جۇڭگوداعى دەموكراتيالىق پارتيا - توپتاردىڭ بىرلەسكەن مالىمدەمەسى
2022.08.05 16:54 كەلۋ قاينارى : حالىق تورابى
8 - ايدىڭ 2 - كۇنى ا ق ش پارلامەنتى قاۋىم پالاتاسىنىڭ باستىعى پەلوسي جۇڭگونىڭ قاتاڭ تىلدەسۋىمەن جانە باتىل قارسى تۇرۋىمەن ساناسپاي، جۇڭگونىڭ تايۋان رايونىنا تىمىسكىلەپ بارىپ، ءبىر جۇڭگو پرينسيبى مەن جۇڭگو - ا ق ش ءۇش بىرلەسكەن مازمۇنداماسىنداعى بەلگىلەمەلەرگە اۋىر قايشىلىق جاساپ، جۇڭگو - ا ق ش قاتىناسىنىڭ ساياسي نەگىزىنە اۋىر سوققى بەرىپ، جۇڭگونىڭ يەلىك ۇقىعى مەن تەرريتوريا تۇتاستىعىنا اۋىر سۇعاناقتىق جاساپ، «تايۋان دەربەستىگى» بولشەكتەۋشى كۇشتەرىنە اۋىر قاتە سيگنال بەردى. جۇڭگوداعى دەموكراتيالىق پارتيا - توپتار بۇعان باتىل قارسى تۇرادى، قاتتى كەكتەنەتىنىن جانە قاتاڭ جازعىراتىنىن بىلدىرەدى.
دۇنيە جۇزىندە تەك ءبىر عانا جۇڭگو بار، تايۋان − جۇڭگو تەرريتورياسىنىڭ ايرىلماس ءبىر بولەگى، جۇڭحۋا حالىق رەسپۋبليكاسى ۇكىمەتى − بۇكىل جۇڭگوعا ۋاكىلدىك ەتەتىن بىردەن - ءبىر زاڭدى ۇكىمەت. تايۋان ماسەلەسى − جۇڭگونىڭ ىشكى ءىسى، وعان ءارقانداي سىرتقى كۇشتەردىڭ كيلىگۋىنە بولمايدى. ءبىر مەزگىلدەن بەرى ا ق ش ۇكىمەتى تايۋان ماسەلەسىندە تالاي رەت قاتە ءسوز - ارەكەت قولدانىپ، ا ق ش پەن تايۋاننىڭ رەسمي بارىس - كەلىس دارەجەسىن ۇزدىكسىز جوعارىلاتىپ، «تايۋان دەربەستىگى» بولشەكتەۋشى كۇشتەرىن ىرقىنا جىبەرىپ، قولداپ، «تايۋان ارقىلى جۇڭگونى شاۋجايلاپ»، تايۋان بۇعازىنىڭ بەيبىتشىلىگى مەن ورنىقتىلىعىنا اۋىر زيان جەتكىزدى. پەلوسيدىڭ جۇڭگونىڭ تايۋان رايونىنا تىمىسكىلەپ بارۋى − ا ق ش پەن تايۋاننىڭ رەسمي بارىس - كەلىسىن جوعارىلاتۋداعى كەلەلى ساياسي ارانداتۋشىلىق. تايۋان دەموكراتيالىق العاباسارلىق پارتياسى بيلەۋشىلەرى «تايۋان دەربەستىگى» قاتە مايدانىندا قاسارىسىپ، سىرتقى كۇشتەرمەن ءتىل بىرىكتىرىپ، بۇلىك تۋدىرىپ، «ا ق ش - قا ارقا سۇيەپ دەربەستىكتى كوزدەۋگە»، «92 - جىلعى ورتاق تانىمدى» مويىنداۋدان باس تارتۋعا ۇرىندى، بۇل تايۋاندى اۋىر اپاتقا ۇشىراتىپ، قالىڭ تايۋاندىق باۋىرلاستارعا اۋىر اپات اكەلەدى. ءبىز