مەملەكەتتىك 13 - كەزەكتى حالىق قۇرىلتايى تۇراقتى كوميتەتىنىڭ 36 - ءماجىلىسى بەيجيڭدە جابىلدى
2022.09.05 16:20 كەلۋ قاينارى : حالىق تورابى
تەلەگراف، توراپ الدامكوستىگىنە قارسى تۇرۋ زاڭىن، جاڭادان وزگەرىس ەنگىزىلگەن اۋىل شارۋاشىلىق ونىمدەرىنىڭ ساپا حاۋىپسىزدىگى زاڭىن داۋىسقا سالىپ ماقۇلداپ، جين جۋاڭلۇڭدى ونەركاسىپ جانە ينفورماتسيالاندىرۋ مينيسترلىگىنىڭ مينيسترلىگىنە، ۋاڭ شياڭشيدى شۇعىل جاعدايعا توتەپ بەرۋدى باسقارۋ مينيسترلىگىنىڭ مينيسترلىگىنە تاعايىنداۋدى ۇيعاردى
شي جينپيڭ ءتوراعا بۇيرىقتارىنا قول قويدى
شياڭگاڭ، اۋمىن ەرەكشە اكىمشىلىك رايوندارىنىڭ 14 - كەزەكتى مەملەكەتتىك حالىق قۇرىلتايىنىڭ ۋاكىلدەرىن سايلاۋ ماجىلىستەرىنىڭ مۇشەلەر ەسىمدىگىن داۋىسقا سالىپ ماقۇلدادى
لي جانشۋ ءماجىلىستى باسقاردى
«حالىق گازەتى»، 9 - ايدىڭ 2 - كۇنى، بەيجيڭ. مەملەكەتتىك 13 - كەزەكتى حالىق قۇرىلتايى تۇراقتى كوميتەتىنىڭ 36 - ءماجىلىسى 9 - ايدىڭ 2 - كۇنى تۇستەن بۇرىن بەيجيڭدەگى حالىق سارايىندا جابىلدى. ءماجىلىس داۋىسقا سالۋ ارقىلى تەلەگراف، توراپ الدامكوستىگىنە قارسى تۇرۋ زاڭىن، جاڭادان وزگەرىس ەنگىزىلگەن اۋىل شارۋاشىلىق ونىمدەرىنىڭ ساپا حاۋىپسىزدىگى زاڭىن ماقۇلدادى؛ شياۋ ياچيڭدى ونەركاسىپ جانە ينفورماتسيالاندىرۋ مينيسترلىگىنىڭ مينيسترى مىندەتىنەن قالدىرۋدى، جين جۋاڭلۇڭدى ونەركاسىپ جانە ينفورماتسيالاندىرۋ مينيسترلىگىنىڭ مينيسترلىگىنە تاعايىنداۋدى، حۋاڭ ميڭدى شۇعىل جاعدايعا توتەپ بەرۋدى باسقارۋ مينيسترلىگىنىڭ مينيسترى مىندەتىنەن قالدىرۋدى، ۋاڭ شياڭشيدى شۇعىل جاعدايعا توتەپ بەرۋدى باسقارۋ مينيسترلىگىنىڭ مينيسترلىگىنە تاعايىنداۋدى ۇيعاردى. مەملەكەت ءتوراعاسى شي جينپيڭ جەكە - جەكە 119 -، 120 -، 121 - ءنومىرلى ءتوراعا بۇيرىقتارىنا قول قويدى. كوميتەت باستىعى لي جانشۋ جابىلۋ جيىنىن باسقاردى.
تۇراقتى كوميتەتتىڭ قۇرامىنداعى 145 ادام ماجىلىسكە قاتىناستى، ماجىلىسكە قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
ءماجىلىس مەملەكەتتىك حالىق قۇرىلتايى تۇراقتى كوميتەتى ۋاكىلدەردىڭ تولىمدىلىعىن تەكسەرۋ كوميسسياسىنىڭ ءىشىنارا ۋاكىلدەردىڭ ۋاكىلدىك تولىمدىلىعى جونىندەگى بايانداماسىن داۋىسقا سالىپ ماقۇلدادى.
