ۋاڭ چىن نيڭشيادا اۋىل - قىستاقتى گۇلدەندىرۋدى جەبەۋ زاڭىنىڭ اتقارىلۋىن تەكسەرگەن كەزدە مىنانى دارىپتەدى
اۋىل - قىستاقتى گۇلدەندىرۋدىڭ ءتۇرلى ورنالاستىرۋلارى مەن تالاپتارىن جاپپاي تياناقتاندىرىپ، قونىستانۋعا، شارۋاشىلىق جۇرگىزۋگە قولايلى كورىكتى اۋىل - قىستاقتى تىڭعىلىقتى قۇرۋ كەرەك
2022.07.19 17:13 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 18 – كۇنى، يىنچۋان. ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى ۋاڭ چىن 7 - ايدىڭ 15 - كۇنىنەن 17 - كۇنىنە دەيىن مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسىن باستاپ نيڭشيادا اۋىل - قىستاقتى گۇلدەندىرۋدى جەبەۋ زاڭىنىڭ اتقارىلۋىن تەكسەردى. ول مىنالاردى دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، اۋىل - قىستاقتى گۇلدەندىرۋدىڭ ءتۇرلى ورنالاستىرۋلارى مەن تالاپتارىن جاپپاي تياناقتاندىرىپ، زاڭمەن جونگە سالۋدىڭ جەتەكشىلىك، ارناعا ءتۇسىرۋ، قامتاماسىز ەتۋ رولىن تولىق ساۋلەلەندىرىپ، اۋىل شارۋاشىلىعىن، اۋىل - قىستاقتى وسىزامانداندىرۋدى جەدەل ىلگەرىلەتىپ، قونىستانۋعا، شارۋاشىلىق جۇرگىزۋگە قولايلى كورىكتى اۋىل - قىستاقتى تىڭعىلىقتى قۇرۋ كەرەك.
تەكسەرۋ گرۋپپاسى نيڭشيا حۇيزۋ اۆتونوميالى رايوندىق ۇكىمەتتىڭ اۋىل - قىستاقتى گۇلدەندىرۋدى جەبەۋ زاڭىنىڭ اتقارىلۋ جاعدايى جونىندەگى مالىمەتىن تىڭدادى ءارى يىنچۋان، ۋجۇڭ قالالارىنا بارىپ تەكسەرۋ جۇرگىزدى. فۋجيان مەن نيڭشيانىڭ سەلبەستىگى − باس شۋجي شي جينپيڭ تىكەلەي ورنالاستىرعان جانە ىلگەرىلەتكەن شىعىس، باتىس بولىكتەردىڭ كەدەيلەردى سۇيەمەلدەۋ بويىنشا سەلبەسۋىنىڭ ۇلگىسى. تەكسەرۋ گرۋپپاسى يۇڭنيڭ اۋدانى ميننيڭ قالاشىعى يۋانلۇڭ قىستاعىنا كەلىپ، قىستاقتىڭ بەت – بەينەسىن كورىپ، كومەكتەسۋ - سۇيەمەلدەۋ سەحىن ەكسكۋرسيالاپ، ەلەكتروندى ساۋدا ارقىلى اۋىل شارۋاشىلىعىنا كومەكتەسۋدىڭ اۋىلداستاردىڭ تۇرمىسىن بارعان سايىن جاقسارتقانىن، ءشول دالانىڭ كىرىس قايراڭىنا اينالعانىن كوردى، كوپشىلىكتى باس شۋجي شي جينپيڭنىڭ ىقىلاستى تاپسىرىعىن ەستە بەرىك ساقتاپ، العىس ايتىپ، قايراتتانا العا ۇمتىلىپ، اناعۇرلىم تاماشا تۇرمىس جاراتۋعا شابىتتاندىردى. كاسىپ سالاسىن گۇلدەندىرۋ − اۋىل - قىستاقتى گۇلدەندىرۋدەگى ەڭ ماڭىزدى ءتۇيىن. يىنچۋان قالاسى شيشيا رايونى يۋانشى شاراپ قىستاعىنىڭ ەگىمشىلىك بازاسىندا تەكسەرۋ گرۋپپاسى ءشول دالادا ءجۇزىم ەگۋ جاعدايىن تەكسەرىپ، ءجۇزىم شارابى كاسىبىن دامىتۋدىڭ، شارۋالاردىڭ جۇمىستانۋىنا جەتەكشىلىك ەتۋدىڭ جاڭا جەتىستىكتەرىن ۇعىستى. ۋجۇڭحۇڭ عيباداتحاناسى رايونىنا نيڭنان تاۋلى رايونىنداعى 235 مىڭ كوشپەندى حالىق سانى كوشىرىپ ورنالاستىرىلعان، بۇل − بۇكىل ەلدەگى ەڭ ۇلكەن قونىس اۋدارىپ كوشىرىلگەن كوشپەندىلەردى شوعىرلى ورنالاستىرۋ رايونى. تەكسەرۋ گرۋپپاسى وسى رايوننىڭ حۇڭدى قىستاعىنا كەلىپ، شارۋالاردىڭ وتباسىلارىن ارالاپ، الاقات ەگىمشىلىگى، سويىس سيىر باعىمشىلىعى، توقىماشىلىق كاسىپورىندارىنىڭ كەدەيلەردى سۇيەمەلدەۋى سياقتى جاقتاردا قول جەتكىزىلگەن ىلگەرىلەۋشىلىكتەردى ۇعىستى. تەكسەرۋ گرۋپپاسى تاعى ۋجۇڭ - ليتۇڭ رايونى بايسىتان قىستاعى مەن نيۋجيافاڭ ۇلتتىق سالت - سانا مادەنيەت قىستاعىنا بارىپ، اۋىل - قىستاقتى جونگە سالۋعا شەبەر بولۋ، اۋىل - قىستاقتىڭ ەكولوگيالىق ورتاسىن قورعاۋ، اۋىل - قىستاق مادەنيەتىن جالعاستىرۋ، گۇلدەندىرۋ سياقتى جاعدايلاردى تەكسەردى.
