10 ميلليارد تەكشەمەتردەن استام سۋمەن قامدالدى، سۋارىلعان جەر 120 ميلليون مۋ - رەتكە تايادى
سۋى مولايعان جىلعى تارىم وزەنىنىڭ سۋى تولىق پايدالانىلدى
2022.08.05 17:33 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ليۋ دۇڭلاي 8 - ايدىڭ 3 - كۇنى مارالباسىدان حابارلايدى. 7 - ايدىڭ 31 - كۇنى تۇستەن بۇرىن مارالباسى اۋدانى اناكول اۋىلى بەستۇپ قىستاعىنداعى 1000 مۋدان استام جوعارى ولشەمدى ماقتا اتىزىنا بيىل 5 - رەتكى سۋ جىبەرىلۋدە. ”بيىل تارىم وزەنى قاينارىنان كەلگەن سۋ مولايدى، تۇتاس الاپتاعى ەكولوگياعا پايدالانىلاتىن سۋدىڭ قاجەتىنە كەپىلدىك ەتۋ العى شارتىندا، بار كۇشپەن سۋارۋعا كەپىلدىك ەتىپ، قايناردان كەلگەن مول سۋدى قايناردا پايدالانىپ، قامداۋعا تيىستىلەرىن مۇمكىندىگىنشە قامداپ، پايدالانۋعا تيىستىلەرىن مۇمكىندىگىنشە پايدالاندىق“، - دەدى تارىم وزەنى الابىن باسقارۋ مەكەمەسى سۋ مولشەرىن رەتتەۋ - باسقارۋ باسقارماسىنىڭ باستىعى حى يۇي.
بيىل 7 - ايدىڭ 31 - كۇنىنە دەيىن سۋ مولشەرىن ساپالىلاندىرىپ ۇلەستىرۋدى قامتىعان تارىم وزەنىنىڭ ”ءتورت قاينار، ءبىر نەگىزگى اعارىندا“ جالپى سۋمەن قامداۋ مولشەرى 10 ميلليارد 510 ميلليون تەكشەمەترگە جەتىپ، بىلتىرعى سول تۇستاعىدان 2 ميلليارد 252 ميلليون تەكشەمەتر ارتىق سۋمەن قامدادى. ”بۇل ءبىر جاعىنان، تارىم وزەنىنىڭ ءارقايسى قاينارلارىندا جالپى جاقتان سۋ مول بولعاندىعىنىڭ، ەندى ءبىر جاقتان، اۆتونوميالى رايوندىق پارتكوم مەن ۇكىمەتتىڭ سۋ بايلىعىن عىلمي تۇردە ءبىر تۇتاس جوسپارلاۋ ۇستانىمىنىڭ جەتەكشىلىگىندە الاپ پەن جەرگىلىكتى ورىندارداعى ءار دارەجەلى سۋ بايلىعىن باسقارۋ تاراۋلارىنىڭ ءىس جۇزىندىكتى نەگىزگە الىپ، سۋ مول بولعان جىلدارى سۋ بايلىعىن جوعارى ونىممەن پايدالانۋدىڭ جاڭا جولدارىن بەلسەنە قاراستىرعاندىعىنىڭ ناتيجەسى“، - دەدى حى يۇي.
حى يۇي تىلشىگە بىلاي دەدى: بيىل جىل باسىنان بەرى تارىم وزەنى الابىنداعى ەڭ زور وزگەرىستىڭ ءبىرى − ءار دارەجەلى سۋ بايلىعىن باسقارۋ تاراۋلارى اۆتونوميالى رايوندىق پارتكوم مەن ۇكىمەتتىڭ سۋارۋدى قامتاماسىزداندىرۋ مەن سۋ بايلىعىنان پايدالانۋ ونىمدىلىگىن جوعارىلاتۋ جونىندەگى تالابىن مۇقيات تياناقتاندىرىپ، سۋ قويماسى، توراپ، تيەك سياقتى سۋ بايلىعىن ۇلەستىرۋ ينجەنەريالارىنىڭ رەتتەۋ - ساقتاۋ رولىن تولىق ساۋلەلەندىرىپ، اشۋ، پايدالانۋ دارەجەسى جوعارى سۋارۋ اۋماقتارىندا سۋ ۇنەمدەۋدى نەگىز ەتىپ، عىلمي رەتتەۋ ارقىلى سۋارۋعا كەپىلدىك ەتۋ مولشەرىن جوعارىلاتتى؛ اشۋ، پايدالانۋ دارەجەسى تومەن سۋارۋ اۋماقتارىندا سۋ بايلىعىنان پايدالانۋ ونىمدىلىگىن جوعارىلاتۋدى ءتۇيىن ەتىپ، ديناميكالى سۋ مولشەرىن ساپالىلاندىرىپ ۇلەستىرۋدىڭ ونىمدىلىگىن شىن مانىندە ساۋلەلەندىردى.
