شينجياڭ ۇيعۇر اۆتونوميالى رايونى ارناۋلى تاقىرىپتا اقپار جاريالاۋ ءماجىلىسىن اشتى
اشىق شينجياڭ دۇنيە جۇزىنە وراي قاقپاسىن ايقارا اشادى
2022.07.14 15:45 كەلۋ قاينارى : شينجياڭ گازەتى
انار بۇلت\ شينجياڭ گازەتىنىڭ ءتىلشىسى جىڭ جو 7 - ايدىڭ 12 - كۇنى بەيجيڭنەن حابارلايدى. 7 - ايدىڭ 12 - كۇنى شينجياڭ ۇيعۇر اۆتونوميالى رايونى ارناۋلى تاقىرىپتا اقپار جاريالاۋ ءماجىلىسىن اشتى، شينجياڭنىڭ ەكونوميكا سالاسىنان 8 ۋاكىل شينجياڭنىڭ اشىق سەلبەستىگىنە قاتىستى ساياسات - شارالاردى تانىستىرىپ، ەڭ جاڭا دامۋ ناتيجەلەرى مەن كەڭ قارجى قوسۋ بولاشاعىن كورسەتتى.
اقپار جاريالاۋ ماجىلىسىندە اۆتونوميالى رايوندىق دامۋ جانە رەفورما كوميتەتىنىڭ ورىنباسار مەڭگەرۋشىسى ماۋ حۇي شينجياڭنىڭ سىرتپەن قارىم - قاتىناس جانە سەلبەستىك جاعدايىن تانىستىردى. ول بىلاي دەدى: تاياۋ جىلداردان بەرى شينجياڭ جىبەك جولى ەكونوميكالىق بەلدەۋى وزەكتى رايونى قۇرىلىسىن قوزعالتقىش ەتۋگە تاباندى بولىپ، ءوزىنىڭ وڭىرلىك ەسىك اشۋ ستراتەگياسىن مەملەكەتتىڭ باتىسقا ەسىك اشۋ جالپى تۇلعالىق ورنالاستىرۋىنا بەلسەنە توعىستىرىپ، سىرتپەن قارىم - قاتىناس جانە سەلبەستىك ورىستەتىپ، ناقتى، سۇبەلى جەتىستىكتەرگە قول جەتكىزدى.
”شينجياڭنىڭ ساۋدا سەرىكتەرى 170تەن استام مەملەكەت پەن وڭىرگە تارالعان“. شينجياڭ حالىقارالىق كورمە ىستەرى مەكەمەسىنىڭ باستىعى مەھرىگۇل تۇرسۇن تانىستىرۋىندا بىلاي دەدى: شينجياڭ توڭىرەكتەگى مەملەكەت، جەرگىلىكتى ۇكىمەت ارالىق ەكونوميكا - ساۋدا سەلبەستىگى مەحانيزمىن ۇزدىكسىز كەمەلدەندىرىپ، قاتىستى ەلدەر جانە وڭىرلەر ارا جوعارى جىكتەگىلەردىڭ ءوزارا ساپاردا بولۋىن، كورمە - جارمەڭكە سەلبەستىگىن، سالالار اۋىس - كۇيىسىن جانە كاسىپورىندار سەلبەستىگىن ىلگەرىلەتىپ، ساۋدانىڭ، قارجى قوسۋدىڭ قولايلى بولۋ دەڭگەيىن ۇزدىكسىز جوعارىلاتتى.
اقپار جاريالاۋ ماجىلىسىندە ءۇرىمجى حالىقارالىق قۇرلىقتىق پورت رايونى، قاشقار ەكونوميكالىق اشۋ رايونى، قورعاس ەكونوميكالىق اشۋ رايونى، تارباعاتاي ايماعى باقتى شەكارا وتكەلى سىندى 4 باقشا رايونىنىڭ، شەكارا وتكەلىنىڭ جاۋاپتىلارى بەينەبايلانىس ءتاسىلى ارقىلى ءوز جاعدايلارىن ەگجەي - تەگجەيلى تانىستىردى، سونداي - اق ءار سالاداعى دوستاردى شينجياڭعا كەلىپ ناقتى ورىنداردى ارالاپ سەلبەستىكتى، اۋىس - كۇيىستى ىلگەرىلەتىپ، بىرگە دامۋدى جەبەۋگە شىن جۇرەكتەن قارسى الاتىندىقتارىن ءبىلدىردى.
