مەملەكەتتىك كوشى – قوندى باسقارۋ مەكەمەسى: ەرەكشە جاعدايعا جولىققان، ەرەكشە شۇعىل جۇمىسى بار ادامداردىڭ جۇمىس بىتىرۋىنە، كۋالىك بىتىرۋىنە قولايلىلىق جاسالادى
2022.07.27 16:39 كەلۋ قاينارى : حالىق تورابى
حالىق تورابىنىڭ ءتىلشىسى حاۋ پيڭ، لياڭ چيۋپيڭ 7 – ايدىڭ 26 – كۇنى بەيجيڭنەن حابارلايدى. مەملەكەتتىك كوشى – قوندى باسقارۋ مەكەمەسى 7 – ايدىڭ 26 – كۇنى تۇستەن بۇرىن اقپار جاريالاۋ ءماجىلىسىن اشتى، اقپارات مالىمدەمەشىسى، ۋنيۆەرسال مەڭگەرمەنىڭ ورىنباسار باستىعى جاڭ نيڭ 2022 – جىلعى ەكىنشى توقسانداعى كوشى – قوندى باسقارۋ قىزمەتىنە قاتىستى باستى دەرەكتەردى جاريالادى.
ەل ىشىندەگى ءىشىنارا جەرلەردە تۋىلعان شوعىرلى سيپاتتاعى ىندەت جاعدايىنىڭ ءونىمدى تىزگىندەلۋىنە بايلانىستى، جۇڭگو ازاماتتارىنىڭ شەتەلگە بارۋداعى، شەكارادان شىعۋداعى قاجەتسىنۋى دە ارتا تۇسۋدە. جاڭ نيڭ مىنانى ءبىلدىردى: مەملەكەتتىك كوشى – قوندى باسقارۋ مەكەمەسى ىندەت جاعدايىنداعى وزگەرىستەرگە نەگىزدەلە وتىرىپ، شەكارادان كىرىپ – شىعۋدى باسقارۋ شارالارىن ۇزدىكسىز رەتتەپ، بۇقارانىڭ شەكارادان كىرىپ – شىعۋ جاعىنداعى ءتيىستى قاجەتتىلىكتەرىن تولىق قامتاماسىزداندىرىپ، جۇڭگولىقتار مەن شەتەلدىكتەردىڭ بارىس – كەلىس جاساۋىن جانە شەتەلمەن اۋىس – كۇيىس جاساۋدى، سەلبەستىك جاساۋدى ىلگەرىلەتۋ جاعىندا ۇزدىكسىز قىزمەت وتەيدى.
ءتىلشىنىڭ ۇعىسۋىنشا، قازىر ەكونوميكانىڭ جالپى جاعدايىن ىلگەرىلەتۋگە، ورنىقتىرۋعا قىزمەت وتەۋ جاعىنا نازاردى شوعىرلاندىرىپ، شەكارانىڭ ءىشى – سىرتىنداعى كاسىپورىنداردىڭ، جۇڭگولىق – شەتەلدىك قىزمەتكەرلەردىڭ شەكارادان قالىپتى كىرىپ – شىعۋ جاعىنداعى قاجەتىنە شىنايى كەپىلدىك ەتۋ جانە قىزمەت وتەۋ ءۇشىن، كاسىپورىندار، ءىسورىندار جانە ىشكى ولكەلەردەگى جۇڭگو ازاماتتارى ىندەتتەن ۇدايىلانعان تۇردە ساقتانۋ – تىزگىندەۋدى العى شارت ەتە وتىرىپ، ىندەتتەن ساقتانۋ جانە ىندەتكە توتەپ بەرۋ، ينجەنەريا قۇرىلىسى، ءوندىرىس پەن تۇرمىسقا قاجەتتى زاتتاردى تاسىمالداۋ، ساۋدا ىستەرى، قىزمەت، ءوندىرىس، عىلىمي زەرتتەۋ، شەتەلدەن وقۋ، ەمتيحان بەرۋ، عىلىمي سالاداعى اۋىس – كۇيىس، ەمدەلۋ، تۋىسشىلاۋ جانە قارتتار مەن جۇكتىلىك، تۋىت مەزگىلىندەگى ايەلدەردى كۇتىمدەۋ، تۋىس – تۋعانىنىڭ تويىنا، وقۋ تاۋىسۋ سالتىنا قاتىناسۋ، وتباسىلىق باس قوسۋ قاتارلى ىستەرگە بايلانىستى نەمەسە شۇعىل، توساتتان تۋىلعان ىستەردى ءبىرجاقتى ەتۋ، سونداي – اق باسقا سەبەپتەرگە بايلانىستى شەكارادان شىعۋدى شىنىمەن قاجەت ەتسە، شەكارادان كىرىپ – شىعۋ كۋالىگى تۇگەلدەي دەر كەزىندە ءبىتىرىپ بەرىلەدى. ەرەكشە جاعدايدا نەمەسە شۇعىل جاعدايدا جۇمىس بىتىرۋگە، كۋالىك بىتىرۋگە «جاسىل ارنا» ارقىلى قولايلىلىق جاسالادى.
جاڭ نيڭ: «جۋىردان بەرى، ءىشىنارا مەملەكەتتەر شەكارادان كىرىپ – شىعۋدى مەڭگەرۋ شارالارىن رەتكە سالىپ، رۇقسات بەرۋ كولەمىن كەڭەيتتى، الايدا، دۇنيە جۇزىندەگى ىندەت جاعدايى ءالى دە بۇكىلدەي جاقسارىپ كەتكەن جوق، حالىقارالىق ساپار بارىسىندا ۆيرۋسپەن جۇعىمدالۋ حاۋپى ءالى دە ءبىرشاما جوعارى. ءبىز شەكارادان كىرىپ – شىققان بارشا ادامدارعا حالىقارالىق ساپاردىڭ حاۋىپتى تۇستارىن تولىق ويلاستىرىپ، ءوز باسىنىڭ حاۋىپسىزدىگىن جانە دەنساۋلىعىنىڭ اقاۋسىزدىعىن شىنايى قورعاۋدى ەسكەرتەمىز»، — دەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
