«ىزدەنۋ» جۋرنالى باس شۋجي شي جينپيڭنىڭ ماڭىزدى ءسوزىن جاريالايدى
جاڭا دامۋ ساتىسىندا جاڭا دامۋ ۇستانىمىن دايەكتىلەندىرۋ، ءسوز جوق، جاڭا دامۋ جاعدايىن ورناتۋدى تالاپ ەتەدى
2022.09.01 16:17 كەلۋ قاينارى : حالىق تورابى
شينحۋا اگەنتتىگى، 8 - ايدىڭ 31 - كۇنى، بەيجيڭ. 9 - ايدىڭ 1 - كۇنى باسپادان شىعاتىن «ىزدەنۋ» جۋرنالىنىڭ 17 - سانىندا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ ەكىنشى جالپى جيىنىندا سويلەگەن «جاڭا دامۋ ساتىسىندا جاڭا دامۋ ۇستانىمىن دايەكتىلەندىرۋ، ءسوز جوق، جاڭا دامۋ جاعدايىن ورناتۋدى تالاپ ەتەدى» دەگەن ماڭىزدى ءسوزى جاريالانادى.
سوزدە بىلاي دەپ اتاپ كورسەتىلدى: حالىقارا جانە ەل ءىشى جاعدايىن دۇرىس تانۋ كەرەك. قازىر جانە مۇنان بىلايعى ءبىر مەزگىلدە ەلىمىزدىڭ دامۋى ءالى دە ماڭىزدى ستراتەگيالىق وراي مەزگىلىندە تۇرادى، الايدا وراي مەن سىن - سايىستىڭ بارلىعىندا جاڭا دامۋ، وزگەرىس بولادى. ءبىزدىڭ تۇجىرىمىمىز داعدارىس پەن وراي قاتار ءومىر ءسۇرىپ وتىر، داعدارىس ىشىندە وراي بار، داعدارىستى ورايعا اينالدىرۋ كەرەك، وراي ءتىپتى دە ستراتەگيالىق، بەيىمدەلگىشتىك سيپاتقا يە، سىن - سايىس ءتىپتى دە كۇردەلى، جالپى جاعدايلىق سيپاتقا يە، سىن - سايىس بۇرىن بولىپ كورمەگەن دارەجەدە، ويداعىداي توتەپ بەرە الادى ەكەنبىز، وراي دا بۇرىن بولىپ كورمەگەن دارەجەدە بولادى. وراي تانىمىن، حاۋىپ - قاتەر تانىمىن كۇشەيتىپ، وزگەرىستى دۇرىس تانىپ، وزگەرىسكە عىلمي توتەپ بەرىپ، ىرىقتىلىقپەن وزگەرىسكە تالپىنىپ، قيىندىقتان تايسالماي، حاۋىپ - قاتەردى ورايعا اينالدىرۋعا شەبەر بولىپ، جاپپاي سوتسياليستىك وسىزاماندانعان مەملەكەت قۇرۋ ءۇشىن جاقسى باستاما اشىپ، جاقسى قادام تاستاۋ كەرەك.
سوزدە بىلاي دەپ اتاپ كورسەتىلدى: جاڭا دامۋ كەزەڭىن جاپپاي يگەرۋ كەرەك. جاڭا دامۋ كەزەڭى − جاپپاي سوتسياليستىك وسىزاماندانعان مەملەكەت قۇرۋ، ەكىنشى 100 جىلدىق كۇرەس نىساناسىنا جورىق جاساۋ كەزەڭى. جاڭا دامۋ كەزەڭىنە قادام تاستاۋ − جۇڭحۋا ۇلتىنىڭ ۇلى گۇلدەنۋى سىندى تاريحي بارىستىڭ زور شارىقتاۋى. 1 - بەسجىلدىق جوبادان 14 - بەسجىلدىق جوباعا دەيىنگى بۇلجىماس نەگىزگى تاقىرىپ ەلىمىزدى سوتسياليستىك وسىزاماندانعان مەملەكەت ەتىپ قۇرىپ شىعۋ بولىپ تابىلادى. دەر كەزىندە جاپپاي دوڭگەلەك داۋلەتتى قوعام قۇرىپ شىعىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋ جۇڭحۋا ۇلتىنىڭ ۇلى گۇلدەنۋىندە تىڭ قادام تاستاۋعا مۇمكىندىك جاساپ، داۋىردەن زور دارەجەدە ارتتا قالۋدان داۋىرگە نىق قاداممەن ىلەسۋگە دەيىنگى جاڭا شارىقتاۋدى جۇزەگە اسىردى.
