2022 - جىلعى ”بارشا جۇرت شينجياڭدى اڭگىمەلەۋ“ جەلىلەس ينتەرنەت نەگىزگى تاقىرىپتىق قيمىلى باستالدى
2022.07.25 15:01 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ تىلشىلەرى لياڭ ليحۋا، ءابيبا، ياۋ گاڭ 7 - ايدىڭ 23 - كۇنى ۇرىمجىدەن حابارلايدى. 2022 - جىلعى ”بارشا جۇرت شينجياڭدى اڭگىمەلەۋ“ جەلىلەس ينتەرنەت نەگىزگى تاقىرىپتىق قيمىلى 7 - ايدىڭ 23 - كۇنى ۇرىمجىدە باستالدى، بۇل قيمىلعا ورتالىق ينتەرنەت حاۋىپسىزدىگى جانە ينفورماتسيالاندىرۋ كەڭسەسى ينتەرنەتتە تاراتۋ مەكەمەسى، ينتەرنەت قوعامدىق قىزمەت مەكەمەسى جەتەكشىلىك ەتتى، اۆتونوميالى رايوندىق پارتكوم ينتەرنەت حاۋىپسىزدىگى جانە ينفورماتسيالاندىرۋ كەڭسەسى، جۇڭگو گازەتى سايتى ۇيىمداستىردى. ورتالىق ينتەرنەت حاۋىپسىزدىگى جانە ينفورماتسيالاندىرۋ كەڭسەسىنىڭ ورىنباسار مەڭگەرۋشىسى، مەملەكەتتىك ينتەرنەت حاۋىپسىزدىگى جانە ينفورماتسيالاندىرۋ كەڭسەسىنىڭ ورىنباسار مەڭگەرۋشىسى نيۋ يبيڭ، اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ باستالۋ سالتىنا قاتىناستى ءارى ارناۋ ءسوز سويلەدى.
حى جۇڭيوۋ بىلاي دەپ اتاپ كورسەتتى: پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ قىزمەتىنە ايرىقشا ءمان بەرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن قالىپتاستىرىپ، شينجياڭ قىزمەتىن جاقسى ىستەۋگە ايقىن بەتالىس كورسەتتى. اۆتونوميالى رايوندىق پارتكوم بۇكىل شينجياڭداعى ءار ۇلت كادرلارى مەن بۇقاراسىن ىنتىماقتاستىرىپ، باستاپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭدى زاڭمەن جونگە سالۋدى، شينجياڭدى ىنتىماقتاسا ورنىقتىرۋدى، شينجياڭدى مادەنيەتپەن نارلەندىرۋدى، حالىقتى بايىتىپ شينجياڭدى گۇلدەندىرۋدى، شينجياڭدى باياندى كوركەيتۋدى ءبىر تۇتاس جوسپارلاپ ىلگەرىلەتتى. قازىر شينجياڭنىڭ قوعامدىق كەلەلى جاعدايى ۇزدىكسىز ورنىقتى بولۋدا، ەكونوميكاسى تەز قارقىنمەن جوعارى ساپالى دامۋدا، سىرتقا ەسىك اشۋ ۇلكەن وتكەلى جەدەل قۇرىلۋدا، ۇلتتار ىنتىماعى، العاباسارلىعى گۇلى بار الاپتا قۇلپىرا جايقالۋدا، ءار ۇلت بۇقاراسىنىڭ تۇرمىسى كۇننەن - كۇنگە شالقي تۇسۋدە. مەديا تىلشىلەرى مەن جۇڭگولىق، شەتەلدىك ينتەرنەتتە تانىمال ادامداردىڭ قولدارىنداعى قالام جانە اپپارات كوزى ارقىلى دۇنيە جۇزىنە شىنايى، وبيەكتيۆ، كورىكتى شينجياڭدى تانىستىرۋىن ءۇمىت ەتەمىن.
نيۋ يبيڭ بىلاي دەپ اتاپ كورسەتتى: باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ويداعىداي بايانداپ، ويداعىداي ءتۇسىندىرۋ كەرەك. شينجياڭداعى كادرلار مەن بۇقارانى كوزبەن كورىپ، قولمەن ۇستاۋعا بولاتىن وزگەرىستەر بارىسىندا جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ كورەگەندىگىن، دۇرىستىعىن سەزىنۋگە جەتەكتەۋ كەرەك. داۋىرگە تىعىز ىلەسىپ، شينجياڭنىڭ ورنىقتىلىق، دامۋ حيكايالارىن ويداعىداي بايانداپ، ”نازارىندا حالىق بار، ومىرگە ىشكەرىلەي ارالاسقان، جۇرەگىندە شىنايى سۇيىسپەنشىلىك بار“ ءبىر توپ تاڭداۋلى تۋىندىنى دەن قويا، سۇيىسپەنشىلىكپەن جاراتۋ كەرەك. ينتەرنەتتە قۋاتتى كۇش ۇيىستىرىپ، شينجياڭنىڭ ۇلتتار ىنتىماعى حيكايالارىن ويداعىداي بايانداپ، ءار ۇلت بۇقاراسىن اناردىڭ دانىندەي تىعىز ۇيىسىپ، جۇڭحۋا ۇلتى ورتاق تۇلعا تانىمىن بەرىك ورناتۋعا جەتەكتەۋ كەرەك. ەل ءىشى - سىرتىن تۇتاستىرىپ، جۇڭگو شينجياڭىنىڭ حيكايالارىن ويداعىداي بايانداپ، شەتەلدەگى ينتەرنەت تۇتىنۋشىلارىنا شىنايى، سەزىنۋگە بولاتىن شينجياڭدى كورسەتۋ كەرەك.
”بارشا جۇرت شينجياڭدى اڭگىمەلەۋ“ ينتەرنەتتە تاراتۋ قيمىلى باستالۋمەن قاتار، ”20 - قۇرىلتايدى قۋانىشپەن قارسى الۋ ينتەرنەتتەگى تانىمال ادامداردىڭ شينجياڭ ساپارى“ مەملەكەت جاعدايىن تەكسەرۋ قيمىلى، ”2022 - جىلى جۇڭگودا كەزدەسۋ“ حالىقارالىق مەديالاردىڭ نەگىزگى تاقىرىپتىق تىلشىلىك قيمىلى، سونداي - اق ”قىزىل بۇلتتىق كورمەنىڭ“ شينجياڭ ساپارى سىندى 3 ينتەرنەتتە تاراتۋ قيمىلى دا باستالدى.
قازىرگە دەيىن 2021 - جىلعى ”بارشا جۇرت شينجياڭدى اڭگىمەلەۋ“ ينتەرنەتتە تاراتۋ قيمىلىندا جيىنى ءبىر ميلليون 200 مىڭنان استام قىسقا كەسكىن جاريالانىپ، كورىلىمى 14 ميلليارد رەتتەن استى، 10 ءتۇرلى ءتىلدى قامتىدى، ەل ءىش - سىرتىنداعى ينتەرنەت تۇتىنۋشىلار كەڭ كولەمدە القادى، كوشىرىپ تاراتتى، باعا بەردى. وسى رەتكى جەلىلەس قيمىلدار ”بارشا جۇرت شينجياڭدى اڭگىمەلەۋ“ ينتەرنەتتە تاراتۋ قيمىلىنىڭ بايىتىلۋى، تەرەڭدەتىلۋى جانە كەڭەيتىلۋى بولىپ تابىلادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
