شي جينپيڭ شينجياڭدا قىزمەت تەكسەرگەندە بىلاي دەپ دارىپتەدى
جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا كورىكتى شينجياڭ قۇرۋ كەرەك
2022.07.18 18:10 كەلۋ قاينارى : حالىق تورابى
 |
7 - ايدىڭ 12 - كۇنىنەن 15 - كۇنىنە دەيىن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شينجياڭدا قىزمەت تەكسەردى. سۋرەتتە: 7 - ايدىڭ 13 - كۇنى تۇستەن بۇرىن شي جينپيڭ ءۇرىمجى قالاسى تيانشان رايونى گۋيۋانشياڭ الەۋمەتتىك اۋماعىندا قىزمەت تەكسەرگەندە ءار ۇلت جۇرتشىلىعىنا قول بۇلعاپ قۇرمەت بىلدىرۋدە. سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
|
■ پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، ورنىقتىلىق بارىسىندا ىلگەرىلەۋ قىزمەت جالپى ارناسىندا تاباندى بولىپ، رەفورما جاساپ، ەسىك اشۋدى جاپپاي تەرەڭدەتىپ، ساپالى دامۋدى ىلگەرىلەتىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، جاڭا داۋىردەگى جاڭا جورىقتا ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا كورىكتى شينجياڭدى قۇلشىنا قۇرىپ شىعۋ كەرەك
■ نازاردى شينجياڭ قىزمەتىنىڭ باس نىساناسىنا شوعىرلاندىرىپ، باياندى تىنىشتىققا ساياتىن ءتۇبىرلى، نەگىزدىك، ۇزاق بولاشاقتىق قىزمەتتەردى ىلگەرىلەتۋ كەرەك. جۇڭحۋا ۇلتى ورتاق تۇلعا تانىمىن بەرىك ورناتىپ، ۇلتتاردىڭ ارالاسۋىن، ىشتەسۋىن، توعىسۋىن جەبەۋ كەرەك. ءدىن ىستەرىن باسقارۋ قابىلەتىن جوعارىلاتىپ، ءدىننىڭ اقاۋسىز دامۋىن جۇزەگە اسىرۋ كەرەك. شىنايى مويىنداۋدى كۇشەيتۋدى نىسانا ەتىپ، شينجياڭدى مادەنيەتپەن نارلەندىرۋدى ىشكەرىلەي ورىستەتۋ كەرەك. دامۋ مەن ورنىقتىلىقتىڭ، دامۋ مەن حالىق تۇرمىسىنىڭ، دامۋ مەن جۇرت تىلەگىنىڭ تەرەڭ بايلانىسىن جىعا تانىپ، دامۋ جەتىستىكتەرىمەن حالىق تۇرمىسىنا تيىمدىلىك جاساۋدى، جۇرت تىلەگىن ۇيىستىرۋدى ىلگەرىلەتۋ كەرەك. پارتيانى جاپپاي قاتاڭ باسقارۋدا تاباندى بولىپ، ساپالى كادرلار قوسىنى قۇرىلىسىن شىنايى، ويداعىداي يگەرۋ كەرەك
■ بيڭتۋان جاڭا جاعدايعا، جاڭا تالاپقا ۇيلەسىپ، شينجياڭ قىزمەتىنىڭ باس نىساناسىن جۇزەگە اسىرۋدا اناعۇرلىم ۇلكەن رولىن ساۋلەلەندىرۋى كەرەك. بيڭتۋان مەن جەرگىلىكتى ورىن ءبىر تۇتاس جۇيە دەگەندە تاباندى بولىپ، كەلەلى نەگىزدىك قۇرىلعىلاردى سايكەستىرە قۇرىپ، بيڭتۋان مەن جەرگىلىكتى ورىننىڭ ەكونوميكا، قوعام، مادەنيەت، ەكولوگيالىق وركەنيەت قۇرىلىسى جانە ۇلتتار ىنتىماعى، العاباسارلىعى، كادر - دارىندىلار سياقتى جاقتاردان توعىسا دامۋىن جاپپاي ىلگەرىلەتىپ، قۇرىلعىلاردى بىرگە قۇرۋدى، بايلىقتان بىرگە يگىلىكتەنۋدى، تەرەڭدەي كىرىگۋدى، ارتىقشىلىقتارمەن ءوزارا تولىقتاۋدى جۇزەگە اسىرۋ كەرەك
«حالىق گازەتى»، 7 - ايدىڭ 15 - كۇنى، ءۇرىمجى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىردا شينجياڭعا كەلىپ قىزمەت تەكسەرىپ، تەكسەرۋ - زەرتتەۋ جۇرگىزىپ، ءار ۇلت كادر - بۇقاراسىنا امانداستى جانە ولاردان حال سۇرادى. شي جينپيڭ بىلاي دەپ دارىپتەدى: پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، ورنىقتىلىق بارىسىندا ىلگەرىلەۋ قىزمەت جالپى ارناسىندا تاباندى بولىپ، رەفورما جاساپ، ەسىك اشۋدى جاپپاي تەرەڭدەتىپ، ساپالى دامۋدى ىلگەرىلەتىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، جاڭا داۋىردەگى جاڭا جورىقتا ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا كورىكتى شينجياڭدى قۇلشىنا قۇرىپ شىعۋ كەرەك.
7 - ايدىڭ 12 - كۇنىنەن 15 - كۇنىنە دەيىن شي جينپيڭ شينجياڭ ۇيعۇر اۆتونوميالى رايوندىق پارتكومنىڭ شۋجيى ما شيڭرۇيدىڭ، اۆتونوميالى رايوندىق ۇكىمەتتىڭ ءتوراعاسى ەركىن تۇنيازدىڭ سەرىك بولۋىندا، ىلگەرىندى - كەيىندى ءۇرىمجى، شىحىزى، تۇرپان قاتارلى جەرلەرگە كەلىپ، مەكتەپ، حالىقارالىق قۇرلىقتىق پورت اۋماعى، الەۋمەتتىك اۋماق، مۇراجاي، اۋىل - قىستاق جانە شينجياڭ ءوندىرىس - قۇرىلىس بيڭتۋانى سياقتىلاردى ىشكەرىلەي ارالاپ، تەكسەرۋ - زەرتتەۋ جۇرگىزدى.
