باتىس بولەك جوسپارىنا ەرىكتى قاتىناساتىن 8600 ستۋدەنت شينجياڭعا جولعا شىقتى
2022.07.20 15:39 كەلۋ قاينارى : حالىق تورابى
شينجياڭ گازەتىنىڭ 7 – ايدىڭ 19 – كۇنى بەرگەن حابارى. انار بۇلت \ شينجياڭ گازەتىنىڭ ءتىلشىسى گۋان مىڭيىڭ حابارلايدى. ساپارعا اتتانىپ، وتان ولاردىڭ بارۋىن ەڭ قاجەت ەتەتىن جەرگە اتتاندى. ءتىلشىنىڭ اۆتونوميالى رايوندىق پارتكومنەن ۇعىسۋىنشا، 7 – ايدىڭ 20 – كۇنى، 2022 – جىلعى باتىس بولەك جوسپارىنا ەرىكتى قاتىناساتىن ستۋدەنتتەر شينجياڭعا اتتانا باستاعان.
بيىل ستۋدەنتتەردىڭ باتىس بولەككە ەرىكتى قىزمەت وتەۋ جوسپارى بويىنشا شينجياڭعا شامامەن 8600 ستۋدەنت جىبەرىلەدى، بۇل وسى نىسان اتقارىلعان 20 جىلدان بەرگى قاتىناساتىن ادام سانى ەڭ كوپ بولعان جىل. ولاردىڭ ىشىندە 3134 ادام ورتالىقتىڭ نىسانىنا، 5466 ادام جەرگىلىكتى ورىننىڭ نىسانىنا قاتىناسقان، توقتام مەرزىمىن ۇزارتقان ەرىكتىلەردىڭ سانى 2907 ادام، جاڭادان قابىلدانعان ەرىكتىلەر جەكە – جەكە 29 ولكە، اۆتونوميالى رايون، توتە قاراستى قالاداعى 1126 جوعارى مەكتەپتەن قابىلدانعان، يدەيا – ساياسات، باسقارۋ، حاتشىلىق، ەكونوميكا، وقۋ – اعارتۋ، كومپيۋتەر قاتارلى 25 ءتۇرلى ءپان مەن كاسىپكە سايادى.
ءبىرتۇتاس ورنالاستىرۋعا ساي، بيىل باتىس بولەك جوسپارى ەرىكتىلەرىنىڭ %20 ى اۋدان دارەجەلىدەن جوعارى ورىنداردا قىزمەت وتەيدى، %80 ى ءارقايسى اۋداندارداعى (قالا، رايون) اۋىل – قالاشىقتارداعى (ءمالى) نەگىزگى ساتى ورىندارىنا بارىپ قىزمەت وتەپ، اۋىل – قىستاقتى گۇلدەندىرۋگە دەم بەرەدى. اۆتونوميالى رايوندىق جاستار وداعى كوميتەتىنىڭ شۋجيى مامەتجان داۋىت: «ءبىز كوڭىل ءبولۋ، قامقورلىق جاساۋ جانە تاربيەلەۋ تەبىنىن اناعۇرلىم ارتتىرىپ، باتىس بولەك جوسپارىنا ەرىكتى قاتىناساتىن ستۋدەنتتەردىڭ نەگىزگى ساتىدا قىزمەت وتەۋىنە شارت – جاعداي ازىرلەپ، وسىندا قالۋدى قالايتىنداي تاماشا ورتا جاراتامىز»، — دەدى.
ستۋدەنتتەردىڭ باتىس بولەككە ەرىكتى قىزمەت وتەۋ جوسپارى — مەملەكەتتىڭ دارىندىلار قىزمەتىنە ساياتىن كەلەلى ينجەنەرياسى بولعان «جوعارى مەكتەپتەن وقۋ تاۋىسقانداردى نەگىزگى ساتىدا تاربيەلەۋ جوسپارىنىڭ» اياسىنداعى نىسان، جوعارى مەكتەپتەن وقۋ تاۋىسقانداردى نەگىزگى ساتىعا بارىپ قىزمەت ىستەۋگە جەتەلەۋ جانە شابىتتاندىرۋ جاعىنداعى 5 ارناۋلى نىساننىڭ ءبىرى. العاشقى توپتاعى باتىس بولەك جوسپارىن اتقارعان ولكەلەردىڭ ءبىرى بولعان شينجياڭ باتىس بولەك جوسپارىن جالعاستى 20 جىل بويى اتقارىپ، ستۋدەنت ەرىكتىلەردەن جيىنى 38 مىڭنان استام ادامدى قابىلداعان، مۇنىڭ ىشىندە شينجياڭنان سىرت جەرلەردەن 34 مىڭنان استامىن قابىلداعان، 2021 – جىلدان 2022 – جىلعا دەيىن قىزمەت وتەۋ مەرزىمىن اياقتاتقان باتىس بولەككە ەرىكتى قىزمەت وتەۋ جوسپارىنا قاتىناسقان ەرىكتىلەردىڭ شينجياڭدا قالىپ كاسىپتەنۋ مولشەرى %30 كە جەتكەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
