مەملەكەتتىك ادىلەت جولىندا ايانباعان قاھارمان، ۇلگىلەردىڭ ۋاكىلدەرى شينجياڭعا داڭقپەن ورالدى
2022.07.25 15:07 كەلۋ قاينارى : شينجياڭ گازەتى
انار بۇلت ＼ شينجياڭ گازەتىنىڭ ءتىلشىسى ۋاڭ نا 7 - ايدىڭ 21 - كۇنى ۇرىمجىدەن حابارلايدى. 7 - ايدىڭ 20 - كۇنى، رايونىمىزدىڭ بەيجيڭگە بارىپ 14 - كەزەكتى مەملەكەتتىك ادىلەت جولىندا ايانباعان قاھارمان، ۇلگىلەردى ماداقتاۋ - سيلاۋ جينالىسىنا قاتىناسقان ۋاكىلدەر داڭقپەن ورالدى. اۆتونوميالى رايوندىق پارتكومنىڭ تۇراقتى مۇشەسى، ساياسي - زاڭ كوميتەتىنىڭ شۋجيى ۋاڭ ميڭشان ۇرىمجىدە جينالىسقا قاتىناسقان ۋاكىلدەرمەن اڭگىمە ءماجىلىس وتكىزدى.
جۋىقتا وتكىزىلگەن 14 - كەزەكتى مەملەكەتتىك ادىلەت جولىندا ايانباعان قاھارمان، ۇلگىلەردى ماداقتاۋ - سيلاۋ جينالىسىندا لاچين بايەكە، مۇساجان نۇردۇن، ۋاڭ چيپىڭدارعا ”مەملەكەتتىك ادىلەت جولىندا ايانباعان قاھارمان“ توپ اتاعى بەرىلدى، قۇمىل قالاسى يجوۋ رايونىنداعى قوقىر - قوقسىق جيناۋشى ما زىشيگە ”مەملەكەتتىك ادىلەت جولىندا ايانباعان ۇلگى“ اتاعى بەرىلدى.
2021 - جىلى 1 - ايدىڭ 4 - كۇنى قاشقار داشۋەسىنىڭ شينچۋان مەكتەپ اۋماعىندا ءبىر بالا ابايسىزدا كولگە ءتۇسىپ كەتكەندە، لاچين بايەكە، مۇساجان نۇردۇن، ۋاڭ چيڭپىڭدار ونى قۇتقارىپ، جاعاعا الىپ شىقتى. ال لاچين بايەكە بالانى ۇزاق ۋاقىت كوتەرىپ تۇرعاندىقتان السىرەپ كول تۇبىنە باتىپ، ەرلىكپەن قۇربان بولدى. 2019 - جىلى 8 - ايدىڭ 10 - كۇنى ما زىشي مەن قىزمەتتەستەرى ءورت كەتكەن ءبىر كىشكەنە جۇك كولىگىن بايقاپ، دەرەۋ شوفەرىنا اۆتوكولىكتى توقتاتۋدى ەسكەرتەدى ءارى وعان كومەك كورسەتەدى. ءورت سوندىرگەن كەزدە كولىكتىك ىشىندەگى بۇرىكپەلى سىر كۇبىسى تۇتقيىلدان جارىلىپ، ما زىشيدىڭ كەۋدەسىنە ءتيىپ، باقىتقا قارسى قۇربان بولادى.
ۋاڭ ميڭشان بىلاي دەپ اتاپ كورسەتتى: باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، ادىلەت جولىندا ايانباعان قاھارمان، ۇلگىلەردىڭ اسەرلى ءىس - ىزدەرىن كەڭ كولەمدە ۇگىتتەپ، ادىلەت جولىندا ايانباۋ رۋحىن اسقاقتاتىپ، بۇكىل قوعامدا قاھارمانداردى ارداقتايتىن، قاھارمانداردان ۇيرەنەتىن، قاھارمان بولۋعا ۇمتىلاتىن تاماشا قوعامدىق سالت قالىپتاستىرىپ، ادىلەت جولىندا ايانباۋ رۋحىن اسقاقتاتىپ، ادىلەت جولىندا ايانباۋ ىستەرىن دامىتۋدى قالا اۋماعىندىق جونگە سالۋدىڭ جالپى تۇلعالىق جوسپارىنا ەنگىزىپ، تىنىشتىق قۇرىلىسى، وركەنيەتتى قالا قۇرۋ سياقتى قىزمەتتەرمەن بىرگە ورنالاستىرىپ، بىرگە ىلگەرىلەتىپ، بىرگە تياناقتاندىرىپ، اناعۇرلىم جوعارى ورەدە تىنىش شينجياڭ قۇرۋدىڭ قۇدىرەتتى وڭ ەنەرگياسىن ۇيىستىرىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الۋ كەرەك.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
