ورتالىق اۋا رايى ستانسياسى شىلىڭگىر ىستىقتان ساقتانۋ دابىلىن ءۇرتىس جاريالادى
بيىل جاز مەزگىلى نەلىكتەن وسىنداي ىستىق بولدى؟
حالىق گازەتىنىڭ ءتىلشىسى لي حۇڭمەي
2022.07.18 17:58 كەلۋ قاينارى : حالىق تورابى
7 – ايدىڭ 12 – كۇنى، جىجياڭ ولكەسى حاڭجوۋ قالاسىندا اۋا تەمپەراتۋراسى 40 گرادۋستان استى. سول كۇنى بۇكىل ەلىمىزدەگى مەملەكەت دارەجەلى 31 اۋا رايى ستانسياسى جاريالاعان ەڭ جوعارى اۋا تەمپەراتۋراسى 1961 – جىلدان بەرگى تاريحتاعى وسى مەزگىلدەگى ەڭ جوعارى ماننەن استى ...
جۋىردا ورتالىق اۋا رايى ستانسياسى ءۇرتىس 10 نەشە كۇن بويى شىلىڭگىر ىستىقتان ساقتانۋ دابىلىن قاقتى، سىچۋان، شاڭحاي، جىجياڭ، جياڭسۋ، حىنان، حىبەي قاتارلى جەرلەردە ەڭ جوعارى اۋا تەمپەراتۋراسى 40 گرادۋستان استى.
ورتالىق اۋا رايى ستانسياسىنىڭ بولجامىنا قاراعاندا، 7 – ايدىڭ 18 – كۇنى تۇننەن 20 – كۇنىنە دەيىن، سىچۋان ويپاتىندا، يۇنناندا، گۇيجوۋدان حۋاڭحى – حۋايحى الابىنا دەيىنگى وڭىردە، چاڭجياڭ – حۋايحى الابىندا باتىستان شىعىسقا قاراي كورنەكتى مولشەردە جاۋىن – شاشىن جاۋادى. جاۋىن – شاشىننىڭ ىقپالىنا ۇشىراعاندىقتان، وڭتۇستىكتەگى وڭىرلەردە شىلىڭگىر ىستىقتىڭ شارپيتىن كولەمى كورنەكتى تارايادى، تەمپەراتۋرا دا ءبىرشاما تومەندەيدى؛ الايدا، 7 – ايدىڭ 18 – كۇنى كۇندىز شينجياڭنىڭ تيانشان ءوڭىرى جانە وڭتۇستىك شينجياڭداعى ويپات، سانشيدىڭ شىعىس وڭتۇستىك بولەگى، بەيجيڭنىڭ وڭتۇستىك بولەگى قاتارلى جەرلەردىڭ ءىشىنارا وڭىرلەرىندە 35 – 37 گرادۋس اينالاسىندا شىلىڭگىر ىستىق بولادى، 7 – ايدىڭ 20 – كۇنىنەن سوڭ، وڭتۇستىكتەگى وڭىرلەردە جوعارى تەمپەراتۋرا تاعى دا بايقالىپ، كولەمى كەڭەيەدى.
6 – ايدان بەرى، شىلىڭگىر ىستىق ءۇرتىس 30 نەشە كۇن جالعاستى. حىبەي، حىنان، تيانجين، يۇننان، سىچۋان، جىجياڭ قاتارلى جەرلەردە مەملەكەتتىك اۋا رايى پۋنكتىنەن جيىنى 238 پۋنكتتە كۇندىك ەڭ جوعارى تەمپەراتۋرا سول ايداعى ەڭ جوعارى ماننەن اسقان، مەملەكەتتىك اۋا رايى پۋنكتىنەن 71 پۋنكتتە كۇندىك ەڭ جوعارى تەمپەراتۋرا تاريحتاعى ەڭ جوعارى شەكتەن اسقان. مۇندا حىبەيدىڭ ليڭشوۋ اۋدانىندا (44.2 گرادۋس)، گاۋچىڭ رايونىندا (44.1 گرادۋس)، جىڭديڭ اۋدانىندا (44.0 گرادۋس) جانە يۇنناننىڭ يانجين اۋدانىندا (44.0 گرادۋس) كۇندىك ەڭ جوعارى اۋا تەمپەراتۋراسى 44 گرادۋستان جوعارى بولعان.
