جۇڭحۋا حالىق رەسپۋبليكاسى سىرتقى ىستەر مينيسترلىگىنىڭ مالىمدەمەسى
2022.08.03 16:44 كەلۋ قاينارى : حالىق تورابى
شينحۋا اگەنتتىگى، 8 - ايدىڭ 2 – كۇنى، بەيجيڭ. 8 - ايدىڭ 2 - كۇنى ا ق ش پارلامەنتى قاۋىم پالاتاسىنىڭ باستىعى پەروسي جۇڭگونىڭ كۇشتى قارسىلىعىنا جانە قاتاڭ تىلدەسۋىنە قاراماي جۇڭگونىڭ تايۋان رايونىنا ۇرلانىپ ساپارلاي بارىپ، ءبىر جۇڭگو پرينسيبىنە جۇڭگو مەن ا ق ش - تىڭ ءۇش بىرلەسكەن مازمۇنداماسىنداعى بەلگىلەمەلەرگە اۋىر قايشىلىق جاساپ، جۇڭگو - ا ق ش قاتىناسىنىڭ ساياسي نەگىزىنە اۋىر سوققى بەرىپ، جۇڭگونىڭ يەلىك ۇقىعى مەن تەرريتوريا تۇتاستىعىنا اۋىر سۇعاناقتىق جاساپ، تايۋان بۇعازىنىڭ بەيبىتشىلىگى مەن ورنىقتىلىعىن اۋىر دارەجەدە ءبۇلدىرىپ، «تايۋان تاۋەلسىزدىگى» بولشەكتەۋشى كۇشتەرىنە اۋىر قاتە سيگنال بەردى. جۇڭگو جاق بۇعان باتىل قارسى تۇرادى، قاتاڭ جازعىرادى، ا ق ش جاقپەن قاتاڭ سويلەستى جانە قاتاڭ نارازىلىق ءبىلدىردى.
دۇنيە جۇزىندە ءبىر عانا جۇڭگو بار، تايۋان − جۇڭگو تەرريتورياسىنىڭ ايرىلماس ءبىر بولەگى، جۇڭحۋا حالىق رەسپۋبليكاسى ۇكىمەتى − بۇكىل جۇڭگوعا ۋاكىلدىك ەتەتىن بىردەن - ءبىر زاڭدى ۇكىمەت. 1971 - جىلى بىرلەسكەن مەملەكەتتەر ۇيىمىنىڭ 2758 - ءنومىرلى قاۋلىسى بۇل جونىندە ايقىن بەلگىلەمە شىعاردى. 1949 - جىلى جۇڭحۋا حالىق رەسپۋبليكاسى قۇرىلعاننان بەرى 181 مەملەكەت ءبىر جۇڭگو پرينسيبى نەگىزىندە جۇڭگومەن ديپلوماتيالىق قاتىناس ورناتتى. ءبىر جۇڭگو پرينسيبى − حالىقارالىق قوعامنىڭ جالپى بەتتىك ورتاق تانىمى جانە حالىقارالىق قاتىناستىڭ نەگىزگى ولشەمى.1979 - جىلى ا ق ش جاق جۇڭگو مەن ا ق ش - تىڭ ديپلوماتيالىق قاتىناس ورناتۋ مازمۇنداماسىندا بىلاي دەپ ۋادە بەردى: «امەريكا قۇراما شتاتتارى جۇڭحۋا حالىق رەسپۋبليكاسى ۇكىمەتىنىڭ جۇڭگونىڭ بىردەن - ءبىر زاڭدى ۇكىمەتى ەكەندىگىن مويىندايدى. وسى كولەمدە ا ق ش حالقى تايۋان حالقىمەن مادەنيەت، ساۋدا جانە باسقا دا بەي ۇكىمەتتىك قاتىناستاردى ساقتايدى». ا ق ش پارلامەنتى ا ق ش ۇكىمەتىنىڭ قۇرامداس بولەگى رەتىندە ا ق ش ۇكىمەتىنىڭ ءبىر جۇڭگو ساياساتىنا قاتاڭ بويسۇنۋى، جۇڭگونىڭ تايۋان رايونىمەن ەشقانداي ۇكىمەتتىك بارىس - كەلىس جاساماۋى كەرەك. جۇڭگو جاق ا ق ش پارلامەنت مۇشەلەرىنىڭ جۇڭگونىڭ تايۋان رايونىنا ۇرلانىپ ساپارلاي بارۋىنا ەجەلدەن قارسى تۇرىپ كەلەدى، ا ق ش اكىمشىلىك تاراۋلارى مۇنى توسۋعا مىندەتتى. قاۋىم پالاتاسىنىڭ باستىعى پەروسي − قازىرگى ا ق ش پارلامەنتىنىڭ باسشىسى، ول ءارقانداي فورمامەن، ءارقانداي سەبەپپەن تايۋانعا بارىپ قيمىل جاساسا، ا ق ش پەن تايۋاننىڭ رەسمي بارىس - كەلىسىن جوعارىلاتۋ سىندى ساياسي ارانداتۋشىلىق تۋدىرادى، جۇڭگو جاق مۇنى استە قابىلدامايدى، جۇڭگو حالقى بۇعان استە جول بەرمەيدى.
