كاسىپ سالالانىپ دامۋدا ”ەكى تور“ كۇش قوستى
شينجياڭنىڭ جەمىس ورمانى شارۋاشىلىعى ”ەرەكشە“ بولۋدان ”الۋەتتەنۋگە“ قاراي ويىستى
انار بۇلت \ شينجياڭ گازەتىنىڭ ءتىلشىسى ليۋ ي
2022.07.14 15:47 كەلۋ قاينارى : شينجياڭ گازەتى
جەمىس ورمانى شارۋاشىلىعى − شينجياڭنىڭ ايرىقشا ەرەكشە بولعان باسىمدىققا يە كاسىپ سالاسى، شارۋالاردىڭ كىرىستى ارتتىرىپ، بايۋىنداعى ماڭىزدى ارنا.
سوڭعى جىلدارى بۇكىل رايون جەمىس ورمانى شارۋاشىلىعىنىڭ ساپاسىن جوعارىلاتىپ، ونىمدىلىگىن ارتتىرۋ ينجەنەرياسىن ىشكەرىلەي اتقارىپ، اۋىل شارۋاشىلىق ونىمدەرىن شينجياڭ ىشىندە ساتىپ الۋ مەن شينجياڭ سىرتىنا ساتۋدىڭ ”ەكى تورىن“ بەلسەنە قالىپتاستىرىپ، جەمىس ورمانى شارۋاشىلىعىنىڭ كولەمدەنىپ، ولشەمدەنىپ دامۋىن ىلگەرىلەتىپ، شينجياڭنىڭ ەرەكشە جەمىس ورمانى ونىمدەرى وزىندىك مىعىم ساپاسى مەن كۇن سايىن ساپالىلانعان كاسىپ سالاسى ۇلگىسىنە سۇيەنىپ، اناعۇرلىم كەڭ بازارعا بەت الىپ، اناعۇرلىم جوعارى ورەدەگى دامۋدى جۇزەگە اسىردى.
بۇگىنگى تاڭدا، شينجياڭ ساپاسى ايتارلىقتاي جەمىس ورمانى ونىمدەرىن ءوندىرىپ قالماستان، جەمىس ورمانى كاسىپ سالاسىنىڭ ورىن تۇراقتاندىرۋى دا كەزىندەگى ”ەرەكشە“ كاسىپ سالاسى بولۋدان قامتۋ كولەمى كەڭ، تيىمدىلىك جاسايتىن حالىق سانى كوپ، دامۋ كومەسكى كۇشى زور ”تىرەكتى“ كاسىپ سالاسى بولۋعا قاراي تيبىن وزگەرتىپ، دارەجەسىن جوعارىلاتتى.
بازار يەلەپ، ساتۋ جولىن كەڭەيتتى
سوڭعى جىلدارى ەكى كورىنبەيتىن تور جىلدام دامىعان شينجياڭ ەرەكشەلىگىنە يە جەمىس ورمانى شارۋاشىلىعىن دەمەپ، ەرەكشە جەمىس ورمانى ونىمدەرىنىڭ شينجياڭنان سىرتقى ۇلكەن بازارعا بەت الىپ، تيبىن وزگەرتىپ، دارەجەسىن جوعارىلاتۋ جولىنا تۇسۋىنە تىرەك بولدى.
