الدىڭعى جارتى جىلدا سىرتقى ساۋدا يمپورت – ەكسپورتى ءبىرشاما تەبىندى بولدى (جاڭا ساندى مالىمەت، جاڭا ءتۇيىن)
زات ساۋداسىنىڭ يمپورت - ەكسپورت جالپى قۇنى سايكەس مەزگىلدەگىدەن %9.4 ارتتى
2022.07.14 15:45 كەلۋ قاينارى : حالىق تورابى
«حالىق گازەتى»، 7 - ايدىڭ 13 – كۇنى، بەيجيڭ (ءتىلشىمىز دۋ حايتاۋ). كەدەننىڭ ساناعىنا قاراعاندا، بيىل الدىڭعى جارتى جىلدا ەلىمىزدىڭ زات ساۋداسىنىڭ يمپورت - ەكسپورت جالپى قۇنى 19 تريلليون 800 ميلليارد يۋان بولىپ، وتكەن جىلدىڭ ۇقساس مەزگىلىندەگىدەن %9.4 ارتقان. مۇنىڭ ىشىندە ەكسپورت 11 تريلليون 140 ميلليارد يۋان بولىپ، %13.2 ارتقان؛ يمپورت 8 تريلليون 660 ميلليارد يۋان بولىپ، %4.8 ارتقان.
ساندى مالىمەتتە كورسەتىلۋىنشە، الدىڭعى جارتى جىلدا ەلىمىزدىڭ ادەتتەگى ساۋدا يمپورت – ەكسپورتى 12 تريلليون 710 ميلليارد يۋان بولىپ، %13.1 ارتىپ، ەلىمىزدىڭ سىرتقى ساۋدا يمپورت – ەكسپورت جالپى قۇنىنىڭ %64.2 ىن ۇستاپ، وتكەن جىلدىڭ ۇقساس مەزگىلىندەگىدەن 2.1 پايىز جوعارىلاعان. وسى مەزگىلدە مانەرلەۋ ساۋداسىنىڭ يمپورت – ەكسپورتى 4 تريلليون 20 ميلليارد يۋان بولىپ، %3.2 ارتقان. الدىڭعى جارتى جىلدا ەلىمىزدىڭ ماشينا – ەلەكتر ونىمدەرىنىڭ يمپورت – ەكسپورتى 9 تريلليون 720 ميلليارد يۋان بولىپ، %4.2 ارتىپ، ەلىمىزدىڭ سىرتقى ساۋدا يمپورت – ەكسپورت جالپى قۇنىنىڭ %49.1 ىن ۇستاعان. اۋىل شارۋاشىلىق ونىمدەرىنىڭ يمپورت - ەكسپورتى ءبىر تريلليون 40 ميلليارد يۋان بولىپ، %9.3 ارتىپ، %5.2 تى ۇستاعان. وسى مەزگىلدە ەڭبەككۇش شوعىرلانعان ونىمدەردىڭ ەكسپورتى ءبىر تريلليون 990 ميلليارد يۋان بولىپ، %13.5 ارتىپ، ەكسپورت جالپى قۇنىنىڭ %17.8 ىن ۇستاعان. مۇناي، تابيعي گاز، كومىر سياقتى ەنەرگيا ونىمدەرىنىڭ جالپى يمپورت سوماسى ءبىر تريلليون 480 ميلليارد يۋان بولىپ، %53.1 ارتىپ، يمپورت جالپى قۇنىنىڭ %17.1 ىن ۇستاعان.
پارتيا ورتالىق كوميتەتى ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلادى. 5 - ايدان بەرى ەل ىشىندەگى ىندەتتەن ساقتانۋ - تىزگىندەۋ جاعدايىنىڭ جالپى جاقتان جاقسارۋىنا بايلانىستى، ارتۋدى ورنىقتىرۋ ساياساتىنىڭ ونىمدىلىگى بىرتىندەپ كورنەكتىلەندى، سىرتقى ساۋدا كاسىپورىندارىنىڭ جۇمىستى، ءوندىرىستى قالپىنا كەلتىرۋى تارتىپپەن ىلگەرىلەتىلدى، اسىرەسە، چاڭجياڭ اتىراۋى سياقتى رايونداردىڭ يمپورت - ەكسپورتى تەز قالپىنا كەلىپ، بۇكىل ەلدىڭ سىرتقى ساۋداسىنىڭ جالپى تۇلعالىق ارتۋ قارقىنى كورنەكتى جوعارىلادى. 5 - ايدا ەلىمىزدىڭ سىرتقى ساۋدا يمپورت - ەكسپورتى سايكەس مەزگىلدەگىدەن %9.5 ارتىپ، ارتۋ قارقىنى 4 - ايداعىدان 9.4 پايىز تەزدەپ، 6 - ايدا ارتۋ قارقىنى %14.3 جوعارىلادى.
كەدەن باس مەكەمەسىنىڭ قاتىستى جاۋاپتىسى مىنانى ءبىلدىردى: الدىڭعى جارتى جىلدا ەلىمىزدىڭ سىرتقى ساۋدا يمپورت - ەكسپورتى ءبىرشاما كۇشتى سەرپىمدىلىكتى ايگىلەپ، 1 - توقساندا ورنىقتى باستاما جاراتىلدى، 5 -، 6 - ايلاردا 4 – ايداعى ارتۋ قارقىنىنىڭ تومەندەۋ بەتالىسى جەدەل وزگەردى. قازىر ەلىمىزدىڭ سىرتقى ساۋداسىنىڭ دامۋى ءالى دە كەيبىر ورنىقسىز، تۇراقسىز فاكتورلارعا ءدوپ كەلىپ وتىر، ورنىقتىلىقتى ساقتاپ، ساپانى جوعارىلاتۋ ءالى دە كوپتەگەن قىسىمعا ءدوپ كەلىپ وتىر. الايدا مىنانى دا كورە ءبىلۋىمىز كەرەك: ەلىمىز ەكونوميكاسىنىڭ سەرپىمدىلىگى كۇشتى، كومەسكى كۇشى جەتكىلىكتى، ۇزاق ۋاقىت جاقسارۋ نەگىزگى جاعدايى وزگەرگەن جوق. مەملەكەتتىڭ ەكونوميكانى ورنىقتىرۋ جونىندەگى ءبىرقىدىرۋ ساياساتتىق شارالارىنىڭ تياناقتانىپ، ءونىم بەرۋىنە ىلەسە، جۇمىستى، ءوندىرىستى قالپىنا كەلتىرۋ تارتىپپەن ىلگەرىلەتىلدى، ەلىمىزدىڭ سىرتقى ساۋداسىنىڭ ورنىقتى ارتا بەرۋىنەن ءۇمىت بار، سىرتقى ساۋدانىڭ ورنىقتىلىعىن ساقتاۋ، ساپاسىن جوعارىلاتۋ ءالى دە بەرىك نەگىزگە يە.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
