بەيجيڭ مەن تيانجيندى ۇشتاستىردى، بايلىقتى شوعىرلاندىردى، جەتىستىكتەردى كادەگە جاراتتى
حىبەي ولكەسى سايكەستى جاڭالىق اشۋدى ىلگەرىلەتىپ، ساپالى دامۋدى قۇلشىنا جۇزەگە اسىردى (20 – قۇرىلتايدى شات مەرەيمەن قارسى الامىز)
«حالىق گازەتىنىڭ» تىلشىلەرى شۇي يۇنپيڭ، شاۋ يۇيزى
2022.09.07 16:44 كەلۋ قاينارى : حالىق تورابى
كىرىسپە
ج ك پ ورتالىق كوميتەتىنىڭ ساياسي بيۋروسى 8 - ايدىڭ 30 - كۇنى ءماجىلىس اشىپ، پارتيا 19 - كەزەكتى ورتالىق كوميتەتىنىڭ جەتىنشى جالپى ماجىلىسىنە جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىن 2022 – جىلى 10 - ايدىڭ 16 - كۇنى بەيجيڭدە اشۋدى ۇسىنىس ەتتى.
10 جىل كۇرەس جاساپ، 10 جىلدا شۇعىلالى تابىس جاراتتىق. پارتيانىڭ 18 – قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا پارتيا مەن مەملەكەت ىستەرىندە تاريحي تابىسقا قول جەتكىزىلىپ، تاريحي وزگەرىس تۋىلدى، جۇڭحۋا ۇلتىنىڭ ۇلى گۇلدەنۋى كەرى بۇرۋعا بولمايتىن تاريحي بارىسقا قادام تاستادى.
اشىلۋ الدىندا تۇرعان جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايى − بۇكىل پارتيا، بۇكىل ەلدەگى ءار ۇلت حالقى جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاعان، ەكىنشى 100 جىلدىق كۇرەس نىساناسىنا جورىق جاساعان شەشۋشى ساتتە اشىلاتىن توتەنشە ماڭىزدى قۇرىلتاي، بۇكىل ەلدەگى ءار ۇلت حالقىن جۇڭگوشا سوتسياليزمنىڭ تىڭ جەڭىسىنە قول جەتكىزۋ جولىندا كۇرەس جۇرگىزۋگە ىنتىماقتاستىرۋدا جانە شابىتتاندىرۋدا توتەنشە كەلەلى ماڭىزعا يە.
بۇگىننەن باستاپ گازەتىمىزدە «20 – قۇرىلتايدى شات مەرەيمەن قارسى الامىز» دەگەن ارناۋلى ايدار اشىپ، جەر - جەردىڭ، تاراۋلاردىڭ ۇزدىك ناتيجەمەن جانە اسقاق رۋحاني بەينەمەن پارتيانىڭ 20 - قۇرىلتايىن قارسى العان ناقتى ارەكەتىن تولىق حابارلاپ، قالىڭ كادرلار مەن بۇقارانىڭ پارتيانىڭ 20 - قۇرىلتايىنىڭ جەڭىسپەن اشىلۋىنا دەگەن شىنايى تىلەگىن جانە شي جينپيڭ جولداستى ۇيىتقى ەتكەن پارتيا ورتالىق كوميتەتىن شىن جۇرەكتەن جاقتايتىنىن بەينەلەيدى.
التىن كۇز، جۇڭگو كوممۋنيستىك پارتياسىنىڭ مەملەكەتتىك 20 – قۇرىلتايى 10 - ايدىڭ 16 - كۇنى بەيجيڭدە اشىلاادى دەگەن قۋانىشتى حابار جەتكەندە حىبەي ولكەسىندەگى قالىڭ كادرلار مەن بۇقارا شاتتىققا شومدى، ايرىقشا جەلپىندى، كوپشىلىك بەيجيڭدى، تيانجيندى، حىبەيدى سايكەستىرە دامىتۋدىڭ ماڭىزدى ورايىن مىقتاپ يگەرىپ، قايراتتانا العا ۇمتىلىپ، بەلسەنە ءىس تىندىرىپ، ساپالى دامۋدى تىڭعىلىقتى ىلگەرىلەتىپ، پارتيانىڭ 20 - قۇرىلتايىنىڭ جەڭىسپەن اشىلۋىن تاسقىنداعان رۋحاني كۇيمەن قارسى الاتىندارىن ءبىلدىرىستى.
