لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
جۇمىس ورنىن ورنىقتىرۋ، جۇمىس ورنىن كەڭەيتۋ ساياساتتىق شارالارىن پارمەندى اتقارىپ، جۇمىستانۋ جالپى جاعدايىنىڭ ورنىقتىلىعىنا كەپىلدىك ەتۋدى ورنالاستىردى؛ كوپ ءتۇرلى شارانى قاتار قولدانىپ تۇتىنۋدى كەڭەيتىپ، جاسىل، زەردەلى ءۇي ەلەكتر جابدىقتارىن تۇتىنۋ جاعىنان قولداۋ كورسەتۋ شارالارىن بەلگىلەۋدى تالاپ ەتتى
2022.07.14 15:43 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 13 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 7 - ايدىڭ 13 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، جۇمىس ورنىن ورنىقتىرۋ، جۇمىس ورنىن كەڭەيتۋ ساياساتتىق شارالارىن پارمەندى اتقارىپ، جۇمىستانۋ جالپى جاعدايىنىڭ ورنىقتىلىعىنا كەپىلدىك ەتۋدى ورنالاستىردى؛ كوپ ءتۇرلى شارانى قاتار قولدانىپ تۇتىنۋدى كەڭەيتىپ، جاسىل، زەردەلى ءۇي ەلەكتر جابدىقتارىن تۇتىنۋ جاعىنان قولداۋ كورسەتۋ شارالارىن بەلگىلەۋدى تالاپ ەتتى.
ءماجىلىس بىلاي دەپ اتاپ كورسەتتى: جۇمىستاندىرۋ − ماڭداي الدى حالىق تۇرمىسىنا قاتىستى ءىرى ءىس، ەكونوميكانىڭ جالپى جاعدايىن ورنىقتىرۋدىڭ ماڭىزدى تىرەگى. جۇمىستانۋ بولعاندا عانا بايلىق جاراتىپ، كىرىستى ارتتىرىپ، سول ارقىلى تۇتىنۋدى جەبەپ، ەكونوميكانىڭ ارتۋىنا قوزعاۋشىلىق ەتۋگە بولادى. بيىل جىل باسىنان بەرى جەر - جەر، تاراۋلار پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن دايەكتىلەندىرىپ، جۇمىستاندىرۋدى ورنىقتىرۋدىڭ ءتۇرلى ساياساتتارىن كۇش سالا تياناقتاندىردى، 6 - ايدا جۇمىستاندىرۋ جاعدايى 4 -، 5 – ايلارداعىدان جاقساردى. الايدا، جۇمىستاندىرۋدى ورنىقتىرۋ مىندەتى ءالى دە اۋىر، جۇمىستاندىرۋدى الدىمەن ويلاستىرۋدا تاباندى بولىپ، دامۋ ارقىلى جۇمىستاندىرۋدى جەبەپ، جۇمىستاندىرۋدى ورنىقتىرۋ ارقىلى ەكونوميكانىڭ قالپىنا كەلۋى مەن ورنىقتى دامۋىنا تىرەك بولۋ كەرەك. ءبىرىنشى، بازار تۇلعالارى ارقىلى جۇمىستاندىرۋدى ۇزدىكسىز ورنىقتىرۋ كەرەك. كاسىپورىندارعا كومەكتەسۋ، قيىنشىلىعىن شەشۋ ساياساتىن ۇزدىكسىز تياناقتاندىرىپ، كەپتەلىس تۇيىندەرىن اشىپ، تياناقتاندىرىپ، قوعامدىق قامسىزداندىرۋ اقىسىن كەشىكتىرىپ تاپسىرۋ، جۇمىسشى قىسقارتپاعان نەمەسە از قىسقارتقان كاسىپورىندارعا جۇمىسسىزدىق قامسىزداندىرۋ وتەمىن قايتارىپ بەرۋ، جۇمىستاندىرۋعا قوسىمشا قاراجات بەرۋ سياقتى جەلىلەس شارالاردى اتقارۋ كەرەك. ەكىنشى، بازارلاندىرۋ، قوعامداندىرۋ ادىسىنەن كوبىرەك پايدالانىپ، جۇمىس ورنىن كوبەيتۋ كەرەك. يگىلىك جاراتۋ ارقىلى جۇمىستانۋعا جەتەكشىلىك ەتۋدى قولداپ، شارتقا ۇيلەسەتىن العاش قۇرىلعان كاسىپورىندار مەن جەكەشە ونەركاسىپشىلەرگە، ساۋداگەرلەرگە قاراتا ەڭ جوعارى بولعاندا 200 مىڭ يۋان يگىلىك جاراتۋ كەپىلدىك قارىز اقشاسىن ءۇرتىس بەرۋ ءارى قازىنادان ءوسىم كومەگىن بەرۋ كەرەك. جەرگىلىكتى ۇكىمەتتەر قارجى شىعارىپ، جەتىلدىرۋ بازالارىنىڭ العاش قۇرىلعان كاسىپورىنداردىڭ ماي اقىسى سياقتى قاراجاتتارىن تومەندەتۋىنە كومەكتەسۋى كەرەك. ءۇشىنشى، جوعارى مەكتەپ بىتىرگەن وقۋشىلار، شارۋا جۇمىسكەرلەر سياقتى ءتۇيىندى قاۋىمنىڭ جۇمىستانۋىن مىقتى يگەرۋ كەرەك. مەكتەپ بىتىرگەن وقۋشىلاردىڭ جۇمىستانۋ ارناسىن كەڭەيتۋ جونىندەگى بەلگىلەنگەن ساياساتتاردى تياناقتاندىرۋ كەرەك. جەلىدە قىزمەتكەر قابىلداۋدى قالپىنا كەلتىرۋدى تەزدەتۋ كەرەك. ساياسات شىعارىپ، قىزمەت وتەۋدى سىرتقا كوتەرمەگە بەرۋ كاسىبىندە مەكتەپ بىتىرگەن وقۋشىلاردى قابىلداۋعا قولداۋ كورسەتۋ كەرەك. جۇمىسقا ورنالاسپاعان وقۋشىلارعا قاراتا «ءبىر ادامعا ءبىر شارا» قولدانۋ جولىمەن كومەكتەسۋ، سۇيەمەلدەۋ قىزمەت وتەۋىن ۇزدىكسىز ورىستەتۋ كەرەك. جىلۋ ورنىنا جۇمىس بەرۋدى ويداعىداي اتقارۋ كەرەك. بىردە - ءبىر ادامى جۇمىستانباعان وتباسىلاردان كەمىندە ءبىر ادامنىڭ تەز ارادا جۇمىستانۋىنا كەپىلدىك ەتۋ كەرەك. ءتورتىنشى، ەڭبەكشىلەردىڭ تەڭ تۇرعىدا جۇمىستانۋ ۇقىعىن قامتاماتسىزداندىرۋ كەرەك. جۇمىستانۋ جاعىندا بۇرىن جاڭا تيپتى ايدارشا ۆيرۋستى نۋكلەين قىشقىلىن الىپ تەكسەرۋدە ناتيجەسى بولىمدى شىعىپ، كەيىن دەنساۋلىعى قالپىنا كەلۋشىلەردى كەمسىتۋگە قاتاڭ تيىم سالۋ كەرەك. قاتىستى تاراۋلار ەڭبەك قامتاماسىزداندىرۋىن باقىلاۋدى كۇشەيتىپ، وسى تەكتەس كەمسىتۋ قۇبىلىستارىن بايقاۋمەن بىرگە، شەتىنەن قاتاڭ ءبىر جاقتى ەتىپ وتىرۋى كەرەك. بەسىنشى، جەرگىلىكتى ۇكىمەتتەر جۇمىستانۋدى ورنىقتىرۋدىڭ تۇلعالىق جاۋاپكەرلىگىن ارقالاپ، جۇمىستانۋ نىساناسىنىڭ جۇزەگە اسۋىنا شىنايى كەپىلدىك ەتۋى كەرەك. جەرگىلىكتى ورىنداردىڭ جۇمىستانۋ قىزمەتى جونىندە دەر كەزىندە حابارلاندىرۋ شىعارىپ، جەتەكشىلىك ەتۋ كەرەك.
