شي جينپيڭ يندونەزيانىڭ زۇڭتۇڭى جوكومەن كەڭەس وتكىزدى
2022.07.27 16:45 كەلۋ قاينارى : حالىق تورابى
7 - ايدىڭ 26 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى دياۋيۇيتاي مەملەكەتتىك قوناق ۇيىندە يندونەزيانىڭ زۇڭتۇڭى جوكومەن كەڭەس وتكىزدى. سۋرەتتى شينحۋا اگەنتتىگىنىڭ ءتىلشىسى پاڭ شيڭلەي تۇسىرگەن
شينحۋا اگەنتتىگى، 7 - ايدىڭ 26 - كۇنى، بەيجيڭ. مەملەكەت ءتوراعاسى شي جينپيڭ 7 - ايدىڭ 26 - كۇنى تۇستەن كەيىن بەيجيڭدەگى دياۋيۇيتاي مەملەكەتتىك قوناق ۇيىندە يندونەزيانىڭ زۇڭتۇڭى جوكومەن كەڭەس وتكىزدى. ەكى ەل باسشىلارى ىقىلاستى دوستىق بەينەدە جۇڭگو - يندونەزيا قاتىناسى، سونداي - اق ەكى جاق ورتاق كوڭىل ءبولىپ وتىرعان حالىقارالىق، وڭىرلىك ماسەلەلەر جونىندە جان - جاقتى، ىشكەرىلەي پىكىر اۋىستىرىپ، ءبىرقىدىرۋ ماڭىزدى ورتاق تانىمعا كەلدى.
شي جينپيڭ بىلاي دەپ اتاپ كورسەتتى: ءسىز بەيجيڭ قىسقى وليمپيادا سپورت جارىسىنان كەيىن جۇڭگو جاق قابىلداعان تۇڭعىش شەتەل باسشىسى بولىپ وتىرسىز، بۇل ەكى جاقتىڭ جۇڭگو - يندونەزيا قاتىناسىنا ايرىقشا ءمان بەرەتىنىن تولىق ايگىلەدى. تاياۋ جىلداردان بەرى ءبىزدىڭ بىرگە جەتەكشىلىك ەتۋىمىزدە، جۇڭگو - يندونەزيا قاتىناسى قارىشتاپ دامىپ، قۋاتتى سەرپىمدىلىك پەن ومىرشەڭدىك كۇشتى ايگىلەدى. ەكى جاقتىڭ ستراتەگيالىق ءوزارا سەنىمى كۇن سايىن بەكەمدەلىپ، ساياسي، ەكونوميكا، گۋمانيتارلىق، تەڭىزدەگى سەلبەستىك سىندى «ءتورت دوڭگەلەكتى قوزعاۋشى كۇش» سەلبەستىك جاعدايى ۇزدىكسىز تەرەڭدەپ، ءوڭىردىڭ بەيبىتشىلىگى مەن ورنىقتىلىعىن قورعاۋ، دۇنيە ءجۇزىنىڭ ىنتىماعىن، سەلبەستىگىن جەبەۋ جاعىندا جاۋاپكەرلىك ارقالاپ، بەلسەنە ءىس تىندىرىپ، وركەندەپ كەلە جاتقان ءىرى ەلدەردىڭ بىرلەسىپ ءوزىن الۋەتتەندىرۋىنىڭ، ءوزارا پايدا جەتكىزىپ، تەڭ يگىلىككە كەنەلۋىنىڭ ۇلگىسىن ورناتتى. اماليات مىنانى دالەلدەدى: جۇڭگو - يندونەزيا قاتىناسىن ويداعىداي دامىتۋ ەكى ەلدىڭ ورتاق ۇزاق بولاشاقتىق مۇددەسىنە ۇيلەسىپ قانا قويماي، وڭىرلىك جانە دۇنيە جۇزىلىك دەڭگەيدە بەلسەندى، تەرەڭ ىقپال جاسايدى. قازىر جۇڭگو حالقى جاپپاي سوتسياليستىك وسىزاماندانعان قۇدىرەتتى ەل قۇرۋدىڭ ەكىنشى 100 جىلدىق كۇرەس نىساناسىنا قاراي قادام تاستادى، يندونەزيا حالقى دا 2045 - جىلعى مەملەكەت قۇرۋدىڭ 100 جىلدىق نىساناسىن جۇزەگە اسىرۋ جولىندا بەلسەنە كۇرەس جۇرگىزۋدە. مەن سىزبەن بىرگە ستراتەگيالىق جانە ۇزاق بولاشاقتىق تۇرعىدان جۇڭگو - يندونەزيا قاتىناسىنىڭ ورنىقتى، باياندى بولۋىنا ۇزدىكسىز جەتەكشىلىك ەتىپ، ەكى ەل حالىقتارىنا ءتىپتى دە زور باقىت جاراتىپ، ءوڭىردىڭ جانە دۇنيە ءجۇزىنىڭ بەيبىتشىلىگى مەن ورنىقتىلىعىنا ءتىپتى دە زور ۇلەس قوسۋعا پەيىلمىن.
