بيىل 1 - ايدان 6 - ايعا دەيىن ەلىمىزدىڭ كەمە جاساۋ كاسىبىنىڭ حالىقارالىق بازار ۇلەسى ءبىرىنشى ورىندا تۇردى
كەمە ونەركاسىبىنىڭ كاسىپ تىزبەگىندەگى، قامداۋ تىزبەگىندەگى بوگەلۋ ماسەلەسى نەگىزىنەن شەشىلدى، كاسىپ سالاسى ورنىقتى، اقاۋسىز دامۋعا بەت الدى
2022.07.15 16:57 كەلۋ قاينارى : حالىق تورابى
«حالىق گازەتى»، 7 - ايدىڭ 14 - كۇنى، بەيجيڭ (تىلشىلەر ليۋ جىچياڭ، ۋاڭ جىڭ). ءتىلشىنىڭ ونەركاسىپ جانە ينفورماتسيالاندىرۋ مينيسترلىگىنەن ۇعىسۋىنشا، ۇستەگى جىلى 1 - ايدان 6 - ايعا دەيىن ەلىمىزدىڭ كەمە جاساۋ كاسىبىندەگى جۇمىستىڭ اياقتاۋ مولشەرى، جاڭا تاپسىرىس قابىلداۋ مولشەرى جانە قولداعى تاپسىرىستىڭ مولشەرى توننالىق سالىستىرما بويىنشا دۇنيە ءجۇزى جالپى مولشەرىنىڭ %45.2 ىن، %50.8 ىن جانە %47.8 ىن ۇستاعان، تۇزەتۋ ەنگىزىلگەن توننالىق ەسەپتەۋ بويىنشا جەكە – جەكە %42 ىن، %47.7 ىن جانە %41.5 تى يەلەپ، حالىقارالىق بازار ۇلەسى دۇنيە ءجۇزى بويىنشا ءبىرىنشى ورىندا تۇرعان.
1 - ايدان 6 - ايعا دەيىن بۇكىل ەل بويىنشا كەمە جاساۋ كاسىبىندەگى جۇمىستىڭ اياقتاۋ مولشەرى 18 ميلليون 500 مىڭ توننا بولدى، مۇنىڭ ىشىندە تەڭىز كەمەسى جاڭا ولشەم بويىنشا 5 ميلليون 930 مىڭ توننا بولدى؛ جاڭادان قابىلداعان تاپسىرىس مولشەرى 22 ميلليون 460 مىڭ توننا بولدى، مۇنىڭ ىشىندە تەڭىز كەمەسى جاڭا ولشەم بويىنشا 11 ميلليون 130 مىڭ توننا بولدى. 6 - ايدىڭ سوڭىنا دەيىن قولداعى تاپسىرىس مولشەرى 102 ميلليون 740 مىڭ توننا بولىپ، وتكەن جىلدىڭ ۇقساس مەزگىلىندەگىدەن %18.6 ارتقان، مۇنىڭ ىشىندە تەڭىز كەمەسى 42 ميلليون 290 مىڭ توننا بولىپ، ەكسپورت ەتىلگەن كەمە جالپى مولشەرىنىڭ %88.7 ىن ۇستاعان. بۇكىل ەل بويىنشا كەمە جاساۋ كاسىبىندەگى جۇمىستىڭ اياقتاۋ مولشەرى الدىڭعى 10 ورىندا تۇرعان كاسىپورىندارعا جۇمىستىڭ شوعىرلانۋ شاماسى %70.9 بولىپ، 2021 - جىلدىڭ سوڭىنداعىدان 1.6 پايىز جوعارىلاعان؛ جاڭادان قابىلدانعان تاپسىرىس مولشەرىنىڭ الدىڭعى 10 كاسىپورىنعا شوعىرلانۋ دارەجەسى %68.3 بولىپ، 2021 - جىلدىڭ سوڭىنداعىدان ءبىر پايىز تومەندەگەن؛ قولداعى تاپسىرىس مولشەرى الدىڭعى 10 كاسىپورىنعا شوعىرلانۋ دارەجەسى %66.5 بولىپ، 2021 - جىلدىڭ سوڭىنداعىدان 3 پايىز تومەندەگەن.