ءماجىلىس مىنالاردى اتاپ كورسەتتى: ەلىمىزدە 200 ميلليوننان استام يكەمدى جۇمىستانۋشىلار بار. يكەمدى جۇمىستانۋ جۇمىستانۋدى ءونىمدى جەبەيدى، بازاردىڭ ومىرشەڭدىك كۇشى مەن قوعامنىڭ جاسامپازدىق قۋاتىن تاسقىنداتۋعا دا ءتيىمدى، قامتاماسىزداندىرۋ مەن قىزمەت وتەۋدى كۇشەيتۋ كەرەك. ءبىرىنشى، يكەمدى جۇمىستانۋشىلاردىڭ جۇمىسقا ورنالاسقان جەردە جۇمىسشى - قىزمەتكەرلەردىڭ نەگىزگى زەينەتكەرلىك قامسىزداندىرۋىنا، ەمدەۋ قامسىزداندىرۋىنا قاتىناسۋىنا، مەملەكەتتىڭ ءبىر تۇتاس تۇعىرىنا سۇيەنىپ قامسىزداندىرۋعا قاتىناسىپ تىزىمگە الىنۋىنا رۇقسات ەتىپ، قوعامدىق قامسىزداندىرۋ اقىسىن تاپسىرۋ، باسقا جەردە ەمدەلۋ سياقتى جاقتاردان قولايلىلىق شاماسىن جوعارىلاتۋ كەرەك. جوعارى مەكتەپ بىتىرگەن وقۋشىلار، جۇمىستانۋى قيىن ادامدار قاتارلىلار يكەمدى جۇمىستانسا، بەلگىلەمە بويىنشا قوعامدىق قامتاماسىزداندىرۋ قوسىمشا قاراجاتىن بەرۋ كەرەك. ەكىنشى، يكەمدى جۇمىستانۋشىلاردىڭ زاڭدى ۇقىق - مۇددەسىن زاڭ بويىنشا قورعاپ، جۇمىسشى ىستەتۋدەن قاشقالاقتاۋ تۇلعالىق جاۋاپكەرلىگىن، ەڭبەكاقىنى كەشەۋىلدەتۋ سياقتى ماسەلەلەردى قاتاڭ تەكسەرىپ ءبىر جاقتى ەتىپ، كاسىپتىك زاقىمدالۋدى قامتاماسىز ەتۋدى تۇيىندە سىناق ەتۋدى ويداعىداي اتقارۋ كەرەك. ءۇشىنشى، ۇساق جۇمىس بازارى قۇرىلىسىن جەدەلدەتىپ، الەۋمەتتىك جۇمىستانۋعا قىزمەت وتەۋ قۇرىلىمدارىنىڭ ۇساق جۇمىس جاعىنداعى قامداۋ مەن قاجەتسىنۋدى اقىسىز ۇشتاستىرۋىن ىلگەرىلەتۋ كەرەك؛ شارتقا ۇيلەسەتىن يكەمدى جۇمىستانۋشىلارعا كۋرستان وتكىزۋ قوسىمشا قاراجاتى مەن كۋرستان وتكىزۋ كەزىندەگى تۇرمىستىق قوسىمشا قاراجاتتى بەرۋ كەرەك.
ءماجىلىس بىلاي دەپ اتاپ كورسەتتى: تۇتىنۋ − ەڭ سوڭعى قاجەتسىنۋ، تۇتىنۋدى كەڭەيتۋ بۇقارانىڭ تۇرمىس ورەسىن جوعارىلاتۋعا ءتيىمدى بولۋمەن بىرگە، جۇمىستاندىرۋعا، قارجى قوسۋعا جانە كاسىپ دارەجەسىن جوعارىلاتۋعا دا ءتيىمدى. بازارلاندىرۋ، باياندى بولۋ ادىستەرى ارقىلى تۇتىنۋدى كەڭەيتۋگە ءمان بەرىپ، تۇتىنۋدىڭ ەكونوميكانىڭ ارتۋىن جەبەۋ رولىن اناعۇرلىم ويداعىداي ساۋلەلەندىرىپ، بۇقارانىڭ قاجەتىن قاناعاتتاندىرۋ كەرەك. جاسىل زەردەلى ءۇي ەلەكتر جابدىقتارىن تۇتىنۋدىڭ كومەسكى كۇشىن جەدەل اشۋ كەرەك. ءبىرىنشى، بۇكىل ەل بويىنشا ءۇي ەلەكتر جابدىقتارىنىڭ كونەسىن جاڭاسىنا اۋىستىرۋ جانە ءۇي ەلەكتر جابدىقتارىن اۋىل - قىستاققا جەتكىزۋ قيمىلىن ورىستەتىپ، شارت - جاعدايى بار جەرلەردىڭ قارجى جانە ساياساتتىق قولداۋ كورسەتۋىنە دەم بەرۋ كەرەك. اتقارۋ بارىسىندا بۇكىل ەلدىڭ ءبىر تۇتاس اشىق بازارىن قورعاپ، ءادىل باسەكەنى قامتاماسىزداندىرۋ كەرەك. ەكىنشى، جاسىل زەردەلى ءۇي ەلەكتر جابدىقتارى ولشەمىن كەمەلدەندىرىپ، ورناتۋ، جوندەۋ سياقتى تۇتاس تىزبەكتى قىزمەت وتەۋدى ولشەمدەندىرۋدى ىلگەرىلەتۋ كەرەك. ءۇشىنشى، جاراقسىز، كونە ءۇي ەلەكتر جابدىقتارىن جيناپ الىپ پايدالانۋدى قولداپ، مىڭ مەگابايتتىق وپتيكالىق كابەل تورابى ينجەنەرياسىن جاپپاي اتقارىپ، قالا - قالاشىقتاعى كونە شاعىن رايونداردى جاڭالاۋدى جەدەلدەتىپ، اۋىل - قىستاق ەلەكتر تورابىن بەكەمدەپ جانە جوعارىلاتىپ، ءۇي ەلەكتر جابدىقتارىن تۇتىنۋدىڭ كەڭەيۋىنە تىرەك بولۋ كەرەك.
ءماجىلىس باسقا ىستەردى دە اقىلداستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