پارتيانىڭ 20 - قۇرىلتايىن شات مەرەيمەن قارسى العان قۋانىشتى ساتتە حىبەي ولكەسى باۋديڭ قالاسى جوعارى، جاڭا تەحنيكا رايونى باۋديڭ جۇڭگۋانسۇن جاڭالىق اشۋ ورتالىعىنا ورنالاسقان بەيدا - جۇڭچۋاڭ كەڭ ايالى بەلدەۋ جارتىلاي وتكىزگىش بىرىككەن تاجىريبەحاناسى تاياۋدا ماڭدايشالىعىن اشتى. بۇل باۋديڭ جۇڭچۋاڭ يانيۋان جارتىلاي وتكىزگىش عىلىم - تەحنيكا شەكتى سەرىكتەستىگىنىڭ جاۋاپتىسى سۇن يۇڭجياندى ايرىقشا قۋانتتى، ول: «ءبىز اشىپ جاتقان 3 - بۋىن جارتىلاي وتكىزگىش كاسىبىنىڭ شىت جاڭا تەحنيكالىق جەلىسى − حىبەي ولكەسىنىڭ بەيجيڭ - تيانجين - حىبەيدىڭ سايكەستى دامۋىنداعى ماڭىزدى ورايدى مىقتى يگەرىپ، سەلبەسىپ جاڭالىق اشۋ ورتاق تۇلعاسى قۇرىلىسىن ىشكەرىلەي ىلگەرىلەتۋىنىڭ ارقاسى، كاسىپ سالاسىنىڭ دامۋىندا بوستىق بار، عىلىم - تەحنيكانى كادەگە جاراتۋ تۇعىرى بار، دارىندىلارعا قىزمەت كورسەتۋ قامتاماسىز ەتىلگەن، ءوندىرۋ، وقىتۋ، زەرتتەۋ سەلبەستىگىنىڭ ومىرشەڭدىك كۇشىن تولىق ايگىلەۋگە بولادى» دەدى.
2019 - جىلى 1 - ايدا باس شۋجي شي جينپيڭ بەيجيڭ – تيانجين - حىبەيدى سايكەستىرە دامىتۋ اڭگىمە ءماجىلىسىن باسقارىپ اشقاندا بىلاي دەپ دارىپتەدى: «رەفورما جاساۋدان، جاڭالىق اشۋدان قوزعاۋشى كۇش الىپ، ساپالى دامۋعا جەتەكشىلىك ەتەتىن ماڭىزدى قوزعاۋشى كۇش قاينارى رولىن ساۋلەلەندىرۋ كەرەك. جوعارى دەڭگەيلى جاڭالىق اشۋ بايلىعىن شوعىرلاندىرىپ جانە ودان پايدالانىپ، كەلەلى عىلىم - تەحنيكا نىساندارىن زەرتتەۋ - اشۋ سەلبەستىگىن بەلسەنە ورىستەتىپ، ەلىمىزدىڭ دەربەس جاڭالىق اشۋىنىڭ ماڭىزدى قاينار كوزى مەن العاشقى جاڭالىق اشۋىنىڭ باستى قاينار كوزىن اشۋ كەرەك».
حىبەي ولكەسى باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، بەيجيڭ، تيانجيندەگى جوعارى مەكتەپتەرمەن، عىلمي زەرتتەۋ اكادەميالارىمەن ۇشتاسۋدى، سەلبەسۋدى بارىنشا كۇشەيتتى. قازىر بەيجيڭ مەن تيانجين حىبەي ولكەسىن تەحنيكالىق جەتىستىكتەرمەن قامدايتىن ماڭىزدى قاينارعا اينالدى. بيىل الدىڭعى جارتى جىلدا حىبەي ولكەسى باۋراعان بەيجيڭ – تيانجين كاسىپورىندارىنىڭ تەحنيكالىق توقتام ساۋدا سوماسى 23 ميلليارد 10 ميلليون يۋانعا جەتىپ، بىلتىرعى سول تۇستاعىدان %39.43 ارتىپ، بۇكىل ولكە قابىلداعان تەحنيكالىق توقتام ساۋدا سوماسىنىڭ %60 تەن استامىن يەلەدى.
