”مۇرات - سەنىمنىڭ حيكاياسىن ويداعىداي باياندايىق“
□ شينحۋا اگەنتتىگىنىڭ تىلشىلەرى \ گو جيڭدان، ۋ جىندۇڭ
2022.07.14 15:43 كەلۋ قاينارى : شينجياڭ گازەتى
2020 - جىلى 6 - ايدا فۋدان داشۋەسى «كوممۋنيستىك پارتيا جارناماسى» كورمە سارايىنداعى پارتيا مۇشەلەرى ەرىكتى قىزمەت وتەۋ اترەتىنىڭ بارلىق مۇشەسى باس شۋجي شي جينپيڭگە حات جازىپ، ەرىكتى ءتۇسىندىرۋ قىزمەت وتەۋىنە قاتىناسقان كەشىرمەلەرى مەن اسەرلەرىنەن مالىمەت بەردى. باس شۋجي شي جينپيڭ سول ايدا جاۋاپ حات قايتارىپ، ولاردى مۇرات - سەنىم جونىندەگى حيكايالاردى ۇزدىكسىز ويداعىداي بايانداۋعا شابىتتاندىردى، سونداي - اق بۇكىل ەلدەگى قالىڭ پارتيا مۇشەلەرىنە، اسىرەسە، جاس پارتيا مۇشەلەرىنە دەگەن شىنايى ءۇمىتىن ورتاعا قويدى. تاياۋدا شينحۋا اگەنتتىگىنىڭ تىلشىلەرى كەزىندە حات جازۋعا قاتىناسقان مۇشە جي ميڭسىنعا تىلشىلىك ىستەي بارىپ، ودان حاتتى جازۋ بارىسىن جانە باس شۋجيدىڭ شابىتتاندىرۋىنا يە بولعاننان كەيىنگى قيمىلدارى جونىندەگى اڭگىمەلەرىن تىڭدادى −
2018 - جىلى 5 - ايدا ماركس دۇنيەگە كەلگەندىگىنىڭ 200 جىلدىعى قارساڭىندا، مەكتەپ قارت مەكتەپ باستىعى چىن ۋاڭداۋ مىرزانىڭ كونە تۇراعىن جوندەپ، ”سەنىم قاينارىن“ نەگىزگى تاقىرىپ ەتىپ، «كوممۋنيستىك پارتيا جارناماسى» كورمە سارايىن تۇلعالادى، سونىمەن بىرگە جاس وقىتۋشى - وقۋشى پارتيا مۇشەلەرىن نەگىزگى تۇلعا ەتكەن ”ۇشقىن“ پارتيا مۇشەلەرى ەرىكتى قىزمەت وتەۋ اترەتىن قۇردى، مەن داڭقپەن قىزمەت وتەۋ اترەتىنىڭ مۇشەسى بولدىم.
2020 - جىلى چىن ۋاڭداۋ اۋدارعان «كوممۋنيستىك پارتيا جارناماسىنىڭ» تۇڭعىش حانزۋ تىلىندەگى تولىق اۋدارما نۇسقاسىنىڭ باسپادان شىققاندىعىنىڭ 100 جىلدىعى ەدى. وسى ەرەكشە جىلداردا ءبىزدىڭ ءار رەتكى ءتۇسىندىرۋىمىز پارتيا قۇرعان ارداگەرلەرمەن ۋاقىت - كەڭىستىك اتتاپ اڭگىمەلەسكەن ىسپەتتى، اقيقاتتىڭ ءتاتتى ءدامىن اناعۇرلىم تەرەڭ سەزىندىك. جۇڭگو كوممۋنيستىك پارتياسىنىڭ 99 جاسقا تولعان تۋعان كۇنىنىڭ جاقىنداۋىنا بايلانىستى ءبىر ءتۇرلى ىستىق سۇيىسپەنشىلىك ءبىزدىڭ جۇرەگىمىزدە تاسقىندادى.
