جاڭا تيپتى جوعارى قارقىندى سوقا جۇمىس ونىمدىلىگىن بارىنشا جوعارىلاتادى
شارۋالار گازەتىنىڭ، جۇڭگو شارۋالار تورابىنىڭ ءتىلشىسى لي داۋجۇڭ
2022.07.27 09:03 كەلۋ قاينارى : حالىق تورابى
7 – ايدىڭ 21 – كۇنى، شينجياڭ قۇتىبي اۋدانى ىرشىليديان قالاشىعى شياۋتۇگۇل قىستاعىنداعى جاڭا تيپتى وتاندىق جوعارى قارقىندى سوقانى ىسكە قوسۋ ورنىندا 20 نەشە جىلدىق تاجىريبەسى بار اۋىل شارۋاشىلىعى ماشينالارى شوفەرى تيان شىجياڭ تىلشىگە: «بۇل جاڭا تيپتەگى وتاندىق جوعارى قارقىندى سوقانىڭ سالماعى جەڭىل، سوقا ءتىلىنىڭ قاتتىلىق دارەجەسى مەن بەرىكتىك دارەجەسى جاقسى، جاي وتاندىق سوقامەن سالىستىرعاندا، جۇمىس ونىمدىلىگىن بارىنشا جوعارىلاتادى، جوعارى ورەدەگى يمپورت ەتىلگەن سوقالاردان ەشقانداي كەم ەمەس»، — دەدى.
سول كۇنى شياۋتۇگۇل قىستاعىنداعى 4000 مۋلىق اتىزدا موتوردىڭ گۇرىلدەگەن داۋىسىمەن بىرگە سوقا ءتىسى جەردى 30 سانتيمەتردەي تەرەڭدىكتە قازا باستادى، تراكتور ءجۇرىپ وتكەن جەردەگى شوپتەر مەن ءبيدايدىڭ ساباعى اپساتتە اۋدارىلعان توپىراقتىڭ استىندا قالدى. تراكتوردىڭ سۇيرەگەنى ءدال جاڭا تيپتەگى وتاندىق جوعارى قارقىندى سوقا بولاتىن.
بۇرىنعى جوعارى قارقىندى سوقانىڭ جۇمىس ونىمدىلىگى ساعاتىنا شامامەن 17 مۋ - 20 مۋ بولاتىن. سىناققا قاراعاندا، جاڭا تيپتەگى جوعارى قارقىندى سوقانىڭ جۇمىس ونىمدىلىگى ساعاتىنا شامامەن 20 مۋ – 26 مۋ بولادى، سول جەردە سىناق ەتۋ بارىسىندا ونىمدىلىگى شامامەن ساعاتىنا 24 مۋ بولعان. الدىڭعىسى مەن كەيىنگىسىن سالىستىرعاندا، جۇمىس ىستەۋ ونىمدىلىگى ورتا ەسەپپەن %20 تەي جوعارىلاعان. سونىمەن بىرگە، ءبىر ساعات ىشىندەگى دەرەكتەردى ساناققا العاندا، جاڭا تيپتەگى جوعارى قارقىندى سوقانىڭ جەر جىرتۋدى ءبىر رەتتە ورىنداۋ مولشەرى %98 تەن جوعارى بولعان.
تانىستىرۋعا قاراعاندا، جاڭا تيپتەگى جوعارى قارقىندى سوقانى جياڭسۋ داشۋەسى مەن جىڭجوۋ قالاسى لۇڭفىڭ اۋىل شارۋاشىلىعى ماشينالارى مەن جابدىقتارىن جاساۋ شەكتى سەرىكتەستىگى بىرگە زەرتتەپ جاساعان، كوپتەگەن دەربەس ءبىلىم مەنشىك ۇقىعىنا يە. جياڭسۋ داشۋەسى ماتەريال عىلىمى جانە ينجەنەريا شۋەيۋانىنىڭ دوتسەنتى، دوكتورانتتار جەتەكشىسى گو شۇن: «بۇل تۇردەگى جوعارى قارقىندى سوقانى 2020 – جىلدىڭ باسىنان باستاپ زەرتتەپ جاساي باستادىق، تالاي رەت تاجىريبەلىك سىناقتان وتكىزىپ، ساپاسىن جاقسارتىپ، بيىل 5 – ايدا رەسمي قالىپقا ءتۇسىرىپ وندىرە باستادىق»، — دەيدى. قازىر بار وتاندىق جوعارى قارقىندى سوقالارمەن سالىستىرعاندا، بۇل تۇردەگى جاڭا تيپتەگى جوعارى قارقىندى سوقانىڭ جەر جىرتاتىن بولەگىنىڭ شىدامدىلىعى %50 تەن استام جوعارىلاعان، بۇرىنعى جەر جىرتاتىن زاپشاستاردىڭ شىدامدىلىعى تومەن بولۋ، قايتا – قايتا الماستىرۋدى قاجەت ەتۋ سەبەبىنەن جۇمىس ونىمدىلىگى تومەن بولۋ سىندى جاعدايدان ءونىمدى تۇردە ساقتانىپ، جوعارى قارقىندى سوقامەن جەر جىرتۋدىڭ ونىمدىلىگىن جوعارىلاتۋمەن بىرگە، جەر جىرتۋعا كەتەتىن قوسىلىمدى دا ۇنەمدەيدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
