حالىق ىستەرى مينيسترلىگى قىستاق دارەجەلى ورىنداردىڭ جان – جاقتى قىزمەت وتەۋ فۋنكتسياسىن 10 ءتۇرلى جاقتان كەمەلدەندىرەدى
2022.07.27 16:41 كەلۋ قاينارى : حالىق تورابى
حالىق تورابىنىڭ تىلشىلەرى ۋىن لۋ، سۇڭ زىجيە 7 – ايدىڭ 26 – كۇنى بەيجيڭنەن حابارلايدى. جۋىردا حالىق ىستەرى مينيسترلىگى قاتارلى تاراۋلار «قىستاق دارەجەلى ورىنداردىڭ جان – جاقتى قىزمەت وتەۋ فۋنكتسياسىن كەمەلدەندىرۋ جونىندەگى پىكىردى» (تومەندە قىسقارتىلىپ «پىكىر» دەپ اتالادى) بىرگە باسىپ تاراتتى. 7 – ايدىڭ 26 – كۇنى وتكىزىلگەن حالىق ىستەرى مينيسترلىگىنىڭ كەزەكتى اقپار جاريالاۋ ماجىلىسىندە، حالىق ىستەرى مينيسترلىگىنىڭ نەگىزگى ساتىداعى بيلىك قۇرىلىسى مەن الەۋمەتتىك اۋماقتى جونگە سالۋ مەڭگەرمەسىنىڭ ورىنباسار باستىعى حۋاڭ گۋانحۇڭ بىلاي دەپ تانىستىردى: «پىكىردە» اۋىل شارۋاشىلىعى مەن اۋىل – قىستاقتى دامىتۋدىڭ قازىرگى كەزەڭدىك قاجەتىن تياناق ەتە وتىرىپ، حالىقتىڭ باقىتتى تۇرمىس وتكىزۋىنە ساياتىن، شارۋالار ەڭ كوڭىل بولەتىن، ەڭ ءزارۋ، ەڭ رەال ماسەلەلەردى مىقتى يگەرىپ، بۇدان بىلايعى ءبىر مەزگىلدەگى اۋىل – قىستاقتا جان – جاقتى قىزمەت وتەۋدىڭ باستى تۇيىندەرى ايقىندالعان. «پىكىردە» اۋدان دارەجەلى حالىق ۇكىمەتىنىڭ قاتىستى قىزمەتتىك تاراۋلارىنان قامتاماسىزداندىرۋ جاۋاپكەرشىلىگىن كۇشەيتىپ، قىزمەت وتەۋ ولشەمىن ايقىنداۋ نەگىزىندە، الەۋمەتتىك قىزمەت وتەۋگە ساياتىن ىستەردى اۋىل – قىستاققا قاراي كەڭەيتۋدى ىلگەرىلەتۋ تالاپ ەتىلگەن.
10 ءتۇرلى جاقتاعى ءتۇيىندى قىزمەت مىنالار:
بىرىنشىدەن، دەنساۋلىق ساقتاۋ جانە سالاماتتىق جاعىنداعى قىزمەت وتەۋگە قويىلاتىن تالاپ: اۋىل – قىستاقتاعى دەنساۋلىق ساقتاۋ – سالاماتتىق جاعىندا قىزمەت وتەۋدىڭ ورەسىن جوعارىلاتۋ، جۇڭگوشا شيپاگەرلىك جاعىندا قىزمەت وتەۋدى كۇش سالا دامىتۋ.
ەكىنشىدەن، مەديتسينالىق قامتاماسىزداندىرۋ جاعىندا قىزمەت وتەۋگە قويىلاتىن تالاپ: اۋىل – قىستاقتاعى مەديتسينالىق قامتاماسىزداندىرۋ جاعىندا قىزمەت وتەۋ تورابىن كەمەلدەندىرىپ، قيىنشىلىعى بار بۇقارانى ەمدەۋ، ولارعا كومەكتەسۋ قىزمەتىن ويداعىداي ىستەۋ.
ۇشىنشىدەن، كاسىپتەنۋ جانە الەۋمەتتىك قامسىزداندىرۋ جاعىنداعى قىزمەت وتەۋگە قويىلاتىن تالاپ: كاسىپتەنۋ جانە قوعامدىق قامتاماسىزداندىرۋ جاعىندا قىزمەت وتەۋدىڭ قىستاق دارەجەلى جۇيەسىن كەمەلدەندىرۋدى، ءتۇرلى ارنالار ارقىلى جوتكەپ كاسىپتەندىرۋدى ىلگەرىلەتۋ.
تورتىنشىدەن، الەۋمەتتىك قىزمەت وتەۋ جاعىندا قويىلاتىن تالاپ: قىستاق دارەجەلى ورىنداردىڭ الەۋمەتتىك قىزمەت وتەۋ فۋنكتسياسىن كۇشەيتىپ، كىرىسى تومەن جان سانىن ۇدايى باقىلاپ وتىرۋ جانە ولارعا كومەكتەسۋ، سۇيەمەلدەۋ قىزمەتىن ويداعىداي ىستەۋ، قارتتاردى كۇتىمدەۋ جاعىندا قىزمەت وتەۋدىڭ قىستاق دارەجەلى جۇيەسىن كەمەلدەندىرۋ، قيىنشىلىعى بار، مۇگەدەك ادامدارعا تۇرمىستىق قوسىمشا قاراجات بەرۋ جانە اۋىر دارەجەدە مۇگەدەك بولعان ادامدارعا كۇتىمدەۋ قوسىمشا قاراجاتىن بەرۋ ءتۇزىمى قاتارلىلاردى تياناقتاندىرۋ.
