قوعام حاۋىپسىزدىگى مينيسترلىگى تاڭشانداعى قاقتالعان تاعامدار اسپۇزىلىندەگى ادام ۇرۋ وقيعاسى جونىندە جاۋاپ قايتاردى
2022.07.26 16:04 كەلۋ قاينارى : حالىق تورابى
قوعام حاۋىپسىزدىگى مينيسترلىگى تاڭشانداعى قاقتالعان تاعامدار اسپۇزىلىندەگى ادام ۇرۋ وقيعاسى جونىندە جاۋاپ قايتاردى: ارناۋلى دەلو گرۋپپاسى ءاربىر ءجىپ ۇشىنا كۇش سالا تەكسەرۋ جۇرگىزۋدە
قوعام حاۋىپسىزدىگى مينيسترلىگى قىلمىستىق ىستەردى بارلاپ تەكسەرۋ مەكەمەسىنىڭ باستىعى ليۋ جۇڭ – ي 7 – ايدىڭ 25 – كۇنى بەيجيڭدە بىلاي دەدى: جۋىردا تاڭشانداعى قاقتالعان تاعامدار اسپۇزىلىندە تۋىلعان ادام ۇرۋ وقيعاسىنا جۇرت كەڭىنەن نازار اۋداردى، بۇل ءىس قوعامدا ناشار ىقپال تۋدىردى، قوعام حاۋىپسىزدىگى مينيسترلىگى بارىنشا ءمان بەرىپ، دەرەۋ ارناۋلى قىزمەت گرۋپپاسىن جىبەردى ءارى ەلىمىزدىڭ جەر – جەرىنەن مامانداردى جىبەرىپ، ءبىرىنشى شەپتە دەلونى بارلاپ تەكسەرۋگە جەتەكشىلىك ەتتى، قازىر دەلونى تەكسەرۋ ءساتتى ورىستەتىلۋدە، ناقتى جاعدايى قوعامداعىلارعا جاريالانادى. «ءبىز جۇرتتىڭ بۇل دەلونى ءبىتىرۋ قىزمەتىنە ايرىقشا كوڭىل ءبولىپ وتىرعانىن ابدەن تۇسىنەمىز، سوندىقتان دا، ماماندار گرۋپپاسى بۇل ىسكە قاتىستى زاڭعا قايشى ءاربىر قىلمىستىق ءجىپ ۇشىن تەكسەرۋگە كۇش سالىپ، فاكتتىڭ انىق، ىسپاتتىڭ بۇلتارتقىسىز بولۋىن تالاپ ەتەدى. كوپشىلىكتىڭ قوعام حاۋىپسىزدىگى تاراۋلارىنىڭ، ءسوزسىز، دەلونى تۇبەگەيلى انىقتاپ شىعاتىنىنا، قىلمىسكەرلەردى زاڭ بويىنشا قاتاڭ جازالايتىنىنا سەنۋىن ءۇمىت ەتەمىز».
سول كۇنى ج ك پ ورتالىق كوميتەتى ۇگىت ءبولىمى «جۇڭگونىڭ وسى ون جىلى» اتتى جەلىلەس اقپار جاريالاۋ ءماجىلىسىن اشىپ، قوعام حاۋىپسىزدىگى تاراۋلارىنىڭ اناعۇرلىم جوعارى ورەدەگى تىنىش جۇڭگو قۇرىلىسىن ىلگەرىلەتۋدەگى ناتيجەلەرىن تانىستىردى. ليۋ جۇڭ – يدىڭ اقپار جاريالاۋ ماجىلىسىندە تانىستىرۋىنشا، جۋىردا قوعام حاۋىپسىزدىگى مينيسترلىگى بۇكىل ەلىمىزدەگى قوعام حاۋىپسىزدىگى ورگاندارىنىڭ جاز مەزگىلىندەگى اماندىقتى قورعاۋ، قىلمىستىق ىستەرگە سوققى بەرۋ جانە ونى جونگە سالۋ جاعىنداعى «ءجۇز كۇندىك ارەكەتتى» ورىستەتۋى جونىندە ورنالاستىرۋ جاساپ، بۇقارانىڭ اڭىسى كۇشتى بولعان، زاڭعا قايشى كورنەكتى قىلمىستارعا زاڭ بويىنشا قاتاڭ سوققى بەرگەن ءارى ونى جونگە سالعان، قازىرگە دەيىن، جاز مەزگىلىندەگى اماندىق قورعاۋ، قىلمىستىق ىستەرگە سوققى بەرۋ جانە ونى جونگە سالۋ جاعىنداعى «ءجۇز كۇندىك ارەكەت» بارىسىندا، قىلمىستىق ىستەردى بارلاۋ تاراۋلارى زاڭعا قايشى قىلمىس كۇماندىلارىنان 49 مىڭ ادامدى تۇتقىنداعان، ءتۇرلى قىلمىستىق ىستەر دەلولارىنان 72 مىڭنان استام دەلونى انىقتاعان، قوعام اماندىعىنىڭ جالپى جاعدايىنىڭ ورنىقتىلىعىن پارمەندى تۇردە قورعاعان.
ليۋ جۇڭ – ي: «ءبىز زاڭ بويىنشا قاتاڭ سوققى بەرۋ باعدارىندا تاباندى بولىپ، ءىرى دەلولاردى تەز انىقتاۋمەن بىرگە، كىشى - گىرىم دەلولاردى كوپتەپ انىقتايمىز، ايبىندى اسىرۋمەن بىرگە، جونگە سالۋ ونىمدىلىگىنە دە قول جەتكىزەمىز، حالىق بۇقاراسىن شىنايى حاۋىپسىز سەزىندىرەمىز»، — دەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
