ادال جۇرەكتەر تيانشاندى نۇرلاندىردى
− شينجياڭدا تۇراتىن حالىق ازاتتىق ارمياسىنىڭ شەكارانى كۇشەيتىپ، قورعانىستى بەكەمدەپ، شينجياڭدى ورنىقتىرىپ، شينجياڭدى گۇلدەندىرۋىنەن ەستەلىك
انار بۇلت \ شينجياڭ گازەتىنىڭ ءتىلشىسى لي ياڭ
2022.08.02 18:44 كەلۋ قاينارى : شينجياڭ گازەتى
شىلىڭگىر جاز، جاسىل اعاشتارمەن كومكەرىلگەن ءۇرىمجى حالىق الاڭىندا قۇستار سايراۋدا. شينجياڭنىڭ ءىشى - سىرتىنان كوپتەگەن ساياحاتشىلار وسىندا كەلىپ، الاڭداعى ”جۇڭگو حالىق ازاتتىق ارمياسىنىڭ شينجياڭعا كىرۋ ەسكەرتكىشىنە“ ىززەتپەن قاراۋدا.
ەسكەرتكىش حالىق الاڭىنىڭ وڭتۇستىگىندە قاسقايىپ تۇر، ەسكەرتكىشتىڭ سولتۇستىك بەتىنە ۋاڭ جىن جولداستىڭ جۇڭگو حالىق ازاتتىق ارمياسىنىڭ شينجياڭعا كىرۋ ەسكەرتكىشى دەگەن ارناۋ ءسوزى ويىپ جازىلعان. ەسكەرتكىشتىڭ وڭتۇستىك بەتىنە ۋاڭ ىنماۋ جولداستىڭ حالىق ازاتتىق ارمياسى شينجياڭعا كىرىپ، شينجياڭداعى ءار ۇلت حالقىنىڭ ازاتتىعىنىڭ جاڭا تاريحي مەزگىلىن اشتى دەگەن ارناۋ ءسوزى ويىپ جازىلعان.
”جامىراعان جۇلدىزدار كەۋدەمنىڭ ءدال قاسىندا، سان جەتكىسىز قالىڭ شىڭ اياعىمنىڭ استىندا“. جۇڭگو حالىق ازاتتىق ارمياسى قۇرىلعاندىعىنىڭ 95 جىلدىعىن قۇتتىقتاۋ ساتىندە، شينجياڭدا تۇراتىن اسكەري بولىمدەردىڭ شەكارا وڭىرگە تامىر تارتقان 70 نەشە جىلدىق كۇرەس بەلەسىنە قايىرىلا قاراساق، شەكسىز تەبىرەنەمىز. پارتيا ورتالىق كوميتەتىنىڭ، ورتالىق اسكەري ىستەر كوميتەتىنىڭ پارمەندى باسشىلىعىندا، شينجياڭدا تۇراتىن اسكەري بولىمدەر شينجياڭعا جەڭىس ءانىن شىرقاپ كىرۋدەن ۇلى ءىس جاراتۋعا دەيىن، شەكارانى كۇزەتىپ، شينجياڭدى قورعاۋدان قۇرىلىسقا، شينجياڭدى ورنىقتىرىپ، شينجياڭدى گۇلدەندىرۋگە ات سالىسۋعا دەيىن، تاۋ - تاستى سىلكىندىرەرلىك ارىنمەن ايبىندى تاراۋلار جازدى.
ءومىرىمدى وتاننىڭ ءۇمىتىن اقتاۋعا ارناۋعا پەيىلمىن
ءۇرىمجى قالاسى نانمىن مەترو بەكەتىنىڭ شىعىس سولتۇستىك شىعار اۋىزىندا، ءبىر ەڭسەلى دە بايىرعى قۇرىلىس بار. ول 20 - عاسىردىڭ 40 - جىلدارىندا سالىنعان، كەزىندە ءۇرىمجىنىڭ نىشاندىق قۇرىلىسى بولعان ءۇرىمجى نانمىن ۇلكەن بانكەسى - دى.
