ۋاڭ ي قازاقستاننىڭ ورىنباسار زۇڭليى، سىرتقى ىستەر مينيسترى مۇحتار تىلەۋبەردىمەن كەزدەستى
2022.08.01 15:25 كەلۋ قاينارى : حالىق تورابى
شينحۋا اگەنتتىگىنىڭ 7 ـ ايدىڭ 29 ـ كۇنى تاشكەنتتەن بەرگەن حابارى. جەرگىلىكتى ۋاقىت 2022 ـ جىلى 7 ـ ايدىڭ 28 ـ كۇنى مەملەكەتتىك كەڭەستىڭ مۇشەسى، قوسىمشا سىرتقى ىستەر مينيسترى ۋاڭ ي تاشكەنتتە شاڭحاي سەلبەستىك ۇيىمىنىڭ سىرتقى ىستەر مينيسترلەر ماجىلىسىنە قاتىناسقان كەزدە، قازاقستاننىڭ ورىنباسار زۇڭليى، سىرتقى ىستەر مينيسترى مۇحتار تىلەۋبەردىمەن كەزدەستى.
ۋاڭ ي بىلاي دەدى: بيىل 2 ـ ايدا ءتوراعا شي جينپيڭ توقايەۆ زۇڭتۇڭمەن تابىستى كەڭەس وتكىزىپ، جۇڭگو ـ قازاقستان قارىم ـ قاتىناسىنىڭ الداعى 30 جىلدىعىن قول ۇستاسا اشۋدى ءبىر اۋىزدان اقىلداسىپ، ەكى ەل قارىم ـ قاتىناسىنىڭ ۇزاق بولاشاقتىق دامۋىنا ايقىن باعدار كورسەتتى. ەكى جاق ەكى ەل باسشىلارىنىڭ ماڭىزدى ورتاق تانىمىن ناقتى ناتيجەگە اينالدىرىپ، جۇڭگو مەن قازاقستاننىڭ ماڭگىلىك، جان ـ جاقتى ستراتەگيالىق سەرىكتەستىك قاتىناسىنىڭ مازمۇنىن ۇزدىكسىز بايىتىپ، ەكى جاقتى قاتىناستىڭ اقاۋسىز، ورنىقتى دامۋىن ىلگەرىلەتۋى كەرەك. جۇڭگو «ءبىر بەلدەۋ، ءبىر جولدى» جوعارى ساپامەن بىرگە قۇرۋدى نەگىزگى جەلى ەتىپ، جۇڭگو ـ قازاقستان سەلبەستىگىن ونان ارى زورايتىپ، كۇشەيتىپ، ەكى ەل ۇكىمەتتەرى اراسىنداعى ەكونوميكا ـ ساۋدا سەلبەستىگى جوباسى مەن جاڭا ۇلگىدەگى قارجى قوسۋدى قورعاۋ كەلىسىمىنە، ءوندىرىس قۋاتى جانە قارجى قوسۋ سەلبەستىگى جوباسىنا اقىلداسىپ قول قويۋدى جەدەلدەتىپ، اناعۇرلىم كوپ حالىق تۇرمىسى نىساندارىنىڭ قازاقستاندا تياناقتانۋىن الدىمەن ىلگەرىلەتۋدى قالايدى.
مۇحتار تىلەۋبەردى قازاقستان مەن جۇڭگونىڭ ماڭگىلىك، جان ـ جاقتى ستراتەگيالىق سەرىكتەستىك قاتىناسىنىڭ دامۋىنا ەرەكشە باعا بەرىپ، ەكى ەل باسشىلارىنىڭ بيىل 2 ـ ايداعى ماڭىزدى كەڭەسىنىڭ بەلسەندى، ناقتى، سۇبەلى تابىستارعا قول جەتكىزگەندىگىن ءبىلدىردى. قازاقستان جۇڭگومەن بىرگە ەكى ەل باسشىلارىنىڭ ماڭىزدى ورتاق تانىمىن بۇلجىتپاي تياناقتاندىرىپ، ەكى ەل قاتىناسىنىڭ جاڭا 30 جىلدىعىن اشۋدى قالايدى. قازاقستان جاق جۇڭگو ازاماتتارىنا 14 كۇن ۆيزاسىز كەلۋگە جول قويدى، ەكى جاقتىڭ ادامدارىنىڭ بارىس ـ كەلىسىنە اناعۇرلىم قولايلىلىق جاساپ، جەرگىلىكتى ورىنداردىڭ اۋىس ـ كۇيىسىن، سەلبەستىگىن تەرەڭدەتۋدى ءۇمىت ەتەدى دەگەندى ايتتى.
مۇحتار تىلەۋبەردى جۇڭگو جاقتىڭ قازاقستاننىڭ ازيا ءوزارا سەلبەستىك جانە سەنىمدىلىك شارالارى كەڭەسى باسشىلار ءماجىلىسىن وتكىزۋىن قولداعانىنا ەرەكشە العىس ايتتى. ۋاڭ ي بىلاي دەدى: جۇڭگو قازاقستاننىڭ ازيا ءوزارا ىقپالداستىق جانە سەنىمدىلىك شارالارى ماجىلىسىنە ءتوراعا ەل بولۋ رولىن ساۋلەلەندىرىپ، ازيا ءوزارا ىقپالداستىق جانە سەنىمدىلىك شارالارى ءماجىلىسىنىڭ سەلبەستىك دەڭگەيىن جوعارىلاتىپ، ءوڭىردىڭ حاۋىپسىزدىگى مەن دامۋىن جەبەۋگە اناعۇرلىم زور ۇلەس قوسۋىن قولدايدى. ەكى جاق شاڭحاي سەلبەستىك ۇيىمى جۇلگەسىندەگى سايكەسۋدى كۇشەيتىپ، وزبەكستاننىڭ ءتوراعا ەل مىندەتىن وتەۋىن قولداپ، سامارحان باسشىلار باس قوسۋىن ويداعىداي وتكىزەتىندىگىن ءبىلدىردى. ەكى جاق ەۆروپا ـ ازيا ۇلى قۇرلىعىنىڭ قامداۋ تىزبەگىنىڭ ورنىقتىلىعى مەن جۇڭگو ـ ەۆروپا كەزەكشى پويەزدەرىنىڭ ىركىلىسسىز قاتىناۋىن قورعاۋعا بىرگە كۇش سالىپ، دۇنيە ءجۇزىنىڭ استىق جانە ەنەرگيا حاۋىپسىزدىگى سىن ـ سايىسىنا ءونىمدى توتەپ بەرۋدە سىندارلى رول اتقارۋعا ۇندەدى.
ەكى جاق جۇڭگو + ورتا ازياداعى 5 ەل كەزدەسۋ مەحانيزمىنىڭ رولى مەن بولاشاعىنا جوعارى باعا بەرىپ، جۇڭگو + ورتا ازياداعى 5 ەل باسشىلارىنىڭ بەينە ەكران كەڭەسىندەگى ورتاق تانىمدى ويداعىداي تياناقتاندىرىپ، قاتىناس، ەكونوميكا ـ ساۋدا، قارجى قوسۋ جانە كاسىپ سالاسى اۋىل شارۋاشىلىعى، ەنەرگيا، كەدەن، گۋمانيتارلىق سياقتى الدىمەن ەسكەرىلەتىن سالالارعا نازار اۋدارىپ، ەكى جاقتىڭ ءوزارا ءتيىمدى سەلبەستىگىنىڭ تىڭ ساتىعا كوتەرىلۋىنە جەتەكشىلىك ەتەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
