ەڭ جوعارى سوت مەكەمەسى: ازامات جاسىنا تولماعانداردى زاقىمداۋ، بالالارعا جىنىستىق سۇعاناقتىق جاساۋ، ايەلدەر مەن بالالاردى الداپ ساتۋ قاتارلى دەلولاردى ءبىرجاقتى ەتكەندە، استە، اياۋشىلىق ىستەۋگە بولمايدى
2022.07.13 16:37 كەلۋ قاينارى : حالىق تورابى
جۇڭگو اقپارات تورابىنىڭ 7 – ايدىڭ 12 – كۇنى بەرگەن حابارى. ج ك پ ورتالىق كوميتەتى ۇگىت ءبولىمى 7 – ايدىڭ 12 – كۇنى «جۇڭگونىڭ وسى ون جىلى» جەلىلەس نەگىزگى تاقىرىپتىق اقپار جاريالاۋ ءماجىلىسىن اشىپ، جاڭا داۋىردەگى سوت مەكەمەسىنىڭ قىزمەتتىك شارالارى مەن ونىڭ ناتيجەلەرىن تانىستىردى. ەڭ جوعارى حالىق سوتىنىڭ ورىنباسار باستىعى، 2 – دارەجەلى باس سوتشى شىن لياڭ ماجىلىستە بىلاي دەپ تانىستىردى: ون جىلدان بەرى، حالىق سوتى قىلمىستىق ىستەرگە قاتىستى كەڭشىلىك ەتۋ مەن قاتاڭ جازالاۋدى ۇشتاستىرعان ساياساتتى باتىل دايەكتىلەندىرىپ، دالمە – ءدال تياناقتاندىرىپ، قىلمىستىق ىستەرگە ساياتىن اۋىر قىلمىس وتكىزگەندەردى زاڭ بويىنشا قاتاڭ جازالاپ، مەملەكەت حاۋىپسىزدىگىن، قوعام ورنىقتىلىعىن اۋىر دارەجەدە بۇلدىرگەن ءىرى زورلىقتى كۇش، لاڭكەستىك دەلولارىنا قاتاڭ سوققى بەرىپ، الەۋمەتتىك اۆتوموبيلدەردى بارىمتالاۋ، جازىقسىز ادامداردى الباتى ءولتىرۋ، شيپاگەرلەردى زورلىق – زومبىلىقپەن جارالاۋ قاتارلى حالىق جۇرتشىلىعىنىڭ حاۋىپسىزدىك سەزىمىنە ىقپال جاسايتىن قىلمىس وتكىزگەندەردى قاتاڭ جازالاپ، ازامات جاسىنا تولماعانداردى زاقىمداۋ، بالالارعا جىنىستىق سۇعاناقتىق ىستەۋ، ايەلدەر مەن بالالاردى الداپ ساتۋ قاتارلى زاڭ مەن ءمورال شەگىنە اۋىر دارەجەدە سوقتىققان دەلولارعا قاتىستى اۋىر جازا بەرۋگە تيىستىلەرگە اۋىر جازا بەرىپ، ءولىم جازاسىنا كەسىم ەتۋگە تيىستىلەرگە اياۋسىز جازا قولدانىلدى.
ماجىلىستە ءبىر ءتىلشى بىلاي دەپ سۇرادى: بيىل ەڭ جوعارى حالىق سوتىنىڭ قىزمەت بايانداماسىندا اتاپ كورسەتىلۋىنشە، قىلمىستىق ىستەرگە ساياتىن سەگىز ءتۇرلى قىلمىستىق دەلو ۇزدىكسىز تومەنگى دەڭگەيدە بولىپ، قىلمىستىق ىستەرگە ساياتىن بارلىق دەلولاردىڭ سالىستىرماسى ورنىقتى تۇردە تومەندەگەن. پارتيانىڭ 18 – قۇرىلتايىنان بەرى، حالىق سوتى قىلمىستىق ىستەر جونىندە تەرگەۋ جۇرگىزۋ، ۇكىم جاريالاۋ قىزمەتتىك رولىن ساۋلەلەندىرىپ، تىنىش جۇڭگونى، زاڭمەن باسقارىلاتىن جۇڭگونى قۇرۋعا قىزمەت وتەۋ جاعىندا قانداي قىزمەتتەر ىستەدى؟
وسى جونىندە، شىن لياڭ بىلاي دەدى: 18 – قۇرىلتايدان بەرى، ەلىمىز بويىنشا سوت مەكەمەلەرى «حالىق جۇرتشىلىعىنا ءاربىر ءادىليالىق دەلو بارىسىندا ادىلەتتىلىكتى سەزىندىرۋگە قۇلشىنۋ» سىندى نىسانانى توڭىرەكتەي وتىرىپ، قىلمىستىق ىستەرگە قاتىستى تەرگەۋ جۇرگىزۋ، ۇكىم شىعارۋ سىندى قىزمەتتىك جاۋاپكەرشىلىگىن ادالدىقپەن اتقارىپ، قىلمىسكەرلەردى جازالاپ، حالىقتى قورعاپ، مەملەكەتتىڭ ساياسي حاۋىپسىزدىگىن قورعاپ، قوعامنىڭ جالپى جاعدايىنىڭ ورنىقتىلىعىنا كەپىلدىك ەتىپ، قوعامداعى ادىلەتتىلىكتى، تەڭدىكتى ىلگەرىلەتىپ، حالىقتىڭ الاڭسىز ءومىر سۇرۋىنە كەپىلدىك ەتىپ، ماڭىزدى رول اتقاردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