ۋاڭ چىن بىلاي دەپ اتاپ كورسەتتى: نيڭشيا باس شۋجي شي جينپيڭنىڭ نيڭشيادا قىزمەت تەكسەرگەندە سويلەگەن ماڭىزدى ءسوزىنىڭ رۋحىن باتىل دايەكتىلەندىرىپ، تياناقتاندىرىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋگە، كەڭەيتۋگە باسا ءمان بەرىپ، اۋىل - قىستاقتى گۇلدەندىرۋمەن ءونىمدى ۇشتاستىرىپ، زاڭنىڭ اتقارىلۋىن كۇشەيتىپ، اۋىل - قىستاقتى گۇلدەندىرۋدىڭ تاماشا باستاماسىن جۇزەگە اسىرعان. سونىمەن بىرگە، اۋىل شارۋاشىلىعىنىڭ كاسىپ سالالانۋ دارەجەسى جوعارى بولماۋ، اۋىل - قىستاق نەگىزدىك قۇرىلعىلار قۇرىلىسىنداعى ولقىلىقتار ءبىرشاما كوپ بولۋ سياقتى ءالسىز بۋىندار دا ورىن تەۋىپ وتىر ەكەن.
ۋاڭ چىن بىلاي دەپ دارىپتەدى: باس شۋجي شي جينپيڭنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى ماڭىزدى پايىمداۋلارىن ىشكەرىلەي ۇيرەنىپ، دايەكتىلەندىرىپ، شارۋاشىلىعى شالقىعان، ەكولوگيالىق ورتاسى جايلى، اۋىل سالتى وركەنيەتتى، باسقارۋى ۇتىمدى، تۇرمىسى اۋقاتتى بولۋ سىندى جالپى تالاپقا ساي، اۋىل - قىستاقتى گۇلدەندىرۋدى جەبەۋ زاڭىنداعى بەلگىلەمەلەردى جاپپاي تياناقتاندىرىپ، اۋىل شارۋاشىلىعىنىڭ ساپالى، جوعارى ءونىمدى بولۋىن، اۋىل - قىستاقتىڭ قونىستانۋعا، شارۋاشىلىق جۇرگىزۋگە قولايلى بولۋىن، شارۋالاردىڭ باي - باياشات بولۋىن زاڭ بويىنشا جەبەۋ كەرەك. اۋىل - قىستاق قۇرىلىسى ارەكەتىن ىشكەرىلەي اتقارىپ، اۋىل - قىستاقتاعى دارەتحانانى جاڭالاۋدى، تۇرمىستىق قوقىر - قوقسىقتى ءبىر جاقتى ەتۋدى جانە لاس سۋدى جونگە سالۋدى جەرگىلىكتى جاعدايعا قاراي ىلگەرىلەتىپ، شارۋالاردىڭ اۋىل - قىستاق ءوندىرىس، تۇرمىس شارت - جاعدايىن شىن مانىندە جاقسارتۋ كەرەك. كىرىستى ارتتىرۋ ارناسىن ۇزدىكسىز كەڭەيتىپ، شارۋالاردىڭ تۇرمىس ورەسى مەن عىلىم - تەحنيكا، مادەنيەت ساپاسىن جوعارىلاتىپ، شارۋالاردىڭ ۇقىق - مۇددەسىن ءونىمدى قامتاماسىز ەتىپ، شارۋالاردىڭ ىرىس - قۇتىن ارتتىرۋ كەرەك. جۇڭحۋا ۇلتى ورتاق تۇلعا تانىمىن بەرىك ورناتىپ، ۇلتتار ىنتىماعى، العاباسارلىعىن جەبەپ، اۋىل - قىستاقتى كوركەيتۋگە بىرگە ۇلەس قوسۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