شي جينپيڭ بىلاي دەپ دارىپتەدى: جۇڭگو مەن يندونەزيانىڭ دامۋ كەزەڭى ۇقساس، ورتاق مۇددە تۇتاسقان، ۇستانىم جولى توعىسقان، بولاشاعى تاعدىرلاس، بايلانىستى. جۇڭگو مەن يندونەزيانىڭ تاعدىرلاس ورتاق تۇلعاسىن قۇرۋ − ەكى ەل حالىقتارىنىڭ ورتاق جۇرەك ءۇنى جانە جالپى بەتتىك ءۇمىتى. ەكى جاقتىڭ تاعدىرلاس ورتاق تۇلعانى بىرگە قۇرۋ سىندى ۇلكەن بەتالىستى تۇراقتاندىرعانىنا توتەنشە قۋانىشتامىن. جۇڭگو يندونەزيامەن بىرگە وسىنى ءبىر تۇتاس باسشىلىققا الىپ، ءوزارا ستراتەگيالىق سەنىمدى بەكەمدەپ، ءبىر - ءبىرىنىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋىن، ءبىر - ءبىرىنىڭ ءوز مەملەكەت جاعدايىنا ۇيلەسەتىن دامۋ جولىن قاراستىرۋىن، قارسى جاقتىڭ ەكونوميكانى دامىتۋىن، حالىقتىڭ تۇرمىس دەڭگەيىن جوعارىلاتۋىن باتىل قولداۋعا پەيىل. ەكى جاق «ءبىر بەلدەۋ، ءبىر جولدى» جوعارى ساپامەن بىرگە قۇرۋ سەلبەستىگىنىڭ ۇزدىكسىز تەرەڭدەۋىن ىلگەرىلەتىپ، اناعۇرلىم مول تابىستارعا قول جەتكىزۋى كەرەك. جاكارتا - باندۇڭ جوعارى قارقىندىق تەمىر جولىن دەر كەزىندە جوعارى ساپامەن سالىپ، «وڭىرلىك جالپىلىق ەكونوميكالىق ءدالىز» جانە «ەكى ەلدىڭ قوس باقشا قۇرىلىسى» سياقتى كەلەلى سەلبەستىك نىساندارىن ويداعىداي اتقارۋعا كۇش سالۋ كەرەك. جۇڭگو يندونەزيانىڭ وڭىرلىك ۆاكسينا شىعارۋ ورتالىعىن قۇرۋىنا ۇزدىكسىز بار كۇشپەن قولداۋ كورسەتىپ، الەۋمەتتىك دەنساۋلىق ساقتاۋ سەلبەستىگىن جيىلەتىپ، يندونەزيانىڭ كوپ قولدى تاۋارلارى مەن ساپالى اۋىل شارۋاشىلىق قوسىمشا ونىمدەرىن يمپورت ەتۋدى ۇزدىكسىز كەڭەيتۋگە پەيىل. جۇڭگو يندونەزيانىڭ جاڭا استاناسى مەن سولتۇستىك كاليمانتان ونەركاسىپ باقشاسىن قۇرۋعا بەلسەنە ات سالىسىپ، قارجى قۇراۋ سەلبەستىگىن كەڭەيتىپ، سيفرلى ەكونوميكا، جاسىل دامۋ سياقتى سالالاردا جاڭا ارتۋ تۇيىندەرىن جەتىلدىرۋگە پەيىل.
شي جينپيڭ مىنالاردى اتاپ كورسەتتى: قازىر دۇنيە ءجۇزىنىڭ وزگەرىسى بۇرىن بولىپ كورمەگەن تاسىلمەن ورىستەتىلۋدە، جۇڭگو مەن يندونەزيا تار جول، تايعاق كەشۋلەردەن بىرگە ءوتىپ، وركەندەپ كەلە جاتقان ءىرى ەلدەردىڭ جاۋاپكەرلىگىن ايگىلەپ، ناعىز كوپ جاقتىلىقتى امالياتتا ايگىلەپ، اشىق ۇستالعان وڭىرلىك دامۋ جولىندا تاباندى بولىپ، دۇنيە ءجۇزىن جونگە سالۋدى ىلگەرىلەتۋ ءۇشىن، شىعىستىڭ اقىل - پاراساتىمەن قامداپ، ازيانىڭ كۇشىن ارناۋى كەرەك. جۇڭگو يندونەزيانىڭ 20 ەل توبى باسشىلارىنىڭ بالي ارالىنداعى باسشىلار باس قوسۋىن باسقارىپ اشۋىن بار كۇشپەن قولدايدى، يندونەزيامەن سايكەسۋدى، سەلبەسۋدى كۇشەيتىپ، باسشىلار باس قوسۋىنىڭ تابىستى بولۋىنا كەپىلدىك ەتۋگە پەيىل. جۇڭگو يندونەزيانىڭ كەلەر جىلعى شىعىس وڭتۇستىك ازيا ەلدەرى وداعىنىڭ كەزەكتى ءتوراعا ەلى بولۋىن دا بار كۇشپەن قولدايدى، شىعىس وڭتۇستىك ازيا ەلدەرى وداعىمەن ىنتىماقتى، سەلبەستىكتى كۇشەيتىپ، نازاردى «5 ۇلكەن مەكەن» قۇرىلىسىنا شوعىرلاندىرىپ، جۇڭگو مەن شىعىس وڭتۇستىك ازيا ەلدەرى وداعىنىڭ جالپى بەتتىك ستراتەگيالىق سەرىكتەستىك قاتىناسىنىڭ جاڭا قوزعاۋشى كۇشىن ۇزدىكسىز اشۋعا پەيىل. جۇڭگو يندونەزيانىڭ «بريكس +» سەلبەستىگىنە ۇزدىكسىز بەلسەنە ات سالىسۋىن قارسى الادى، يندونەزيانىڭ دۇنيە جۇزىلىك دامۋ باستاماسى مەن دۇنيە جۇزىلىك حاۋىپسىزدىك باستاماسىن قولداعانىن جانە وعان ءمان بەرگەنىن القايدى، يندونەزيامەن وسى جونىندە پىكىرلەسۋدى، سەلبەسۋدى كۇشەيتۋگە پەيىل.
جوكو مىنانى ءبىلدىردى: مەن جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنىڭ تولىق تابىسقا جەتۋىن تىلەيمىن، ءتوراعا شي جينپيڭنىڭ پارمەندى باسشىلىعىندا، جۇڭگونىڭ بولاشاقتا اناعۇرلىم زور تابىستارعا قول جەتكىزەتىنىنە سەنەمىن. يندونەزيا مەن جۇڭگو − جان - جاقتى ستراتەگيالىق سەرىكتەر، ەكى ەل تاعدىرلاس ورتاق تۇلعانى بىرگە قۇرۋدىڭ ماڭىزدى نىساناسىن تۇراقتاندىردى، ءوزارا سەلبەستىك جاساپ، ءوزارا پايدا جەتكىزىپ، ورتاق يگىلىككە كەنەلدى، ەكى ەل حالىقتارىنا باقىت اكەلۋمەن بىرگە، ءوڭىردىڭ جانە دۇنيە ءجۇزىنىڭ بەيبىتشىلىگى مەن دامۋىنا ماڭىزدى ۇلەس قوستى. قازىرگى تۇراقسىزدىققا تولى حالىقارالىق جاعدايدا يندونەزيا مەن جۇڭگونىڭ تاماشا سەلبەستىگى ەكى جاق قاتىناسىنىڭ ستراتەگيالىق سيپاتىن ايگىلەدى، ءوڭىر جانە دۇنيە ءجۇزى جونىنەن تۇگەلدەي وڭ ەنەرگيا سانالادى. يندونەزيا جۇڭگومەن بىرگە ەكى ەلدىڭ جان - جاقتى ستراتەگيالىق سەرىكتەستىك قاتىناسىن ۇزدىكسىز تەرەڭدەتىپ، ءوڭىردىڭ بەيبىتشىلىگى مەن دۇنيە ءجۇزىنىڭ دامۋىن جەبەۋگە اناعۇرلىم زور ۇلەس قوسۋعا پەيىل. يندونەزيا جۇڭگونىڭ كەدەيلەردى سۇيەمەلدەۋ جاعىندا قول جەتكىزگەن كورنەكتى تابىستارىنا سۇيىنەدى، جۇڭگونىڭ تابىستى تاجىريبەلەرىنەن ۇلگى الۋعا پەيىل. جۇڭگونىڭ يندونەزيانىڭ جاڭا استاناسى مەن سولتۇستىك كاليمانتان جاسىل ونەركاسىپ باقشاسى قۇرىلىسىنا بەلسەنە ات سالىسىپ، «دۇنيە جۇزىلىك تەڭىز - مۇحيت ىستەرىنىڭ تىرەگى» ويلامىن كۇشەيتىپ، «ءبىر بەلدەۋ، ءبىر جولدى» بىرگە قۇرۋ باستاماسىمەن، ستراتەگياسىمەن ۇشتاستىرىپ، قارجى قوسۋ، تەحنيكا، ۆاكسينا، ەمدەۋ، دەنساۋلىق ساقتاۋ سياقتى سالالارداعى سەلبەستىكتى تەرەڭدەتۋىن قارسى الامىز. جاكارتا - باندۇڭ جوعارى قارقىندىق تەمىر جولى − يندونەزيانىڭ جەدەل دامۋىنىڭ سيمۆولى، يندونەزيا جۇڭگومەن بىرگە قۇلشىنىپ، جاكارتا - باندۇڭ جوعارى قارقىندىق تەمىر جولىنىڭ ۋاعىندا سالىنىپ بولىپ، ىسكە قوسىلۋىنا كەپىلدىك ەتىپ، ونى ەكى ەل دوستىعىنىڭ تاعى ءبىر ەسكەرتكىشىنە اينالدىرۋعا پەيىل. جۇڭگونىڭ يندونەزيانىڭ 20 ەل توبىنا ءتوراعا ەل بولۋ قىزمەتىن قولداعانىنا العىس ايتامىز، يندونەزيا جۇڭگومەن تىعىز سايكەسىپ، 20 ەل توبى باسشىلارىنىڭ بالي ارالى باسشىلار باس قوسۋىنىڭ تابىستى بولۋىن ىلگەرىلەتۋگە پەيىل. كەلەر جىلى شىعىس وڭتۇستىك ازيا ەلدەرى وداعىنىڭ كەزەكتى ءتوراعا ەلى رەتىندە يندونەزيا شىعىس وڭتۇستىك ازيا ەلدەرى وداعىنىڭ جۇڭگومەن قاتىناسىن دامىتۋ ءۇشىن بەلسەندى قۇلشىنىس جاساۋعا پەيىل.
ەكى ەلدىڭ مەملەكەت باسشىلارى ۋكراينا داعدارىسى سياقتى ماسەلەلەر جونىندە پىكىر الماستىرىپ، حالىقارالىق قوعام تاتۋلاسۋعا ءناسيحاتتاپ، كەلىسسوزدى جەبەۋگە شارت–جاعداي جاراتىپ، ۋكراينا جاعدايىن باسەيتىپ، دۇنيە ءجۇزىنىڭ ەكونوميكا ٴتارتىبىن ورنىقتىرۋدا سىندارلى رول اتقارىپ، ٴوڭىردىڭ وڭاي–وسپاق قولعا كەلمەگەن بەيبىت، ورنىقتى جاعدايىن بىرگە قورعاۋى كەرەك دەپ قارادى.
ەكى جاق «جۇڭحۋا حالىق رەسپۋبليكاسى مەن يندونەزيا رەسپۋبليكاسى باسشىلارىنىڭ كەزدەسۋى بىرلەسكەن اقپارات مالىمدەمەسىن» جاريالادى ءارى جىبەك جولى ەكونوميكالىق بەلدەۋى مەن 21 - عاسىرداعى تەڭىز جىبەك جولى باستاماسىن، «دۇنيە جۇزىلىك تەڭىز - مۇحيت ىستەرىنىڭ تىرەگى» ويلامىن بىرگە ىلگەرىلەتۋ جونىندەگى تۇسىنىستىك ەسكەرتپەسىنە، سونداي - اق ۆاكسينا، جاسىل دامۋ، ينتەرنەت حاۋىپسىزدىگى، تەڭىز - مۇحيت سياقتى سالالارداعى سەلبەستىك قۇجاتتارىنا قول قويدى.
سول كۇنى كەشتە شي جينپيڭ مەن حانىمى پىڭ لييۋان جوكو مەن حانىمى يلياناعا كەشكى قوناعاسى بەردى.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
