ۋاڭ ي ا ق ش جاقتىڭ جۇڭگونىڭ يەلىك ۇقىعىنا سۇعاناقتىق جاساۋى جونىندە اڭگىمە جاريالادى
2022.08.04 16:17 كەلۋ قاينارى : حالىق تورابى
شينحۋا اگەنتتىگى، 8 - ايدىڭ 3 – كۇنى، پنومپەن. ا ق ش پارلامەنتى قاۋىم پالاتاسىنىڭ باستىعى پەروسي جۇڭگونىڭ قاتاڭ تىلدەسۋىمەن ساناسپاي، جۇڭگونىڭ تايۋان رايونىنا كوپە - كورنەۋ ساپارلاي باردى. بۇل ارەكەت ءبىر جۇڭگو پرينسيپىنە اۋىر قايشىلىق جاساپ، جۇڭگونىڭ يەلىك ۇقىعىنا جات نيەتپەن سۇعاناقتىق جاساپ، اشىقتان - اشىق ساياسي ارانداتۋشىلىق جۇرگىزىپ، جۇڭگو حالقىنىڭ كۇشتى كەگىن قايناتىپ، حالىقارالىق قوعامنىڭ جاپپاي قارسىلىعىن قوزعادى. بۇل ا ق ش - تىڭ كەيبىر ساياساتپازدارىنىڭ جۇڭگو – ا ق ش قاتىناسىنىڭ «اۋرەشىلىگىنە» اينالعانىن، ا ق ش - تىڭ تايۋان بۇعازىنىڭ بەيبىتشىلىگى مەن وڭىرلىك ورنىقتىلىعىنىڭ «ەڭ ۇلكەن بۇلدىرۋشىسىنە» اينالعانىن تاعى ءبىر رەت دالەلدەدى.
ا ق ش جۇڭگونىڭ بىرلىككە كەلۋ ۇلى ىسىنە كەدەرگىلىك جاساۋ قۇر قيالىنا سالىنباۋى كەرەك. تايۋان − جۇڭگونىڭ ءبىر بولەگى. مەملەكەتتىڭ بۇكىلدەي بىرلىككە كەلۋىن جۇزەگە اسىرۋ − جالپى جاعدايدىڭ بەتالىسى، تاريحي سوزسىزدىك. ءبىز استە «تايۋان دەربەستىگى» بولشەكتەۋشىلىگى مەن سىرتقى كۇشتەردىڭ كيلىگۋىنە ەشقانداي بوستىق قالدىرمايمىز. ا ق ش جاق مەيلى قانداي تاسىلمەن «تايۋاندى دەربەستەندىرۋدى» قولداسا دا، ىرقىنا جىبەرسە دە، ەڭ سوڭىندا قۇر الاقان قالادى، تەك تاريحتا ا ق ش – تىڭ باسقا ەلدەردىڭ ىشكى ىسىنە دورەكىلىكپەن كيلىگۋى سىندى جيرەنىشتى ەستەلىكتەردى عانا قالدىرادى. تايۋان ماسەلەسى كەزىندەگى مەملەكەتتىڭ السىزدىگىنەن، بىلىقپالىعىنان تۋىلعان، بۇدان بىلاي ۇلتتىڭ گۇلدەنۋىنە بايلانىستى ءسوزسىز اياقتايدى.
ا ق ش جۇڭگونىڭ دامۋىن، گۇلدەنۋىن ءبۇلدىرۋ قۇر قيالىنا سالىنباۋى كەرەك. جۇڭگو ءوزىنىڭ مەملەكەت جاعدايىنا ۇيلەسەتىن دۇرىس دامۋ جولىن تاپتى. جۇڭگو كوممۋنيستىك پارتياسىنىڭ باسشىلىعىندا ءبىر ميلليارد 400 ميلليون جۇڭگو حالقى جۇڭگوشا وسىزاماندانۋعا ارشىندى قادام تاستاۋدا. ءبىز مەملەكەت پەن ۇلتتىڭ دامۋىن ءوز كۇشىمىزدىڭ تياناق تۇيىنىنە قويامىز، ءار ەلمەن بەيبىت قاتار تۇرۋدى، بىرگە دامۋدى دا قالايمىز، ءبىراق ءارقانداي ەلدىڭ جۇڭگونىڭ ورنىقتىلىعى مەن دامۋىن بۇلدىرۋىنە استە جول بەرمەيمىز. تايۋان ماسەلەسىندە ارانداتۋشىلىق ىستەپ، سويقان شىعارىپ، جۇڭگونىڭ دامىپ زورايۋىن كەشەۋىلدەتۋگە، جۇڭگونىڭ بەيبىت ەڭسە كوتەرۋىن بۇلدىرۋگە ۇرىنۋ − بۇكىلدەي قۇر ارامتەر بولعاندىق، ءسوز جوق، قاندى بوداۋعا كىرىپتار ەتەدى.
