بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

بۇل جەر وتباسىلىق زورلىق – زومبىلىق ىستەگەن – ىستەمەگەنىن كادرلاردى تاڭداپ قىزمەتكە قويۋدا ويلاستىراتىن العى شارتتاردىڭ ءبىرى ەتەدى

2022.09.08 16:07     كەلۋ قاينارى : حالىق تورابى

  بيىل جىل باسىندا، گانسۋ ولكەسى جيۋچۋان قالاسىنداعى 13 تاراۋ «وتباسىلىق داۋ – شاردان ساقتانۋ – ءبىرجاقتى ەتۋ جانە وتباسىلىق زورلىق – زومبىلىققا قارسى تۇرۋ ارناۋلى ارەكەتىن» ورىستەتتى. ارناۋلى ارەكەتتى ءساتتى ورىستەتۋ ءۇشىن، قاتىستى تاراۋلار «ارناۋلى ارەكەتتى اتقارۋ جوباسىن» بىرگە بەلگىلەدى.

  جوبادا مىنالار بەلگىلەنگەن: ءتارتىپ تەكسەرۋ – باقىلاۋ تاراۋلارى مەن ۇيىمداستىرۋ تاراۋلارى پارتيا – ۇكىمەت ورگاندارىنداعى، كاسىپورىندار مەن ءىس ورىندارداعى پارتيالى باسشى كادرلاردىڭ وتباسىلىق زورلىق – زومبىلىق ىستەگەن – ىستەمەگەنىن، ايەلدەر مەن بالالاردىڭ ۇقىق – مۇددەسىنە زيان جەتكىزگەن – جەتكىزبەگەنىن دەر كەزىندە ۇعىسىپ، يگەرىپ وتىرۋى، ونى كادرلاردى تاڭداپ قىزمەتكە قويۋ بارىسىندا ويلاستىراتىن العى شارت ەتۋى كەرەك.

  وتباسىلىق زورلىق – زومبىلىق ارەكەتىنە زاڭ بويىنشا تيىم سالۋ جاعىندا، جوبادا قوعام حاۋىپسىزدىگى تاراۋلارىنان وتباسىلىق زورلىق – زومبىلىققا قارسى تۇرۋ زاڭىن بەلسەندى دايەكتىلەندىرۋدى، وتباسىلىق زورلىق – زومبىلىققا قاتىستى دەلولاردى ءبىرجاقتى ەتۋدى شىنايى كۇشەيتۋدى تالاپ ەتكەن. وتباسىلىق زورلىق – زومبىلىققا قاتىستى جاعداي بايقالسا، قوعام حاۋىپسىزدىگى تاراۋلارى وتباسىلىق زورلىق – زومبىلىقتان ساقتانۋ ەسكەرتۋىن زيانداۋشىعا، زياندالۋشىعا جىبەرۋى ءارى تۇرعىندار كوميتەتىنە، قىستاق كوميتەتىنە، قىستاقتاعى (الەۋمەتتىك اۋماقتاعى) ايەلدەر بىرلەستىگىنە ۇقتىرۋى كەرەك. قوعام حاۋىپسىزدىگى بولىمشەسى، تۇرعىندار (قىستاق) كوميتەتى، قىستاقتاعى (الەۋمەتتىك اۋماقتاعى) ايەلدەر بىرلەستىگى ەسكەرتۋ تاپسىرىپ العان زيانداۋشىمەن، زياندالۋشىمەن سويلەسۋى، زيانداۋشىنىڭ ەندىگارى وتباسىلىق زورلىق – زومبىلىق ىستەمەۋىن باقىلاۋى كەرەك، وتباسىلىق زورلىق – زومبلىق ەسكەرتۋى مەن ارحيۆى قاتارلى قاتىستى ينفورماتسيالاردى قوعام حاۋىپسىزدىگى ساقشى ىستەرى ينفورماتسياسى امبەباپ قولدانىلمالى تەكشەسىنە كىرگىزىپ، ءتۇيىندى ادامداردى باقىلاۋ – باسقارۋ كولەمىنە ەنگىزۋى كەرەك.

  جيۋچۋان قالاسىنىڭ «وتباسىلىق زورلىق – زومبىلىق» ىستەگەن – ىستەمەگەنىن كادرلاردى سارالاپ وسىرۋدە ويلاستىراتىن العى شارت ەتۋ تاسىلىنە توراپتاستار ايرىقشا نازار اۋداردى ءارى قولداپ قۋاتتادى.

  تۇتاس قوعامدا وتباسىلىق زورلىق – زومبىلىققا مۇلدە جول بەرمەيتىن ورتاق تانىم قالىپتاستىرايىق!

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار