لي كىچياڭ دۇنيە جۇزىلىك ەكونوميكا تالقى مىنبەسىنىڭ دۇنيە جۇزىلىك كاسىپورىنشىلار ەرەكشە كەڭەسىنە قاتىناستى
2022.07.21 16:50 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 20 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 7 - ايدىڭ 19 - كۇنى كەشتە حالىق سارايىندا دۇنيە جۇزىلىك ەكونوميكا تالقى مىنبەسىنىڭ دۇنيە جۇزىلىك كاسىپورىنشىلار بەينە ەكران ەرەكشە كەڭەسىنە قاتىناسىپ، ءسوز سويلەدى ءارى كاسىپورىنشىلاردىڭ ۋاكىلدەرىمەن پىكىر اۋىستىردى. دۇنيە جۇزىلىك ەكونوميكا تالقى مىنبەسىنىڭ ءتوراعاسى شۆاب ءماجىلىستى باسقاردى، 50 نەشە مەملەكەتتەن كەلگەن 400 گە جۋىق كاسىپورىنشى قاتىناستى.
لي كىچياڭ مىنانى ءبىلدىردى: قازىر حالىقارالىق، وڭىرلىك جاعدايدا تەرەڭ دە كۇردەلى وزگەرىستەر تۋىلىپ، ءتۇرلى سىن - سايىس پەن تۇراقسىز فاكتورلار كورنەكتى كوبەيۋدە. ءتوراعا شي جينپيڭ بيىلعى دۇنيە جۇزىلىك ەكونوميكا تالقى مىنبەسىنىڭ بەينە ەكران ماجىلىسىندە سويلەگەن سوزىندە بىلاي دەپ اتاپ كورسەتتى: جۇڭگو رەفورما جاساپ، ەسىك اشۋدى تاباندىلىقپەن ىلگەرىلەتەدى. بەيبىت، ورنىقتى ورتا − دامۋدىڭ العى شارتى، جۇڭگو جاق ءار جاقپەن بىرگە بىرلەسكەن مەملەكەتتەر ۇيىمىن ۇيىتقى ەتكەن حالىقارالىق جۇيەنى قورعاپ، كوپ جاقتىلىقتى امالياتتا ايگىلەپ، دۇنيە ءجۇزىنىڭ بەيبىتشىلىگىن، تىنىشتىعىن قول ۇستاسا قورعاۋعا پەيىل. دۇنيە ءجۇزى ەكونوميكاسىنىڭ ورنىقتى ارتۋىن ىلگەرىلەتۋ − ءار جاقتىڭ ورتاق ءارى شۇعىل مىندەتى، ءار ەل ماكرولىق ەكونوميكا ساياساتىن سايكەستىرۋدى كۇشەيتىپ، استىقپەن، ەنەرگيامەن ورنىقتى قامداۋدى قامتاماسىزداندىرىپ، كاسىپ تىزبەگىنىڭ، قامداۋ تىزبەگىنىڭ حاۋىپسىز، بوگەتسىز بولۋىن قورعاۋى كەرەك. ىنتىماقتى، سەلبەستىكتى كۇشەيتىپ، ەكونوميكانىڭ جاھاندانۋىن باتىل قورعاپ جانە جەبەپ، ەكى جاقتى، كوپ جاقتى حالىقارالىق سەلبەستىكتى تەرەڭدەتىپ، جالپىعا ءتيىمدى، تەپە - تەڭ، سيىسىمدى، باياندى دامۋدى جەبەۋ كەرەك.
لي كىچياڭ جۇڭگونىڭ ەكونوميكالىق جاعدايىن تانىستىرعان كەزدە بىلاي دەدى: بيىل 2 – توقساندا جاڭا كەزەكتى ىندەت سياقتى مەجەدەگىدەن ارتىق فاكتورلاردىڭ سوققىسىنان ەكونوميكانىڭ قۇلدىراۋ قىسىمى كۇشەيىپ، 4 - ايدا باستى كورسەتكىشتەر ىشكەرىلەي تومەندەدى. ءبىز باتىل توتەپ بەرىپ، دەر كەزىندە رەتتەپ - تىزگىندەپ، ارتۋدى ورنىقتىرۋدى اناعۇرلىم كورنەكتى ورىنعا قويىپ، اقشانى بەيپىل تاراتۋعا سالىنباي، بۇرىنعى بەلگىلەنگەن ساياساتتار نەگىزىندە الدىعا قاراي كۇش سالۋدى ىلگەرىلەتىپ، ەكونوميكانى ورنىقتىرۋداعى 33 تارماقتى ساياساتتىق شارانى العا قويدىق جانە اتقاردىق، 5 - ايدا نەگىزگى ەكونوميكالىق كورسەتكىشتەردىڭ قۇلدىراۋ جاعدايى باياۋلادى، 6 - ايدا ەكونوميكا ورنىقتى جوعارىلادى، باستى كورسەتكىشتەر ءبىرشاما تەز قايتا سەرپىلىپ، وڭالۋ جاعدايى جارىققا شىقتى، قالا - قالاشىقتاردا تەكسەرىلگەن جۇمىسسىزدىق شاماسى كورنەكتى تومەندەپ، 2 - توقساندا ەكونوميكانىڭ وڭ ءمان بويىنشا ارتۋىنا جەتەكشىلىك ەتىلدى. ءبىز ەكونوميكانى قالپىنا كەلتىرۋدىڭ نەگىزى ءالى دە بەرىك ەمەس ەكەنىن، ەكونوميكانى ورنىقتىرۋدا ءالى دە جاپالى قۇلشىنىس جاساۋعا تۋرا كەلەتىنىن سەرگەكتىكپەن تانىپ جەتتىك.