ماقتا ەگۋشى ۇلكەن كاسىپكەر ما جىڭلۋ بەستۇپ قىستاعىنداعى ءوزى كوتەرمەگە العان 12 مىڭ مۋ جوعارى ولشەمدى ماقتا اتىزىنىڭ جانىندا ءجۇر، ونىڭ جۇزىنەن شاتتىق كۇلكى ەسەدى. ”مەن وسى 12 مىڭ مۋ جەرگە بارىمدى سالدىم، وتكەرمەلەپ الۋ، تەگىستەۋ، جوعارى ءونىمدى سۋ ۇنەمدەۋ قۇرىلعىلارىن ورناتۋ، ماقتا تۇقىمىن تاڭداۋ ءبارى دە وڭاي بولعان جوق. بىلتىر سۋ تاپشى بولدى، قاتتى ابىرجىدىم، تامشىلاتىپ سۋارۋدا سۋدى قانشالىق ۇنەمدەگەنمەن سۋدان پايدالاناتىن كەزدە سۋ بولماسا تاعى بولمايدى. بيىلعى سۋ جاقسى بولدى، كوڭىلىم دە ورنىقتى“.
كوڭىلى ورنىققان ما جىڭلۋ عانا ەمەس، مارالباسى اۋدانىنداعى ۇلكەندى - كىشىلى قىستاقتاردا مولىنان جينالعان ءبيدايدىڭ ءبىر ءتۇيىرى دە قالدىرىلماي قامبالاندى، قايتا تۇقىمى سەبىلگەن جۇگەرى جايقالىپ ءوسىپ كەلەدى، ماقتانىڭ شىعىمى تىپتەن ەرەكشە. ”7 - ايدىڭ 31 - كۇنىنە دەيىن تارىم وزەنى الابى قاشقار باسقارۋ مەكەمەسى بىلتىرعى سول تۇستاعىمەن سالىستىرعاندا، ءبىزدى 100 ميلليون تەكشەمەتر سۋمەن ارتىق قامدادى“. مارالباسى اۋداندىق سۋ يگىلىگى مەكەمەسى پارتكومىنىڭ شۋجيي ۋي گۋاڭچۋن بىلاي دەدى: ”سۋ جاعدايىنىڭ جاقسى بولۋ، سۋمەن تولىق قامداۋ بيىلعى ەگىس داقىلدارىنىڭ ءتۇسىمىن ارتتىرۋدا ماڭىزدى رول اتقاردى“.
تارىم وزەنى الابىنىڭ ”ءتورت قاينار، ءبىر نەگىزگى اعارىنىڭ“ ۇلكەن وزەن ارناسىندا جوڭكىلگەن وزەن سۋى ءار دارەجەلى سۋ ءبولۋ تورابى مەن توڭىرەكتىڭ ءتورت بۇرىشىنا تۇتاسقان توعان جۇيەسى ارقىلى سۋدىڭ كەلۋىن كۇتىپ جاتقان 100 ميلليارد مۋ اتىزعا جەتتى. ”7 - ايدىڭ 31 - كۇنىنە دەيىن تارىم وزەنىنىڭ ’ءتورت قاينار، ءبىر نەگىزگى اعارىندا‘ جيىنى 116 ميلليون 154 مىڭ 600 مۋ - رەت سۋ جىبەرىلىپ، بىلتىرعى سول تۇستاعىدان 24 ميلليون 363 مىڭ 900 مۋ - رەت ارتىپ، ءىس جۇزىندە 84 ميلليون 965 مىڭ 400 مۋ - رەت جازعى سۋارۋ جۇمىسى ورىندالىپ، جوسپاردىڭ ％81ى ورىندالدى“، - دەدى حى يۇي.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