جۇڭگونى بولشەكتەۋ قاسكۇنەمدىگى مەن ارەكەتىنە باتىل قارسى تۇرامىز، ءارقانداي سىرتقى كۇشتىڭ جۇڭگونىڭ بەيبىت بىرلىككە كەلۋ اياق الىسىنا كيلىگۋىنە باتىل قارسى تۇرامىز، ءارقانداي ەلدىڭ ءارقانداي تاسىلمەن تايۋان ماسەلەسىنە كيلىگۋىنە باتىل قارسى تۇرامىز. جۇڭگونىڭ دەموكراتيالىق پارتيا - توپتارى جۇڭگوشا سوتسياليستىك ساياسي پارتيا رەتىندە وتاندى قىزۋ سۇيەتىن جانە بەيبىتشىلىكتى سۇيەتىن داڭقتى داستۇرگە يە بولىپ، ەكى جاعالاۋ قاتىناسىنىڭ بەيبىت دامۋىن باستان - اياق قۇلشىنا ىلگەرىلەتىپ كەلەدى، مەملەكەتتىڭ يەلىك ۇقىعىنىڭ، حاۋىپسىزدىگىنىڭ، دامۋ مۇددەسىنىڭ باتىل قورعاۋشىلارى سانالادى. ءبىز جۇڭگو ۇكىمەتىنىڭ مەملەكەتتىڭ يەلىك ۇقىعى مەن تەرريتوريا تۇتاستىعىن قورعاۋ ءۇشىن قولدانعان بارلىق قاجەتتى شارالارىن باتىل قولدايمىز.
وتاندى بۇكىلدەي بىرلىككە كەلتىرۋ − بۇكىل جۇڭحۋا ۇلاندارىنىڭ ورتاق تىلەگى جانە قاسيەتتى بورىشى، جۇڭگو ۇكىمەتى مەن جۇڭگو حالقىنىڭ بەكىمى بولاتتاي بەرىك. وتان، ءسوز جوق، بىرلىككە كەلۋى ءارى، ءسوز جوق، بىرلىككە كەلەدى دە. بۇل ا ق ش – تاعى جۇڭگوعا قارسى كەيبىر توڭمويىن كۇشتەردىڭ ەركىمەن وزگەرمەيدى، «تايۋان دەربەستىگى» بولشەكتەۋشى كۇشتەرىنىڭ قۇر قيالعا سالىنۋىمەن شايقالىپ كەتپەيدى. تاريح اعىمىنا قارسى كەلگەن، جۇڭگونىڭ بۇكىلدەي بىرلىككە كەلۋىنە جانە جۇڭحۋا ۇلتىنىڭ ۇلى گۇلدەنۋىنە كەدەرگىلىك جاساعان ءارقانداي ارەكەت، ءسوز جوق، جەڭىلىسكە ۇشىرايدى.
جۇڭگو گومينداڭ توڭكەرىستىك كوميتەتى ورتالىق كوميتەتى
جۇڭگو دەموكراتيالىق وداعى ورتالىق كوميتەتى
جۇڭگو دەموكراتيالىق مەملەكەت قۇرۋ قوعامى ورتالىق كوميتەتى
جۇڭگو دەموكراتيانى ىلگەرىلەتۋ قوعامى ورتالىق كوميتەتى
جۇڭگو شارۋا - جۇمىسشى دەموكراتيالىق پارتياسى ورتالىق كوميتەتى
جۇڭگو ادىلەت پارتياسى ورتالىق كوميتەتى
«3 - قىركۇيەك» ءىلمي قوعامى ورتالىق كوميتەتى
تايۋان دەموكراتيالىق اۆتونوميا وداعى ورتالىق كوميتەتى
2022 - جىلى 8 - ايدىڭ 4 - كۇنى
(شينحۋا اگەنتتىگى، 8 - ايدىڭ 4 - كۇنى، بەيجيڭ)
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