ۇلكەن بانكەنىڭ الدىندا تۇسىرىلگەن ءبىر دانا رەڭسىز فوتو سۋرەت اۆتونوميالى رايوندىق ارحيۆ سارايىندا حۇجات سۋرەتتەر اراسىندا ساقتالۋلى. 1949 - جىلى 9 - ايدىڭ 25 - كۇنى شينجياڭ بەيبىت ازات بولدى. سول جىلى 12 - ايدىڭ 17 - كۇنى شينجياڭ ولكەلىك حالىق ۇكىمەتى، شينجياڭ اسكەري رايونى قۇرىلعاندىعىن جاريالادى. وسىدان كەيىن ۇرىمجىدە اسكەري ءبولىمنىڭ پارات سالتى وتكىزىلدى. پىڭ دىحۋاي، جاڭ جىجۇڭ، ۋاڭ جىن، بۇرحان، تاۋ جىيۋە، سايپيدەن ازەز قاتارلىلار ۇلكەن بانكەنىڭ ەسىك الدىنداعى تاس باسپالداقتا تۇرىپ، قوسىلىپ قالاعا كىرگەن اسكەري ءبولىمنىڭ پاراتىن قابىلدادى.
العا! العا! العا باس! وسىدان باستاپ حالىق ارمياسى العا ىلگەرىلەۋ دابىلىن قاعىپ، وتاننىڭ باتىس بولىگىندەگى وسىناۋ كەڭ - بايتاق مەكەندى قورعاپ، ارشىندى قاداممەن بولاشاقتى بەتكە الدى.
1949 - جىلى 10 - ايدا پارتيا ورتالىق كوميتەتىنىڭ ءبىر بۇيرىعىمەن حالىق ازاتتىق ارمياسى قول باستاپ شينجياڭعا كىرىپ، ەل ءىشى - سىرتىنداعى جاۋ كۇشتەردىڭ شينجياڭدى وتان قاريتاسىنان ءبولىپ تاستاماق بولعان قاسكۇنەمدىگىن ءبىر جولاتا تاس - تالقان ەتتى.
كەزىندە شينجياڭ اسكەري رايونىنىڭ ورىنباسار جىڭۋيى بولعان جاڭ ميڭرۋ ەستەلىگىندە سول كەزدەگى ارميانىڭ كىرۋ كورىنىسىن بىلاي دەپ سۋرەتتەدى: ”ول قانداي ايباتتى تاريحي سۋرەت دەسەڭىزشى − اسپاندا ۇشاقتار (سوۆەت وداعى كومەككە بەرگەن) گۇرىلدەي ۇشىپ، جەردە ماشينالار دۇرىلدەي زىمىراپ، بيىك اتتار باسىن كوتەرە كىسىنەپ، قىزىل تۋلار جەلبىرەدى“...
1949 - جىلى 12 - ايدا حالىق ازاتتىق ارمياسى بۇيرىق بويىنشا حوتانعا شۇعىل شەرۋ تارتىپ، گومينداڭنىڭ قالدىق كۇشتەرىنىڭ، سونداي - اق ۇلتتىق بولشەكتەۋشى ەلەمەنتتەردىڭ قارۋلى بۇلىك جاساۋ قاسكۇنەمدىگىن تالقاندادى. ۋاقىتتى ۇنەمدەۋ ءۇشىن، ساردارلار مەن ساربازدار ”اجال تەڭىزى“ اتالعان تاكلاماكان ءشولىن كەسىپ ءوتتى. 18 كۇندە 700 كيلومەتردەن استام جول باسىپ، اسكەري ىستەر تاريحىنداعى كەرەمەتتى جازدى.
1950 - جىلى 7 - ايدا 136 ادامنان قۇرالعان شيزاڭعا شەرۋ تارتۋ اتويشى ليانى قاراقۇرىم تاۋىنا جورىق جاسادى. ولار قايسار ەرىكتەرىمەن ماڭگى ەرىمەيتىن مۇز وزەننەن ءوتىپ، اسا قاتەرلى كەزەڭدەردەن اسىپ، تالاي جاپا - ماشاقاتتى باستان كەشىرىپ، كەلەسى جىلى 8 - ايدا الي ءۇستىرتىن تۇگەل ازات ەتتى. كەيىنگى اسكەري ءبولىم وڭتۇستىك شينجياڭ قاراستىلىعىنداعى مىڭ شاقىرىمدىق شەكارا قورعانىس شەبىن قولىنا الدى.