تايۋان ماسەلەسى − جۇڭگو مەن ا ق ش قاتىناسىنداعى ەڭ ماڭىزدى، ەڭ وزەكتى، ەڭ سەزىمتال ماسەلە. قازىر تايۋان بۇعازىنىڭ جاعدايى جاڭا ءبىر رەتكى شۇعىل جانە اۋىر سايىسقا ءدوپ كەلۋدە، مۇنداعى ءتۇبىرلى سەبەپ تايۋان بيلەۋشىلەرى مەن ا ق ش – تىڭ قازىرگى جاعدايدى ۇزدىكسىز وزگەرتۋىندە. تايۋان بيلەۋشىلەرى «ا ق ش – قا ارقالانىپ تاۋەلسىزدىكتى كوزدەپ»، «92 - جىلعى ورتاق تانىمدى» مويىنداۋدان باس تارتىپ، «جۇڭگودان ارىلۋدى» بارىنشا جولعا قويىپ، «بىرتىندەپ ىلگەرىلەۋ ۇلگىسىندەگى تايۋان تاۋەلسىزدىگىن» جۇرگىزدى. ال ا ق ش «تايۋان ارقىلى جۇڭگونى شاۋجايلاۋعا» ۇرىنىپ، ءبىر جۇڭگو پرينسيبىن ۇزدىكسىز بۇرمالاپ، ا ق ش پەن تايۋاننىڭ رەسمي بارىس - كەلىسىن كۇشەيتىپ، «تايۋان تاۋەلسىزدىگى» بولشەكتەۋشىلىك ارەكەتىنە دەم بەردى. بۇل − وتە قاتەرلى وتپەن ويناۋ ارەكەتى، وتپەن ويناعاندار، ءسوز جوق، ءوزىن - ءوزى ورتەپ تىندىم بولادى.
جۇڭگو ۇكىمەتى مەن جۇڭگو حالقىنىڭ تايۋان ماسەلەسىندەگى مايدانى دايەكتى. مەملەكەتتىڭ يەلىك ۇقىعى مەن تەرريتوريا تۇتاستىعىن باتىل قورعاۋ − ءبىر ميلليارد 400 ميلليوننان استام جۇڭگو حالقىنىڭ بەرىك ەركى، وتاننىڭ بۇكىلدەي بىرلىككە كەلۋىن جۇزەگە اسىرۋ − بۇكىل جۇڭحۋا ۇلاندارىنىڭ ورتاق تىلەگى جانە قاسيەتتى بورىشى. حالىقتىڭ تىلەگىنە قايشى كەلۋگە بولمايدى، ۇلكەن اۋقىمعا قارسى تۇرۋعا بولمايدى. ءارقانداي ەل، ءارقانداي كۇش، ءارقانداي ادام جۇڭگو ۇكىمەتى مەن حالقىنىڭ مەملەكەتتىڭ يەلىك ۇقىعى مەن تەرريتوريا تۇتاستىعىن قورعاۋ، مەملەكەتتىڭ تۇتاستىعى مەن ۇلتتىڭ گۇلدەنۋىن جۇزەگە اسىرۋ بەرىك بەكىمىن، ەرىك - جىگەرىن، قۇدىرەتتى قابىلەتىن قاتە مولشەرلەمەۋى كەرەك. ا ق ش پارلامەنتى قاۋىم پالاتاسى باستىعىنىڭ جۇڭگونىڭ تايۋان رايونىندا ۇرلانىپ ساپاردا بولۋىنا قاراتا جۇڭگو جاق بارلىق قاجەتتى شارالاردى قولدانىپ، مەملەكەتتىڭ يەلىك ۇقىعى مەن تەرريتوريا تۇتاستىعىن باتىل قورعايدى، وسىدان تۋىلعان بارلىق زارداپقا ا ق ش پەن «تايۋان تاۋەلسىزدىگى» بولشەكتەۋشى كۇشتەرى جاۋاپتى بولادى.
جۇڭگو مەن ا ق ش ەكى ءىرى ەل رەتىندە، دۇرىس بىرگە ءومىر ءسۇرۋ جولى تەك قانا ءوزارا قۇرمەت ەتۋ، بەيبىت قاتار تۇرۋ، قارسىلاسۋدان ساقتانۋ، سەلبەسىپ تەڭ يگىلىككە كەنەلۋ بولۋعا ءتيىس. تايۋان ماسەلەسى بۇكىلدەي جۇڭگونىڭ ىشكى ىسىنە جاتادى، باسقا ءارقانداي ەلدىڭ تايۋان ماسەلەسىنىڭ تورەشىسى بولۋ ۇقىعى جوق. جۇڭگو جاق ا ق ش – تى «تايۋان قارتاسىن» ويناۋدى، «تايۋان ارقىلى جۇڭگونى شاۋجايلاۋدى» توقتاتىپ، تايۋان ىستەرىنە قول سۇعۋدى، جۇڭگونىڭ ىشكى ىسىنە كيلىگۋدى توقتاتىپ، ءتۇرلى فورمالارمەن «تايۋان تاۋەلسىزدىگى» بولشەكتەۋشى كۇشتەرىن قولداۋدى، ىرقىنا جىبەرۋدى توقتاتىپ، تايۋان ماسەلەسىندە ءسوزى مەن ارەكەتى قايشى كەلۋدى توقتاتىپ، ءبىر جۇڭگو پرينسيبىن بۇرمالاۋدى، قۇر فورماعا اينالدىرۋدى، بوس قالدىرۋدى توقتاتىپ، ءىس جۇزىندىك ارەكەتى ارقىلى ءبىر جۇڭگو پرينسيبىنە جانە جۇڭگو مەن ا ق ش – تىڭ ءۇش بىرلەسكەن مازمۇنداماسىنىڭ بەلگىلەمەسىنە بويسۇنىپ، ا ق ش باسشىلارىنىڭ «تورتكە ۇرىنباۋ، اڭداۋسىزدا قاقتىعىسپاۋ» ۋادەسىن شىنايى تياناقتاندىرۋعا، قاتەلىك پەن حاۋىپ – قاتەر جولىندا بارعان سايىن الىستاپ كەتپەۋگە قاتاڭ قۋزايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
