شي جينپيڭ سىچۋان ولكەسى گانزى وبلىسى لۋديڭ اۋدانىندا تۋىلعان 6.8 بال جەر سىلكىنىسىنە بايلانىستى ماڭىزدى نۇسقاۋ بەرىپ، مىنانى تالاپ ەتتى
ءومىردى قۇتقارۋدى ماڭداي الدى مىندەت ەتىپ، اپاتقا ۇشىراعان بۇقارانى بار كۇشپەن قۇتقارىپ، ءولىم - ءجىتىمدى مۇمكىندىكتىڭ بارىنشا ازايتۋ كەرەك
لي كىچياڭ بەكىتۋ سالدى
2022.09.06 16:17 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 5 - كۇنى، بەيجيڭ. بەيجيڭ ۋاقىتى 9 - ايدىڭ 5 - كۇنى ساعات 12 دەن 52 مينۋت وتكەندە سىچۋان ولكەسى گانزى زاڭزۋ اۆتونوميالى وبلىسى لۋديڭ اۋدانىندا 6.8 بال جەر سىلكىندى، سىلكىنىس كوزىنىڭ تەرەڭدىگى 16 كيلومەتر بولدى. قازىرگە دەيىن جەر سىلكىنىسىندە 21 ادام قازا بولىپ، 30 نەشە ادام جارالاندى، ءىشىنارا سۋ، ەلەكتر، قاتىناس، حابارلاسۋ سياقتى نەگىزدىك قۇرىلعىلار ءبۇلىندى.
جەر سىلكىنگەننەن كەيىن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ەرەكشە ءمان بەردى ءارى بىلاي دەپ ماڭىزدى نۇسقاۋ بەردى: سىچۋان ولكەسى گانزى وبلىسى لۋديڭ اۋدانىندا تۋىلعان 6.8 بال جەر سىلكىنىسىندە اۋىر ءولىم - ءجىتىم بولدى، ءومىردى قۇتقارۋدى ماڭداي الدى مىندەت ەتىپ، اپاتقا ۇشىراعان بۇقارانى بار كۇشپەن قۇتقارىپ، ءولىم - ءجىتىمدى مۇمكىندىكتىڭ بارىنشا ازايتۋ كەرەك. سىلكىنىس جاعدايىن باقىلاۋدى كۇشەيتىپ، قوسالقى اپاتتىڭ تۋىلۋىنان ساقتانىپ، اپاتقا ۇشىراعان بۇقارانى حاۋىپتەن اراشالاۋ، ورنالاستىرۋ سياقتى قىزمەتتەردى ۇيلەسىمدى جاقسى ىستەۋ كەرەك. شۇعىل جاعدايعا توتەپ بەرۋدى باسقارۋ مينيسترلىگى سياقتى تاراۋلار، قىزمەت گرۋپپاسىن سىچۋانعا جەر سىلكىنىسىنە قارسى اتتانىپ، اپاتتان قۇتقارۋ قىزمەتىنە جەتەكشىلىك ەتۋگە جىبەرىڭىزدەر، ازاتتىق ارميا مەن قارۋلى ساقشى بولىمدەرى، جەرگىلىكتى ورىنداردىڭ قىزمەت ورىستەتۋىنە بەلسەنە سايكەسىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىنە مۇمكىندىكتىڭ بارىنشا كەپىلدىك ەتىڭىزدەر.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ بەكىتۋ جازىپ، مىنالاردى تالاپ ەتتى: اپات جاعدايىن جەدەل انىقتاپ، قاتەردەن قۇتقارۋعا جانە جارالىلاردى قۇتقارۋعا كۇش سالىپ، جەر كوشكىنى، لاي تاسقىنى سياقتى قوسالقى اپاتتاردان ساقتانۋعا نازار اۋدارىپ، اپاتقا ۇشىراعان بۇقارانى لايىقتى ورنالاستىرىپ، بۇلىنگەن قاتىناس، حابارلاسۋ سياقتى نەگىزدىك قۇرىلعىلاردى تەز ارادا جوندەۋ كەرەك. قاتىستى تاراۋلار جەرگىلىكتى ورىننىڭ جەر سىلكىنىسىنە قارسى اتتانىپ، اپاتتان قۇتقارۋىنا جەتەكشىلىك ەتۋدى جانە قولداۋ كورسەتۋدى كۇشەيتۋى كەرەك.
شي جينپيڭنىڭ نۇسقاۋى مەن لي كىچياڭنىڭ تالابىنا ساي شۇعىل جاعدايعا توتەپ بەرۋدى باسقارۋ مينيسترلىگى، جاراتىلىستىق بايلىق مينيسترلىگى، مەملەكەتتىك دەنساۋلىق ساقتاۋ، سالاماتتىق كوميتەتى سياقتى تاراۋلار قىزمەت گرۋپپاسىن اپات تۋىلعان رايونعا جىبەرىپ، اپاتتان قۇتقارۋ، كومەكتەسۋ ىستەرىنە جەتەكشىلىك ەتتى. سىچۋان ولكەسى، گانزى وبلىسى قۇتقارۋ كۇشتەرىن ۇيىمداستىرىپ، اپاتتان قۇتقارۋ قىزمەتىن ورىستەتتى ءارى شاتىر، كورپە، بۇكتەمەلى توسەك سياقتى اپاتتان قۇتقارۋ بۇيىمدارىن اپات تۋىلعان رايونعا جەتكىزدى. جەر سىلكىنىسىنە قارسى اتتانىپ، اپاتتان قۇتقارۋدىڭ ءتۇرلى قىزمەتتەرى شۇعىل، ءتارتىپتى جۇرگىزىلۋدە.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