ازاتتىق ارميا شينجياڭعا كىرۋدەن بۇرىن شينجياڭدا وسى زامانعى ونەركاسىپ نەگىزىنەن جوق ەدى، ءبىر كيلومەتر تەمىر جول دا، تاۋىرلەۋ ءبىر زاۆود تا جوق بولاتىن. سول كەزدەگى بەت - بەينەنى وزگەرتۋ ءۇشىن، پەرزەنت اسكەرلەر كيەر كيىمنەن، ىشەر استان ىركي ءجۇرىپ شينجياڭنىڭ قۇرىلىسىنا كومەكتەستى، ءبىر جىلدا تاراتىلاتىن ەكى پار اسكەري كيىمدى ءبىر پارعا وزگەرتىپ، ءبىر جىلدا تاراتىلاتىن ەكى جەيدەنى ءبىر جەيدەگە قىسقارتىپ، ءتورت قالتالى كيىمدى ەكى قالتالى ەتىپ وزگەرتتى، شينجياڭداعى العاشقى زاماناۋي ۇن زاۆودى 1 - تامىز ۇن زاۆودى وفيتسەر - اسكەرلەردىڭ اربىرەۋى ءبىر ماقتالى مالاقايدان ۇنەمدەپ قالعان قاراجاتپەن سالىنعان بولاتىن.
مىنە وسىلايشا، شينجياڭدا تۇراتىن ازاتتىق ارميا قۇرعان 1 - تامىز بولات - تەمىر زاۆودى، 1 - شىلدە ماقتا توقىماشىلىعى فابريكاسى، ۋيحۋلياڭ ەلەكتر ستانسياسى سياقتى ءبىر توپ زاۆود - كەن كاسىپورىندارى كەزىندەگى ماڭگىلىك جاپان دالادا بوي كوتەرىپ، شينجياڭنىڭ وسى زامانعى ونەركاسىبىنىڭ شىمىلدىعىن اشتى.
رەفورما جاساپ، ەسىك اشقاننان بەرى شينجياڭدا تۇراتىن اسكەري بولىمدەر شينجياڭنىڭ ەكونوميكالىق قۇرىلىسىنىڭ كەلەلى جاعدايىنا سانالى تۇردە بويسۇنىپ جانە قىزمەت وتەپ، وڭتۇستىك − سولتۇستىك شينجياڭ تەمىر جولى، لانجوۋ − شينجياڭ تەمىر جولىنىڭ قوسارلاما جەلىسى، تابەي مۇناي - گاز الابى، وڭتۇستىك − سولتۇستىك شينجياڭ حابارلاسۋ وپتيكالىق كابەل ينجەنەرياسى سياقتى ءبىر توپ ءتۇيىندى نىسان قۇرىلىسىنا ىلگەرىندى - كەيىندى قاتىناستى.
تيانشان الابىنا كوز جىبەرسەك، بۇرعىلاۋ قوندىرعىلارى بوي كوتەرگەن مۇناي الابىنان كەڭ كوسىلگەن ماقتا اتىزىنا دەيىن؛ قارلى تاۋ، مۇز شوقىلاردى ەندەي وتكەن تاس جولداردان بىتىك تە كوسىلىپ جاتقان ىقتاسىن ورمانعا دەيىن... شينجياڭنىڭ بايتاق دالاسىنداعى ءار ۇلت حالقىن باقىتقا كەنەلتكەن ءاربىر ءتۇيىندى ينجەنەرياعا دەرلىكتەي شينجياڭدا تۇراتىن اسكەري بولىمدەردەگى وفيتسەر - اسكەرلەردىڭ كۇرەس ىزدەرى ورنەكتەلگەن.
تيانشان الابىندا ادالدىقتارىن ايگىلەدى
كەڭ كوسىلگەن كۇنلۇندە تۋلار اسقاق جەلبىرەدى. تاياۋدا تەڭىز دەڭگەيىنەن 5000 نەشە مەتر بيىك ۇستىرتتە تۇراقتاپ جاتتىعاتىن وڭتۇستىك شينجياڭ اسكەري رايونى بەلگىلى قۇراما تۋانىنىڭ شيزاڭعا بارعان اتويشى قاھارمان ليانى دابىرالى زور اسكەر جاتتىعۋ ورىستەتتى.
