قوعام حاۋىپسىزدىگى مينيسترلىگى جاز مەزگىلىندە ساياحاتشىلاردى تاسىمالدايتىن اۆتوموبيلدەردىڭ قاتىناس حاۋىپسىزدىگىنە ساياتىن ساقتىق ەسكەرتۋىن جاريالادى
2022.07.28 16:24 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى رىن چينچين 7 – ايدىڭ 26 – كۇنى بەيجيڭنەن حابارلايدى. جۋىردا سىرتقا شىعىپ ساياحاتتاۋدى جوسپارلاعاندار كوپ بولىپ، ساياحات بازارى كۇرت جانداندى، ءتىلشىنىڭ 7 – ايدىڭ 26 – كۇنى قوعام حاۋىپسىزدىگى مينيسترلىگى قاتىناستى باسقارۋ مەكەمەسىنەن ۇعىسۋىنشا، قاتىستى باقىلاۋ – تەكسەرۋ دەرەكتەرىنە قاراعاندا، جۋىرداعى ءبىر ايدان بەرى ساياحاتشىلاردى تاسىمالداۋ مولشەرى الدىڭعى ايداعىمەن سالىستىرعاندا %42.4 جوعارىلاپ، قاتىناس جاعىنداعى حاۋىپ – قاتەر دە وسىعان سايكەس كورنەكتى جوعارىلاعان.
7 – ايدىڭ 8 – كۇنى ساعات 19 دان 23 مينۋت وتكەندە، حەيلۇڭجياڭ ولكەسى داچيڭ قالاسىنداعى ساياحاتشىلاردى تاسىمالدايتىن اۆتوموبيل يچۋن قالاسىنا بارىپ ساياحاتتايتىن 51 ادامدى (53 ادام وتىراتىن اۆتوموبيل) وتىرعىزىپ، عاسىر كوشەسىن بويلاي لۇڭفىڭ رايونىنداعى سازدى جەردەگى كوپىردەن وتكەن كەزدە، اۆتوموبيلدىڭ توبەسى كوپىردەگى بيىكتىكتى شەكتەيتىن باعانعا سوعىلىپ، اۆتوموبيلدەگى 5 ادام قازا بولىپ، 3 ادام جارالانعان. اۆتوموبيلدەگى باقىلاۋ كامەراسى تۇسىرگەن كەسكىنگە قاراعاندا، شوفەر لي X اۆتوموبيلدى جۇرگىزۋ بارىسىندا باستان – اياق شوفەردىڭ جانىنداعى ورىندىقتا وتىرعان اداممەن اڭگىمەلەسۋمەن بولعان، وقيعا تۋىلاردان بۇرىن سول كوزىن جۇمىپ الىپ، وڭ قولىمەن وڭ كوزىن ۇزدىكسىز ۋقالاعان. العاشقى قادامداعى تۇجىرىمداۋعا قاراعاندا، شوفەردىڭ اۆتوموبيل جۇرگىزگەندە نازارىن شوعىرلاندىرماۋى، جول جاعدايىن باقىلاۋعا نەمقۇرايدى قاراۋى وسى شىرعالاڭنىڭ تۋىلۋىنىڭ تىكەلەي سەبەبى بولعان.
قوعام حاۋىپسىزدىگى مينيسترلىگى قاتىناستى باسقارۋ مەكەمەسى مىنانى ەسكەرتەدى: حاۋىپسىزدىك — كاسىپورىن جۇمىسىنىڭ نەگىزى، جولاۋشى تاسىمالىمەن شۇعىلداناتىن بارشا كاسىپورىندار حاۋىپسىزدىكتىڭ نەگىزگى تۇلعالىق جاۋاپكەرشىلىگىن قاتاڭ اتقارىپ، شوفەرلەردى ۇنەمى تاربيەلەۋ مەن كۋرسقا قاتىناستىرۋ جانە اۆتوموبيلدەردى ۇدايى تەكسەرىپ وتىرۋ، داعدىلى تۇردە تەكسەرىپ وتىرۋ قاتارلى حاۋىپسىزدىككە ساياتىن باسقارۋ تۇزىمدەرىن شىنايى اتقارۋى كەرەك. جولاۋشى تاسىمالدايتىن اۆتوموبيلدەردىڭ شوفەرلەرى اۆتوموبيل جۇرگىزگەندە، حاۋىپسىزدىككە بارىنشا ءمان بەرۋدى ەستە بەرىك ساقتاپ، تاس جولداعى قاتىناس حاۋىپسىزدىگىنە ساياتىن زاڭ – تۇزىمدەرگە قاتاڭ بويسۇنىپ، اۆتوموبيلدى حاۋىپسىز، وركەنيەتتى تۇردە جۇرگىزىپ، اۆتوموبيل جۇرگىزگەندە نازارىن شوعىرلاندىرماۋ، شارشاعان كۇيدە اۆتوموبيل جۇرگىزۋ، اۆتوموبيلگە مولشەردەن ارتىق ادام وتىرعىزۋ، اۆتوموبيلدىڭ قارقىنىن مولشەردەن اسىرۋ قاتارلى قاتىناس زاڭىنا اۋىر دارەجەدە قايشى كەلەتىن ارەكەتتەردەن تيىلۋى كەرەك. بارشا جولاۋشىلار «حاۋىپسىزدىك بەلدىگى — اماندىق كەپىلى» دەگەن ءسوزدى ەستە بەرىك ساقتاپ، اۆتوموبيلگە وتىرا سالا حاۋىپسىزدىك بەلدىگىن تاعۋى، بارلىق ادام تۇتاس ساپار بارىسىندا حاۋىپسىزدىك بەلدىگىن تاعۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