مەملەكەتتىك كليمات ورتالىعى باقىلاعان دەرەككە قاراعاندا، بيىل 6 – ايدان بەرى (شىلدە كىرگەنگە دەيىن)، ەلىمىزدە جوعارى تەمپەراتۋرالى كۇن سانى ورتا ەسەپپەن 5.3 كۇن بولعان، بۇل 1961 – جىلدان بەرگى تاريحتاعى وسى مەزگىلدەگىمەن سالىستىرعاندا ەڭ كوپ، جالپى ىستىقتىق دارەجەسى 1961 – جىلدان بەرگى التىنشى ورىندا بولعان.
بيىل جاز ماۋسىمى نەلىكتەن وسىنداي ىستىق بولدى؟
مەملەكەتتىك كليمات ورتالىعىنىڭ باقىلاۋىنشا، بيىل 6 – ايدا دۇنيە ءجۇزى بويىنشا اۋا تەمپەراتۋراسى ورتا ەسەپپەن بۇرىنعى جىلدارداعىدان 0.4 گرادۋس جوعارىلاۋ بولعان، بۇل 1979 – جىلدان بەرگى ەڭ جوعارى دەڭگەي سانالادى. مەملەكەتتىك كليمات ورتالىعى مىنانى اتاپ كورسەتكەن: جەر شارىنىڭ جىلىنۋى — سولتۇستىك جارتى شارداعى جوعارى تەمپەراتۋرالى اڭىزعاقتىڭ قايتا – قايتا تۋىلۋى سىندى كليماتتىڭ تۋىلۋىنىڭ ماڭىزدى سەبەبى سانالادى، اتموسفەرالىق ءۇيىرىلىمنىڭ قالىپسىزدىعى — 6 – ايدان بەرى جەر شارىنىڭ كوپتەگەن جەرىندە شىلىڭگىر ىستىق اڭىزعاقتىڭ ءجيى تۋىلۋىنىڭ تىكەلەي سەبەبى. مەملەكەتتىك كليمات ورتالىعىنىڭ تاسقىندى مەزگىلدە كەزەكشىلىك ىستەگەن باس مامانى يۋان يۋاننىڭ تانىستىرۋىنشا، بيىل 6 – ايدان بەرى، سولتۇستىك جارتى شارداعى قوسالقى ىستىق بەلدەۋلىك وڭىردىڭ كوگىندە زور كولەمدە تۇتاس شارىندىق جىلى جوعارى قىسىمدى بەلدەۋ قالىپتاسقان.
جىلى جوعارى قىسمدى بەلدەۋدىڭ مەڭگەرۋىندە، كەڭ كولەمدە تومەن بەتتەگەن اۋا اعىسى جەر بەتىندەگى تەمپەراتۋرانىڭ ارتۋىنا ءتيىمدى بولادى، ونىڭ ۇستىنە، كەڭ كولەمدى جوعارى قىسىمدى بەلدەۋدىڭ رول اتقارۋىندا، اۋا ءبىرشاما قۇرعاق بولىپ، بۇلتتىڭ قالىپتاسۋى قيىنعا سوعادى، سونىمەن بىرگە، كۇن ساۋلەسى دە جەر بەتىنە اناعۇرلىم وڭاي جەتەدى، وسىنىڭ سالدارىنان تەمپەراتۋرا ءجيى جوعارىلايدى، ونىڭ ۇستىنە تەمپەراتۋرانىڭ جوعارىلاۋ مولشەرى دە ءبىرشاما كۇشتى بولادى، وسى سەبەپتى سولتۇستىك جارتى شاردىڭ كوپ جەرىندە ۇزدىكسىز شىلىڭگىر ىستىق اڭىزعاق پايدا بولادى. ەلىمىز جونىنەن ايتقاندا، قازىر باستان وتكەرىپ وتىرعان لا – نينا قۇبىلىسى بيىل 6 – ايدان بەرى وڭتۇستىكتەگى وڭىرلەردە تەمپەراتۋرانىڭ جوعارىلاۋىنا ماڭىزدى كليماتتىق شارت – جاعداي ازىرلەگەن. مۇنان سىرت، قوسالقى ىستىق بەلدەۋلىك جوعارى قىسىم ىلەستىرگەن سۋ بۋى ەلىمىزدىڭ ورتا – شىعىس بولەگىندەگى وڭىرلەردىڭ ىلعالدىلىعىن ءبىرشاما جوعارىلاتقان، دەنەگە سەزىلەتىن تەمپەراتۋرا دا ءبىرشاما جوعارى بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