7 - ايدىڭ 12 - كۇنى تۇستەن كەيىن شي جينپيڭ الدىمەن شينجياڭ داشۋەسىنە كەلىپ قىزمەت تەكسەرىپ، تەكسەرۋ - زەرتتەۋ جۇرگىزدى. شي جينپيڭ مەكتەپ تاريحى سارايىن جانە جۇڭحۋا ۇلتى ورتاق تۇلعا تانىمىن بەرىك ورناتۋدى زەرتتەۋ بازاسىن ەكسكۋرسيالاپ، مەكتەپتىڭ تاريحي وزگەرىس جانە قۇرىلىس، دارىندى باۋلۋدى كۇشەيتۋ، ۇلتتاردىڭ ارالاسۋىن جەبەۋ سياقتى جاعدايلارىن ەگجەي - تەگجەيلى ۇعىسىپ، تەكسەرۋ - زەرتتەۋ جۇرگىزىپ قايتقان وقۋشىلاردىڭ قول جەتكىزگەن تابىستارى جونىندەگى لەبىزدەرىن تىڭدادى. شي جينپيڭ بىلاي دەپ اتاپ كورسەتتى: ەلىمىز − ءبىر تۇتاس كوپ ۇلتتى مەملەكەت، جۇڭحۋا ۇلتىنىڭ كوپ نەگىزدى ءبىر تۇلعاسى − ەلىمىزدىڭ كورنەكتى ءبىر ەرەكشەلىگى. ءبىز ماركسيزمنىڭ ۇلت نازارياسىن جۇڭگو ۇلت ماسەلەسىنىڭ ناقتى امالياتىمەن جاسامپازدىقپەن ۇشتاستىرىپ، ۇلتتار تەڭدىگىن، ۇلتتار ىنتىماعىن، ۇلتتىق وڭىرلىك اۆتونوميانى، ءار ۇلتتىڭ بىرگە گۇلدەنىپ - دامۋىن باستى مازمۇن ەتكەن ۇلت نازارياسىن جانە ۇلت ساياساتىن ورناتتىق، ءار ۇلت سوتسياليستىك ءتۇزىم استىندا شىن مانىندەگى تەڭدىكتى، ىنتىماقتى، العا باسۋدى جۇزەگە اسىردى. ءبىزدىڭ ۇلت نازاريامىز جانە ساياساتىمىز جاقسى، جارامدى. ۇلت ماسەلەسىن شەشۋدىڭ جۇڭگوشا دۇرىس جولىمەن جۇرۋدە تاباندى بولىپ، جاڭا داۋىردەگى پارتيانىڭ ۇلت نازارياسىن ۇزدىكسىز بايىتىپ جانە دامىتىپ، جۇڭحۋا ۇلتى ورتاق تۇلعاسىنىڭ نەگىزدىك ماسەلەلەرىن زەرتتەۋدى ىلگەرىلەتۋ كەرەك. ۇلتتارى ۇلى ىنتىماق ورناتقان جۇڭگونىڭ قاشان دا العان بەتتەن قايتپاي جەڭىسكە جەتەتىنى ءسوزسىز، نۇرلى بولاشاعى بولاتىنى ءسوزسىز، ءبىزدىڭ ەكىنشى 100 جىلدىق كۇرەس نىسانامىز، ءسوزسىز، جەڭىسپەن جۇزەگە اسادى، جۇڭحۋا ۇلتىنىڭ ۇلى گۇلدەنۋى، ءسوزسىز، ىسكە اسادى.
شي جينپيڭ بىلاي دەپ دارىپتەدى: ادام تاربيەلەۋدىڭ ءتۇبىرلى تەتىگى ءمورال ورناتۋدا. سوتسياليستىك ءبىلىم بەرۋ بەتالىسىندا تاباندى بولىپ، احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتى جەتىلگەن سوتسياليزمنىڭ قۇرىلىسشىلارى مەن ءىزباسارلارىن باۋلۋ كەرەك. ابزالدىق پەن ەرەكشەلىكتى كورنەكتىلەندىرىپ، جوعارى دەڭگەيلى وقىتۋشىلار قوسىنىن تۇلعالاپ، عىلمي زەرتتەۋ، جاڭالىق اشۋ قابىلەتىن جوعارىلاتىپ، شينجياڭ داشۋەسىنىڭ «قوس بىرەگەي» قۇرىلىسىنىڭ ۇزدىكسىز تىڭ ساتىعا كوتەرىلۋىن ىلگەرىلەتۋ كەرەك. وقۋشىلاردىڭ جۇڭگوشا سوتسياليزم ءۇشىن، جۇڭحۋا ۇلتى ءۇشىن قۇلشىنا كۇرەس جۇرگىزەتىن ءداۋىر جاستارىنان بولۋىن ءۇمىت ەتەمىن.
وسىدان سوڭ شي جينپيڭ ءۇرىمجى حالىقارالىق قۇرلىقتىق پورت اۋماعىنا كەلىپ، قاتىستى جاعدايلار جونىندەگى تانىستىرۋدى تىڭداپ، بەينە ەكرانداعى ناقتى كورىنىستەر ارقىلى جۇڭگو - ەۆروپا كەزەكشى پويەزى (ءۇرىمجى) جيناۋ ورتالىعىنىڭ ءتۇرلى فۋنكتسيالىق اۋماقتارىنىڭ جانە الاتاۋ شەكارا وتكەلىنىڭ، قورعاس شەكارا وتكەلىنىڭ جۇمىس باسىنداعى جۇمىس جۇرگىزىلۋ جاعدايىن تەكسەرىپ كوردى، سونداي - اق تەمىر جولى جۇك تاسىمالى تەرەزەسىندەگى قىزمەتكەرلەرمەن جانە وسى ارادا ءىس بىتىرۋگە كەلگەن قىزمەتكەرلەرمەن ىقىلاسپەن پىكىرلەستى. شي جينپيڭ بىلاي دەپ دارىپتەدى: ەلىمىزدىڭ سىرتقا ەسىك اشۋدى كەڭەيتۋ، باتىس بولىكتى قاۋىرت اشۋ، «ءبىر بەلدەۋ، ءبىر جولدى» بىرگە قۇرۋ سياقتىلارىنىڭ ىشكەرىلەي ىلگەرىلەۋىنە ىلەسە، شينجياڭ سالىستىرمالى تۇردە تۇيىق ىشكى قۇرلىقتان سىرتقا ەسىك اشۋدىڭ الدىڭعى شەبىنە اينالدى، جىبەك جولى ەكونوميكالىق بەلدەۋى وزەكتى رايونى قۇرىلىسىن ىلگەرىلەتىپ، شينجياڭنىڭ وڭىرلىك ەسىك اشۋ ستراتەگياسىن مەملەكەتتىڭ باتىسقا ەسىك اشۋىنىڭ جالپى تۇلعالىق ورنالاستىرۋىنا ەنگىزىپ، اشىق تيپتەگى ەكونوميكالىق تۇزىلىستە جاڭالىق اشىپ، سىرتقا ەسىك اشۋدىڭ ءىرى ارناسىن جەدەل ورناتىپ، حالىقارا، ەل ءىشى سىندى ەكى بازاردان، ەكى ءتۇرلى بايلىقتان اناعۇرلىم ويداعىداي پايدالانىپ، جاڭا دامۋ ارناسىنا بەلسەنە قىزمەت ەتۋ جانە توعىسۋ كەرەك. شي جينپيڭ جەرگىلىكتى ورىنداعى جاۋاپتى جولداستارعا «سىرتتان كىرۋدەن ساقتانۋدا، ىشتە قايتا بەلەڭ بەرۋدەن ساقتانۋدا» تاباندى بولىپ، «اۋقىمدىق نولگە تۇسىرۋدە» تاباندى بولىپ، ىندەتتەن ساقتانۋ قىزمەتىنىڭ دالمە - ءدال بولۋىنا قۇلشىنۋدى، بۇقاراعا قولايلى بولۋىنا قۇلشىنۋدى تاپسىردى.