2014 - جىلى باس شۋجي شي جينپيڭ شينجياڭ جەمىس شارۋاشىلىعى توبىندا تەكسەرۋ جۇرگىزگەندە كاسىپورىندى ۇزدىكسىز قۇلشىنىپ، شينجياڭنىڭ ەرەكشە بايلىعىن ونان ارى ويداعىداي اشىپ، ەكونوميكانىڭ دامۋىن جەبەۋ مەن شارۋالاردىڭ كىرىسىن ارتتىرۋعا كوبىرەك ۇلەس قوسۋعا جىگەرلەندىردى. 8 جىلدان بەرى شينجياڭ جەمىس شارۋاشىلىعى توبى بۇكىل رايوندا جەمىس ورمانى شارۋاشىلىعىنىڭ ساپاسىن جوعارىلاتىپ، ونىمدىلىگىن ارتتىرۋ ينجەنەرياسىن ىشكەرىلەي اتقارۋدىڭ جەتەكتەۋىندە، شينجياڭ ىشىندە ساتىپ الۋ مەن شينجياڭ سىرتىندا ساتۋدىڭ ”ەكى تور“ قۇرىلىسىن ىلگەرىلەتىپ، جەمىس ورمانى شارۋاشىلىعىنىڭ جالپى كاسىپ تىزبەگىنىڭ دامۋىن كۇش سالا جەتىلدىرىپ، كاسىپورىندى نەگىزگى تۇلعا ەتكەن، سەلبەستىك كووپەراتيۆتەرىمەن بىرلەسكەن، دەلدالدار تياناق بولاتىن، دارەجەگە ءبولىپ جيناۋ، جاس كۇيىندە سۋىقتاي ساقتاۋ، وڭدەپ تاسىمالداۋ سياقتىلاردى قامتىعان ساتىپ الۋ - ساتۋ تورىن بىرتىندەپ قالىپتاستىرىپ، ەرەكشە جەمىس ورمانى ونىمدەرىنىڭ ەل ءىشى بازارىندا ساتىلۋىن جەبەدى.
2018 - جىلى 9 - ايدا شينجياڭ جەمىس شارۋاشىلىعى توبى شينجياڭ جاڭعاق (حوتان) ساۋدا بازارىن سالىپ، حوتان قالاسى، حوتان اۋدانى، قاراقاش اۋدانى، لوپ اۋدانى سياقتى جەرلەردى شارپىپ، جەرگىلىكتى ورىن جاڭعاعىنىڭ ”ساتىلۋى قيىن بولۋ“ جاعدايىن ءبىر جولاتا وزگەرتتى.
”بۇرىن جاڭعاق جيناپ الىنعاننان كەيىن كۇندە بازارعا اپارىپ ساتاتىنبىز، كەيدە جىل بويى ساتىلىپ بىتپەيتىن. قازىر ارناۋلى بازارى بار، قاي كەزدە ساتامىز دەسەك سول كەزدە ساتامىز، ءبىر ايدا جاڭعاقتىڭ ءبارىن ساتىپ بولامىز“. حوتان اۋدانى باعچي قالاشىعى باعچي قىستاعىنىڭ تۇرعىنى روزىمەت روزى بىلاي دەدى: بازار ءوز ءۇيىمىنىڭ جاڭعاعىنا ساتۋ جولىن اشۋمەن بىرگە، تاعى باعاسى دا جوعارى بولدى، ساپاسى جاقسى جاڭعاق ءدانىنىڭ باعاسى ادەتتەگى جاڭعاق دانىنەن ％30 جوعارى بولادى، ءوز ۇيىمىزدە دە ساپالى جاڭعاق سورتىن ەگەتىن بولدىق، جوعارى ساپالى ونىمگە سۇيەنىپ كىرىسىمىزدى دە جوعارىلاتتىق.
بۇگىنگى تاڭدا، ءار جىلى 9 − 12 - ايدا شينجياڭ جاڭعاق (حوتان) ساۋدا بازارى ساتۋدىڭ قاۋىرت مەزگىلىنە وتەدى، جاڭعاقتىڭ كۇندىك ساۋدا مولشەرى 3000 − 5000 تونناعا جەتەدى، بازاردىڭ جوعارى ءونىمدى اينالىمى جەرگىلىكتى جاڭعاقتىڭ ساتىلۋ پەريوتىن بۇرىنعى 10 اي اينالاسىنان 4 تە 5 ايعا قىسقارتىپ، ساپاسىنا قاراي باعاسىن بەلگىلەۋ جەمىس شارۋالارىنىڭ ساپاسى جاقسى بولسا باعاسى جوعارى بولۋ ۇستانىمىن قالىپتاستىردى.