بەسىنشىدەن، مادەنيەت، دەنە تاربيە جانە وقۋ – اعارتۋ جاعىندا قىزمەت وتەۋگە قويىلاتىن تالاپ: مادەني مۇرالار مەن ەجەلگى ەسكەرتكىشتەردى، تاريحي قۇرىلىستاردى، ءداستۇردى ساقتاعان اۋىل – قىستاقتاردى قورعاۋدى كۇشەيتىپ، اۋىل – قىستاقتا سيفرلاندىرىلعان كىتاپحانانى دامىتىپ، مادەني قيمىلدار مەن عىلىمي دەنە شىنىقتىرۋعا جەتەكشىلىك ەتۋدى كۇشەيتىپ، قارتتارعا ارنالعان ءتالىم – تاربيە، اتا – انالار مەكتەبى جانە وتباسىلىق ءتالىم – تاربيە قاتارلى جاقتارداعى قىزمەت وتەۋ پۋنكتتەرىنىڭ، تۇيىندەرىنىڭ قۇرىلىسىن كۇشەيتىپ، عىلىمدى جالپىلاستىرۋ جاعىنداعى ۇگىت پەن ءتالىم – تاربيەنى، قىزمەت وتەۋدى كۇشەيتۋ.
التىنشىدان، وندىرىسكە قىزمەت وتەۋ جاعىندا قويىلاتىن تالاپ: اۋىل شارۋاشىلىعى عىلىم – تەحنيكاسىنا ساياتىن قىزمەت وتەۋدى اۋىل – قىستاققا دەيىن جەتكىزۋدى ىلگەرىلەتىپ، اۋىل – قىستاقتاعى جالپىعا ءتيىمدى فينانستىق قىزمەت وتەۋ مەحانيزمىندە جاڭالىق جاراتىپ، اۋىل – شارۋاشىلىعى سالاسىنداعى قامسىزداندىرۋعا ساياتىن قىزمەت وتەۋدىڭ ساپاسىن جوعارىلاتۋ.
جەتىنشىدەن، تۇرمىستىق قىزمەت وتەۋ جاعىندا قويىلاتىن تالاپ: پوچتا، تەلەكوم قاتارلى الەۋمەتتىك ىستەرگە ساياتىن قىزمەت وتەۋ تۇرلەرىن اۋىل – قىستاققا، وتباسىنا جەتكىزۋدى ىلگەرىلەتىپ، اۋىل – قىستاقتاعى جولاۋشى تاسىمالى بەكەتى، الەۋمەتتىك جارىقتاندىرۋ قاتارلى قۇرىلعىلار قۇرىلىسىن كۇشەيتۋ.
سەگىزىنشىدەن، قونىستانۋ ورتاسى جاعىندا قىزمەت وتەۋگە قويىلاتىن تالاپ: وتباسىلارعا دەيىن جەتكىزىلەتىن جولداردى سالۋدى جەدەل ىلگەرىلەتىپ، اۋىل – قىستاقتاعى دارەتحانا وزگەرىسىن تىڭعىلىقتى ىلگەرىلەتۋ، اۋىل – قىستاقتاعى تۇرمىستىق لاس سۋلاردى جونگە سالۋدى جەدەلدەتۋ.
توعىزىنشىدان، ساقشى ىستەرى جانە زاڭ جاعىندا قىزمەت وتەۋگە قويىلاتىن تالاپ: اۋىل – قىستاقتاعى ساقشى ىستەرى قىزمەتىن شىنايىلاندىرىپ، زاڭدى جالپىلاستىرۋ جاعىنداعى ۇگىت، حالىق اراسىنداعى راقايلاستىرۋ، زاڭدىق كومەك بەرۋ قاتارلى جاقتارداعى قىزمەت وتەۋ تۇرلەرىن تولىق جالپىلاستىرۋدى ىلگەرىلەتۋ.
ونىنشىدان، شۇعىل جاعدايعا توتەپ بەرۋ جانە الەۋمەتتىك پسيحولوگيالىق جاعىندا قىزمەت وتەۋگە قويىلاتىن تالاپ: گازدەن، ەلەكتردەن، وتتان پايدالانۋدى جانە جەر سىلكىنىسى، تاسقىن اپاتى، ءورت اپاتى قاتارلىلاردى باقىلاۋ، دابىل قاعۋ قاتارلى قىزمەتتەردى ويداعىداي ىستەپ، شۇعىل جاعدايعا توتەپ بەرۋگە پايدالاناتىن جابدىقتاردى ساقتاۋدى جانە جابدىقتارمەن قامتاماسىزداندىرۋدى كۇشەيتىپ، حاۋىپسىزدىككە ساياتىن بۇقارالىق سيپاتتاعى ۇگىت پەن ءتالىم – تاربيەنى جانە شۇعىل جاعدايعا توتەپ بەرۋگە قاتىستى جاتتىعۋ قيمىلدارىن ورىستەتۋ.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