7 - ايدىڭ 13 - كۇنى تۇستەن بۇرىن شي جينپيڭ ءۇرىمجى قالاسى تيانشان رايونى گۋيۋانشياڭ الەۋمەتتىك اۋماعىنا كەلدى. بۇل الەۋمەتتىك اۋماقتا از ۇلت تۇرعىندار %95 تەن استامىن ۇستايدى. شي جينپيڭ پارتيا مۇشەلەرىنىڭ بۇقاراعا قىزمەت وتەۋ ورتالىعىنىڭ زالىنا، مەيىر جەتكىزۋ ۇيىنە، ءبي زالىنا، وسپىرىمدەر كىتاپ وقۋ ۇيىنە كىرىپ، الەۋمەتتىك اۋماق تۇرعىندارىمەن ىقىلاسپەن پىكىرلەستى. شي جينپيڭ بالالاردىڭ جۇڭحۋانىڭ تاڭداۋلى ءداستۇرلى مادەنيەتى تۋرالى بىلىمدەردەن كورسەتكەن ويىن نومىرلەرىن قىزىعا تاماشالادى، ول بىلاي دەپ اتاپ كورسەتتى: جۇڭحۋانىڭ تاڭداۋلى ءداستۇرلى مادەنيەتى تاربيەسىن ەرتە باستان، بالا جاستان باستاپ يگەرىپ، تاباندىلىقپەن ەڭبەك ەتىپ، بىرتىندەپ ساناعا ءسىڭىرىپ، قۇلاققا ءسىڭىستى، كوزگە ءۇيىر ەتۋ كەرەك، بۇل جۇڭحۋانىڭ تاڭداۋلى ءداستۇرلى مادەنيەتىن جالعاستىرۋدىڭ ىرگە تاسىن بەكەمدەۋگە پايدالى. ۇيعۇر تۇرعىن ابىلات تۇرسىننىڭ ۇيىندە شي جينپيڭ قوناق زالى، جاتىن بولمە، اس ءۇي سياقتىلاردى ەگجەي - تەگجەيلى كورىپ شىعىپ، ءبىر ءۇيلى جانمەن القا - قوتان وتىرىپ اڭگىمە دۇكەنىن قۇردى. شي جينپيڭ بىلاي دەپ دارىپتەدى: ۇلتتار ىنتىماعى − ەلىمىزدەگى ءار ۇلت حالقىنىڭ جان تامىرى، شينجياڭداعى ءار ۇلت − جۇڭحۋا ۇلتى ۇلى شاڭىراعىنىڭ بولىنبەس مۇشەسى، تىنىش، ىنتىماقتى اسا تاماشا جاعدايدى بارىنشا قاستەرلەپ، 56 ۇلت جۇدىرىقتاي جۇمىلىپ، تاباندىلىقتى ساقتاپ، قۇنتتى دا ۇقىپتى بولىپ، ءبىر نيەتپەن كۇش بىرىكتىرىپ، اسقاق جىگەرمەن قايراتتانا ۇمتىلىپ، پارتيانىڭ باسشىلىعىندا ەكىنشى 100 جىلدىق كۇرەس نىساناسىن جۇزەگە اسىرۋ ءۇشىن جالعاستىرا كۇرەس جۇرگىزۋ كەرەك. شي جينپيڭ بىلاي دەپ اتاپ كورسەتتى: الەۋمەتتىك اۋماق قىزمەتى بارشا وتباسىلارمەن بايلانىسىپ جاتادى، الەۋمەتتىك اۋماقتاعى نەگىزگى ساتى پارتيا ۇيىمىنىڭ جاۋىنگەر قورعاندىق رولىن تولىق ساۋلەلەندىرىپ، قىزمەتتىڭ سالماق ءتۇيىنىن تومەنگە اۋدارىپ، ءار ۇلت تۇرعىندارىنىڭ ويلاعانىنا، ارمانداعانىنا، كۇتكەنىنە تىعىز جاناستىرىپ، كوپشىلىككە كومەكتەسىپ جاقسى ءىس ىستەپ، ناقتى ءىس ىستەپ، قيىن ماسەلەلەردى شەشىپ، ءار ۇلت بۇقاراسىنىڭ تۋىسقانداي ەتەنە بولۋىن، ءوزارا قارايلاسۋىن جەبەپ، كورىكتى مەكەندى بىرگە قۇرىپ، تاماشا بولاشاققا بىرگە جول اشۋ كەرەك.
الەۋمەتتىك اۋماقتان اتتاناردا ۇلتتىق كيىم كيگەن ءار ۇلت بۇقاراسى ءان شىرقاپ، بيگە باسىپ، باس شۋجيگە شىن جۇرەكتەن قۇرمەت ءبىلدىردى. شي جينپيڭ كوپشىلىكتىڭ ىستەرىنىڭ شالقىپ - شارىقتاي بەرۋىن، تۇرمىستارىنىڭ بارعان سايىن باقىتتى بولۋىن تىلەدى.