ليان - دۇيدىڭ توركىنى سولتۇستىك شيزاڭ ءۇستىرتىن ازات ەتۋ ءۇشىن شيزاڭعا شەرۋ تارتىپ بارعان اتويشى ليان. اتويشى لياننىڭ مۇراگەرى رەتىندە، وسى ليان - دۇيدە اناعۇرلىم جوعارى دا اناعۇرلىم قاتاڭ تالاپ بار: 48 ساعاتتا ورىنداۋعا ءتيىستى مىندەتتى ولار 24 ساعاتقا جەتپەي ورىنداۋى كەرەك؛ 2 ساعاتتا جۇمىلدىرۋعا تۋرا كەلسە، ادەتتە ولار ءبىر ساعات ۋاقىت بويىنشا جاتتىعۋى كەرەك.
وسى تۋاننىڭ جەتەكشىسى ۋاڭ في: جاڭا داۋىردەگى شەكارانى كۇزەتۋشى اسكەريلەر رەتىندە، قاراقۇرىم رۋحىنا مۇراگەرلىك ەتىپ جانە ونى ساۋلەلەندىرىپ، وتاننىڭ ءاربىر سۇيەم تەرريتورياسىن باتىل ويداعىداي قورعاۋىمىز كەرەك، - دەدى.
”شەكارا قورعانىسىن قىزۋ ءسۇيۋ، قاجىرلىلىقپەن كۇرەس جاساۋ، قالتقىسىز ۇلەس قوسۋ، قايسارلىقپەن ايقاسۋ“، قاراقۇرىم رۋحى شينجياڭدا تۇراتىن اسكەري بولىمدەردەگى قالىڭ وفيتسەر - اسكەرلەردىڭ قانىنا ءسىڭىپ، تالاي ۇرپاق وفيتسەر - اسكەرلەردىڭ شەكارا وڭىرگە تامىر تارتاتىن، شەكارا كۇزەتىنە ءوزىن ارنايتىن كۇش قاينارى مەن رۋحاني كوورديناتاسىنا اينالدى.
حىۋيتان شەكارا قورعانىس ليانى تەڭىز دەڭگەيىنەن 5418 مەتر بيىكتە، چومولاڭما شىڭى شتابىنان دا 218 مەتر بيىك؛ بەيۋان شەكارا قورعانىس ليانى تۇرعان جەر دۇنيە جۇزىندەگى 4 ۇلكەن ”ماسالار پاتشالىعىنىڭ“ بىرىنە ەنگىزىلگەن، ءار تەكشەمەتر جەردەگى ماسا سانى ورتا ەسەپپەن 1700دەن اسادى؛ ”مۇز ۇڭگىر قاراۋىلى“ دەپ اتالاتىن كوكتوعاي شەكارا قورعانىس ليانىندا ەڭ سۋىق كەزدە اۋا تەمپەراتۋراسى نولدەن تومەن 50 نەشە سەلتسي گرادۋسقا تۇسەدى...
كىرشىكسىز پەيىل، قۇرىش تۇلعا
سۇركەيلى جاراتىلىستىق ورتا الدىندا، شەكارا كۇزەتۋشى وفيتسەر - اسكەرلەر ءشول - ءجازيراداعى توراڭعى سياقتى تيانشان الابىنا تامىر تارتىپ، ماڭداي تەرلەرىمەن، ومىرلەرىمەن ”وتان مۇددەسىن بارىنەن جوعارى قوياتىن“ قاسيەتتى سەرتىن امالياتتا ايگىلەدى.
شەكارا ءوڭىر ورنىقتى بولسا، مەملەكەت تىنىش بولادى؛ شەكارا ءوڭىر بىلىقسا، مەملەكەت تىنىش بولمايدى. شينجياڭدا تۇراتىن اسكەري بولىمدەر شينجياڭنىڭ حاۋىپسىز، ورنىقتى بولۋىنداعى ماڭىزدى كۇش، ولاردىڭ شينجياڭعا تامىر تارتۋ تاريحى سىرتقى جاۋ كۇشتەرگە قارسى تۇرىپ، شينجياڭدى ورنىقتىرۋ، بورىشتى ورىنداۋ كۇرەس تاريحى.