وسى جىلداردا شينجياڭ جەمىس شارۋاشىلىعى توبى بەلسەنە تۇعىر ورناتىپ، قويما سالىپ، جەلى تۇيىندەرىن كەڭىنەن ورنالاستىرىپ، شينجياڭنىڭ اۋىل شارۋاشىلىق ونىمدەرىنىڭ ”ەكى تور“ قۇرىلىسىن بار كۇشتى سالىپ ىلگەرىلەتتى. ىلگەرىندى - كەيىندى اقسۋ، حوتان، قاشقار، تۇرپان قاتارلى نەگىزگى جەمىس ورمانى ءوندىرىس وڭىرلەرىندە 17 قامبالاۋ، وڭدەۋ، ساۋدالاۋ، شوعىرلى ۇلەستىرۋ ورتالىعىن سالىپ، تيجارات جۇرگىزىپ، قىزمەت وتەۋ قۇرىلعىلارى كولەمى ءبىر ميلليون 713 مىڭ شارشى مەترگە جەتىپ، شينجياڭ سىرتىنداعى بازاردا 5000نان استام جەلى تۇيىندەرىن قۇرىپ، جاس ونىمدەر دۇكەنى، ارناۋلى سورە جانە ساتۋ جەلى تۇيىندەرى بۇكىل ەلدىڭ ءارقايسى ورتالىق قالالارىنا تارالدى.
بيىل شينجياڭ جەمىس شارۋاشىلىعى توبى تاعى بەيجيڭ شوۋنۇڭ قامداۋ تىزبەگىن باسقارۋ شەكتى سەرىكتەستىگىمەن سەلبەستىك كەلىسىمىنە قول قويىسىپ، ءارقايسى جاق وزدەرىنىڭ بايلىق باسىمدىقتارىنان پايدالانىپ، ”ناقتى دۇكەن + ينتەرنەت“ سىندى ينتەرنەت جەلىسىندە جانە جەلىدەن تىس توعىسپالى دامىعان ءوندىرۋ مەن ساتۋدى ءتۇيىلىستىرىپ تيجارات جۇرگىزۋ ۇلگىسىنەن پايدالانىپ، ينتەرنەت جەلىسىندە جانە جەلىدەن تىس بىردەي ساتۋدى جۇزەگە اسىرىپ، شينجياڭنىڭ ەرەكشە جەمىس ورمانى ونىمدەرىنىڭ اناعۇرلىم كەڭ بازارعا بەت الۋىنا دەم بەردى.
”ەكى توردىڭ“ بارعان سايىن ءجيى توقىلىپ، شينجياڭنىڭ ەرەكشە جەمىس ونىمدەرىنىڭ ساتىلۋ ارناسىنىڭ بارعان سايىن كەڭەيۋى شارۋالاردى ۇزدىكسىز كىرىستەرىن ارتتىرۋعا پارمەندى تۇردە جەتەكتەپ قالماستان، تاعى اۋىل - قىستاق كاسىپ سالالارىنىڭ گۇلدەنۋىنە نەگىز قالاپ، شينجياڭنىڭ جەمىس ورمانىنىڭ ”التىن ءارىپتى ماڭدايشالىعىن“ اناعۇرلىم جارقىراتا ءتۇستى.
وزىندىك قابىلەتكە توسەلىپ، ساپاسىن جوعارىلاتتى
ساپا − جەمىس ورمانى شارۋاشىلىعىنىڭ دامۋىنىڭ وزەكتى باسەكەلىك قۋاتى، سونداي - اق جوعارى ساپالى دامۋدى اشۋدىڭ ”كىلتى“. سوڭعى جىلدارى بۇكىل رايون جەمىس ورمانى شارۋاشىلىعىنىڭ ساپاسىن جوعارىلاتىپ، ونىمدىلىگىن ارتتىرۋ ينجەنەرياسىن ۇزدىكسىز ىلگەرىلەتىپ، جەمىس باقشاسىن تازارتۋ، جيىلىگىن سيرەتىپ وزگەرتۋ، جەمىس باعىنىڭ توپىراق ورتاسىن جاقسارتۋ، جەردى تىڭايتۋ سياقتى شارالاردى تياناقتاندىرۋ ارقىلى جەمىس ورمانىن كەشەندى باسقارۋ ورەسىن ۇزدىكسىز جوعارىلاتىپ، جەمىس ساپاسىن جوعارىلاتتى.
