”وقۋشىلاردىڭ پويەزداعى جاقسى قامقورشىسى بولامىن“
□ انار بۇلت \ شينجياڭ گازەتىنىڭ ءتىلشىسى جاۋ يۋە
2022.09.01 17:00 كەلۋ قاينارى : شينجياڭ گازەتى
ساباقتاستار، تەلەفوندارىڭدى جيناپ قويىڭدار، پەردەنى تۇسىرىڭدەر، قايناعان سۋ العاندا ابايلاڭدار، قولدارىڭدى كۇيدىرىپ الماڭدار، جۇكتەرىڭدى ەپتەپ شىعارىپ، ەپتەپ تۇسىرىڭدەر. 8 - ايدىڭ 28 - كۇنى كەشتە حوتاننان جينانعا باراتىن Z358 كەزەكشى پويەزىندا ۆاگون قىزمەتكەرلەرى شام ءسوندىرۋدىڭ الدىندا وقۋشىلارعا حاۋىپسىزدىك ەسكەرتۋىن جاسادى. بۇل ارناۋلى پويەزداعىلار قاتىستى ولكە، قالالاردىڭ شينجياڭ تولىق ورتا كلاسىنداعى، شينجياڭ ورتا دارەجەلى كاسىپتىك كلاسىنداعى (تومەندە قىسقارتىلىپ ”شينجياڭ كلاسى“ دەلىنەدى) مەكتەپتەرىنە قايتىپ بارا جاتقان (مەكتەپكە تۇسەتىن) وقۋشىلار ەدى.
”مۇعالىم، چەمودانىمدى تابا الماي قالدىم! شام سوندىرەردىڭ الدىندا، 10 - ءنومىرلى ۆاگونداعى جەتەكشى مۇعالىم كەرىماي تاۋاككۇل كەنەت ءبىر قىزدىڭ جىلامسىراي شىققان داۋىسىن ەستىدى.
”تان يۇيشان، ابىرجىما، مەن پويەز قىزمەتكەرىنەن سۇراپ كورەيىن. ءوڭىڭ بوزارىپ كەتىپتى، نە بولدىڭ“؟ - دەپ سۇرادى كەرىماي ىقىلاسپەن.
تان يۇيشان تۇڭعىش رەت پويەزعا وتىرعاندىقتان، ءىشى اۋىرىپ، دەنەسى جايسىزدانادى، پويەز اۋىستىرعاندا چەمودانىن الۋدى ۇمىتىپ كەتەدى. كەرىماي ءبىر جاعىنان، ونى جۇباتا ءجۇرىپ، ەندى ءبىر جاعىنان، پويەز قىزمەتكەرلەرىمەن حابارلاسادى، باستاۋشى مۇعالىم حۋاڭ مينگە تەلەفون شالىپ، ءدارى اكەلىپ بەرۋدى تاپسىرادى.
كوپ وتپەي پويەز قىزمەتكەرلەرىنىڭ كومەگىندە تان يۇيشاننىڭ چەمودانى تابىلادى. اسىلىندە پويەز قىزمەتكەرى ۆاگون تازالاعاندا وسى چەموداندى بايقاپ، مۇنى ءبىر قۇنتسىز بالا ۇمىتىپ قالدىرىپ قويدى عوي دەپ، 10 - ۆاگونعا اكەلىپ قويعان ەكەن.
سالدەن سوڭ، حۋاڭ مين ءدارى اكەلىپ بەرەدى. تان يۇيشان ءدارىنى ىشكەن سوڭ، الاڭسىز ۇيقتايدى.
”تان يۇيشاننىڭ قازىر دەنساۋلىعى قانداي؟ 8 - ايدىڭ 29 - كۇنى تاڭەرتەڭ ەرتەمەن حۋاڭ مين كەرىمايعا تەلەفون سوعادى. ”ونىڭ اسقازانى ءتاۋىر بولىپ قالدى، ال بۇگىن باسى زەڭىپ وتىر، باس اينالۋدان ساقتايتىن ءدارىنى ءىشتى، قازىر جاقسى بولىپ قالدى“. مۇنى ەستىگەن حۋاڭ ميننىڭ كوڭىلى ورنىقتى.
”ءار جىلى وقۋشىلاردان ازىن - اۋلاق شارۋا شىعىپ تۇرادى“. حۋاڭ مين بىلاي دەدى: وقۋ - اعارتۋ تاراۋلارى ىندەتتەن ساقتانۋ زاتتىق بۇيىمدارى، شۇعىل جاعدايعا توتەپ بەرۋ ءدارى - دارمەكتەرىن جانە ازىق - تۇلىكتى الدىن الا جەتكىلىكتى ەتىپ دايىندادى. وسى رەتكى پويەزدا جەتەكشى مۇعالىم مەن تەمىر جول تاراۋلارىنداعى قىزمەتكەرلەر تىعىز سايكەسىپ، ەرتەلى - كەش وقۋشىلاردىڭ دەنە تەمپەراتۋراسىن ولشەپ، دەنساۋلىعىن باقىلاپ، شۇعىل جاعدايعا توتەپ بەرۋدەگى ءتۇرلى جوبالاردى جاساپ، وقۋشىلاردىڭ حاۋىپسىز ءجۇرىس - تۇرىسىنا بىرگە كەپىلدىك ەتتى.
Z358 كەزەكشى ارناۋلى پويەزىنىڭ باستىعى يان گۇيجيان بىلاي دەپ تانىستىردى: وسى رەتكى ارناۋلى پويەزدى جۇرگىزۋ مىندەتىن ۇستىنە العان 25T تۇرپاتتى پويەزدىڭ قۇرىلعى جابدىقتارى شينجياڭداعى ادەتتەگى پويەزداردىڭ ىشىندەگى ەڭ جاقسىسى. ىندەت كەزىندە ارناۋلى پويەزدىڭ حاۋىپسىزدىگىنە كەپىلدىك ەتۋ ءۇشىن، ستانسيادان شىعۋدان ىلگەرى تۇتاس پويەزدى قاتاڭ تۇردە تازالاپ، زارارسىزداندىردىق. ارناۋلى ادام 3 ساعات سايىن ۆاگونداردى ارالاپ تەكسەرىپ، پويەزدىڭ حاۋىپسىز اينالىمىنا جانە جابدىق قۇرىلعىلارىنىڭ قالىپتى اينالىمىنا شىنايى كەپىلدىك ەتەدى. پويەزدا تاعى وقۋشىلاردىڭ قول تەلەفوندارىن زاريادتاۋىنا مۇمكىندىك جاسالعان، پويەز قىزمەتكەرلەرى بولمەسىندە دە شۇعىل زاريادتاۋعا بولادى. ەگەردە وقۋشىلار ناۋقاستانىپ قالسا، پويەز اسحاناسى ناۋقاستار تاماعىن دايىنداپ بەرەدى.
”ءبىز وقۋشىلاردىڭ پويەزداعى جاقسى قامقورشىسى بولىپ، ولاردىڭ مەكتەپتەرىنە امان - ەسەن، ءساتتى قايتۋىنا (تۇسۋىنە) مۇمكىندىك جاسايمىز! - دەدى يان گۇيجيان.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