ءوزىن قورعاپ، قايتارما سوققى بەرۋ، شەكارانى قۇرساۋلاۋ - تىزگىندەۋدەن قارسى شابۋىل ارەكەتىنە دەيىن، شۇعىل جاعدايعا توتەپ بەرىپ، توسىن ۋاقيعالاردى ءبىر جاقتى ەتۋدەن قاتەردەن اراشالاپ، اپاتتان قۇتقارۋعا، ءومىر مەن ءولىم ارپالىسىنداعى قۇتقارۋعا دەيىن شينجياڭدا تۇراتىن اسكەري بولىمدەر باستان - اياق اۋىر مىندەت ارقالاپ، اتويلاپ الدا ءجۇرىپ، شينجياڭنىڭ ورنىقتىلىعىن قورعاۋدىڭ ”ورنىقتىرعىشىنا“ اينالدى.
شينجياڭدا تۇراتىن اسكەري بولىمدەر شەكارانى اسكەري جاقتان كۇزەتۋ، شەكارانى بىرلەسىپ شارلاۋ، شەكارانى عىلىم - تەحنيكا ارقىلى مەڭگەرۋ، شەكارانى قۇرىلعىلار ارقىلى بەكەمدەۋدى ءۇرتىس ىلگەرىلەتىپ، اۆتونوميالى رايونمەن تىزە قوسا وتىرىپ ”پارتيا، ۇكىمەت، ارميا، ساقشى، بيڭتۋان، حالىق“ سىندى التى ءبىر تۇلعالانعان شەكارانى باسقارۋ، شەكارانى مەڭگەرۋ، شەكارانى كوركەيتۋ مەحانيزمىن ورناتىپ، شەكارا ءوڭىردىڭ تىنىشتىعىن قورعادى؛ شاڭحاي سەلبەستىك ۇيىمى تۇعىرى ارقىلى شەكارالىق بىرلەسكەن مانەۆر، بىرلەسكەن جاتتىعۋ، ەكى جاقتى بىرلەسكەن دوستىق سياقتى قيمىلداردى بەلسەنە ورىستەتىپ، توڭىرەكتەگى ەلدەر ارمياسىمەن دوستىقتى كۇشەيتىپ، شەكارا ءوڭىردىڭ ورنىقتىلىعىن جەبەدى...
پارتيا 18 - قۇرىلتايىنان بەرى پارتيا ورتالىق كوميتەتى، ورتالىق اسكەري ىستەر كوميتەتى جانە ءتوراعا شي جينپيڭ نازاردى سوعىسقا دايىندالىپ، شايقاس جۇرگىزۋ نەگىزگى جاۋاپكەرشىلىگىنە، نەگىزگى كاسىبىنە شوعىرلاندىرىپ، سوعىس جۇرگىزە الۋ، جەڭىستى سوعىس جۇرگىزۋ سىندى وسى ”ارميانى قۇدىرەتتەندىرۋ ءتۇيىنىن“ پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن جۇزەگە اسىرۋدىڭ وزەگى رەتىندە يگەردى.
شينجياڭدا تۇراتىن اسكەري بولىمدەر باس قولباسشى جارلىعىن ەستە بەرىك ساقتاپ، بۇكىل ىنتا - پەيىلىن سوعىس جۇرگىزۋگە شوعىرلاندىرىپ، ءتۇرلى قىزمەتتەردە سوعىس جۇرگىزۋگە كۇش سالىپ، جاڭا داۋىردەگى سوعىسقا دايىندالىپ، سوعىس جۇرگىزۋ قابىلەتىن جاپپاي جوعارىلاتىپ، اسكەري ءبولىمدى جەڭىستى سوعىس جۇرگىزە الاتىن، ىسىلعان دا جارامدى شويىن جۇدىرىق ەتىپ شىڭدادى.