”ءبارى بىردەي جاڭعاق بولسا دا، سورتى تۇرلىشە بولسا پارقى وتە زور بولادى“. قاراقاش اۋدانى كۇيا قالاشىعى سايات قىستاعىنىڭ تۇرعىنى تۇرسۇنتوحتى ھايىت بىلاي دەدى: بۇرىن ەگەتىن جاڭعاق اعاشى سورتى كونەرگەن، جاڭعاقتىڭ قابىعى قالىڭ، ءدانى كىشكەنە ءارى ءتۇسىم مولشەرى تومەن بولاتىن. 2016 - جىلى ول ءوز ۇيىندەگى 3 مۋ جەردەگى جاڭعاق اعاشىن بۋدانداستىرىپ، سورتىن ساپالىلاندىرعاننان كەيىن، تەحنيكتەردىڭ كومەگىندە عىلمي تىڭايتقىش بەرۋدى، جاڭعاق اعاشىن باپتاۋدى ۇيرەنىپ، جاڭعاقتىڭ سورتى جاقسارىپ، ءتۇسىمى جوعارىلادى، ساتۋ جولىنان دا الاڭدامايتىن بولدى.
شارۋالاردىڭ سەنىمى ساپادان كەلەدى، ساپانىڭ قاينارى تەحنيكادا. بىلتىر بۇكىل رايون 767 ادامدىق مامانداردىڭ قىزمەت وتەۋ ۇجىمىن قۇرىپ، نەگىزگى ساتىنىڭ ءبىرىنشى شەبىندە تۇراقتاپ تۇرعىزىپ، جەمىس ورمانى ءوندىرىس تەحنيكاسى بويىنشا قىزمەت وتەۋ، جەتەكشىلىگىن ورىستەتىپ، ايماق، اۋدان، اۋىلدىڭ 12 مىڭ 700 جەردەگى 2 ميلليون 340 مىڭ مۋ ۇلگى كورسەتۋ باقشاسىن بەكەمدەپ، دەڭگەيىن كوتەرىپ، ساپاسىن جوعارىلاتۋ، ونىمدىلىگىن ارتتىرۋ تەحنيكالىق شارالارىن ءونىمدى تياناقتاندىرىپ، سورتىن ورنالاستىرۋ مەن اعاش ءتۇرى قۇرىلىمىن ونان ارى ساپالىلاندىرىپ، جەمىس ورمانىنىڭ ساپاسىن جوعارىلاتۋدى پارمەندى جەبەدى.
سونىمەن بىرگە بۇكىل رايونىمىز جەمىس ورمانى شارۋاشىلىعىن ”ولشەمدەندىرىپ“ دامىتۋ جولىمەن جۇرۋگە تاباندى بولدى. كوپ جىلدىق قۇرۋ ارقىلى بۇكىل رايونداعى جەمىس ورمانى شارۋاشىلىعىنىڭ تەحنيكالىق ولشەمى 364 تۇرگە جەتىپ، مەملەكەتتىك ولشەمنەن 28 ءتۇردى، ورمان شارۋاشىلىعىنىڭ كاسىپتىك ولشەمىنەن 31 ءتۇردى جانە شينجياڭنىڭ جەرگىلىكتى ولشەمىنەن 305 ءتۇردى قامتىپ، جەمىس ورمانى تۇقىمىن جەتىلدىرۋ، باپتاپ باسقارۋ، ساپاسىن دارەجەگە ءبولۋ، مانەرلەۋ، ساقتاۋ - تاسۋ جانە ساپا حاۋىپسىزدىگىن قۋزاستىرۋ سياقتى ءوندىرىستىڭ تۇتاس بارىسىن قامتىعان ولشەمدى جۇيە العاشقى ادىمدا قالىپتاستى.
ءبىر قىدىرۋ ولشەم جۇيەسىنىڭ قۇرىلۋى شينجياڭنىڭ جەمىس ورمانى شارۋاشىلىعىنىڭ كولەمدەنۋىنە، كاسىپ سالالانۋىنا، ماركالانۋىنا، جاسىل دامۋىنا تەحنيكالىق تىرەك ازىرلەپ، جەمىس ورمانى ءونىم مولشەرىن جانە ساپاسىن اناعۇرلىم جوعارىلاتتى.