ماڭىزدى جاڭالىق اشۋ تۇعىرى قۇرىلىسىن كۇشەيتىپ، عىلىم - تەحنيكا جەتىستىكتەرىن كادەگە جاراتۋ قۋاتىن جوعارىلاتتى، حىبەي ولكەسى بەيجيڭ - تيانجين - حىبەيدىڭ سەلبەسىپ جاڭالىق اشۋداعى ءتۇيىندى مىندەتتەرىنىڭ تياناقتانۋىن، ىرگە تەبۋىن بار كۇشپەن ىلگەرىلەتىپ، «بەيجيڭ - تيانجين زەرتتەۋ - اشۋ، حىبەي كادەگە جاراتۋ» ۇلگىسىن ىشكەرىلەي كەڭەيتىپ، ءوزىنىڭ ساپالى دامۋدى جۇزەگە اسىرۋىنا جەتەكشىلىك ەتتى.
تۇعىر ورناتىپ، ءتۇيىلىسۋدى اناعۇرلىم ىركىلىسسىزدەندىردى. «حىبەي ولكەسىنىڭ كەلەلى عىلىم - تەحنيكا جەتىستىكتەرىن وندىرگىش كۇشكە اينالدىرۋ ارەكەتى اتقارۋ جوباسىن» باسىپ تاراتىپ، شيۇڭ - ان جاڭا رايونىنىڭ، حىبەي - جيڭنان مەملەكەتتىك عىلىم - تەحنيكا جەتىستىكتەرىن وندىرگىش كۇشكە اينالدىرۋدان ۇلگى كورسەتۋ رايونىنىڭ الدىمەن سىناق ەتۋىنە قولداۋ كورسەتىپ، بەيجيڭنىڭ ساپالى عىلىم - تەحنيكا بايلىعىن جالعاستىرىپ، عىلىم - تەحنيكا جەتىستىكتەرىن وندىرگىش كۇشكە اينالدىرۋدىڭ بيىك بەلەسىن قۇردى. حىبەي ولكەلىك عىلىم - تەحنيكا جەتىستىكتەرىن كورمەگە قويۋ ساۋدا ورتالىعى بەيجيڭ جۇڭگو تەحنيكا ساۋدا ورنى، تيانجين عىلىم - تەحنيكا جەتىستىكتەرىن كورمەگە قويۋ ساۋدا ورتالىعى سياقتى 11 تەحنيكا اۋىستىرۋ قۇرىلىمىمەن سەلبەسىپ، بەيجيڭ - تيانجين - حىبەيدىڭ عىلىم - تەحنيكا جەتىستىكتەرىن سەلبەسىپ كادەگە جاراتۋ ورتالىعى سياقتى 5 ۇلكەن تۇعىردى بىرلەسىپ قۇردى. 2021 – جىلى حىبەي ولكەسىنىڭ بەيجيڭ – تيانجين تەحنيكالىق توقتامىنداعى ساۋدا سوماسى 30 ميلليارد يۋاننان اسىپ، سايكەس مەزگىلدەگىدەن %69 ارتتى.
قامالدى بۇزىلىپ، جاڭالىق اشۋ ءتىپتى دە ءونىمدى بولدى. حىبەي ولكەسى ءتۇزىلىس، مەحانيزمدەگى بۇعاۋدى تالقانداپ، بەيجيڭ، تيانجينمەن سەلبەسىپ جاڭالىق جاراتۋدىڭ جاڭا ۇلگىسىن قاراستىردى. جوعارى، جاڭا تەحنيكا كاسىپورىندارىنىڭ ءوڭىر اتتاپ جاپپاي كوشىرىلۋىن، ءوزارا تانۋىن جۇزەگە اسىرۋدى ىلگەرىلەتىپ، بەيجيڭ، تيانجيننىڭ 30 دان استام جوعارى، جاڭا تەحنيكا كاسىپورنىن ءوڭىر اتتاپ جاپپاي كوشگە باۋرادى. ءبىر رايون، كوپ باقشا، جالپى تۇلعالىق باسقارۋعا الۋ، جاڭالىق اشۋ تىزبەگى سەلبەستىگى سياقتى ۇلگىلەردى قاراستىرىپ، بەيجيڭ، تيانجينمەن سەلبەسىپ عىلىم - تەحنيكا باقشا رايونىن بىرگە قۇرۋ، جاڭالىق اشۋ بازاسى، جاڭالىق اشۋ وداعى سياقتى عىلىم - تەحنيكادا جاڭالىق اشۋ دانەكەرلەرىن قۇردى.. باۋديڭ - جۇڭگۋانسۇن جاڭالىق اشۋ ورتالىعى تۇتاس تۇلعالىق باسقارۋعا الۋ ۇلگىسى ارقىلى جاڭالىق اشۋ بايلىعىن شوعىرلاندىردى، جۇڭگۋانسۇن حايديان باقشاسى چينحۋاڭداۋ بولىمشە باقشاسى مۇددە ورتاقتاسۋ ۇلگىسىن جاڭالاپ، قىرۋار عىلىم - تەحنيكالىق كاسىپورىندار مەن كاسىپ نىساندارىن مىقتاپ ىرگە تەبۋگە باۋرادى.