شەكارا وڭىردە حالىقتى باقىتقا كەنەلتتى
بىرگە ويىن ويناۋ، اڭگىمە كىتاپتارىن وقۋ، مەملەكەت تۋى حيكاياسىن بايانداۋ... جۇڭگو − قىرعىزستان شەكاراسىنا ورنالاسقان قىزىلسۋ قىرعىز اۆتونوميالى وبلىسى اتۇش قالاسى تۇگۇرمىتى اۋىلى مايدان قىستاعى مايدان باستاۋىش مەكتەبىنىڭ الاڭىندا جاۋىنگەر، مەكتەپ سىرتى جەتەكشىسىن وقۋشىلار قاۋمالاپ الدى... بۇل قىزىلسۋ بولىمشە اسكەري رايونى مايدان شەكارا قورعانىس ليانى جاۋىنگەرىنىڭ وقۋشىلارعا مەملەكەت قورعانىسى تاربيەسىن ورىستەتكەن كورىنىسى ەدى.
مايدان باستاۋىش مەكتەبى 1958 - جىلى قۇرىلعان. 1962 - جىلى مايدان شەكارا قورعانىس ليانى تاۋ اسىپ، تاس باسىپ، قورعانىستىق اۋىسىپ وسى اراعا كەلىپ، جارتى عاسىرعا جالعاسقان ارميا مەن حالىق بىرگە قۇرۋ ساپارىن باستادى. كوشپەلى شاتىردان ساباقحاناسى كەڭ دە جارىق، وقىتۋ قۇرىلعىلارى كەمەلدى شەكارالىق باستاۋىش مەكتەپكە دەيىن مايدان باستاۋىش مەكتەبىنىڭ قاتتى بولشەك، جۇمساق بولشەك قۇرىلىسىندا وراسان زور وزگەرىس تۋىلدى. 60 جىلدا مايدان باستاۋىش مەكتەبىنەن 150 نەشە جوعارى مەكتەپ وقۋشىسى شىقتى.
”بۇرىن ءوزىمىز سالعان توپىراق ۇيدە تۇراتىنبىز، جاڭبىر جاۋعاندا ءۇيدىڭ توبەسىنەن سۋ ءوتىپ كەتەتىن. قازىر جاقساردى، ءبىز حالىق پەرزەنت اسكەرلەرى كومەكتەسىپ سالىپ بەرگەن كەڭ دە جايلى بەيقۇت ۇيگە كوشىپ كىردىك“. شينجياڭ اسكەري رايونىنىڭ اۋىل - قىستاقتى گۇلدەندىرۋدەن ۇلگى كورسەتۋ قىستاعىنىڭ ءبىرى، جاڭا ءشار اۋدانى تازعۇن اۋىلى ءتاتۇر قىستاعىنىڭ تۇرعىنى سامەت مامەت جۇزىنەن كۇلكى ەسە وسىنى ايتتى.
”مەن اسكەرمىن، جاي حالىقتان شىققانمىن“. پارتيانىڭ شارتسىز باسشىلىعىنداعى حالىق ارمياسى رەتىندە، كەدەيلىكتەن ارىلتۋدان قامال الۋعا ات سالىسۋ پارتيا مەن حالىق جۇكتەگەن ماڭىزدى مىندەت، ارميانىڭ سيپاتىنىڭ، باس ماقساتىنىڭ ناقتى بەينەسى. شينجياڭ اسكەري رايونىنىڭ اسكەري بولىمدەرى شەكارانى كۇزەتىپ، قورعانىستى ساقتاۋ مىندەتىمەن ۇشتاستىرىپ، كەدەيلەردى دالمە - ءدال سۇيەمەلدەۋ، بىرگە قۇرۋ بويىنشا كەدەيلەردى سۇيەمەلدەۋ، شەكارا وڭىردە كەدەيلەردى سۇيەمەلدەۋدى ورگانيكالى ۇشتاستىرىپ، ءار ۇلت بۇقاراسىن ويدى ءبىر جەرگە شوعىرلاندىرىپ، كۇشتى ءبىر جەرگە جۇمساپ، كەدەيلىك قامالىن كۇش سالا تالقانداۋعا باستادى. كەدەيلىكتەن ارىلتۋدان قامال الۋ شايقاسىندا اسكەري بولىمدەر كومەكتەسىپ - سۇيەمەلدەگەن 203 قىستاق تۇگەل كەدەيلىكتەن ارىلىپ، ءار ۇلت بۇقاراسى كەدەيلىكتەن ارىلىپ، بايۋدىڭ يگىلىگىن كوردى. بۇگىنگى تاڭدا، حالىق پەرزەنت اسكەرلەرى جاڭا شايقاس مايدانىنا بەلسەنە، ىرىقتىلىقپەن ارالاسىپ، كەدەيلىكتەن ارىلعان بۇقارامەن بىرگە اۋىل - قىستاقتى گۇلدەندىرۋدىڭ تاماشا نىساناسىنا قاراي باتىل العا ىلگەرىلەۋدە.