2021 - جىلى بۇكىل رايوننىڭ جەمىس - جيدەك ءونىم مولشەرى 8 ميلليون 640 مىڭ توننا بولىپ، 2017 - جىلداعىدان ءبىر ميلليون 150 مىڭ توننا ارتىپ، ءونىم قۇنى 55 ميلليارد 900 ميلليون يۋانعا جەتىپ، شينجياڭنىڭ جەمىس - جيدەكتەرىنىڭ تاۋارلانۋ مولشەرى ％86كە جەتىپ، 2017 - جىلداعىدان 11 پايىز جوعارىلادى، ％80تەن استام ءونىمى شينجياڭنان سىرت جەرلەرگە ساتىلىپ، شينجياڭنىڭ جەمىس ورمانى شارۋاشىلىعىنىڭ ءونىم مولشەرى مەن ساپانىڭ ”تەڭ ارتۋىن“ جۇزەگە اسىردى.
تىزبەك شىڭدالىپ، كاسىپ سالاسى قۋاتتاندى
جەمىس ورمانى شارۋاشىلىعىنىڭ ۇزاق ۋاقىت گۇلدەنىپ - كوركەيۋى، سايىپ كەلگەندە، كاسىپ سالاسىنىڭ وزىندىك اقاۋسىز دامۋىنىڭ جەبەۋىنە سۇيەنەدى. سوڭعى جىلدارى بۇكىل رايوننىڭ جەمىس ورمانى شارۋاشىلىعىنىڭ دامۋى كاسىپ سالاسى تىزبەگىن ۇزارتۋعا، قوسىمشا قۇندى جوعارىلاتۋعا ءمان بەرىپ، كاسىپ سالاسى تىزبەگىنىڭ، قامداۋ تىزبەگىنىڭ وسىزاماندانۋ دەڭگەيىن ۇزدىكسىز جوعارىلاتىپ، كاسىپ سالاسىنىڭ دامۋ نەگىزىن بەكەمدەدى.
مانەرلەۋ تىزبەگىن ۇزارتۋ جاعىندا، شينجياڭ جەمىس شارۋاشىلىعى توبى شىلان، جاڭعاق ونىمدەرىن مانەرلەۋ سياقتى ءالسىز بۋىندارعا مەڭزەس، بۇكىل شينجياڭنان 70 نەشە مانەرلەۋ ءوندىرىس جەلىسىن ەنگىزدى، جاڭادان قۇردى. شينجياڭ (اقسۋ) اۋىل شارۋاشىلىق ونىمدەرى ساۋدا ورتالىعىنىڭ مايعا توعىتىلعان شىلان وندىرەتىن 5 ءوندىرىس جەلىسى وندىرىسكە قوسىلعاننان بەرى كۇنىنە 10 توننا شاماسىندا شىلان مانەرلەيدى.
”مانەرلەۋ ءوندىرىس جەلىسى توڭازىتۋ جانە مايعا توعىتۋ تەحنولوگياسى ارقىلى شىلاندى كەپتىرىپ، بازاردىڭ قارسى الۋىنا بولەنگەن ۇساق - تۇيەك تاعامعا اينالدىرىپ، ءونىمنىڭ ساقتالۋ مەرزىمىن ۇزارتۋمەن بىرگە، ءونىمنىڭ قوسىمشا قۇنىن دا زور مولشەردە جوعارىلاتتى“. شينجياڭ جەمىس - جيدەك توبىنىڭ ورىنباسار باس مەڭگەرۋشىسى، اقسۋ بازاسىنىڭ جاۋاپتىسى ۋاڭ شينچي بىلاي دەپ تانىستىردى: مانەرلەۋدەن وتكەن شىلاندى اسىلگى كۇيىمەن سالىستىرعاندا، قوسىمشا قۇنى ％50 مولشەرىندە جوعارىلاپ، ەكونوميكالىق ونىمدىلىگى زور مولشەردە ارتتى.