وسىدان سوڭ شي جينپيڭ شينجياڭ ۇيعۇر اۆتونوميالى رايوندىق مۇراجايعا كەلىپ، «شينجياڭ تاريحي مادەني ەسكەرتكىشتەر كورمەسىن» ەكسكۋرسيالاپ، ۇلتتىق ەپوس «ماناس» ايتۋ ونەرىن تاماشالادى، سونداي - اق «ماناس» بەيزاتتىق مادەنيەت مۇراسىن جالعاستىرۋشىلارمەن ىقىلاسپەن اڭگىمەلەستى. شي جينپيڭ بىلاي دەپ اتاپ كورسەتتى: جۇڭحۋا وركەنيەتى − كەنىشتى دە شۇرايلى وركەنيەت، ارىدان جالعاسقان، ءار ۇلتتىڭ تاڭداۋلى مادەنيەتىنىڭ الۋان بۇلاعىنىڭ جينالۋىنان قالىپتاسقان. جۇڭحۋا ۇلتى ورتاق تۇلعا تاريحىن، جۇڭحۋا ۇلتىنىڭ كوپ نەگىزدى ءبىر تۇلعالى ارناسىن زەرتتەۋدى كۇشەيتىپ، شينجياڭداعى ءار ۇلتتىڭ ارالاسۋىنىڭ تاريحي شىندىقتارىن، ارحەولوگيالىق ناقتى زاتتاردى، مادەنيەت مۇرالارىن تولىق اشىپ جانە ودان ءونىمدى پايدالانىپ، شينجياڭنىڭ ەجەلدەن بەرى ەلىمىزدىڭ ايرىلماس ءبىر بولىگى جانە كوپ ۇلت شوعىرلى قونىستانعان ءوڭىر ەكەنىن، شينجياڭداعى ءار ۇلتتىڭ جۇڭحۋا ۇلتى ۇلى شاڭىراعىنىڭ تامىرلاس، تاعدىرلاس ماڭىزدى مۇشەسى ەكەنىن انىق ءتۇسىندىرۋ كەرەك. بەيزاتتىق مادەنيەت مۇرالاردى قورعاۋدى، جالعاستىرۋدى كۇشەيتىپ، ءار ۇلتتىڭ تاڭداۋلى ءداستۇرلى مادەنيەتىن اسقاقتاتۋ، ساۋلەلەندىرۋ كەرەك.
7 - ايدىڭ 13 - كۇنى تۇستەن كەيىن شي جينپيڭ شينجياڭ ءوندىرىس - قۇرىلىس بيڭتۋانى 8 - شىسى شىحىزى قالاسىنا كەلىپ، شينجياڭ بيڭتۋان اسكەري تىڭ يگەرۋ مۇراجايىن ەكسكۋرسيالادى. مۇراجايدىڭ 1 - قاباتىنداعى زالدا شي جينپيڭ بيڭتۋاننىڭ اعا بۋىن، ورتا بۋىن، جاس بۋىن قۇرىلىسشىلارىنىڭ ۋاكىلدەرىمەن كەزدەستى. ول بىلاي دەپ دارىپتەدى: شينجياڭ ءوندىرىس - قۇرىلىس بيڭتۋانى شينجياڭنىڭ دامۋىن ىلگەرىلەتۋ، ۇلتتار ىنتىماعىن نىعايتۋ، قوعام ورنىقتىلىعىن قورعاۋ، مەملەكەتتىڭ شەكارا قورعانىسىن بەكەمدەۋ ءۇشىن وشپەس ۇلەس قوستى. بيڭتۋاندىقتار وتاندى قىزۋ سۇيەتىن، قالتقىسىز ۇلەس قوساتىن، قاجىرلىلىقپەن يگىلىك جاراتاتىن، ءورىس اشا العا ىلگەرىلەيتىن بيڭتۋان رۋحىن سومدادى، بۇل − جۇڭگو كوممۋنيستەرىنىڭ رۋحاني شەجىرەسىنىڭ ماڭىزدى قۇرامداس بولىگى، وسى باعالى بايلىقتان ويداعىداي پايدالانۋ كەرەك.
وسىدان سوڭ شي جينپيڭ اۆتوكولىكپەن 8 - شىنىڭ 143 - تۋانىنە بارىپ قىزمەت تەكسەرىپ، تەكسەرۋ - زەرتتەۋ جۇرگىزدى. اۋىل شارۋاشىلىعى 1 - ليانىندەگى ماقتا ەگىس بازاسىندا شي جينپيڭ اتىزعا بارىپ ماقتانىڭ ءوسۋ جاعدايىن قاداعالاپ، اتىزدا ەڭبەك ىستەپ جۇرگەن ەگىنشىلەردەن، اۋىل شارۋاشىلىعى تەحنيكتەرىنەن ماقتا ەگۋ، ساتۋ جانە وتباسى كىرىستەرى سياقتى جاعدايلاردى سۇرادى. 9 - لياندەگى جالپاق شابدالى ەگىس باقشاسىندا شي جينپيڭ وسى جىلداردا ليان - دۇيدىڭ جۇمىسشى - قىزمەتشىلەردى ەگىمشىلىك، باعىمشىلىق كاسىبىن، ەكولوگيالىق سەيىل - سەرۋەن ساياحاتى مەن شارۋالار شاتتىعى ساياجايى كاسىپ سالاسىن دامىتۋعا ىنتالاندىرىپ جانە وعان قولداۋ كورسەتىپ، جۇمىسشى - قىزمەتشىلەردىڭ كىرىسىن ارتتىرۋ ءادىسىن القادى. شي جينپيڭ بىلاي دەپ اتاپ كورسەتتى: بيڭتۋاندا اۋىل شارۋاشىلىعىنىڭ ماشينالانۋ دەڭگەيى جوعارى، اۋىل شارۋاشىلىعىنىڭ كولەمدەنگەن ءوندىرىس، كاسىپ سالالانعان شارۋاشىلىق جۇرگىزۋ شارت - جاعدايى جاقسى، استىق، ماقتا، ازىقتىق ماي، جەمىس - جيدەك، كوكونىس ءوندىرىسى سياقتى جاقتارداعى ابزالدىعى كورنەكتى، ەلىمىزدىڭ استىق حاۋىپسىزدىگىن جانە ماڭىزدى اۋىل شارۋاشىلىعى ونىمدەرىمەن قامداۋدى قامتاماسىز ەتۋ جاعىندا اناعۇرلىم زور رول اتقارۋى كەرەك. پارتيا ورتالىق كوميتەتىنىڭ بيڭتۋاننىڭ دامۋىن قولداۋ ساياساتتارىن ويداعىداي تياناقتاندىرىپ، بيڭتۋاننىڭ ابزالدىعىن ساۋلەلەندىرىپ، اۋىل شارۋاشىلىعىنىڭ عىلىم - تەحنيكالىق جانە جابدىقتىق تىرەگىن كۇشەيتىپ، جەرگىلىكتى جاعدايعا قاراي ىستەپ، ابزالدىققا يە اۋىل شارۋاشىلىعى ونىمدەرىن دامىتىپ، ابزالدىققا يە كاسىپ سالالارىن زورايتىپ، ەگىن، مال شارۋاشىلىعىنىڭ جاسىل، جوعارى ءونىمدى دامۋىن جەبەۋ كەرەك.
