ج ك پ ورتالىق كوميتەتى تايۋان ىستەرى كەڭسەسىنىڭ مالىمدەمەشىسى ۇقىق بويىنشا «تايۋان دەربەستىگى» توڭمويىندارىن زاڭ بويىنشا جازالاۋ جونىندە اڭگىمە جاريالادى
2022.08.04 16:21 كەلۋ قاينارى : حالىق تورابى
شينحۋا اگەنتتىگى، 8 - ايدىڭ 3 – كۇنى، بەيجيڭ. 8 - ايدىڭ 3 - كۇنى ج ك پ ورتالىق كوميتەتى تايۋان ىستەرى كەڭسەسىنىڭ مالىمدەمەشىسى ۇقىق بويىنشا «تايۋان دەربەستىگى» توڭمويىندارىن زاڭ بويىنشا جازالاۋ جونىندە اڭگىمە جاريالادى. اڭگىمەنىڭ تولىعى تومەندەگىدەي:
«تايۋان دەربەستىگى» بولشەكتەۋشىلىگى − وتاننىڭ تۇتاستىعىنداعى ەڭ ۇلكەن كەدەرگى، ۇلتتىڭ گۇلدەنۋىندەگى اۋىر كومەسكى قاتەر. وتە از ساندى «تايۋان دەربەستىگى» توڭمويىندارى «تايۋان دەربەستىگى» سىندى بولشەكتەۋ ارەكەتىن ورشەلەنە جۇرگىزىپ، جۇڭگوعا قارسى سىرتقى كۇشتەردىڭ اتويلاپ الدا جۇرۋىنە مويىنسال بولىپ، «ەكى جۇڭگو»، «ءبىر جۇڭگو، ءبىر تايۋان»، «تايۋان دەربەستىگى» دەگەندەردى كوكەيگە بۇگىپ قۇراستىردى، ونىڭ ىشىندەگى «تايۋان دەربەستىگى» سىندى بولشەكتەۋ ءسوز - ارەكەتتەرى مەملەكەتتىڭ يەلىك ۇقىعى مەن تەرريتوريا تۇتاستىعىنا اشىقتان - اشىق سوقتىعىپ، مەملەكەت زاڭىنىڭ ار - نامىسىنا اشىقتان - اشىق سوقتىعىپ، تايۋان بۇعازىنىڭ بەيبىتشىلىگى مەن ورنىقتىلىعىنا اۋىر زيان جەتكىزىپ، ەكى جاعالاۋداعى باۋىرلاستاردىڭ ورتاق مۇددەسى مەن جۇڭحۋا ۇلتىنىڭ ءتۇبىرلى مۇددەسىنە اۋىر زيان جەتكىزدى، ونى زاڭ بويىنشا قاتاڭ جازالاۋ كەرەك.
مەملەكەتتىڭ «تايۋان دەربەستىگى» توڭمويىندارىنىڭ قىلمىستىق ىستەر جاۋاپكەرلىگىن قۋزاۋىندا ايقىن زاڭدىق نەگىز بار. نەگىزگى زاڭدا بىلاي دەپ ايقىن بەلگىلەنگەن: تايۋان − جۇڭحۋا حالىق رەسپۋبليكاسىنىڭ قاسيەتتى تەرريتورياسىنىڭ ءبىر بولەگى. بولشەكتەۋشىلىككە قارسى تۇرۋ زاڭىندا، مەملەكەت حاۋىپسىزدىگى زاڭىندا بىلاي دەپ ايقىن بەلگىلەنگەن: جۇڭگونىڭ يەلىك ۇقىعى مەن تەرريتوريا تۇتاستىعىن بولۋگە بولمايدى، مەملەكەتتىڭ يەلىك ۇقىعىن، بىرلىگىن جانە تەرريتوريا تۇتاستىعىن قورعاۋ − تايۋاندىق باۋىرلاستاردى قامتىعان بۇكىل جۇڭگو حالقىنىڭ ورتاق بورىشى، ءارقانداي جەكە مەن ۇيىم زاڭدا بەلگىلەنگەن بورىشىن وتەمەسە نەمەسە مەملەكەت حاۋىپسىزدىگىنە زالال جەتكىزۋ قيمىلىمەن شۇعىلدانسا، زاڭ بويىنشا زاڭدىق جاۋاپكەرلىگى قۋزالادى. قىلمىستىق ىستەر زاڭىندا بىلاي دەپ ايقىن بەلگىلەنگەن: مەملەكەتتى بولشەكتەۋگە ۇيىمداستىرۋ، جوسپارلاۋ، اتقارۋ، مەملەكەتتىڭ تۇتاستىعىن ءبۇلدىرۋ قىلمىسى بويىنشا قىلمىس تۇراقتاندىرىلىپ، جازا كەسىلەدى؛ مەملەكەتتى بولشەكتەۋگە، مەملەكەتتىڭ تۇتاستىعىن بۇلدىرۋگە جەلىكتىرگەندەر مەملەكەتتى بولشەكتەۋگە جەلىكتىرۋ قىلمىسى بويىنشا قىلمىس تۇراقتاندىرىلىپ، جازا كەسىلەدى؛ شەتەل قۇرىلىمدارىمەن، ۇيىمدارىمەن، جەكەلەرمەن استاسىپ جوعارىداعى قىلمىستاردى جۇرگىزسە، زاڭ بويىنشا اۋىر جازالانادى.
زاڭ تورى قۇلاشىن كەڭ جايعان، قامتىمايتىن اياسى جوق. زاڭعا قاساقانا قايشىلىق جاساعان «تايۋاندى دەربەستەندىرۋشى» توڭمويىنداردى قىلمىستىق ىستەر بويىنشا جازالاۋ شاراسىن قولدانىپ، زاڭ بويىنشا قاتاڭ جازالاپ، زاڭ بويىنشا ءومىر بويى جاۋاپكەرلىگىن قۋزايمىز. ءارقانداي ادام، ءارقانداي كۇش ءبىزدىڭ مەملەكەتتىڭ يەلىك ۇقىعى مەن تەرريتوريا تۇتاستىعىن قورعاۋداعى بەرىك بەكىمىمىزدى، ەرىك - جىگەرىمىزدى، قۇدىرەتتى قابىلەتىمىزدى تومەن مولشەرلەمەۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
