋدى كەڭەيتىپ، كاسىپورىنداردىڭ حالىقارالىق بازارعا اناعۇرلىم ويداعىداي ءورىس اشۋىنا دەم بەردى.
قاشقار كەشەندى باجىسىز اۋماعىنا ىرگە تەپكەن ازىق - تۇلىك، عىلىم - تەحنيكا شەكتى سەرىكتەستىگىنىڭ جاۋاپتىسى بىلاي دەدى: جەرگىلىكتى ۇكىمەتتىڭ كۇتۋشى ۇلگىسىندەگى، باسقارۋشى ۇلگىسىندەگى قىزمەت وتەۋى كاسىپورىنداردىڭ شارۋاسىن جەڭىلدەتتى ءارى الاڭسىز ەتتى.
”قازىر ءبىز ورتا ازيا ەلدەرىنىڭ تاپسىرىسىن قابىلدادىق“، - دەدى وسى سەرىكتەستىكتىڭ جاۋاپتىسى، - ”ءساتى تۇسسە، ءبىرىنشى توپتاعى زاتتار 7 - ايدىڭ سوڭىندا ەكسپورت ەتىلەدى“.
”ءبىر بەلدەۋ، ءبىر جولدى“ بىرگە اقىلداسۋدا، بىرگە قۇرۋدا، ودان بىرگە يگىلىكتەنۋدە جەلى بويىنداعى كاسىپورىندار مەن بۇقارا بۇعان كۋاگەر بولۋمەن بىرگە، ونان دا ماڭىزدىسى، ات سالىسۋشى، ونان يگىلىكتەنۋشى بولدى.
بيىل ءبىرىنشى ماۋسىمدا شينجياڭنىڭ ”ءبىر بەلدەۋ، ءبىر جول“ بويىنداعى ەلدەرمەن بولعان يمپورت - ەكسپورت جالپى قۇنى ％50كە جۋىق ارتتى.
تيانشان الابى باقىتتى دا جاراسىمدى
قاز - قاتار تىزىلگەن سۇرعىلت شاعىن 2 قاباتتى ۇيلەر رەتتى ورنالاسىپ، ءۇيدىڭ الدىنداعى اسفالت جولدار تەپ - تەگىس، سىمعا تارتقانداي ءتۇزۋ، تۇپ - تۇنىق قۇبىر سۋى شاعىن اۋلالارعا، مەكتەپتەرگە، اۋىلدىق شيپاحانالارعا، جولاۋشى تاسىمال بەكەتتەرىنە، مادەنيەت الاڭدارىنا تولىق جەتكىزىلدى. داريابويى قىستاعى كەزىندە جۇڭگوداعى ”ەڭ سوڭعى قۇمدى ءشول تايپاسى“ دەپ اتالعان. 2019 - جىلى 9 - ايدا كەدەيلەردى قونىس جاڭالاپ سۇيەمەلدەۋ ارقىلى قىستاق تۇرعىندارى مىڭداعان جىلداردان بەرگى ارماندارىن − جاپان دالاداعى قورشاۋدى بۇزىپ شىعۋدى ورىندادى.
بۇگىندەرى قىستاق تۇرعىنى باقتىحان ابدۇعيني قىستاقتاعى ەتتى سۇڭعىلا ەگۋ كاسىبىمەن شۇعىلدانۋشىلاردىڭ قاتارىنا قوسىلدى. ”ورتا ەسەپپەن ءبىر مۋ جەردەن 5000 يۋان اينالاسىندا كىرىس كىرگىزەمىن، ىستەگەن سايىن قايراتىم تاسقىندايدى“، - دەدى ول.
جاڭا قىستاق كەريا اۋدان قالاشىعىنا جاقىن بولعاندىقتان كوپتەگەن ادام سىرتقا شىعىپ جۇمىستانىپ، كىرىستەرىن ارتتىرۋدى تاڭدادى. ءىشىنارا وزىق ويلى جاستار قىستاقتان حالىقتىق تۇسەلحانا اشىپ، اۋىل - قىستاق ساياحاتىن جانداندىردى.
بۇگىنگى شينجياڭ مۇلدەم كەدەيلىكتەن تۇبەگەيلى ارىلىپ، بىرگە بايۋدىڭ داڭعىل جولىنا قادام تاستادى. جەر - جەر كەدەيلىكتەن ارىلتۋدان قامال الۋدىڭ جەتىستىكتەرىن ۇزدىكسىز بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرىپ، ءار ۇلت بۇقاراسىنىڭ باقىت كورسەتكىشىن ۇزدىكسىز ارتتىردى.
