جالپى ءونىم مولشەرى 294 ميلليارد 800 ميلليون جىڭ بولىپ، تاعى دا تىڭ ورەگە كوتەرىلدى
جازعى استىقتان مول ءونىم الىندى (جاڭا ساندى مالىمەت، جاڭا ءتۇيىن)
«حالىق گازەتىنىڭ» تىلشىلەرى لۋ يانان، لي شياۋچيڭ
2022.07.15 16:55 كەلۋ قاينارى : حالىق تورابى
مەملەكەتتىك ساناق مەكەمەسى 7 - ايدىڭ 14 - كۇنى جاريالاعان ساندى مالىمەتتە كورسەتىلۋىنشە، 2022 – جىلى بۇكىل ەل بويىنشا جازعى استىقتىڭ جالپى ءونىم مولشەرى 147 ميلليون 390 مىڭ تونناعا (294 ميلليارد 800 ميلليون جىڭ) جەتىپ، الدىنداعى جىلداعىدان ءبىر ميلليون 434 مىڭ توننا (2 ميلليارد 870 ميلليون جىڭ)، ياعني %1.0 ارتقان. مۇنىڭ ىشىندە ءبيدايدىڭ ءونىم مولشەرى 135 ميلليون 760 مىڭ تونناعا (27 ميلليارد 500 ميلليون جىڭ) جەتىپ، %1.0 ارتقان.
استىق حاۋىپسىزدىگى − مەملەكەتتىڭ زور ءىسى. بيىل جىل باسىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا جەر - جەر، تاراۋلار استىق وندىرىسىنە ايرىقشا ءمان بەرىپ، استىق حاۋىپسىزدىگىندە پارتكوم مەن ۇكىمەت بىردەي جاۋاپكەرلىك ارقالاۋدى قاتاڭ تياناقتاندىرىپ، استىق ءوندىرىسىن قولداۋ سەرپىنىن ۇزدىكسىز ارتتىرىپ، كۇزدىك ءبيدايدى جاي ەگۋ، اۋىل شارۋاشىلىق ءوندىرىس قۇرال - جابدىقتارى باعاسىنىڭ ءوسۋى جانە ەل ىشىندە ىندەتتىڭ كوپ تۇيىندە بىتىراڭقى تارالۋى سياقتى ءتيىمسىز فاكتورلاردىڭ ىقپالىن جەڭىپ، جازعى استىقتان مول ءونىم الدى.«2022 - جىلى ەلىمىز جازعى استىقتان مول ءونىم الىپ، تۇتاس جىلداعى استىق ءوندىرىسىن ورنىقتىرۋعا تاماشا نەگىز قالاندى، زات باعاسىن ورنىقتىرۋعا، حالىق تۇرمىسىن قامتاماسىز ەتۋگە، ەكونوميكانى ورنىقتىرۋعا، سىرتقى ورتانىڭ تۇراقسىزدىعىنا توتەپ بەرۋگە بەرىك تىرەك ازىرلەندى» دەدى مەملەكەتتىك ساناق مەكەمەسى اۋىل – قىستاق تارماق مەكەمەسىنىڭ باستىعى ۋاڭ گۇيرۇڭ.
جازعى استىق − تۇتاس جىلداعى استىق ءوندىرىسىنىڭ ءبىرىنشى ماۋسىمى، جازعى جيىن - تەرىندەگى ءبيداي ازىقتىق استىقتىڭ %40 ىن ۇستايدى. «بيىل جازعى استىقتان مول ءونىم الۋ، شىنىندا، وڭاي بولعان جوق، سيرەك كەزدەسەتىن كۇزگى تاسقىن اپاتىنا ۇشىراعاننان كەيىنگى اپاتقا قارسى اتتانۋ بارىسىندا مول ءونىم الىندى، تاريحي جوعارى ورەدە تاعى دا ءونىمدى ارتتىرۋ ادامدى جەلپىندىرەدى، شابىتتاندىرادى» دەدى اۋىل شارۋاشىلىعى، اۋىل - قىستاق مينيسترلىگى ەگىمشىلىك باسقارۋ تارماق مەكەمەسىنىڭ باستىعى پان ۋىنبو.
ەگىلەتىن جەر كولەمى ورنىقتى ارتىپ، جازعى استىق ءونىمىن ارتتىرۋدىڭ نەگىزى قالاندى. استىق ءوندىرىسىنىڭ جاۋاپكەرلىگى ناقتىلانىپ، ساياساتتىق قولداۋ تەبىنى نىعايىپ، شارۋالاردىڭ استىق ەگۋدەن تاپقان پايداسى قامتاماسىزداندىرىلىپ، كۇزدىك ءبيداي ەگىلەتىن جەر كولەمى ورنىقتىرىلىپ، جازدىق ءبيداي ەگىلەتىن جەر كولەمى كەڭەيتىلدى، بيىل جازعى استىق ەگىلەتىن جەر كولەمى 398 ميلليون مۋ بولىپ، الدىڭعى جىلداعىدان %0.3 ارتىپ، ءۇرتىس 2 جىل ارتتى.