كاسىپ سالاسىن تىعىز ارقاۋ ەتىپ، قامداۋ مەن قاجەتسىنۋدىڭ اناعۇرلىم دۇرىس جولىن قاراستىردى. ءتۇيىندى كاسىپ تىزبەگىنىڭ ساپالى دامۋ قاجەتىن ارقاۋ ەتىپ، حىبەي ولكەسى بەيجيڭ، تيانجين ەكى جەردىڭ جوعارى دەڭگەيلى جاڭالىق اشۋ بايلىعىمەن ۇشتاستىرىپ، شەشۋشى تەحنيكالاردان قامال الۋدى جانە عىلىم - تەحنيكا جەتىستىكتەرىن كادەگە جاراتۋدى ورىستەتىپ، بەيجيڭ - تيانجين - حىبەيدىڭ مەملەكەتتىك تەحنيكادا جاڭالىق اشۋ ورتالىعىن بىرگە قۇرىپ، تەحنيكا اۋىستىرۋ قۇرىلىمدارىنان، ارالىق سىناق بازالارىنان ءبىر توبىن قۇردى. 2021 - جىلى سيفرلى ەكونوميكا، جاڭا ەنەرگيا، جوعارى دەڭگەيلى جابدىق سياقتى سالالاردا حىبەي ولكەسى بەيجيڭ، تيانجين ەكى جەردەگى عىلمي زەرتتەۋ ورىندارىمەن بىرلەسىپ ولكە دارەجەلى 31 عىلىم - تەحنيكا جوسپار نىسانىنان قامال الىپ، 75 ميلليون يۋاننان استام قارجى ورنالاستىردى. بيىل الدىڭعى جارتى جىلدا حىبەي عىلىم - تەحنيكا جەتىستىكتەرىن تىكەلەي ىسكە قوسۋ سياقتى ۇشتاستىرۋ قيمىلدارىن 60 رەتتەن استام ۇيىمداستىرىپ، 167 توقتامعا قول قويۋدى جەبەپ، توقتام سوماسى 200 ميلليون يۋانعا جەتتى.
بەيجيڭ، تيانجين، حىبەيدىڭ سايكەستى دامۋى حىبەي ولكەسىنىڭ جاڭالىق اشۋ ارقىلى دامۋعا دەم بەرۋ جاعدايىنىڭ تەبىندى بولۋىنا دەم بەردى. بيىل الدىڭعى جارتى جىلدا حىبەي ولكەسىنىڭ كولەمدەنگەن ونەركاسىبىنىڭ ارتقان قۇنى سايكەس مەزگىلدەگىدەن %5.2 ارتتى، كولەمدەنگەن ونەركاسىپتىڭ ستراتەگيالىق جاڭا وركەندەگەن كاسىپتەرىنىڭ ارتقان قۇنى سايكەس مەزگىلدەگىدەن %10.7 ارتتى، جوعارى، جاڭا تەحنيكا كاسىپتەرىنىڭ ارتقان قۇنى سايكەس مەزگىلدەگىدەن %5.5 ارتتى ...
«ءبىز بەيجيڭ، تيانجينمەن سەلبەسىپ جاڭالىق اشۋدى ونان ارى كۇشەيتىپ، باقشا رايونى، بازا، قور، وداق، تەحنيكا بازارى سىندى ‹بەستى بىرگە قۇرۋدى› ىلگەرىلەتىپ، عىلىم - تەحنيكادا جاڭالىق اشۋ ەكولوگياسىن ساپالىلاندىرىپ، عىلىم - تەحنيكادا قۇدىرەتتى ولكە قۇرۋعا كۇش سالىپ، جاڭالىق اشا دامۋدا تىڭ قامال الۋدى ىلگەرىلەتىپ، پارتيانىڭ 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتىمىزبەن قارسى الامىز» دەدى حىبەي ولكەلىك پارتكومداعى قاتىستى جاۋاپتى جولداس.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