شينجياڭنىڭ كورنەكتى وڭىرلىك باسىمدىعى كوپتەگەن كاسىپورىنداردىڭ ”ءبىر بەلدەۋ، ءبىر جولدىڭ“ شىعىس جەلىنەن پايدالانىپ شەتەل بازارىن بەلسەنە اشۋىنا مۇمكىندىك جاسادى. ”ءبىزدىڭ جەل ەلەكترى جاعىنداعى سەلبەستىك سەرىكتەستەرىمىز الەمنىڭ 6 ۇلكەن قۇرلىعىنداعى 32 ەلگە تارالعان“. شينجياڭ جينفىڭ عىلىم - تەحنيكا جارنا شەكتى سەرىكتەستىگىنىڭ باس شتاپ سەرىكتەستىگىنىڭ ۇنەمىلىك ىستەرگە جاۋاپتى ورىنباسار باس ديرەكتورى فاڭ جۇڭ تانىستىرۋىندا بىلاي دەدى: تيانشان تاۋىنىڭ ەتەگىندە قاز تۇرعان كاسىپورىن رەتىندە، جينفىڭ عىلىم - تەحنيكاسى جىلىنا دۇنيە جۇزىنە شامامەن 172 ميلليارد كيلوۆات ساعات جاسىل ەلەكتر قۋاتىن شىعارىپ وتىر، سەرىكتەستىك دۇنيە جۇزىندەگى سەرىكتەستەرمەن اناعۇرلىم كەڭ، تەرەڭ سەلبەستىك ورىستەتۋدى كۇتەدى.
قورعاس جين - ي حالىقارالىق ساۋدا (توبى) شەكتى سەرىكتەستىگىنىڭ القا باستىعى يۇي چىڭجۇڭ كاسىپورىننىڭ شەكارا وتكەلىنە سۇيەنىپ، زور دامۋدى جۇزەگە اسىرعان بارىسىن باياندادى. ول جىبەك جولى ەكونوميكالىق بەلدەۋى وزەكتى رايونىن قۇرۋ قادامىنىڭ جەدەلدەۋىنە مەڭزەس، كاسىپورىننىڭ بولاشاعى اناعۇرلىم تاماشا بولاتىندىعىنا نىق سەنىم بايلاپ وتىر.
”شينجياڭنىڭ باتىسقا ەسىك اشۋ جولى − سەلبەسىپ، تەڭ يگىلىككە كەنەلۋ جولى، وركەنيەتتەردىڭ ءوزارا ۇلگى الۋ جولى، داڭعىل ادالدىق جولى، سونداي - اق نۇرلى بەيبىتشىلىك جولى“. شينجياڭ ۇيعۇر اۆتونوميالى رايوندىق حالىق ۇكىمەتىنىڭ اقپار جاريالاۋشىسى شۇي گۇيشياڭ بىلاي دەپ باسا دارىپتەدى: بىرنەشە جىل قاجىماي قۇلشىنۋدان كەيىن شينجياڭنىڭ ورنىقتىلىق پايداسى ۇزدىكسىز جارىققا شىعىپ، دامۋ جەتىستىكتەرى تولىق تاسقىندادى. شينجياڭ ”بىرگە اقىلداسۋ، بىرگە قۇرۋ، بىرگە يگىلىكتەنۋ“ ۇستانىمىن ۇستانىپ، تەڭگەرىمدى، جالپىعا ءتيىمدى بولاتىن، تەڭ يگىلىككە كەنەلەتىن دامۋ باعدارىنا تاباندى بولىپ، ىشكى - سىرتقى جاقتا بىرلەسە قيمىلدايتىن، شىعىس پەن باتىس قوس باعىتتا ءبىرىن - ءبىرى دەمەيتىن جوعارى دەڭگەيدەگى ەسىك اشۋ ارناسىن بەلسەنە قالىپتاستىرىپ، ءار ەلمەن ەكونوميكالىق بايلانىستىڭ اناعۇرلىم تىعىز بولۋىن، ءوزارا سەلبەستىكتىڭ اناعۇرلىم تەرەڭدەۋىن، دامۋ ءورىسىنىڭ اناعۇرلىم كەڭەيۋىن ىلگەرىلەتىپ، وڭىرلىك اۋقىمدى سەلبەستىك جاعدايىن بىرتىندەپ قالىپتاستىرادى. ”ءبىز ءار جاقپەن قول ۇستاسىپ، جارقىن بولاشاققا بىرگە جول اشۋدى قالايمىز“، - دەدى ول.
اقپار جاريالاۋ ماجىلىسىنە ءبىر ءبولىم شەكارا سىرتىنداعى اقپارات قۇرالدارى جەلى ارقىلى قاتىناسۋعا شاقىرىلدى، ءماجىلىس، سونداي - اق دۇنيە جۇزىندەگى 60تان استام مەملەكەت پەن حالىقارالىق ۇيىمعا ءبىر ۋاقىتتا تىكە تاراتىلدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