2012 - جىلى 11 - ايدىڭ 29 - كۇنى باس شۋجي شي جينپيڭ «گۇلدەنۋ جولى» كورمەسىن ەكسكۋرسيالاعاندا، ”اقيقاتتىڭ ءدامى“ تۋرالى حيكايانى جاندى تۇردە باياندادى − ”ءبىر كۇنى ءبىر جىگىت ۇيىندە بار زەيىنىمەن كىتاپ جازىپ جاتقان ەدى، سىرتتا جۇرگەن شەشەسى وعان: ’قياق كۇرىش جەگەندە قىزىل شەكەر سۋىن قۇيىپ جەۋشى ەدىڭ، جەدىڭ بە‘؟ - دەپ ايعاي سالادى. ول: ’جەدىم، جەدىم، وتە ءتاتتى ەكەن‘، - دەيدى. ناتيجەدە، اجەي ەسىكتەن كىرە بەرە بۇل جىگىتتىڭ باس الماي كىتاپ جازىپ وتىرعاندىعىن، اۋزى تولعان قارا سيا ەكەندىگىن كورەدى“. سورەدەگى «كوممۋنيستىك پارتيا جارناماسىنىڭ» حانزۋشا اۋدارما نۇسقاسىن نۇسقاپ تۇرىپ باس شۋجي: ”بۇل ادام ءدال وسى كىتاپتى جازعان چىن ۋاڭداۋ ەدى“، - دەدى.
”باس شۋجي شي جينپيڭ كەزىندە چىن ۋاڭداۋدىڭ «كوممۋنيستىك پارتيا جارناماسىن» اۋدارعان حيكاياسىن بايانداعان ەدى، ءبىز باس شۋجيگە ءوزىمىزدىڭ ويلاعانىمىزدى، كوكەيگە تۇيگەنىمىزدى مالىمدەۋىمىز كەرەك“. وسىلاردى ويلاعاندا اترەت مۇشەلەرى قاتتى تەبىرەندى.
ءبىز حاتتا باس شۋجي شي جينپيڭگە «كوممۋنيستىك پارتيا جارناماسى» كورمە سارايىنىڭ ەرىكتى ءتۇسىندىرۋ قىزمەت وتەۋىنە قاتىناسقان كەشىرمەلەرىمىز بەن اسەرلەرىمىز جونىندە مالىمەت بەردىك. ءبىز بىلاي دەپ جازدىق: ەرىكتى قىزمەت وتەۋ اترەتىنىڭ ”ۇشقىن“ اتالۋىنداعى سەبەپ، ”جينالسا لاۋلاعان وت بولادى، شاشىراسا جۇلدىزداي جاينايدى“، ءبىز ءاربىر اترەت مۇشەسى ”ۇشقىن“ بولۋعا بەل بايلاپ، «كوممۋنيستىك پارتيا جارناماسىندا» ايگىلەنگەن ”اقيقات ساۋلەسىن“، ”سەنىم قاينارىن“ بار كۇشىمىزبەن تاراتامىز.
”باس شۋجي جاۋاپ حات قايتاردى“! − بۇل حاباردى ەستىگەن ساتتەگى كوڭىل كۇيىمدى تىلمەن بەينەلەپ جەتكىزە المايمىن. ءالى ەسىمدە، مەكتەپ باسشىلارى بىزگە جاۋاپ حاتتىڭ مازمۇنىن وقىپ بەرگەندە سەرىكتەرىمنىڭ جانارىنان نۇر ۇشقىنداپ تۇرعانى عانا ەسىمدە قالىپتى.
”سەندەر قارت مەكتەپ باستىعى چىن ۋاڭداۋ جولداستىڭ اقيقاتقا تالپىنعان حيكايالارى جونىندە بەلسەنە ۇگىت لەكسيا جاساپ، ماركسيزم نازارياسىن تاراتتىڭدار، بۇل وتە ماعىنالى ءىس. سەندەردىڭ باتىل جالعاستىرىپ، ءتىپتى دە ويداعىداي ىستەۋلەرىڭدى ءۇمىت ەتەمىن“. باس شۋجي شي جينپيڭنىڭ مەيىرلى سوزدەرى ءبىزدىڭ قىزمەتىمىزدى تۇراقتاندىرۋ بولىپ قالماستان، ونان دا ماڭىزدىسى، جاستاردىڭ ەسەيىپ - ەرجەتۋىنە شابىت بەرگەندىك.