ا ق ش وڭىرلىك سايىس قۇر قيالىنا سالىنباۋى كەرەك. بەيبىتشىلىككە تالپىنۋ، ورنىقتىلىقتى كوزدەۋ، دامۋدى جەبەۋ، تەڭ يگىلىككە كەنەلۋ − وڭىردەگى ەلدەردىڭ جالپىلىق تىلەگى. ا ق ش جاق تايۋان ماسەلەسىن وڭىرلىك ستراتەگياعا ەنگىزىپ، شيەلەنىسۋدى ۋاعىزداپ، قارسىلاسۋعا جەلىكتىردى، بۇل − وڭىرلىك دامۋ اعىمىنا قارسى ارەكەت، ازيا - تىنىق مۇحيت وڭىرىندەگى حالىقپەن قارسىلاسقاندىق، توتەنشە حاۋىپتى جانە اقىماقتىق. ءبىر جۇڭگو پرينسيبى حالىقارالىق قاتىناستىڭ نەگىزگى ولشەمىنە اينالىپ، دۇنيە جۇزىلىك ەكىنشى سوعىستان كەيىنگى حالىقارالىق ءتارتىپتىڭ قۇرامداس بولەگىنە اينالدى. ا ق ش جاق ب م ۇ ەرەجەسىنىڭ ماقساتى مەن پرينسيبىنە قايشىلىق جاساۋدى دەرەۋ توقتاتىپ، «تايۋان قارتاسىن» ويناپ، ازيا - تىنىق مۇحيت ءوڭىرىن بىلىقتىرۋدى توقتاتۋى كەرەك.
ا ق ش اق پەن قارانى قالاعانىنشا شاتاستىرۋعا بولادى دەپ قۇر قيالعا سالىنباۋ كەرەك. ا ق ش جاق جۇڭگو جاق جاعدايدى ۋشىقتىردى دەپ وتىر، الايدا، ەڭ نەگىزگى فاكت ا ق ش جاقتىڭ تايۋان ماسەلەسىندە الدىمەن جۇڭگو جاققا سوقتىعىپ، جۇڭگونىڭ يەلىك ۇقىعى مەن تەرريتوريا تۇتاستىعىنا اشىقتان - اشىق قول سۇققاندىعى بولدى. ا ق ش جاق پارلامەنت باستىعىنىڭ تايۋانعا ساپارلاي بارۋى بۇرىن دا بولعان دەپ وتىر، الايدا، ەڭ نەگىزگى قاعيدا بۇرىنعى قاتەلىكتەر بۇگىنگى اۋىر قىلمىس وتكىزۋدىڭ سىلتاۋى بولماۋى كەرەك. ا ق ش جاق ءۇش بيلىكتى بولەك ۇستاۋ پارلامەنتتى تەجەي المايدى دەپ وتىر، ءبىراق ەڭ نەگىزگى حالىقارالىق زاڭنىڭ ولشەمى، ا ق ش ءوزىنىڭ حالىقارالىق بورىشىن ءسوزسىز وتەۋى كەرەك، اسىرەسە، ماڭىزدى ساياسي تۇلعالاردىڭ ويىنا كەلگەنىن ىستەۋىنە ءتىپتى دە بولمايدى. ا ق ش جاق تاعى جۇڭگونىڭ بىرلىككە كەلۋگە تالپىنۋى تايۋانعا قاراتىلعان «قاتەر» دەپ وتىر، الايدا، ەڭ نەگىزگى لوگيكا تايۋان − جۇڭگو تەرريتورياسىنىڭ ايرىلماس ءبىر بولەگى، تايۋان ماسەلەسى − بۇكىلدەي جۇڭگونىڭ ىشكى ءىسى. جۇڭگونىڭ تەرريتوريا تۇتاستىعىن قورعاۋى، مەملەكەتتىڭ بولشەكتەنۋىنە قارسى تۇرۋى − ۇيلەسىمدى دە زاڭدى، بۇلجىماس قاعيدا.
مەن مىنانى دارىپتەيمىن: تايۋان بۇعازىنىڭ بەيبىت، ورنىقتى بولۋىنداعى تياناق − ءبىر جۇڭگو پرينسيبى، جۇڭگو مەن ا ق ش - تىڭ بەيبىت قاتار تۇرۋىنداعى ناعىز «قورعاۋ شارباعى» − ءۇش بىرلەسكەن مازمۇنداما. «ا ق ش – قا ارقالانىپ دەربەستەنۋدى كوزدەۋ» − قۇردىمعا جىبەرەتىن تۇيىق جول، «تايۋاننان پايدالانىپ جۇڭگو شەكتەۋ»، ءسوز جوق، جەڭىلىسكە ۇشىرايدى. مەملەكەت بىرلىككە كەلتىرۋ سىندى ۇلتتىق ادىلەتتىلىك الدىندا جۇڭگولىقتاردىڭ بۇرىستىققا يلانبايتىن، جىن - شايتاننان قورىقپايتىن قايرات – قارىمى بار، شايقالمايتىن، تاپتالمايتىن ەرىك – جىگەرى بار، جۇدىرىقتاي جۇمىلاتىن بەكىمى بار، مەملەكەتتىڭ يەلىك ۇقىعىن، ۇلتتىڭ ار - نامىسىن باتىل قورعايتىن قابىلەتى ءتىپتى دە بار.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
