كولەمدى ادەبيەت - كوركەمونەر كونسەرتى «جەلەگىڭدى اش − شينجياڭ جاقسى جەر» ۇرىمجىدە العاش قويىلدى
2022.08.02 18:43 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ليۋ مىڭمىڭ 7 - ايدىڭ 31 - كۇنى ۇرىمجىدەن حابارلايدى. ءان اۋەنى اسقاقتاپ، تاماشا تۇرمىستى القادى؛ ءبي قادامى شاتتاندىرىپ، اسقاق جىگەردى ايگىلەدى. 7 - ايدىڭ 31 - كۇنى كەشتە ورتالىق كوميتەت ۇگىت ءبولىمى، مادەنيەت جانە ساياحات مينيسترلىگى، شينجياڭ ۇيعۇر اۆتونوميالى رايوندىق حالىق ۇكىمەتى بىرگە تۇلعالاعان كولەمدى ادەبيەت - كوركەمونەر كونسەرتى «جەلەگىڭدى اش − شينجياڭ جاقسى جەر» ۇرىمجىدە العاش قويىلدى.
ءۇرىمجى ۇلكەن تەاترحاناسىندا شامدار جارقىراپ، الاقايلاعان ۇندەر اۋەلەدى. ”جەلەگىڭدى اش، كورەيىنشى قاسىڭدى“... بەتاشار ءبي «جەلەگىڭدى اش» اسەم ءان اۋەنى جانە ادەمى ىرعاقپەن كونسەرتتىڭ شىمىلدىعىن اشتى. جالپى كونسەرت بەتاشار، ءبي كەلەدى تيانشاننان، جاڭا جىبەك جولىندا ءان شارىقتادى، شينجياڭعا كومەكتەسۋ پەيىلى اسەرلەندىردى، كۇنلۇن سۇيىسپەنشىلىگى سيمفونياسى، سوڭعى اۋەن سىندى 6 بولىكتەن قۇرالادى، جۇڭگو شينجياڭىنىڭ حيكايالارىن جاندى، اسەرلى، ءونىمدى اڭگىمەلەپ، شينجياڭ ”ءان - ءبي مەكەنى“ مادەنيەت تانىسقىسىن دەن قويا تۇلعالاپ، شينجياڭنىڭ ءار الۋان، اسەم وڭىرلىك مادەنيەت ەرەكشەلىگى مەن ادەبيەت - كوركەمونەر جاسامپازدىق جەتىستىكتەرى سياقتىلاردى ايگىلەۋدى ماقسات ەتتى.
ءاربىر كورسەتىلىمنىڭ ەرەكشەلىگى ايقىن، بەينەلەۋ فورماسى الۋان ءتۇرلى، داۋىرلىك لەبى قويۋ بولىپ، كونسەرتتى ۇزدىكسىز جوعارى ورلەۋگە كوتەردى. ”بەس جۇلدىز شىعىستان كوتەرىلدى، جۇڭگوعا قاسيەتتى قۇت قوندى“... تۇتاس كونسەرت ستيلگە باي، قىزۋ مەرەيلى، جاڭا داۋىردەگى تاماشا شينجياڭنىڭ كەلبەتىن جاندى ايگىلەپ، شينجياڭنىڭ وزگەشە جاراتىلىستىق كورىنىسى مەن باي دا الۋان ءتۇرلى ۇلتتىق سالت - ساناسىن جاندى سۋرەتتەپ، شينجياڭداعى ءار ۇلت حالقىنىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنە العىس سەزىمىن، سونداي - اق شينجياڭعا كومەكتەسەتىن 19 ولكە، قالاعا القاۋ سەزىمىن تولىق بەينەلەدى. سوڭىندا «بەس جۇلدىز شىعىستان كوتەرىلدى» سىندى اسقاق ءان اۋەنى مەن ءار ۇلت ارتيستەرىنىڭ شاتتانا بيگە باسۋىمەن كونسەرتتىڭ شىمىلدىعى جابىلدى.
باس رەجيسسەر شيڭ شىمياۋ بىلاي دەپ تانىستىردى: كونسەرتكە بيىل 2 - ايدىڭ باسىنان باستاپ دايىندالدىق، كونسەرتتىڭ فورماسى كولەمدى ءان - ءبي، ولەڭ ايتۋ، سۋرەت بولىپ، ەل ىشىندەگى تاڭداۋلى جاسامپازدىق ۇجىمىن شوعىرلاندىرىپ، ”جاڭا داۋىردەگى شينجياڭنىڭ 10 جىلىن“ نەگىزگى تاقىرىپ ەتىپ، تۇراقتاندىرىپ،”جۇڭحۋا ۇلتى ورتاق تۇلعا تانىمىن بەرىك ورناتۋدى“ نەگىزگى جەلى ەتىپ، جاڭا داۋىردەگى ساحنا كوركەمونەرىنىڭ تىلدىك ورتاسى ارقىلى ”ءبىر - ءبىرىنىڭ كوركەمدىگىنەن ءلاززات الا بىلگەن، ءوز كوركەمدىگى مەن باسقالاردىڭ كوركەمدىگىن توعىستىرعان، سۇلۋلىقتى سايكەستىرگەن“ كوركەمدىك دەڭگەيىن كورسەتتى.
تەاترحانادان شىققاندا شينجياڭ كوركەمونەر شۋەيۋانىنىڭ وقىتۋشىسى جاڭ پىڭنىڭ كونسەرت كورگەندەگى قىزۋ جەلپىنىسى ءالى باسىلماپتى، ”كونسەرت شينجياڭنىڭ وڭىرلىك ەرەكشەلىگى مەن مادەنيەت توعىسۋىنىڭ كوركەمدىگىن تولىق ايگىلەپ، ’ءان - ءبي مەكەنى‘ سىندى شينجياڭنىڭ ەڭ ادەمى تانىسقىسىن جارقىراتتى“.
ۇعىسۋعا قاراعاندا، كونسەرت 7 - ايدىڭ 31 - كۇنىنەن 8 - ايدىڭ 4 - كۇنىنە دەيىن ءار كۇنى كەشكى ساعات 9دا ءۇرىمجى ۇلكەن تەاترحاناسىندا قويىلادى ەكەن.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
