زاڭسىز قوعامدىق ۇيىمداردان 9 ۇيىمنىڭ تورابى جابىلدى
2022.07.20 15:37 كەلۋ قاينارى : حالىق تورابى
حالىق ىستەرى مينيسترلىگىنىڭ حابارلاۋىنشا، جۋىردا حالىق ىستەرى مينيسترلىگى، ورتالىق ينتەرنەت ينفورماتسياسى كەڭسەسى، ونەركاسىپ جانە ينفورماتسيالاندىرۋ مينيسترلىگى 2022 – جىلعى 3 – توپتاعى زاڭسىز قوعامدىق ۇيىمداردان 9 ۇيىمنىڭ تورابى مەن قاتىستى جاڭا مەديا تىركەلگىلەرىن زاڭ بويىنشا جاپتى، قاتىستى بايلانىسى بار توراپ بەتتەرىن تازالادى. وسى رەتكى توقتاتۋ جۇمىسى جۇڭگو ۇلتتىق سۋرەت سارايى، جۇڭگو رۇنشيڭ لۇيدي قورشاعان ورتانى قورعاۋ تيپىندەگى كاسىپ سالاسىن دامىتۋ بىرلەستىگى، جۇڭ – اي بىرلەسكەن تازا ءناسىلدى مىسىق كلۋبى، حىنان دەنساۋلىق جانە ەمدەلۋ جاعىندا ەرىكتى قىزمەت وتەۋ بىرلەستىگى قاتارلى جۇمىسى توقتاتىلعان زاڭسىز ۇيىمداردان 9 ۇيىمعا سايادى.
ۇعىسۋعا قاراعاندا، 2021 – جىلى 3 – ايدىڭ 20 – كۇنىنەن باستاپ، زاڭسىز قوعامدىق ۇيىمدارعا ونان ارى سوققى بەرۋ جانە جونگە سالۋ ارناۋلى ارەكەتى ورىستەتىلگەننەن بەرى، حالىق ىستەرى تاراۋلارى قاتىستى تاراۋلارمەن سەلبەسە وتىرىپ، «جۇڭحۋا حالىق رەسپۋبليكاسىنىڭ ينتەرنەت حاۋىپسىزدىگى زاڭى»، «ينتەرنەتتە ينفورماتسيالىق قىزمەت وتەۋدى باسقارۋ ءادىسى» قاتارلى قاتىستى زاڭ – تۇزىمدەرگە ساي، جۇمىسى توقتاتىلعان زاڭسىز قوعامدىق ۇيىمداردىڭ توراپتارىنا ءبىر – بىرلەپ اداقتاۋ جۇرگىزگەن، قازىرگە دەيىن جالعاستى ساقتالىپ كەلگەن زاڭسىز ۇيىمداردان 110 ۇيىمنىڭ توراپتارىن، ۋيچات، ميكروبلوگ قاتارلى جاڭا مەديا تىركەلگىلەرىن جاپقان.
حالىق ىستەرى مينيسترلىگى قاتىستى قۇرىلىمدار مەن قوعامداعى جۇرتشىلىققا مىنانى ەسكەرتەدى: قوعامدىق ۇيىمدارمەن سەلبەسكەن كەزدە نەمەسە ولاردىڭ قيمىلىنا قاتىناسقان كەزدە، ءسوزسىز، ولاردىڭ سالاۋاتىن تەكسەرۋگە كوڭىل بولگەن ءجون. ەلىمىز بويىنشا قوعامدىق ۇيىمداردىڭ تىركەلگەن ينفورماتسيالارىن جۇڭگو قوعامدىق ۇيىمدارعا اكىمشىلىك جاقتان قىزمەت وتەۋ تەكشەسى (chinanpo.mca.gov.cn)، جۇڭگو قوعامدىق ۇيىمداردىڭ جاعدايىنا قاتىستى اكىمشىلىك ىستەر ۋيچات تەكشەسى (تىركەلگى: chinanpogov) قاتارلى ارنالار ارقىلى ينتەرنەتتەن پايدالانىپ تەكسەرۋگە بولادى. سونىمەن بىرگە، قوعامنىڭ ءار سالاسىنداعىلاردىڭ جۇڭگو قوعامدىق ۇيىمدارعا اكىمشىلىك جاقتان قىزمەت وتەۋ تەكشەسىنە تىركەلىپ، «اشكەرەلەۋ جانە مالىمدەۋ» ايدارشاسى ارقىلى زاڭعا قايشى قوعامدىق ۇيىمداردىڭ قيمىلىنا قاتىستى ينفورماتسيالارمەن، ولاردىڭ باستى جاۋاپتىلارى مەن نەگىزگى قىزمەتكەرلەرىنە قاتىستى ءجىپ ۇشتارىمەن قامداۋىن قارسى الامىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