شىن پەيىلمەن حالىقتى ءسۇيدى، ارميا مەن حالىق ەتەنە دوستىق سۇيىسپەنشىلىك ورناتتى. 1600 نەشە ۇگىت گرۋپپاسىن قىستاققا بارىپ، وتباسىلارىن ارالاپ پارتيانىڭ ساياساتىن ۇگىتتەۋگە تاڭداپ جىبەرىپ، 56 قىزمەت اترەتىن اۆتونوميالى رايوننىڭ ”حالىق جاعدايىن ۇعىسۋ، حالىق تۇرمىسىنا تيىمدىلىك جاساۋ، جۇرت تىلەگىن توعىستىرۋ“ بويىنشا قىستاقتا تۇرۋ قىزمەتىنە قاتىناسۋعا ۇيىمداستىردى. ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعىنىڭ بىرلەسكەن دوستىق قيمىلىن كەڭ كولەمدە ورىستەتىپ، تۋاننان جوعارى كادرلاردى از ۇلت بۇقاراسىمەن جۇپ قۇراپ، تۋىس بولۋعا ۇيىمداستىردى. 29 اۋدانعا قارجىلاي جىلۋ اتاپ، 74 ”كوك اسپان قاۋاشاق قىز بالالار كلاسىن“ قۇرىپ، ىلگەرىندى - كەيىندى 4000 نەشە قىز بالاعا قارجىلاي كومەك بەرىپ، 1000نان استام كەدەي، وقۋدان قول ۇزگەن قىز بالانىڭ مەكتەپكە قايتا ورالۋىنا مۇمكىندىك جاسادى.
شىن پەيىلمەن حالىقتى قورعاپ، قيىن - قىستاۋ ساتتەردە ناعىز سۇيىسپەنشىلىكتى ايگىلەدى. كەريا، گۇمادا جەر سىلكىنىسىنە قارسى اتتانىپ، اپاتتان قۇتقارۋ جانە قۇمىلداعى بوگەت كولدە تاسقىنعا قارسى اتتانۋ سياقتى 100 نەشە رەتكى اپاتتان قۇتقارىپ، قاتەردەن اراشالاۋ مىندەتىن ورىنداپ، ءار ۇلت حالقىنىڭ ءومىرىنىڭ، مال - مۇلكىنىڭ حاۋىپسىزدىگىن كۇش سالا قورعادى... 2020 - جىلدىڭ باسىندا جاڭا تيپتى ايدارشا ۆيرۋس وكپە قابىنۋ ىندەتى توسىننان تۋىلدى، شينجياڭدا تۇراتىن اسكەري بولىمدەر شۇعىل شىعارعان 167 ەمدەۋ قىزمەتكەرىنەن ۇيىمداسقان حۋبەيعا كومەككە باراتىن ەمدەۋ اترەتى ۇشاقپەن حۋبەيدىڭ ۋحان قالاسىنا ۇشىپ بارىپ، ىندەتكە قارسى اتتانۋدىڭ ەڭ الدىڭعى شەبىندە شايقاس جۇرگىزدى.
شينجياڭدا تۇراتىن وفيتسەر - اسكەرلەردىڭ ءۇش تاۋ، ەكى ويپاتتىڭ ءار قويناۋىندا قالعان اياق ءىزى مەن قان تەرىنە تيانشان كۋا؛ بولاشاققا كوز جىبەرسەك، شينجياڭدا تۇراتىن وفيتسەر - اسكەرلەردىڭ قىزمەت جاۋاپكەرشىلىگى مەن بورىشىن ەستە بەرىك ساقتاپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرەتىن، ەكولوگياسى تاماشا كورىكتى شينجياڭ قۇرۋ جولىندا قايراتتانا ەكپىندەي ىلگەرىلەيتىندىگى، تاعى دا جاڭا ەڭبەك سڭىرەتىندىگى ءشۇباسىز.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