شياڭگاڭ، اۋمىن ەرەكشە اكىمشىلىك رايوندارىنىڭ 14 - كەزەكتى مەملەكەتتىك حالىق قۇرىلتايىنىڭ ۋاكىلدەرىن سايلاۋ ماجىلىستەرىنىڭ مۇشەلەر ەسىمدىگىن داۋىسقا سالىپ ماقۇلدادى
ءماجىلىس شياڭگاڭ ەرەكشە اكىمشىلىك رايونىنىڭ 14 - كەزەكتى مەملەكەتتىك حالىق قۇرىلتايىنىڭ ۋاكىلدەرىن سايلاۋ ءماجىلىسىنىڭ مۇشەلەر ەسىمدىگىن، اۋمىن ەرەكشە اكىمشىلىك رايونىنىڭ 14 - كەزەكتى مەملەكەتتىك حالىق قۇرىلتايىنىڭ ۋاكىلدەرىن سايلاۋ ءماجىلىسىنىڭ مۇشەلەر ەسىمدىگىن جەكە - جەكە داۋىسقا سالىپ ماقۇلدادى. شياڭگاڭ، اۋمىن ەرەكشە اكىمشىلىك رايوندارىنىڭ 14 - كەزەكتى مەملەكەتتىك حالىق قۇرىلتايىنىڭ ۋاكىلدەرىن سايلاۋ ادىستەرىندەگى بەلگىلەمەلەرگە ساي، شياڭگاڭ، اۋمىن ەرەكشە اكىمشىلىك رايوندارىنىڭ 14 - كەزەكتى مەملەكەتتىك حالىق قۇرىلتايىنىڭ ۋاكىلدەرىن سايلاۋىن مەملەكەتتىك حالىق قۇرىلتايىنىڭ تۇراقتى كوميتەتى باسقارادى. كوميتەت باستىقتارى ءماجىلىسى مەملەكەتتىك حالىق قۇرىلتايى تۇراقتى كوميتەتىنىڭ باس حاتشىسى ياڭ جىن - ۋدىڭ وسى ەكى قىزمەتتى باسقارۋعا جاۋاپتى بولۋىن ۇسىنىس ەتتى.
ءماجىلىس داۋىسقا سالۋ ارقىلى جاڭ چۇنشىڭدى مەملەكەتتىك باقىلاۋ - تەكسەرۋ كوميتەتىنىڭ مۇشەلىگىنەن قالدىردى؛ يىڭ يۇڭدى ەڭ جوعارى حالىق پروكۋراتۋراسى باس پروكۋرورىنىڭ ورىنباسارلىعىنا، پروكۋرورلار القاسىنىڭ مۇشەلىگىنە تاعايىندادى.
ءماجىلىس باسقا دا مىندەتكە تاعايىنداۋ، مىندەتىنەن قالدىرۋ جوبالارىن داۋىسقا سالىپ ماقۇلدادى.
مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارلارى ۋاڭ چىن، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ، ۋاڭ دۇڭميڭ، بايماچىلين، ديڭ جۇڭلي، حاۋ ميڭجين، ساي دافىڭ، ۋ ۋەيحۋا، باس حاتشى ياڭ جىن - ۋ ماجىلىسكە قاتىناستى.
مەملەكەتتىك باقىلاۋ - تەكسەرۋ كوميتەتىنىڭ مەڭگەرۋشىسى ياڭ شياۋدۋ، مەملەكەتتىك كەڭەستىڭ مۇشەسى، ورتالىق اسكەري ىستەر كوميتەتىنىڭ مۇشەسى ۋەي فىڭحى، ەڭ جوعارى حالىق سوتى مەكەمەسىنىڭ باستىعى جوۋ چياڭ، ەڭ جوعارى حالىق پروكۋراتۋراسىنىڭ باس پروكۋرورى جاڭ جۇن، مەملەكەتتىك حالىق قۇرىلتايى ارناۋلى كوميتەتتەرىنىڭ مۇشەلەرى، ولكەلىك (اۆتونوميالى رايوندىق، توتە قاراستى قالالىق) حالىق قۇرىلتايى تۇراقتى كوميتەتتەرىنىڭ جاۋاپتىلارى، ءىشىنارا تەتە ولكە دارەجەلى قالالاردىڭ حالىق قۇرىلتايى تۇراقتى كوميتەتتەرىندەگى نەگىزگى جاۋاپتى جولداستار، مەملەكەتتىك حالىق قۇرىلتايىنىڭ ءىشىنارا ۋاكىلدەرى، قاتىستى تاراۋلارداعى جاۋاپتى جولداستار قاتارلىلار ماجىلىسكە سىرتتاي قاتىناستى.
جابىلۋ سالتىنان كەيىن مەملەكەتتىك 13 - كەزەكتى حالىق قۇرىلتايىنىڭ تۇراقتى كوميتەتى 30 - رەتكى ارناۋلى تاقىرىپتاعى لەكسياسىن وتكىزدى، كوميتەت باستىعى لي جانشۋ باسقاردى. جۇڭگو ساياسي - زاڭ داشۋەسىنىڭ پروفەسسورى، جۇڭگو زاڭ تاريحى عىلمي قوعامى جۇڭگو زاڭ - ءتۇزىم تاريحى كاسىپتىك كوميتەتىنىڭ باستىعى جۋ يۇڭ «جۇڭحۋا زاڭ جۇيەسىنىڭ قالىپتاسۋى جانە ەرەكشەلىگى» دەگەن تاقىرىپتا لەكسيا جاسادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