143 - تۋان حۋايۋان قالاشىعىنىڭ الاڭىندا شي جينپيڭ بيڭتۋانداعى كادر - بۇقارامەن ىقىلاسپەن اڭگىمەلەستى. ول بىلاي دەپ دارىپتەدى: بيڭتۋاننىڭ ستراتەگيالىق رولىن ەشتەڭە باسا المايدى. بيڭتۋان رەفورماسىن جەدەل ىلگەرىلەتىپ، بيڭتۋان مەن جەرگىلىكتى ورىننىڭ توعىسۋىن تەرەڭدەتىپ، قالاسى مەن اۋىلى جاراسىمدى باۋ - باقشا ۇلگىسىندەگى مەكەن قالىپتاستىرىپ، بيڭتۋاننىڭ شەكارانى ورنىقتىرىپ - بەكەمدەيتىن ورنىقتىرعىشتىق، ءار ۇلت بۇقاراسىن ۇيىستىراتىن دومنا پەشتىك، وزىق وندىرگىش كۇش پەن وزىق مادەنيەتتى دامىتۋدان ۇلگى كورسەتۋشى رايوندىق فۋنكتسياسى مەن رولىن تولىق ساۋلەلەندىرىپ، جاڭا داۋىردەگى بيڭتۋاننىڭ ورنىقتىلىقتى قورعاۋداعى، شەكارا كۇزەتۋدەگى جاڭا ابزالدىعىن قالىپتاستىرۋعا قۇلشىنۋ كەرەك.
7 - ايدىڭ 14 - كۇنى شي جينپيڭ تۇرپان قالاسىنا كەلىپ قىزمەت تەكسەرىپ، تەكسەرۋ - زەرتتەۋ جۇرگىزدى. بويلۇقتا شي جينپيڭ تۇرپاننىڭ ەرەكشە جەمىس - جيدەك كورسەتىلىمىن ەگجەي - تەگجەيلى كورىپ، جەرگىلىكتى ورىننىڭ ەرەكشەلىككە يە ءجۇزىم كاسىپ سالاسىن دامىتۋ، مادەنيەت پەن ساياحاتتىڭ توعىسا دامۋىن جەبەۋ سياقتى جاعدايلارىن ۇعىستى. شي جينپيڭ بىلاي دەپ دارىپتەدى: تۇرپان − كورىكتى دە ىرىستى، قاۋىن - قاربىز، جەمىس - جيدەكتىڭ ءيىسى اڭقىعان جەر، بۇل − ۇلى تابيعاتتىڭ سيى. ەكونوميكالىق، قوعامدىق دامۋ مەن ەكولوگيالىق ورتانى قورعاۋدىڭ قاتىناسىن دۇرىس ءبىر جاقتى ەتىپ، مادەنيەت پەن ساياحاتتىڭ توعىسا دامۋىن ىلگەرىلەتىپ، حالىقتى بايىتاتىن كاسىپ سالالارىن قالىپتاستىرۋ كەرەك.
شي جينپيڭ وسىدان سوڭ گاۋچاڭ رايونى يار قالاشىعى جاڭا قالا اۋماعى شينچىڭ شيمىن قىستاعىنا كەلىپ، ىلگەرىندى - كەيىندى پارتيا مۇشەلەرىنىڭ بۇقاراعا قىزمەت وتەۋ ورتالىعىندا، اۋىل شارۋاشىلىعى ونىمدەرىن وڭدەۋ كاسىپورنىندا قىزمەت تەكسەردى. قىستاق الاڭىندا قىستاق تۇرعىندارى باس شۋجيدىڭ كەلگەنىن كورىپ، الاقايلاپ قاۋمالاي كەلىپ، كوتەرىڭكى داۋىسپەن باس شۋجيمەن امانداستى. شي جينپيڭ بىلاي دەپ اتاپ كورسەتتى: جاپپاي سوتسياليستىك وسىزاماندانعان مەملەكەت قۇرۋدا بىردە - ءبىر ۇلتتىڭ قاعىس قالۋىنا بولمايدى. كەدەيلىكتەن ارىلتۋدان قامال الۋ جەتىستىكتەرىن ويداعىداي بەكەمدەپ، كەڭەيتىپ، اۋىل - قىستاقتى گۇلدەندىرۋدى تىڭعىلىقتى ىلگەرىلەتىپ، اۋىل - قىستاقتىڭ اناعۇرلىم باي، تۇرمىستىڭ اناعۇرلىم باقىتتى، اۋىل - قىستاقتىڭ اناعۇرلىم كوركەم بولۋىن جۇزەگە اسىرۋدى ىلگەرىلەتۋ كەرەك. شي جينپيڭ اۋىلداستاردىڭ تۇرمىستارىنىڭ بارعان سايىن شالقي ءتۇسۋىن، بالالاردىڭ اتپال ازامات بولىپ ەسەيۋىن تىلەدى.
تۇرپان قالاسىندا شي جينپيڭ تاعى دۇنيە جۇزىلىك مادەنيەت مۇراسى − يارعول بايىرعى قالاسىندا قىزمەت تەكسەردى. يارعول بايىرعى قالاسى − دۇنيە ءجۇزى بويىنشا ساقتالۋى ەڭ كەمەلدى، ساقتالعان ۋاقىتى ەڭ ۇزاق، كولەمى ەڭ ۇلكەن شيكى كەرپىش قۇرىلىمدى ەجەلگى زامان قۇرىلىس ۇلگىسىندەگى قالا. شي جينپيڭ بىلاي دەپ دارىپتەدى: يارعول بايىرعى قالاسى − جىبەك جولىنداعى ماڭىزدى قاتىناس ارناسى، جۇڭحۋانىڭ 5 مىڭ جىلدان اساتىن وركەنيەت تاريحىنداعى ماڭىزدى ايعاق، ونىڭ ماڭىزدى تاريحنامالىق قۇنى بار. مادەني ەسكەرتكىشتەردى قورعاۋدى، پايدالانۋدى جانە مادەنيەت مۇرالارىن قورعاۋدى، جالعاستىرۋدى كۇشەيتىپ، جۇڭحۋا مادەنيەتىنىڭ حالىقارالىق ىقپالىن ۇزدىكسىز كەڭەيتىپ، ۇلتتىق ماقتانىش سەزىمىن، مادەنيەت سەنىمىن كۇشەيتۋ كەرەك.
7 - ايدىڭ 15 - كۇنى تۇستەن بۇرىن شي جينپيڭ شينجياڭ ۇيعۇر اۆتونوميالى رايوندىق پارتكوم مەن ۇكىمەتتىڭ، شينجياڭ ءوندىرىس - قۇرىلىس بيڭتۋانىنىڭ قىزمەتىنەن مالىمەت تىڭداپ، شينجياڭنىڭ ءتۇرلى قىزمەتتەردە قول جەتكىزگەن ناتيجەلەرىن تۇراقتاندىردى، اۆتونوميالى رايوندىق پارتكوم مەن ۇكىمەتتىڭ قالىڭ كادر - بۇقارانى ىنتىماقتاستىرىپ، باستاپ، ءبىر نيەتپەن كۇش بىرىكتىرىپ، ۇدەرە العا تارتىپ، شينجياڭنىڭ ءتۇرلى قىزمەتتەرىن تىڭعىلىقتى، ويداعىداي ىستەۋىن ءۇمىت ەتتى.