لي كىچياڭ بىلاي دەپ دارىپتەدى: دۇنيە جۇزىندەگى ەڭ ءىرى وركەندەپ كەلە جاتقان ەل رەتىندە جۇڭگونىڭ دامۋ كومەسكى كۇشى زور. ءبىز جاڭا دامۋ ۇستانىمىن جاپپاي دايەكتىلەندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاپ، ءار جاقتىڭ بەلسەندىلىگىن جۇمىلدىرىپ، دامۋ − جۇڭگونىڭ بارلىق ماسەلەسىن شەشۋدىڭ نەگىزى جانە تەتىگى دەگەندە تاباندى بولىپ، ەكونوميكالىق اينالىمنىڭ تەز ارادا قالىپتى ارناعا ءتۇسۋىن ىلگەرىلەتەمىز. ەكونوميكالىق اينالىمنىڭ ۇيلەسىمدى ارالىقتا بولۋىنىڭ نەگىزگى تىرەگى جۇمىستاندىرۋدى، زات باعاسىن ورنىقتىرۋدا. 2020 - جىلدان بەرى ءبىزدىڭ جاڭا تيپتى ايدارشا ۆيرۋس وكپە قابىنۋ ىندەتى سياقتى كەلەلى سوققىعا توتەپ بەرۋ بارىسىندا اتقارعان ساياساتىمىز كولەم جاعىنان ۇيلەسىمدى بولدى، اقشانى بەيپىل تاراتقان جوقپىز، اقشانىڭ قۇنسىزدانۋىنان ساقتانۋعا دا شارت - جاعداي ازىرلەدىك. بيىل جازعى استىقتان مول ءونىم الىنىپ، تاريحتاعى ەڭ جوعارى ورە جاراتىلدى، كۇزگى استىق ءوندىرىسىنىڭ بەتالىسى جاقسى بولدى، كومىر، ەلەكتر قۋاتى ورنىقتى قامدالىپ، ەل ىشىندەگى زات باعاسىنىڭ ورنىقتى اينالىمىنا نەگىز قالاندى، بۇل دۇنيە ءجۇزىنىڭ استىق، ەنەرگيا بازارىنىڭ ورنىقتىلىعىنا دا ءتيىمدى. جۇڭگودا 160 ميلليوننان استام بازار تۇلعاسى بار، حالىق ەڭبەكشىل، پاراساتتى، بۇل − ەكونوميكالىق دامۋداعى ەڭ زور سەرپىمدىلىك پەن كۇش – قايراتتىڭ تىرەگى. تاياۋ جىلداردان بەرى ءبىز بازار تۇلعالارىنىڭ سۇرانىسىنا بەتپە - بەت كەلىپ، ماكرولىق ساياسات اتقارىپ، بازار تۇلعالارىن ورنىقتىرۋ ارقىلى جۇمىستاندىرۋدى ورنىقتىرىپ، تۇرعىنداردىڭ كىرىسىن ارتتىردىق. ءبىز ماكرولىق ساياساتتىڭ ۇلاسپالىلىعىن، باعىتتامالىلىعىن ساقتاپ، بازار تۇلعالارىنىڭ قيىنشىلىقتى شەشۋىنە ۇزدىكسىز كۇش سالا كومەكتەسىپ، ەكونوميكالىق دامۋدىڭ «جاسىل تاۋىن» ساقتاپ قالامىز. ماكرولىق ساياسات ءارى دالمە - ءدال، پارمەندى، ءارى ۇيلەسىمدى بولادى، جوعارى ارتۋ نىساناسى ءۇشىن ەرەكشە زور كولەمدى شابىتتاندىرۋ شارالارىن شىعارمايمىز، اقشانى مەجەدەگىدەن ارتىق تاراتپايمىز، بولاشاق مەجەگە قالىپتان تىس ۇرىنبايمىز. شىندىقتى ءىس جۇزىنەن ىزدەۋدە، كۇش سالا ىستەۋدە تاباندى بولىپ، تۇتاس جىلداعى ەكونوميكالىق دامۋدىڭ ءبىرشاما جاقسى ورەگە كوتەرىلۋىنە قول جەتكىزۋ كەرەك. ارتۋدى ورنىقتىرۋدىڭ ءبىرقىدىرۋ ساياساتتىق شارالارى ءالى دە نەداۋىر زور رول اتقارادى، ارتقان قۇن سالىعىنداعى قايتارىلعان سالىقتان دولايلاستىرىلاتىن اقشا الدىڭعى جارتى