حالىققا ءتيىمدى بولسا، ءسوز جوق، كوركەيتۋ كەرەك. حالىقتىڭ تاماشا تۇرمىسقا دەگەن تالپىنىسىن قاناعاتتاندىرۋ شينجياڭنىڭ رەفورما، دامۋ، ورنىقتىلىق قىزمەتتەرىنىڭ ەڭ سوڭعى تابان تىرەر تياناعىنا اينالدى.
كىرىس مولايىپ، ولقىلىقتار تولىقتانىپ، ”تومەنگى شەك“ جوعارىلادى... حالىق تۇرمىسىنىڭ جىلى شۋاعى سان مىڭداعان وتباسىن نۇرلاندىردى، ارمان - تىلەكتەرى بىرتىندەپ رەالدىققا اينالۋدا. ءبىرىنشى ماۋسىمدا رايونىمىزداعى تۇرعىننىڭ جان باسىندىق قولداعى ورتاشا تابىسى %6.7 ارتىپ، ارتۋ قارقىنى بۇكىل ەل بويىنشا 9 - ورىندى، باتىس سولتۇستىكتەگى 5 ولكە، اۆتونوميالى رايون بويىنشا 1 - ورىندى يەلەپ، العا باسۋى كورنەكتى بولدى.
حالىق تۇرمىسىنا قاتىستى ءبىر - بىرلەگەن ناقتى ىستەر ءار ۇلت بۇقاراسىنىڭ تابىس سەزىمىن، باقىت سەزىمىن جوعارىلاتىپ قانا قويماي، ۇلتتار ىنتىماعىنىڭ، العاباسارلىعىنىڭ، جۇرت تىلەگىن ۇيىستىرۋدىڭ، حالىقتىڭ كۇشىن توپتاۋدىڭ ەڭ تاماشا تۇسىندىرمەسىنە اينالدى.
”تەك ءار ۇلت حالقى ويدى ءبىر جەرگە شوعىرلاندىرىپ، كۇشتى ءبىر جەرگە جۇمساپ، جۇدىرىقتاي جۇمىلىپ، ىنتىماقتاسا كۇرەس جۇرگىزگەندە عانا، تاماشا تۇرمىس كەشىرۋگە بولادى“. قۇربان اتايدىڭ جيەن نەمەرەسى ءماتسايدى ايسا: ”وسى جىلداردا تۇرمىسىمىزداعى ءبىر قىدىرۋ وزگەرىستەر مۇنى تولىق دالەلدەدى“، - دەدى.
ۇلتتار ىنتىماقتى بولۋ، كوڭىلدەرى توعىسۋ، رۋحاني جاقتا ءوزارا سۇيەنىش بولۋ − ”تاماشا تۇرمىس كەشىرۋدىڭ“ قوعامدىق نەگىزى، ونان دا ماڭىزدىسى، ۇلى گۇلدەنۋدى جۇزەگە اسىرۋدىڭ ماڭىزدى كەپىلى.
باس شۋجي نۇسقاعان بەتالىستى بويلاعان شينجياڭ جۇڭحۋا ۇلتى ورتاق تۇلعا تانىمىن بەرىك ورناتۋ قىزمەتىن ناقتى، جاندى، ءونىمدى تۇردە ويداعىداي ىستەپ، شينجياڭدى مادەنيەتپەن نارلەندىرۋ ينجەنەرياسى ارقىلى جۇڭحۋا ۇلتى ورتاق رۋحاني مەكەنى قۇرىلىسىن ىشكەرىلەي ىلگەرىلەتتى، ءار ۇلت ءبىر ءۇيلى جاندارداي ارالاسقان، ىشتەسكەن، توعىسقان كورىنىستەر تيانشان الابىنداعى ەڭ اسەرلى كورىنىسكە اينالدى.
”قانشالاعان جەردى ارالادىم، ەڭ كورىكتىسى تاعى دا ءبىزدىڭ شينجياڭ...“ سان جىلدار بويى وسى ءان اۋەنى قۇبا شولدەر مەن اسقار تاۋلاردا جاڭعىرىپ، جۇرتتىڭ جۇرەگىنە تەرەڭ ۇيالادى. شينجياڭدىقتاردىڭ جان جۇيەسىنەن وشپەستەي ورىن العان اتا مەكەن سۇيىسپەنشىلىگى − ماڭگى شينجياڭدىق بولۋعا پەيىل بولۋ ولاردى وسى توپىراقتا مىزعىماي تۇرۋعا جەلەپ - جەبەۋدە.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