شي جينپيڭ بىلاي دەپ اتاپ كورسەتتى: نازاردى شينجياڭ قىزمەتىنىڭ باس نىساناسىنا شوعىرلاندىرىپ، باياندى تىنىشتىققا ساياتىن ءتۇبىرلى، نەگىزدىك، ۇزاق بولاشاقتىق قىزمەتتەردى ىلگەرىلەتۋ كەرەك. جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرۋدىڭ ءونىمدى ادىستەرىن ۇزدىكسىز قاراستىرىپ، پارتيا ورتالىق كوميتەتىنىڭ تالاپتارىن ءىس جۇزىندىك ارەكەتتە جانە قىزمەت ناتيجەسىندە تياناقتاندىرىپ، شينجياڭ قىزمەتىنىڭ باستان - اياق دۇرىس بەتالىسپەن ىلگەرىلەۋىنە شىنايى كەپىلدىك ەتۋ كەرەك. شينجياڭنىڭ ۇزاق ۋاقىت ورنىقتىلىقتى ساقتاۋىنداعى ەڭ ماڭىزدى ءتۇيىن − حالىقتىڭ قالاۋى. ءبىر اۋىزدى ىنتىماقپەن العا قاراۋدا تاباندى بولىپ، قالىڭ كادر - بۇقارانىڭ ورنىقتىلىقتى ساقتاۋداعى، دامۋدى جوسپارلاۋداعى، رەفورمانى جەبەۋدەگى بەلسەندى رولىن ەڭ جوعارى شەكتە ساۋلەلەندىرىپ، قوعامنىڭ ءار سالاسىنىڭ پىكىرىنە قۇلاق تۇرۋگە ءمان بەرۋ كەرەك. ورنىقتىلىقتى قورعاۋ قىزمەتىنىڭ زاڭمەن باسقارىلۋىن، ۇدايىلانۋىن ىلگەرىلەتۋ كەرەك. شينجياڭعا قاتىستى سىرتقى ۇگىتتى كوپ ساتىلى، جان - جاقتى، ستەرەولدى تۇردە ورىستەتىپ، «شاقىرىپ اكەلۋ» قىزمەتىن كەمەلدەندىرىپ، جۇڭگو شينجياڭىنىڭ حيكايالارىن ويداعىداي بايانداۋ كەرەك.
شي جينپيڭ بىلاي دەپ دارىپتەدى: جۇڭحۋا ۇلتى ورتاق تۇلعا تانىمىن بەرىك ورناتىپ، ۇلتتاردىڭ ارالاسۋىن، ىشتەسۋىن، توعىسۋىن جەبەۋ كەرەك. جۇڭحۋا وركەنيەتى − شينجياڭداعى ءار ۇلت مادەنيەتىنىڭ ءتۇپ تامىرى. قالىڭ كادر - بۇقارانى شينجياڭ تاريحىن، اسىرەسە، ۇلتتاردىڭ دامۋ تاريحىن دۇرىس تانۋعا، جۇڭحۋا ۇلتى تاريحى كوزقاراسىن بەرىك ورناتۋعا، جۇڭگو پەيىلىن، جۇڭحۋا رۋحىن بەرىك ورناتۋعا تاربيەلەۋ، جەتەكتەۋ، وتە - موتە، جاستار مەن ورەندەردىڭ «نەگىز قالاۋ» ينجەنەرياسىن ىشكەرىلەي ىلگەرىلەتىپ، جۇڭحۋا ۇلتىنىڭ ورتاق رۋحاني مەكەنىن قۇرۋ كەرەك. ءار ۇلت بۇقاراسىنىڭ كەڭىستىك، مادەنيەت، ەكونوميكا، قوعام، پسيحيكا سياقتى جاقتاردان جان - جاقتى كىرىگۋىن بىرتىندەپ جۇزەگە اسىرىپ، ۇلتتاردىڭ اناردىڭ دانىندەي تىعىز ۇيىسۋىن جەبەۋ كەرەك.
شي جينپيڭ بىلاي دەپ اتاپ كورسەتتى: ءدىن ىستەرىن باسقارۋ قابىلەتىن جوعارىلاتىپ، ءدىننىڭ اقاۋسىز دامۋىن جۇزەگە اسىرۋ كەرەك. ءىسلام ءدىنىن جۇڭگوشالاندىرۋ بەتالىسىندا اناعۇرلىم ويداعىداي تاباندى بولىپ، ءدىننىڭ سوتسياليستىك قوعامعا ۇيلەسۋىنە مۇمكىندىك جاساۋ كەرەك. ماركسيزمدىك ءدىن كوزقاراسىنا جەتىك، ءدىن قىزمەتىنە قانىق، دىنگە سەنەتىن بۇقارا قىزمەتىن ىستەۋگە شەبەر پارتيا، ۇكىمەت كادرلارى قوسىنىن باۋلۋ، ساياسي جاقتا سەنىمدى، ءدىني بىلىكتىلىگى بار، قۇلىق - ءمورال جاعىندا جۇرتتى يلاندىرا الاتىن، شەشۋشى ساتتە رول اتقاراتىن ءدىن سالاسىنىڭ ۋاكىل قايراتكەرلەرى قوسىنىن باۋلۋ، يدەيا - ساياسيدا بەرىك، ماركسيزمدىك ءدىن كوزقاراسىندا تاباندى، ۇيرەنۋ ستيلى تاماشا، جاڭالىق اشۋعا شەبەر ءدىن ءىلىمىن زەرتتەۋشىلەر قوسىنىن باۋلۋ كەرەك. دىنگە سەنەتىن بۇقارانىڭ قالىپتى ءدىني قاجەتىن قامتاماسىز ەتىپ، دىنگە سەنەتىن بۇقارانى پارتيا مەن ۇكىمەتتىڭ توڭىرەگىنە تىعىز ىنتىماقتاستىرۋ كەرەك.