تانىستىرۋعا قاراعاندا، بيىل جىل باسىنان بەرى كەمە ونەركاسىبىندە كاسىپ تىزبەگىنىڭ، قامداۋ تىزبەگىنىڭ بوگەلۋ ءتۇيىنى ماسەلەسى نەگىزىنەن شەشىلىپ، كاسىپ سالاسى ورنىقتى، اقاۋسىز دامۋعا بەت العان.
كەمەلەردى تاپسىرىپ بەرۋدە ارت - ارتىنان قۋانىشتى حابار تارالدى. 6 - ايدىڭ 22 - كۇنى جۇڭگو كەمە جاساۋ توبى شاڭحاي شىعىس جۇڭگو سەرىكتەستىگى مەن جۇڭگو كەمە ساۋداسى توبى بىرلەسىپ جاساعان دۇنيە جۇزىندەگى ەڭ ۇلكەن 24 مىڭ ولشەمدى تيەۋىش قوراپتى كەمەنىڭ تۇڭعىش ءونىمى رەسمي تاپسىرىلدى، بۇل كەمەنى شاڭحاي شىعىس جۇڭگو سەرىكتەستىگى دەربەس جوبالاعان، قازىر دۇنيە ءجۇزى بويىنشا قوراپتاۋ مولشەرى ەڭ كوپ تيەۋىش قوراپتى كەمە ءتۇرى. 6 – ايدىڭ 27 - كۇنى جۇڭگو كەمە توبى جياڭنان كەمە جاساۋ سەرىكتەستىگى جاساعان 15 مىڭ ولشەمدى تيەۋىش قوراپتى، قوس جانار زاتتى ەرەكشە ءىرى تيەۋىش قوراپتى كەمە جەلىلەس كەمەسىنىڭ ءتورتىنشىسى رەسمي قول قويىپ تاپسىرىپ بەرىلدى، بۇل كەمە سۇيىتىلعان تابيعي گازدى (LNG) نەگىزگى جانار زات ەتەدى، كابيناسىنىڭ سيىمدىلىعى 14 مىڭ تەكشەمەترگە جەتەدى، كەمە ازيا – ەۆروپا باعىتى بويىنشا ارلى – بەرلى قاتىناي الادى.
سوڭعى تاپسىرىستار تولاستامادى. تاياۋدا جياڭسۋ جاڭا ءداۋىر كەمە جاساۋ شەكتى سەرىكتەستىگى مەن جەر ورتا تەڭىزى سۋ تاسىمالى سەرىكتەستىگى 20 دانا LNG قوس جانار زات قوزعاۋشى كۇشى تيەۋىش قوراپتى كەمەسىن جاساۋ توقتامىنا قول قويىستى، بۇل جۇڭگو كەمە ونەركاسىبى توبىنىڭ ءبىر رەتكى ساۋداداعى ەڭ ۇلكەن قوس جانار زات قوزعاۋشى كۇش كەمە تاپسىرىسى.
جۇڭگو كەمە ونەركاسىبى توبى ءتيىمسىز ىقپالدى جەڭىپ، سىننان ءوتىپ، كاسىپ سالاسىنىڭ دامۋ سەرپىمدىلىگىن تولىق ايگىلەدى. جۇڭگو كەمە ونەركاسىبى توبى كاسىپتىك قوعامىنىڭ باس حاتشىسى لي يانچيڭ بىلاي دەدى: الدىڭعى جارتى جىلدا ەلىمىزدىڭ كەمە كاسىپورىندارى قىرۋار گاز كەمەلەرى مەن قوس جانار زات كەمەلەرىنىڭ تاپسىرىسىن وتكىزىپ الدى، بۇل ەلىمىزدىڭ كەمە جاساۋ كاسىپورىندارىنىڭ دۇنيە جۇزىلىك ەنەرگيا توڭكەرىسىندەگى ماڭىزدى ات سالىسۋشى بولىپ وتىرعانىن اڭعارتادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
