سۋعا قاراي ءوندىرىستى تۇراقتاندىرىپ، وتباسىلارعا دەيىن مولشەر بەلگىلەپ، قۇرىلعىلاردى ساپالىلاندىرىپ، باسقاردى اشالادى
نيڭشيا اۋىل شارۋاشىلىعىندا سۋ ۇنەمدەپ، ونىمدىلىكتى ارتتىرۋدى ىشكەرىلەي ىلگەرىلەتتى
«حالىق گازەتىنىڭ» تىلشىلەرى لي زىڭحۇي، جاڭ ۋىن
2022.07.18 18:13 كەلۋ قاينارى : حالىق تورابى
قول تەلەفون جۇمساق بولشەگىن اقىرىن باسسا، كوز الدىنداعى سۋ تيەگى باياۋ كوتەرىلىپ، سۋ ەگىس اتىزدارىنا قاراي اعىلادى. نيڭشيا حۇيزۋ اۆتونوميالى رايونى يىنچۋان قالاسى حىلان اۋدانى چاڭشين اۋىلى يۇيشياڭ قىستاعىندا قىستاق پارتيا ياچەيكاسىنىڭ شۋجيى جوۋ شينشى زەردەلى سۋ ۇنەمدەۋ جابدىعىمەن جۇمىس ىستەۋدە. وسى تارماق توعانداعى 60 نەشە قول تيەك قازىر الىستان مەڭگەرىلەتىن تيەككە اۋىستىرىلىپ، سۋ مولشەرىن تىزگىندەۋدى زەردەلىلەندىردى.
حىلان اۋدانى نيڭشيانىڭ حۋاڭحى سۋارمالى رايونىنا ورنالاسقان، تامشىلاتىپ سۋارۋ، بۇركىپ سۋارۋ، زەردەلى سۋ تيەگى سياقتى سۋ ۇنەمدەۋ تەحنيكاسى مەن قۇرىلعىلارىن جالپىلاستىرۋ، قولدانۋ ارقىلى بىلتىر اۋدان بويىنشا اۋىل شارۋاشىلىعىنىڭ سۋارۋ ىستەرىندە 31 ميلليون 100 مىڭ تەكشەمەتر سۋ ۇنەمدەلدى.
قازىر نيڭشيادا حۋاڭحى وزەنىنەن سۋ شىعارىلاتىن سۋارمالى جەر اۋدانى 8 ميلليون 400 مىڭ مۋدان اسادى، سۋارۋعا ىستەتىلەتىن سۋ جىل بويى بۇكىل رايونداعى جالپى جۇمسالاتىن سۋ مولشەرىنىڭ %80 تەن استامىن ۇستايدى. سۋارمالى رايونداردا اۋىل شارۋاشىلىعىندا سۋدى ۇنەمدەپ، ونىمدىلىكتى ارتتىرۋ نيڭشيانىڭ سۋ ۇنەمدەپ، ونىمدىلىكتى ارتتىرۋداعى ءتۇيىندى سالاسى بولىپ كەلەدى.
2019 - جىلى 9 - ايدا باس شۋجي شي جينپيڭ حۋاڭحى وزەنى الابىنىڭ ەكولوگياسىن قورعاۋ جانە ساپالى دامىتۋ اڭگىمە ءماجىلىسىن باسقارىپ اشقاندا بىلاي دەپ اتاپ كورسەتتى: سۋ جاعدايىنا قاراي قالانى تۇراقتاندىرۋ، سۋ جاعدايىنا قاراي جەردى تۇراقتاندىرۋ، سۋ جاعدايىنا قاراي ادامدى تۇراقتاندىرۋ، سۋ جاعدايىنا قاراي كاسىپ سالاسىن تۇراقتاندىرۋ باعىتىندا تاباندى بولىپ، سۋ بايلىعىن ەڭ ۇلكەن بۇلجىماس تەجەم ساناپ، حالىق سانىن، قالانى جانە كاسىپ سالاسىن دامىتۋدى ۇيلەسىمدى جوبالاپ، ۇيلەسىمسىز سۋ ىستەتۋ سۇرانىسىن باتىل تەجەپ، ۇيلەسىمدى سۋ ۇنەمدەيتىن كاسىپتەر مەن تەحنيكالاردى بارىنشا دامىتىپ، اۋىل شارۋاشىلىعىندا سۋ ۇنەمدەۋدى بارىنشا ىلگەرىلەتىپ، بۇكىل قوعامدا سۋ ۇنەمدەۋ ارەكەتىن اتقارىپ، سۋدان ۇتىمسىز پايدالانۋ ءتاسىلىن ۇنەمدەپ، شوعىرلى پايدالانۋ تاسىلىنە قاراي وزگەرتۋدى ىلگەرىلەتۋ كەرەك.
باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرۋ ءۇشىن، نيڭشيا 2021 - جىلى 11 - ايدا «‹14 - بەسجىلدىق› سۋدان پايدالانۋ ۇقىعىن باسقارۋ - مەڭگەرۋ كورسەتكىش جوباسىن» جاريالاپ، سۋ بايلىعىنىڭ جالپى مولشەرىن تىزگىندەۋ قىزىل سىزىعىن قاتاڭ ساقتاپ، سۋ بايلىعىنان ۇنەمدى، شوعىرلى پايدالانۋدى كۇشەيتىپ، سۋ بايلىعىنىڭ بۇلجىماس ارتۋ قاجەتىن قامتاماسىزداندىرىپ، سۋ ەكولوگيالىق ورتاسىنىڭ ۇزدىكسىز جاقسارۋىن جەبەۋدىڭ ورنالاستىرۋ پرينسيبى مەن ناقتى شارالارىن ايقىندادى.
سۋعا قاراي ءوندىرىستى تۇراقتاندىرىپ، وتباسىلارعا دەيىن مولشەر بەلگىلەپ، سۋ ۇنەمدەۋ نيڭشيا سۋارمالى رايونىنىڭ اۋىل شارۋاشىلىق ءوندىرىس سالاسىنداعى كۇش سالۋ تۇيىنىنە اينالدى. چيڭتۇڭشيا قالاسى زەردەلىلەنگەن ولشەۋ قۇرىلعىلارىن ورناتىپ، 800 گە جۋىق توعاننىڭ سۋ الۋ اۋزىندا تۇگەلدەي اۋىل شارۋاشىلىعىنان سۋ الۋ مولشەرىن نورمامەن قامداۋدى جۇزەگە اسىردى؛ تۇڭشين اۋدانىنىڭ ەگىس اتىزدارىن تامشىلاتىپ سۋارۋدا سۋ الۋ پايدالانىلاتىن ءبىر تۇلعالانعان ولشەۋ - مەڭگەرۋ زەردەلى تيەگى، ايىرىپ - قوسقىش تيەگى، سۋ الۋ مولشەرىن تەجەۋ سياقتىلار تۇگەلدەي قول تەلەفون ارقىلى جۇمىس جۇرگىزەتىن بولدى. ءىرى سۋارمالى رايوندار سۋدان پايدالانۋ كورسەتكىشىن ءارقايسى سۋارۋ توعانىنا ەگجەي - تەگجەيلى ءبولىپ، اۋىل - قالاشىقتاعى شارۋالاردىڭ سۋدان پايدالانۋ قوعامى كورسەتكىشكە قاراي وتباسىلارعا ءبولىپ، ەگجەي - تەگجەيلى باسقارۋ تالابىن تياناقتاندىرىپ وتىردى.