شي جينپيڭ بىلاي دەپ اتاپ كورسەتتى: شىنايى مويىنداۋدى كۇشەيتۋدى نىسانا ەتىپ، شينجياڭدى مادەنيەتپەن نارلەندىرۋدى ىشكەرىلەي ورىستەتۋ كەرەك. مادەنيەتتى شىنايى مويىنداۋ − ەڭ تەرەڭ ساتىداعى شىنايى مويىنداۋ. تاريح، مادەنيەت تانىمىن دۇرىستاپ، جۇڭحۋا مادەنيەتى ەرەكشەلىگىن جانە جۇڭحۋا ۇلتى كورىنىس وبرازىن كورنەكتىلەندىرۋ كەرەك. جۇڭحۋا مادەنيەتىنىڭ ورتاق سيپاتىن، شينجياڭنىڭ ىشكى وڭىردەگى ءار ۇلتپەن ارالاسۋىنىڭ، ىشتەسۋىنىڭ، توعىسۋىنىڭ تاريحي شىندىعىن كورسەتەتىن ءسوز جۇيەسى مەن ءونىمدى دانەكەردى كوپ تۇرعىدان، جان - جاقتى ورناتىپ، جۇڭحۋا مادەنيەتىنىڭ ناقتى زات، ناقتى كورىنىس، ناقتى ءىس ارقىلى تولىق ايگىلەنۋىنە، جۇرت جۇرەگىنە توتە جەتۋىنە مۇمكىندىك جاساپ، ءار ۇلت بۇقاراسىن دۇرىس مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ءدىن كوزقاراسىن ورناتۋعا تاربيەلەپ جانە جەتەكتەپ، ۇلى وتاندى، جۇڭحۋا ۇلتىن، جۇڭحۋا مادەنيەتىن، جۇڭگو كوممۋنيستىك پارتياسىن، جۇڭگوشا سوتسياليزمدى شىنايى مويىنداۋدى كۇشەيتۋ كەرەك.
شي جينپيڭ بىلاي دەپ دارىپتەدى: دامۋ مەن ورنىقتىلىقتىڭ، دامۋ مەن حالىق تۇرمىسىنىڭ، دامۋ مەن جۇرت تىلەگىنىڭ تەرەڭ بايلانىسىن جىعا تانىپ، دامۋ جەتىستىكتەرىمەن حالىق تۇرمىسىنا تيىمدىلىك جاساۋدى، جۇرت تىلەگىن ۇيىستىرۋدى ىلگەرىلەتۋ كەرەك. ەكونوميكانىڭ ساپالى دامۋىن جەدەلدەتىپ، ەرەكشەلىككە، ابزالدىققا يە كاسىپ سالالارىن جەتىلدىرىپ، زورايتىپ، جۇمىستاندىرۋعا تارتۋ قابىلەتىن كۇشەيتۋ كەرەك. كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى اۋىل - قىستاقتى گۇلدەندىرۋمەن ءونىمدى ۇشتاستىرىپ، اۋىل - قىستاقتىڭ باياندى دامۋىنىڭ ۇزاق ۋاقىتتىق ءونىمدى مەحانيزمىن اقاۋسىزداندىرۋ كەرەك. تاۋ، سۋ، ورمان، اتىز، كول، جايىلىم، ءشولدى ءبىر تۇلعالاندىرىپ قورعاۋدا جانە جۇيەلى جونگە سالۋدا تاباندى بولىپ، ەكولوگيانى الدىمەن ويلاستىرۋدى، جاسىل دامۋدى ىلگەرىلەتىپ، لاستانۋدان ساقتاۋ جانە ونى جونگە سالۋدان قامال الۋ شايقاسىن ىشكەرىلەي، ويداعىداي جۇرگىزىپ، ەكولوگيانى قورعاۋدىڭ قىزىل سىزىعىن قاتاڭ ساقتاۋ كەرەك. سىرتقا ەسىك اشۋ سەرپىنىن ارتتىرىپ، باتىسقا ەسىك اشۋدىڭ الدىڭعى شەبىن تۇلعالاپ، جىبەك جولى ەكونوميكالىق بەلدەۋى وزەكتى رايونى قۇرىلىسىن ىلگەرىلەتۋ كەرەك.
شي جينپيڭ بىلاي دەپ اتاپ كورسەتتى: پارتيانى جاپپاي قاتاڭ باسقارۋدا تاباندى بولىپ، ساپالى كادرلار قوسىنى قۇرىلىسىن شىنايى، ويداعىداي يگەرۋ كەرەك. قاتاڭ بولۋ سىندى نەگىزگى اۋەندە تاباندى بولىپ، پارتيانىڭ ساياسي قۇرىلىسىن ءبىر تۇتاس باسشىلىققا الا وتىرىپ پارتيانىڭ ءار جاقتاعى قۇرىلىسىن ىلگەرىلەتىپ، ساياسي ءتارتىپ پەن ساياسي قاعيدانى قاتايتۋ كەرەك. پارتيا تاريحىن ۇيرەنۋ تاربيەسىنىڭ جەتىستىكتەرىن بەكەمدەپ، كەڭەيتىپ، قالىڭ پارتيا مۇشەلەرىن، كادرلاردى مۇرات - سەنىمدى بەكەمدەۋگە تاربيەلەپ، جەتەكتەپ، قىزىل گەندى جالعاستىرىپ، قىزىل قان تامىردى ۇلاستىرۋ كەرەك. نەگىزگى ساتىنىڭ نەگىزىن بەكەمدەپ، ءار سالاداعى نەگىزگى ساتى پارتيا ۇيىمدارىن بەرىك جاۋىنگەر قامال ەتىپ قۇرىپ شىعۋ كەرەك. نەگىزگى ساتىداعى قىزمەت ستيلىن شىنايى جاقسارتىپ، تورەشىلدىكتى، فورماشىلدىقتى باتىل جەڭۋ كەرەك. پارتيا، ۇكىمەت باسشىلىق القا قۇرىلىمىن ساپالىلاندىرىپ، از ۇلت كادرلارىنىڭ رولىن ساۋلەلەندىرۋگە ءمان بەرۋ كەرەك.
شي جينپيڭ بىلاي دەپ دارىپتەدى: بيڭتۋان جاڭا جاعدايعا، جاڭا تالاپقا ۇيلەسىپ، شينجياڭ قىزمەتىنىڭ باس نىساناسىن جۇزەگە اسىرۋدا اناعۇرلىم ۇلكەن رولىن ساۋلەلەندىرۋى كەرەك. بيڭتۋان مەن جەرگىلىكتى ورىن ءبىر تۇتاس جۇيە دەگەندە تاباندى بولىپ، كەلەلى نەگىزدىك قۇرىلعىلاردى سايكەستىرە قۇرىپ، بيڭتۋان مەن جەرگىلىكتى ورىننىڭ ەكونوميكا، قوعام، مادەنيەت، ەكولوگيالىق وركەنيەت قۇرىلىسى جانە ۇلتتار ىنتىماعى، العاباسارلىعى، كادر - دارىندىلار سياقتى جاقتاردان توعىسا دامۋىن جاپپاي ىلگەرىلەتىپ، قۇرىلعىلاردى بىرگە قۇرۋدى، بايلىقتان بىرگە يگىلىكتەنۋدى، تەرەڭدەي كىرىگۋدى، ارتىقشىلىقتارمەن ءوزارا تولىقتاۋدى جۇزەگە اسىرۋ كەرەك.
