اۆتونوميالى رايوننىڭ 2022 - جىلعى الدىڭعى جارتى جىلداعى ەكونوميكالىق اينالىمعا تالداۋ جاساۋ ءماجىلىسى جانە 8 - ايلىق ورنالاستىرۋ ءماجىلىسى اشىلدى
ءۇشىنشى ماۋسىمدا قايراتتانا ۇمتىلىپ، سوڭعى جارتى جىلدا شەشۋشى جەڭىسكە قول جەتكىزىپ، تۇتاس جىلدىق نىسانا - مىندەتتەردى قۇلشىنا ورىنداۋ كەرەك
2022.08.01 19:51 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى لي ياڭ 7 - ايدىڭ 30 - كۇنى ۇرىمجىدەن حابارلايدى. 7 - ايدىڭ 30 - كۇنى تۇستەن كەيىن اۆتونوميالى رايوننىڭ 2022 - جىلعى الدىڭعى جارتى جىلداعى ەكونوميكالىق اينالىمعا تالداۋ جاساۋ ءماجىلىسى جانە 8 - ايلىق ورنالاستىرۋ ءماجىلىسى اشىلدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ءماجىلىستى باسقاردى ءارى ءسوز سويلەدى. اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ ماجىلىسكە قاتىناستى.
ءماجىلىس مىنالاردى اتاپ كورسەتتى: بيىل جىل باسىنان بەرى رايونىمىز ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، مەملەكەتتىك كەڭەستىڭ ەكونوميكانى ورنىقتىرۋ جونىندەگى ءبىر قىدىرۋ ساياسات - شارالارىن ەگجەي - تەگجەيلى تياناقتاندىردى، الدىڭعى جارتى جىلدا بۇكىل رايوننىڭ ەكونوميكالىق اينالىمى جوعارى دەڭگەيدە باستالىپ، ورنىقتى ءجۇرىپ، ورنىقتىلىق بارىسىندا ىلگەرىلەپ، ورنىقتىلىق بارىسىندا جاقسارىپ، ”جارتى جىلدا تابىستى بولۋ“ جۇزەگە استى. جەر - جەر، تاراۋلار باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوندىق پارتكومنىڭ ورنالاستىرۋى، تالابى بويىنشا، ەكونوميكالىق قىزمەتتى جاقسى ىستەۋ سەنىمى مەن بەكىمىن ونان ارى كۇشەيتىپ، رايونىمىز ەكونوميكاسىنىڭ جوعارى ساپالى دامۋىن قۇلشىنا ىلگەرىلەتۋ كەرەك.
ءماجىلىس مىنالاردى اتاپ كورسەتتى: شەشۋشى شارالاردى كورنەكتىلەندىرىپ، ءۇشىنشى ماۋسىمدىق شايقاسقا دايىندالىپ، سوڭعى جارتى جىلدا شەشۋشى جەڭىسكە قول جەتكىزىپ، تۇتاس جىلدىق نىسانا - مىندەتتەردى جۇزەگە اسىرۋعا شىنايى كەپىلدىك ەتۋ كەرەك. اۋىل شارۋاشىلىعىنىڭ ساپاسىن جوعارىلاتىپ، ونىمدىلىگىن ارتتىرۋدى كۇش سالا ىلگەرىلەتىپ، جازعى جيىن - تەرىن، جازعى تۇقىم سەبۋ، جازعى باپتاۋدى اياقتاتۋ شايقاسىن باتىلدىقپەن ويداعىداي جۇرگىزىپ، ماقتا، جەمىس ورمانى سياقتى وندىرىستىك باسقارۋدى ۇزدىكسىز كۇشەيتىپ، جوعارى ولشەمدى اتىز قۇرىلىسىن ويداعىداي يگەرىپ، اۋىل - قىستاق ەرەكشە كاسىپ سالالارىن زور كۇشپەن دامىتۋ كەرەك. ونەركاسىپتەگى ورنىقتى ارتتىرۋدى كۇش سالا جەدەلدەتىپ، ونەركاسىپتىڭ نەگىزىن كۇشەيتىپ، ونىمدىلىگىن ارتتىرۋدى جانە تيبىن وزگەرتىپ، دارەجەسىن جوعارىلاتۋدى ۇزدىكسىز ىلگەرىلەتىپ، بايلىقتى بارلاۋ، اشۋ تەبىنىن ۇزدىكسىز ارتتىرىپ، سيفرلى ەكونوميكانى جەدەل دامىتىپ، مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىندار رەفورماسى مىندەتتەرىنىڭ تياناقتانىپ ونىمدىلىك كورسەتۋىن ىلگەرىلەتۋ كەرەك. ەلەۋلى نىساندار قۇرىلىسىن كۇش سالا ىلگەرىلەتىپ، جالعاستىرىلىپ سالىنىپ جاتقان نىسانداردى ەرتەرەك سالىپ بولۋدى، قۇرىلىسى اياقتالعان نىسانداردىڭ ونىمدىلىك ولشەمىنە ەرتەرەك جەتۋىن، جاڭادان سالىناتىن نىسانداردىڭ ەرتەرەك قۇرىلىس باستاۋىن، زاپاس نىسانداردىڭ ەرتەرەك تياناقتانۋىن ىلگەرىلەتۋ كەرەك. سىرتقا جوعارى دەڭگەيدە ەسىك اشۋدى كۇش سالا كەڭەيتىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەلدەتۋ كەرەك. ساياحات ەكونوميكاسىنىڭ ساپاسىن ارتتىرىپ، دارەجەسىن جوعارىلاتۋدى كۇش سالا جەبەپ، ساياحات جونىنەن الەۋمەتتىك قىزمەت وتەۋ جۇيەسى قۇرىلىسىن تەرەڭدەتۋ كەرەك. ەنەرگيامەن قامداۋدى قامتاماسىز ەتۋدى كۇش سالا يگەرىپ، ”ءۇش بازا، ءبىر ارنا“ قۇرىلىسىن جەدەل ىلگەرىلەتىپ، جاڭا ەنەرگيا كاسىپ سالاسىن ۇلعايتۋ كەرەك. تۇتىنۋ بازارىن كۇش سالا جانداندىرىپ، جاڭادان گۇلدەنگەن تۇتىنۋلاردى جەتىلدىرىپ، ۇلعايتىپ، ءتىپتى دە كوپ قىزمەت وتەۋ كاسىبى بازار تۇلعالارىن ورنىقتىرۋ كەرەك. فينانس حاۋىپ - قاتەرىنەن كۇش سالا ساقتانىپ جانە ونى جويىپ، جۇيەلىك حاۋىپ - قاتەر تۋىلماۋدىڭ تومەنگى شەگىن باتىل ساقتاۋ كەرەك. ەكولوگيالىق ورتانى قورعاۋدى كۇش سالا ويداعىداي يگەرىپ، لاستانۋدان ساقتانۋدان جانە ونى جونگە سالۋدان قامال الۋ شايقاسىن ويداعىداي جۇرگىزىپ، سۋ بايلىعىن ۇنەمدەپ، شوعىرلى پايدالانۋدى كۇشەيتىپ، ورتالىقتىڭ قورشاعان ورتانى قورعاۋدى قۋزاۋ - تەكسەرۋىندە اڭىس ەتىلگەن ماسەلەلەر بويىنشا رەتتەۋ - تۇزەتۋدى تياناقتاندىرۋدى ويداعىداي يگەرۋ كەرەك. شارۋاشىلىق - ساۋدا ورتاسىن كۇش سالا جاقسارتىپ، ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتىپ، بازار تۇلعالارىنا شىن مانىندە ءتىپتى دە كوپ قولايلىلىقتار اپەرۋ كەرەك. حالىق تۇرمىسىن كۇش سالا قامتاماسىز ەتىپ جانە ونى جاقسارتىپ، ءار ۇلت بۇقاراسىن رەفورما، دامۋ، ورنىقتىلىق جەتىستىكتەرىنەن بىرگە يگىلىكتەندىرۋ كەرەك.
ءماجىلىس مىنالاردى باسا دارىپتەدى: ۇيىمدىق باسشىلىقتى شىنايى كۇشەيتىپ، قىزمەت جاۋاپكەرشىلىگىن ناقتىلاندىرىپ، ەكونوميكالىق اينالىمدى ورنالاستىرۋدىڭ ءونىمدى مەحانيزمىنەن ويداعىداي پايدالانىپ، ەكونوميكالىق اينالىمنىڭ ”الدىمەن اتقارىلاتىن كورسەتكىشتەرىنەن“ كوز جازباي، ورنالاستىرۋ ساپاسىن، ونىمدىلىگىن نىعايتىپ، ساياساتتاردى تياناقتاندىرۋدى كۇشەيتىپ، تۇتاس جىلدىق نىسانا - مىندەتتەردى تابىسپەن ورىنداۋعا شىنايى كەپىلدىك ەتۋ كەرەك.
چىن ۋيجۇن، ءيۇسۇپجان مامەت، ەلزات احىمەتجان، جاروللا يسامدين، ماڭلىك سەيت، چىن ميڭگو، سۇن حۇڭمەي، ليۋ سۋشى قاتارلىلار ماجىلىسكە قاتىناستى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