”ءتىپتى دە ويداعىداي ىستەۋ“، مۇرات - سەنىم حيكاياسىن ويداعىداي بايانداۋ ءۇشىن، تەك ەسەلەپ قۇلشىنا ۇيرەنۋ كەرەك. باس شۋجي شي جينپيڭ جاۋاپ حاتىندا بىلاي دەپ باسا دارىپتەدى: قالىڭ پارتيا مۇشەلەرىنىڭ، اسىرەسە، جاس پارتيا مۇشەلەرىنىڭ ماركسيزم نازارياسىن مۇقيات ۇيرەنىپ، پارتيا تاريحىن، جاڭا جۇڭگو تاريحىن، رەفورما جاساۋ، ەسىك اشۋ تاريحىن، سوتسياليزمنىڭ دامۋ تاريحىن ۇيرەنۋمەن ۇشتاستىرىپ، ۇيرەنۋ، وي جۇگىرتۋ، امالياتتا ايگىلەۋ، ءتۇسىنۋ بارىسىندا مۇرات - سەنىمدى بەكەمدەپ، قايراتتانا العا ۇمتىلىپ، ىسكەرلىك كورسەتۋ بارىسىندا اۋەلگى ماقساتتى، بورىشتى امالياتتا ايگىلەۋىن، ”قوس 100 جىلدىق“ كۇرەس نىساناسىن قۇلشىنا جۇزەگە اسىرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا اقىل - پاراساتى مەن كۇش - قۋاتىن ارناۋىن ءۇمىت ەتەمىن. باس شۋجيدىڭ تاپسىرماسى ءبىزدىڭ ۇيرەنۋىمىزگە، زەرتتەۋىمىزگە اناعۇرلىم ايقىن باعدار كورسەتتى.ءبىز وسى تاپسىرمانى ەستە بەرىك ساقتاپ، كۇندەلىكتى نازاريا ۇيرەنۋ، دەمالىس مەزگىلىندەگى شوعىرلى باۋلۋ، شاعىن گرۋپپا بىرگە زەرتتەپ ۇيرەنۋ سياقتى فورمالار ارقىلى ”ءتورت تاريحتى“ ىشكەرىلەي ۇيرەنىپ، مۇرات - سەنىمدى اناعۇرلىم بەكەمدەدىك.
كوپ ۇيرەنسەك، تەرەڭدەي ۇيرەنسەك، ءتۇسىندىرۋىمىز تابيعي تۇردە تەرەڭدەپ، جاندى بولا تۇسەدى. ەكسكۋرسيالاۋشىلار ءبىزدى: ”ۇنەمى سويلەپ، ۇنەمى جاڭالاپ تۇرادى“، ”ءار جولى تىڭداعاننان كەيىن جاڭا اسەرگە يە بولامىز“، - دەپ القادى. وسىنداي شابىتتاندىرۋدى ەستىگەنىمدە قۇلشىنۋدىڭ اناعۇرلىم ماعىنالى ەكەندىگىن سەزىنەمىن!
2 جىلدان استام ۋاقىتتان بەرى ساپتاستارىم كورمە سارايىنان دۇركىن - دۇركىن شىعىپ، كاسىپورىندارعا، ورگاندارعا، الەۋمەتتىك اۋماقتارعا بارىپ ۇگىت لەكسيا ورىستەتىپ، تاريح تاربيەسى، نازاريا ءتۇسىندىرۋ، قۇن جەتەكشىلىگى سىندى قىزمەت جاۋاپكەرشىلىگىن، بورىشىن بەلسەنە ارقالادى. قازىر ءبىز 10 نەشە يدەيا - ساياسي ”التىن ساباعىن“ اشۋعا قۇلشىنۋدامىز، جوعارى، ورتا، باستاۋىش مەكتەپتەردىڭ ءمورال تاربيەسىن ءبىر تۇلعالاندىرۋعا دەم بەرۋ ارقىلى ءتىپتى دە كوپ بالالاردىڭ جۇرەگىندەگى سەنىم ۇشقىنىن قاۋلاتۋدى ءۇمىت ەتەمىز.
داڭقتى ”ۇشقىن“ اترەتىنىڭ مۇشەسى رەتىندە، بولاشاقتا ءبىز قايدا بارساق تا، باس شۋجي شي جينپيڭنىڭ تاپسىرماسىن ەستە بەرىك ساقتاپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا اقىل - پاراساتىمىز بەن كۇش - قۋاتىمىزدى ارنايمىز.
(شينحۋا اگەنتتىگىنىڭ 7 - ايدىڭ 12 - كۇنى شاڭحايدان بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