جىلدا ءبىر تريلليون 800 ميلليارد يۋاننان استى، ساياساتتىڭ ۇزدىكسىز اتقارىلۋى ناقتى سالىق قايتارۋ كولەمىن ونان ارى كەڭەيتەدى؛ جەرگىلىكتى ۇكىمەتتەردىڭ ارناۋلى قارىزىنىڭ ناقتى پايدالانىلۋى، جاڭادان شىعارىلعان ساياساتتىق، اشۋ سيپاتتى فينانس قۇرالدارىنىڭ قولدانىلۋى ءونىمدى قارجى قوسۋدىڭ اناعۇرلىم كوپ ناقتى قىزمەت مولشەرىن قالىپتاستىرادى ءارى جۇمىستانۋ مەن تۇتىنۋدى جەبەيدى. ءبىز رەفورما ارقىلى قوزعاۋشى كۇش قوسۋدا تاباندى بولىپ، ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىن تەرەڭدەتىپ، بازاردىڭ ومىرشەڭدىك كۇشى مەن قوعامنىڭ جاسامپازدىق قۋاتىن اناعۇرلىم ارتتىرامىز.
لي كىچياڭ بىلاي دەپ اتاپ كورسەتتى: جۇڭگو ەكونوميكاسى دۇنيە جۇزىمەن تەرەڭ توعىستى، سىرتقا ەسىك اشۋ − جۇڭگونىڭ نەگىزگى مەملەكەت ساياساتى. جۇڭگونىڭ دامۋى دۇنيە جۇزىنەن ايرىلا المايدى، دۇنيە ءجۇزىنىڭ دامۋى دا جۇڭگوعا مۇقتاج. ءبىز جوعارى دەڭگەيدەگى سىرتقا ەسىك اشۋدى تەرەڭدەتىپ، ەركىن ساۋدادا، ءادىل ساۋدادا تاباندى بولىپ، كوپ جاقتى جانە وڭىرلىك ساۋدا سەلبەستىگى سىندى ەكى «تەگەرشىكتى» بىرگە اينالدىرۋدى ىلگەرىلەتەمىز. بازارلانعان، زاڭمەن جونگە سالىناتىن، حالىقارالانعان ساۋدا ورتاسىن ۇزدىكسىز قالىپتاستىرىپ، شەتەل كاسىپورىندارىنىڭ اشىق ۇستالعان سالالارعا زاڭ بويىنشا تەڭ تۇرعىدا كىرۋىنە كەپىلدىك ەتىپ، ءادىل باسەكە بارىسىندا ءوزارا پايدا جەتكىزىپ، تەڭ يگىلىككە كەنەلۋدى جۇزەگە اسىرامىز. ءبىز ىندەتكە قارسى حالىقارالىق سەلبەستىكتى كۇشەيتىپ، ىندەتتەن ساقتانۋ حاۋىپسىزدىگىنە كەپىلدىك ەتۋ العى شارتىندا اناعۇرلىم دالمە - ءدال، عىلمي ساقتانۋ - تىزگىندەۋدى جۇزەگە اسىرىپ، ۆيزا، تەكسەرۋ سياقتى ساقتانۋ - تىزگىندەۋ ساياساتتارىن ۇزدىكسىز ساپالىلاندىرىپ، حالىقارالىق جولاۋشى تاسىمال كەزەكشى ۇشاقتارىن اناعۇرلىم ءتارتىپتى قالپىنا كەلتىرىپ جانە كوبەيتىپ، شەكارادان شىعاتىن ساۋدا جانە شەكارا اتتاپ جۇمىس ىستەۋ قيمىلدارىن ورنىقتى، ءتارتىپتى ىلگەرىلەتىپ، جۇڭگولىقتار مەن شەتەلدىكتەردىڭ بارىس - كەلىسى مەن سىرتپەن اۋىس - كۇيىس سەلبەستىگىن اناعۇرلىم ويداعىداي جەبەۋگە پەيىلمىز.
لي كىچياڭ تاعى جۇڭگو – ا ق ش قاتىناسىنىڭ اقاۋسىز، ورنىقتى دامۋى، كليمات وزگەرىسىنە توتەپ بەرۋ، جاساۋ كاسىبىنىڭ دامۋ بولاشاعى، تۇتىنۋ ساياساتى سياقتىلار جونىندە شەتەل كاسىپورىنشىلارى ۋاكىلدەرىنىڭ سۇراۋىنا جاۋاپ بەردى.
شياۋ جيە، حى ليفىڭ جوعارىداعى قيمىلعا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
