نەگىزدىك زەينەتاقى جالپى تۇلعالىق جاقتان %4 جوعارىلاتىلدى
دەر كەزىندە، تولىق سومادا تاراتۋعا كەپىلدىك ەتىلەدى
2022.08.02 17:57 كەلۋ قاينارى : حالىق تورابى
جاڭا عانا وتكەن 7 – ايدا كوپتەگەن ولكەلەر نەگىزدىك زەينەتاقىنى جوعارىلاتۋ تۋرالى ۇقتىرۋدى ىركەس – تىركەس جاريالادى. قازىرگە دەيىن، ەلىمىز بويىنشا 31 ولكە (اۆتونوميالى رايون، قالا) جانە شينجياڭ ءوندىرىس – قۇرىلىس بيڭتۋانى تۇگەلدەي قاتىستى جوبانى جاريالادى. 4 – ايدان بەرى ورتاعا قويىلعان زەينەتكەرلىك قامسىزداندىرۋىنا تولەنەتىن قاراجاتتى كەشەۋىلدەتىپ تاپسىرۋعا رۇقسات بەرۋ ساياساتى قاتىستى ادامداردىڭ زەينەتاقىسىن تاراتۋعا ىقپال جاساي ما، جوق پا؟ الداعى بىرنەشە جىلدا زەينەتكە شىعاتىنداردىڭ سانى كۇرت ارتادى، زەينەتاقىنى دەر كەزىندە، تولىق سومادا تاراتۋعا كەپىلدىك ەتىلە مە؟
جالپى تۇلعالىق جاقتان %4 جوعارىلاتىلدى، زەينەتكە شىققانداردان 130 ميلليوننان استام ادامدى تيىمدىلىككە كەنەلتتى
بيىل 5 – ايدا ادام كۇشى بايلىعى جانە قوعامدىق قامتاماسىزداندىرۋ مينيسترلىگى مەن قازىنا مينيسترلىگى بىرگە ۇقتىرۋ شىعارىپ، 2021 – جىلدىڭ سوڭىنا دەيىن بەلگىلەمە بويىنشا زەينەتكە شىعۋ رەسميەتىن وتەگەن ءارى اي سايىن نەگىزدىك زەينەتاقى العان زەينەتكەرلەردىڭ نەگىزدىك زەينەتاقىسىنىڭ ورەسىن 2022 – جىلى 1 – ايدىڭ 1 - كۇنىنەن باستاپ جوعارىلاتاتىنىن، جالپى تۇلعالىق جاقتان رەتتەۋ ورەسى 2021 – جىلى زەينەتكە شىققانداردىڭ كىسى باسىنا شاققانداعى ورتاشا نەگىزگى زەينەتكەرلىك قاراجاتىنىڭ %4 ندەي بولاتىنىن ايقىنداعان.
ءتىلشىنىڭ بايقاۋىنشا، قازىرگە دەيىن، ەلىمىز بويىنشا 31 ولكە (اۆتونوميالى رايون، توتە قاراستى قالا) جانە شينجياڭ ءوندىرىس – قۇرىلىس بيڭتۋانى ناقتى جوبانى جاريالاعان. جەر – جەر بەلگىلەنگەن سوما بويىنشا رەتتەۋ، ۇشتاستىرىپ رەتتەۋ جانە ۇيلەسىمدى تۇردە بەيىمدەۋ شارالارىن ۇشتاستىرعان ءادىستى قولدانعان ءارى رەتتەپ قوسىلعان زەينەتاقىنى 7 – ايدىڭ سوڭىنان بۇرىن تاراتىپ بولۋدى تالاپ ەتكەن.
ۇعىسۋعا قاراعاندا، بەلگىلەنگەن سوما بويىنشا رەتتەۋدە، باستىسى قوعامدىق تەڭدىك پرينسيپى ايگىلەنگەن، ءارقايسى ولكەلەردىڭ رەتكە سالۋ سوماسى 20 يۋاننان 60 يۋانعا دەيىن ۇقساماعان سومادا بولادى. گۋاڭدۇڭدى مىسالعا الساق، زەينەتكەرلەردىڭ ءاربىرىنىڭ زەينەتاقىسى ايىنا 28 يۋان ارتتىرىلادى.
جۇڭگو قوعامدىق قامتاماسىزداندىرۋ عىلىمي قوعامىنىڭ باستىعى جىڭ گۇڭچىڭ: «زەينەتاقىنى جوعارىلاتۋ سىندى حالىق تۇرمىسىن قامتاماسىزداندىرۋ جاعىنداعى ماڭىزدى شارا 130 ميلليوننان استام زەينەتكەردى تيىمدىلىككە كەنەلتەدى»، — دەيدى.
قوعامدىق قامتاماسىزداندىرۋ قورىنا تاپسىراتىن قاراجاتتى كەزەڭدىك سيپاتتى كەشەۋىلدەتۋ ساياساتى زەينەتاقىنى دەر كەزىندە، تولىق سومادا تاپسىرۋعا ىقپال جاساي ما؟
ادام كۇشى بايلىعى جانە قوعامدىق قامتاماسىزداندىرۋ مينيسترلىگى زەينەتكەرلىك قامسىزداندىرۋى مەڭگەرمەسىنىڭ ورىنباسار باستىعى چي تاۋ: «زەينەتاقى قورىنا قاراجاتتى كەشەۋىلدەتىپ تاپسىرۋعا رۇقسات بەرۋ ساياساتى مۇقيات، تىڭعىلىقتى ەسەپتەۋ ارقىلى ورتاعا قويىلعان، قامتاماسىزداندىرۋ قورى بۇعان ءتوزىمدى، زەينەتكەرلىك قاراجاتىن دەر كەزىندە، تولىق سومادا تاراتۋعا كەپىلدىك ەتۋگە بولادى»، — دەيدى. وتە – موتە، زەينەتاقى قورى جاعىندا قيىنشىلىعى بار ولكەلەرگە قارجىلىق جاقتان قولداۋ كورسەتۋ تەبىنى ارتتىرىلعان، الدىڭعى جارىم جىلدا 120 ميلليارد يۋاننان استام قاراجات ءبولۋ قىزمەتى ورىندالىپ بولىپ، ولكەلەر اراسىنداعى نەگىزدىك قور اۋىرتپالىعى ءونىمدى تەڭەستىرىلگەن.
ەسەپ – قيساپ جاعدايىنان الىپ قاراعاندا، ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ دەرەكتەرىنە نەگىزدەلسەك، 3 – ايدىڭ سوڭىندا ەلىمىز بويىنشا نەگىزدىك زەينەتاقىنىڭ جىلدىق كىرىم – شىعىم مولشەرى 12 تريلليون 600 ميلليارد يۋانعا جەتكەن، قالدىق مولشەرى 6 تريلليون يۋان بولعان، قوردىڭ اينالىمى جالپى جاقتان ورنىقتى بولىپ، جالپى جاقتان كىرىم شىعىمنان كوپ بولعان، زەينەتاقىنى دەر كەزىندە، تولىق سومادا تاراتۋعا كەپىلدىك ەتۋگە بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