شي جينپيڭ بىلاي دەپ اتاپ كورسەتتى: شينجياڭ قىزمەتىن ويداعىداي ىستەۋ كەلەلى جاعدايعا سايادى، بۇكىل پارتيانىڭ، بۇكىل مەملەكەتتىڭ ءىرى ءىسى. بۇكىل پارتيا ستراتەگيالىق جانە جالپى جاعداي بيىگىندە تۇرىپ شينجياڭ قىزمەتىنىڭ ماڭىزدىلىعىن تانىپ، شينجياڭعا باعىتتامالى كومەكتەسۋ قىزمەت سەرپىنىن ارتتىرىپ، شينجياڭعا باعىتتامالى كومەكتەسۋ قىزمەتى مەحانيزمىن كەمەلدەندىرىپ، شينجياڭ قىزمەتىن تىزە قوسا جاقسى ىستەپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الۋ كەرەك.
مالىمەت بەرۋ ءماجىلىسىنىڭ الدىندا شي جينپيڭ شينجياڭ ۇيعۇر اۆتونوميالى رايونى مەن قاتىستى تاراۋلارداعى، ايماق، قالالارداعى جاۋاپتى جولداستارمەن جانە ساقا جولداستاردىڭ ۋاكىلدەرىمەن، شينجياڭ ءوندىرىس - قۇرىلىس بيڭتۋانى باسشىلىق القا مۇشەلەرىمەن جانە قاتىستى جاقتارداعى جاۋاپتى جولداستارمەن، ءار ۇلت، ءار سالا ۋاكىلدەرىمەن، شينجياڭعا كومەككە كەلگەن كادرلاردىڭ ۋاكىلدەرىمەن، ساياسي - زاڭ كادر - ساقشىلارىنىڭ ۋاكىلدەرىمەن، ءدىن سالاسىنداعى وتانشىل قايراتكەرلەردىڭ ۋاكىلدەرىمەن جەكە - جەكە كەزدەستى. شي جينپيڭ پارتيا ورتالىق كوميتەتى اتىنان تيانشان الابىندا كۇرەس جۇرگىزىپ جاتقان قالىڭ جولداستارعا شىن جۇرەكتەن سالەم جولدادى.
7 - ايدىڭ 15 - كۇنى تۇستەن بۇرىن شي جينپيڭ ۇرىمجىدە شينجياڭدا تۇراتىن اسكەري بولىمدەردەگى وفيتسەر - اسكەرلەردىڭ ۋاكىلدەرىن شىن ىقىلاسپەن قابىلدادى. شي جينپيڭ شينجياڭدا تۇراتىن اسكەري بولىمدەردەگى بارشا جولداسقا شىن جۇرەكتەن سالەم جولداپ، شينجياڭدا تۇراتىن اسكەري بولىمدەردىڭ شەكارانى كۇشەيتىپ، قورعانىستى بەكەمدەۋ، شينجياڭدى ورنىقتىرۋ، شينجياڭدى كوركەيتۋ ءۇشىن قوسقان كورنەكتى ۇلەسىن تولىق تۇراقتاندىردى. ول بىلاي دەپ دارىپتەدى: جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن دايەكتىلەندىرىپ، جاڭا داۋىردەگى اسكەري ستراتەگيالىق باعىتتى دايەكتىلەندىرىپ، شينجياڭنىڭ قوعام ورنىقتىلىعى مەن باياندى تىنىشتىعىن جەبەۋ ءۇشىن بەلسەندى كۇش قوسۋ كەرەك.
7 - ايدىڭ 15 - كۇنى تۇستەن كەيىن شي جينپيڭ شينجياڭنان اتتانىپ بەيجيڭگە قايتاردا، ءار ۇلت بۇقاراسى جولدىڭ ەكى جاعىندا تۇرىپ باس شۋجيدى قىزۋ ىقىلاستى قۋانىشپەن شىعارىپ سالىپ، الاقايلاعان داۋىستار مەن شاپالاق ءۇنى ۇزاققا دەيىن تولاستامادى.
ديڭ شۋەشياڭ، ليۋ حى، جاڭ يوۋشيا، چىن شي، حى ليفىڭ جانە ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى.
كەلۋ قاينارى: حالىق تورابى
 |
7 - ايدىڭ 12 - كۇنىنەن 15 - كۇنىنە دەيىن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شينجياڭدا قىزمەت تەكسەردى. سۋرەتتە: 7 - ايدىڭ 14 - كۇنى شي جينپيڭ تۇرپان قالاسى گاۋچاڭ رايونى يار قالاشىعى جاڭا قالا اۋماعى شينچىڭ شيمىن قىستاعىندا قىزمەت تەكسەرگەندە ءار ۇلت جۇرتشىلىعىمەن بىرگە. سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
|
 |
7 - ايدىڭ 12 - كۇنىنەن 15 - كۇنىنە دەيىن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شينجياڭدا قىزمەت تەكسەردى. سۋرەتتە: 7 - ايدىڭ 13 - كۇنى تۇستەن كەيىن شي جينپيڭ شينجياڭ ءوندىرىس - قۇرىلىس بيڭتۋانى 8 - شىسى شىحىزى قالاسىنداعى شينجياڭ بيڭتۋان اسكەري تىڭ يگەرۋ مۇراجايىن ەكسكۋرسيالاعاندا بيڭتۋاننىڭ اعا بۋىن، ورتا بۋىن، جاس بۋىن قۇرىلىسشىلارىنىڭ ۋاكىلدەرىمەن كەزدەسۋدە. سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
|
 |
7 - ايدىڭ 12 - كۇنىنەن 15 - كۇنىنە دەيىن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شينجياڭدا قىزمەت تەكسەردى. سۋرەتتە: 7 - ايدىڭ 15 - كۇنى تۇستەن بۇرىن شي جينپيڭ ۇرىمجىدە شينجياڭدا تۇراتىن اسكەري بولىمدەردەگى وفيتسەر - اسكەرلەردىڭ ۋاكىلدەرىن شىن ىقىلاسپەن قابىلداپ، شينجياڭدا تۇراتىن اسكەري بولىمدەردەگى بارشا جولداسقا شىن جۇرەكتەن سالەم جولداپ، شينجياڭدا تۇراتىن اسكەري بولىمدەردىڭ شەكارانى كۇشەيتىپ، قورعانىستى بەكەمدەۋ، شينجياڭدى ورنىقتىرۋ، شينجياڭدى كوركەيتۋ ءۇشىن قوسقان كورنەكتى ۇلەسىن تولىق تۇراقتاندىرۋدا. سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن
|
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