جازعى استىقتىڭ بىرلىك ءونىمى ورنىقتى جوعارىلادى، بۇل − جازعى استىق ءونىمىن ارتتىرۋدىڭ تەتىگى. بيىل اۋا رايى شارت - جاعدايى جالپى جاقتان ءتيىمدى بولدى، ءتۇرلى شارالار ارقىلى دالمە - ءدال قولداۋ كورسەتىلدى. جەر - جەر جەردى تەگىستەۋ ساپاسىن جوعارىلاتىپ، تۇقىم ءسىڭىرۋ مولشەرىن ارتتىرىپ، نەگىزگى تىڭايتقىشتى ارتتىرىپ، جاي ەگۋدىڭ ىقپالىن جەڭىلدەتتى. «عىلىم - تەحنيكامەن مايسانى الدەندىرۋ» كادەگە جارپ، دەرت – دەربەزدەن ساقتانۋدىڭ ءونىمى جاقسى بولىپ، ءوندىرىس شارت - جاعدايى ۇزدىكسىز جاقساردى. بيىل بۇكىل ەل بويىنشا جازعى استىقتىڭ مۋ باسىندىق ءتۇسىمى 370.4 كيلوگرامعا جەتىپ، الدىنداعى جىلداعىدان 2.3 كيلوگرام ارتتى.
«بۇل جازعى استىقتىڭ بىرلىك ءونىمى ءۇرتىس 3 جىل جوعارىلاۋ نەگىزىندە تاعى دا جاراتىلعان تىڭ ورە بولدى». پان ۋىنبو مىنانى ءبىلدىردى: بىرلىك ءونىمنىڭ جوعارىلاۋىنىڭ جازعى استىقتىڭ ءونىمىن ارتتىرۋعا قوسقان ۇلەسى %64 كە جەتتى، «يىل جازعى استىقتىڭ بىرلىك ءونىمىنىڭ جوعارىلاۋىندا ءتيىمدى كيلمات فاكتورىنىڭ ىقپالى دا، قۇلشىنا ەڭبەكتەنۋدىڭ دە ناتيجەسى بار».
جازعى استىقتىڭ ءونىمى ارتىپ قانا قالماستان، ءبيدايدىڭ ساپاسى دا كورنەكتى جاقساردى. مەملەكەتتىك استىق جانە زات زاپاسى مەكەمەسىنىڭ تەكسەرۋىنە قاراعاندا، استىق وندىرەتىن نەگىزگى رايونداردا 2 - دارەجەلىدەن جوعارى ءبيدايدىڭ سالىستىرماسى %90 تەن اسقان. اۋىل شارۋاشىلىق جاعدايىن ورنالاستىرۋدا كورسەتىلۋىنشە، بۇكىل ەل بويىنشا ساپالى ارناۋلى ءبيدايدىڭ سالىستىرماسى %38.5 كە جەتىپ، الدىنداعى جىلداعىدان 1.2 پايىز جوعارىلاعان.
مەملەكەتتىك دامۋ جانە رەفورما كوميتەتى ەكونوميكا - ساۋدا تارماق مەكەمەسى باستىعىنىڭ ورىنباسارى جاڭ گوحۋا بىلاي دەپ تانىستىردى: جازعى استىق ساتىپ الۋدا جالپى تۇلعالىق جاقتان قارقىنى تەز، ساپاسى جاقسى، باعاسى تۇراقتى، بازارى جاندى بولۋ ەرەكشەلىگى جارىققا شىقتى، 7 - ايدىڭ 10 - كۇنىنە دەيىن نەگىزگى ءوندىرىس رايوندارى 34 ميلليون 330 مىڭ توننا ءبيداي ساتىپ الىپ، وتكەن جىلدىڭ ۇقساس مەزگىلىندەگىدەن ءبىر ميلليون 600 مىڭ توننا ارتتى.
«جالپى تۇلعادان الىپ قاراعاندا، قازىر ەلىمىزدىڭ استىق حاۋىپسىزدىگى جاعدايى ءبىرشاما جاقسى، سىرتقى سوققىعا توتەپ بەرۋگە قۋات، نەگىز، شارت - جاعدايىمىز بار، ىرىزدىعىمىزدى ءوز قولىمىزدا مىقتاپ ۇستاي الامىز». جاڭ گوحۋا مىنانى ءبىلدىردى: 2021 - جىلى ەلىمىزدىڭ استىق ءونىمى 680 ميلليون تونناعا جەتىپ، 10 جىلدىڭ الدىنداعىدان 100 ميلليون تونناعا جۋىق ارتىپ، ءۇرتىس 7 جىل 650 ميلليون توننادان اسىپ، ادام باسىنا تۋرا كەلەتىن استىق مولشەرى 483 كيلوگرامعا جەتتى. ەل ىشىندەگى استىق بازارى جالپى جاقتان ورنىقتى بولىپ، باعا تولقۋى حالىقارالىق بازاردان الدەقايدا تومەن بولدى. ەلىمىزدىڭ استىق اينالىمى مەن شۇعىل جاعدايعا توتەپ بەرۋدى قامتاماسىزداندىرۋ قۋاتى كورنەكتى جوعارىلادى. «كەلەسى قادامدا مەملەكەتتىك دامۋ جانە رەفورما كوميتەتى قاتىستى تاراۋلارمەن بىرگە استىق حاۋىپسىزدىگىن قامتاماسىز ەتۋدى ءبىر تۇتاس جوسپارلاپ كۇشەيتىپ، استىقپەن نەگىزىنەن ءوزىن - ءوزى قامداۋعا، ازىقتىق استىقتىڭ مۇلدەم حاۋىپسىزدىگىنە كەپىلدىك ەتىپ، استىق حاۋىپسىزدىگىنىڭ ىرىقتىلىق ۇقىعىن مىقتى يگەرىپ، حالىق بۇقاراسىنىڭ كۇن سايىن ارتىپ وتىرعان تاماشا تۇرمىس قاجەتىن اناعۇرلىم ويداعىداي قاناعاتتاندىرادى».
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