نورمالى بولىستە قۇنىتتاپ باسقارۋ جۇزەگە اسىرىلىپ، سۋدى عىلمي پايدالانۋ ارقىلى سۋدى ۇنەمدەپ، ونىمدىلىكتى ارتتىرۋ جەبەلدى. «مول سۋمەن قاپتاتىپ سۋارۋمەن سالىستىرعاندا، تامشىلاتىپ سۋارۋ تەحنيكاسىنان پايدالانعاندا، ءار مۋ جەردەن جىلىنا 100 تەكشەمەتردەن استام سۋ ۇنەمدەۋگە بولادى، ونىڭ ۇستىنە سۋ داقىلداردىڭ تامىر جۇيەسىنە تىكە جەتىپ، سۋ مەن تىڭايتقىشتى ءبىر تۇلعالاندىرادى». گۋيۋان قالاسى يۋانجوۋ رايونى تۋيىڭ قالاشىعى ياڭلاڭ 10 مىڭ مۋلىق قاۋىن - قاربىز، كوكونىس ەگۋ بازاسىندا جاۋاپتى ادام ساۋ حۇي تانىستىرىپ بىلاي دەدى: قازىر زەردەلى سۋ ساعاتى ارقىلى سۋ ىستەتۋ مولشەرىن ءدال مەڭگەرىپ، تامشىلاتىپ سۋارۋ تەحنيكاسىن قولدانۋعا سايكەسىپ جاتىرمىز، قانت قىزىلشاسىنىڭ مۋ باسىندىق ورتاشا ءونىمى 300 كيلوگرام ارتتى.
«ءبىر ۇلەس سۋدى ۇنەمدەسەك، ەكى ۇلەس اقشا تابا الامىز». يۇيشياڭ قىستاعىندا جوۋ شينشىنىڭ «سۋ ەسەبى» ايقىن ەسەپتەلگەن: قىستاق بىلتىر ءبىر ميلليون 330 مىڭ تەكشەمەتر اۋىل شارۋاشىلىعىندا سۋارۋعا پايدالانىلاتىن سۋدى ۇنەمدەدى، سۋ اقىسىنا سىندىرعاندا 60 مىڭ يۋانعا تايايدى؛ اسىپ قالعان سۋ ىستەتۋ كورسەتكىشى نيڭشيانىڭ الەۋمەتتىك بايلىق ساۋدا تۇعىرىندا اشىق باسەكەمەن ساتىلىپ، 50 مىڭ يۋاننان استام وتكەرمەلەۋ پايداسىنا قول جەتكىزىلىپ، سۋ ۇنەمدەۋ قۇرىلعىلارىن قورعاۋعا جۇمسالدى.
سۋ بايلىعىن ساپالى ورنالاستىرۋدى جانە جوعارى ونىمدىلىكپەن پايدالانۋدى جەبەۋ ءۇشىن، نيڭشيا سۋ ىستەتۋ ۇقىعى ساۋدا تۇعىرىن قۇرۋدى ىلگەرىلەتتى، بىلتىر بۇكىل رايون بويىنشا اۋىل شارۋاشىلىعىنان اسىپ قالعان سۋ ۇنەمدەۋ ۇقىعى ساۋداسى 85 رەت جۇرگىزىلىپ، ساۋدالانعان سۋ مولشەرى 33 ميلليون 90 مىڭ تەكشەمەتر، سوماسى 297 ميلليون يۋان بولدى.
قازىر نيڭشيانىڭ جەر - جەرى باسقارۋ ءادىسىن جابال شىعارىپ، سۋدان پايدالانۋ ۇقىعى ساۋداسىنان تۇسكەن پايدانى اۋىل شارۋاشىلىعىنا تىكەلەي تولىقتاما ەتىپ بەرۋدى ايقىنداپ، سۋدان پايدالانۋشىلار مەن نەگىزگى ساتىلاردىڭ سۋدان پايدالانۋدى باسقارۋ ۇيىمىنىڭ سۋ ۇنەمدەۋ بەلسەندىلىگىن تولىق جۇمىلدىردى. «سۋ ۇنەمدەۋ پايداسىنىڭ ورنىقتى ورىندالۋى سۋارمالى ءوڭىردىڭ سۋ ۇنەمدەۋ بەلسەندىلىگىن ونان ارى جۇمىلدىردى» دەدى نيڭشيا حۇيزۋ اۆتونوميالى رايوندىق سۋ يگىلىگى مەڭگەرمەسى باستىعىنىڭ ورىنباسارى ماي شان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