ماركا قۇرىلىسى جاعىندا، قاتىستى تاراۋلاردىڭ بىرگە قۇلشىنۋىندا، رايونىمىز جەمىس ورمانى ونىمدەرىنىڭ ساۋدا ماركاسىنان 5615ىن، جەمىس تۇرىندەگى جاعراپيالىق بەلگى كۋالىگىنەن 36سىن جەتىلدىردى، ەكسپورت ەتىلەتىن جەمىس باقشاسىنان 132سىن تىركەۋگە الدى، جىڭ الاقاتى سياقتى 5 جاعراپيالىق بەلگى ماركاسى «جۇڭگو − ەۆروپا جاعراپيالىق بەلگى كەلىسىمىنە» ەنگىزىلدى، ءپايزاۋات شينمەيى سياقتى 10 جەمىس ءتۇرى بۇكىل ەلدەگى ايگىلى، ەرەكشە، ساپالى ونىمدەر قاتارىنا ەنگىزىلدى.
كاسىپ سالالاندىرىپ دامىتۋ وي جەلىسى مەن امالياتى رايونىمىزدىڭ جەمىس ورمانى شارۋاشىلىعىنىڭ ءداستۇرلى دامۋ ءتاسىلىن وزگەرتتى ءارى شينجياڭ جەمىس شارۋاشىلىعى توبىنىڭ بۇرىنعى جالاڭ اۋىل شارۋاشىلىق ونىمدەرىن مانەرلەۋ، ساتۋ تيبىندەگى كاسىپورىننان دامىپ، اۋىل شارۋاشىلىعىنىڭ تۇتاس كاسىپ سالاسى تىزبەگى بار ءىرى كاسىپورىنعا اينالۋىنا مۇمكىندىك جاسادى. 2019 - جىلدان بەرى كاسىپورىن جيىنى ءبىر ميلليون 62 مىڭ توننا اۋىل شارۋاشىلىعى ءونىمىن بازارعا اماناتتاۋ ارقىلى ساتىپ الدى ءارى ”سەرىكتەستىك + شارۋالار كاسىپتىك سەلبەستىك كووپەراتيۆى + شارۋا وتباسى“ سياقتى ۇلگىلەرگە سۇيەنىپ، اۋىل - قىستاقتاعى 2 ميلليونعا جۋىق ادامنىڭ كىرىس ارتتىرۋىنا تىكەلەي، جانامالاي باستاماشىلدىق ەتىپ، قالا مەن اۋىلدان 12 مىڭعا جۋىق ادامدى جۇمىستانۋعا جەتەكتەپ، جەمىس ورمانى ونىمدەرىنىڭ بازارداعى باعاسىن ورنىقتىرۋعا، شارۋالار كىرىسىنىڭ ورنىقتى ارتۋىنا شىنايى كەپىلدىك ەتۋ جاعىندا بارعان سايىن ماڭىزدى رول اتقاردى.
كاسىپ سالاسىنىڭ عىلمي دامۋى تاماشا ەكونوميكالىق ونىمدىلىك اكەلدى. قازىر شينجياڭنىڭ ەرەكشە جەمىس ورمانى جاس كۇيىندە ساقتاۋ جانە مانەرلەۋ جىلدىق قۋاتى 4 ميلليون 540 مىڭ تونناعا جەتتى، شىلان ەگەتىن جەرلەردىڭ مانەرلەۋ كولەمى بۇرىن ％10كە جەتپەسە، ال قازىر ％50تەن استامعا جەتتى، جەمىس ورمانى شارۋاشىلىعى كىرىسى شارۋالاردىڭ جان باسىندىق تازا كىرىسىنىڭ ％30تەن استامىن ۇستادى، وڭتۇستىك شينجياڭداعى نەگىزگى ءونىم وندىرەتىن ءبىر ءبولىم اۋدان، قالالاردىكى ％50تەن استى. شينجياڭنىڭ كاسىپ سالاسى ويداعىداي دامىعان، جەتەكشىلىك ەتۋ، تىرەك بولۋ قۋاتى كۇشتى ەرەكشە جەمىس ورمانى شارۋاشىلىعى ”ەرەكشە“ بولۋدان ”الۋەتتەنۋ“ بارىسىندا اناعۇرلىم جوعارى دەڭگەيدە دامۋدى جۇزەگە اسىردى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