سوزدە بىلاي دەپ اتاپ كورسەتىلدى: ەلىمىزدىڭ سوتسياليستىك وسىزامانداندىرۋ قۇرىلىسىندا كوپتەگەن ماڭىزدى ەرەكشەلىك بار. دۇنيە جۇزىندە ءبىر قالىپتان جازبايتىن وسىزامانداندىرۋ ۇلگىسى دە، بارلىق جەرگە ۇيلەسەتىن وسىزامانداندىرۋ ولشەمى دە جوق. ءبىز ىلگەرىلەتكەن وسىزامانداندىرۋدا ءار ەلدىڭ وسىزاماندانۋىنىڭ ورتاق ەرەكشەلىگى دە، مەملەكەت جاعدايىن نەگىز ەتكەن جۇڭگوشا ەرەكشەلىك تە بار. ەلىمىزدىڭ وسىزاماندانۋى − حالىق سانى كولەمى وراسان زور وسىزامانداندىرۋ، جالپى حالىق بىرگە اۋقاتتاناتىن وسىزامانداندىرۋ، زاتتىق وركەنيەت پەن رۋحاني وركەنيەت ءوزارا سايكەسكەن وسىزامانداندىرۋ، ادام مەن تابيعات جاراسىمدى قاتار ءومىر سۇرەتىن وسىزامانداندىرۋ، بەيبىت دامۋ جولىمەن جۇرگەن وسىزامانداندىرۋ. جۇڭگوشا وسىزامانداندىرۋ ءارى جۇڭگونىڭ ءىس جۇزىندىگىنە ۇيلەسەدى، سوتسياليستىك قۇرىلىستىڭ زاڭدىلىعىن ايگىلەدى، ءارى ادامزات قوعامىنىڭ دامۋ زاڭدىلىعىن ايگىلەدى. جۇڭگوشا وسىزامانداندىرۋدى تاباندىلىقپەن ىلگەرىلەتىپ، جۇڭگوشا وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن ىلگەرىلەتىپ، ادامزاتقا ۇزدىكسىز تىڭ دا اناعۇرلىم زور ۇلەس قوسۋ كەرەك.
سوزدە مىنالار اتاپ كورسەتىلدى: جاڭا دامۋ جاعدايىن جەدەل قۇرۋ ستراتەگيالىق ويىن جالپى جاعداي جانە ستراتەگيالىق تۇرعىدان دۇرىس يگەرۋ كەرەك. جاڭا دامۋ جاعدايىن قالىپتاستىرۋ − جالپى جاعدايعا ساياتىن جۇيەلى، تەرەڭ قاتپارلى وزگەرىس، قازىرگى جاعدايدى تياناق ەتىپ، ۇزاق بولاشاقتى كوزدەيتىن ستراتەگيالىق جوسپار، ەلىمىز دامۋىنىڭ جاڭا كەزەڭىنىڭ تالابىنا ۇيلەسىپ، حالىقارالىق سەلبەستىك پەن باسەكەنىڭ جاڭا ابزالدىعىن سومداۋدىڭ تابيعي تالعامى. جاڭا دامۋ جاعدايىن قالىپتاستىرۋ − دامۋدىڭ ىرىقتىلىق ۇقىعىن يگەرۋدىڭ بەتاشارى، ول ەرىكسىزدەن جاسالعان شارا جانە ۋاقىتتىق شارا ەمەس؛ اشىق ۇستالعان ەل ءىشى – سىرتى سىندى قوس اينالىم، تۇيىقتالعان ەل ىشىندەگى جالاڭ اينالىم ەمەس؛ بۇكىل ەل بويىنشا ءبىر تۇتاس ءىرى بازار نەگىزىندەگى ەل ىشىندەگى جالپى اينالىمدى نەگىزگى تۇلعا ەتەدى، جەر - جەردىڭ ءوز الدىنا شاعىن اينالىم جاساۋى ەمەس. جاڭا دامۋ جاعدايىن قالىپتاستىرۋدا، ءسوز جوق، جاڭا دامۋ ۇستانىمىن بۇلجىتپاي دايەكتىلەندىرۋ كەرەك.
سوزدە بىلاي دەپ اتاپ كورسەتىلدى: جاڭا دامۋ جاعدايىن قالىپتاستىرۋدا بىرنەشە ماڭىزدى كۇش سالۋ ءتۇيىنىن يگەرۋ كەرەك. جاڭا دامۋ جۇيەسىن ورناتۋ − جۇيەلى ينجەنەريا، «ونى جوعارى ورىنعا قويۋمەن» بىرگە، ستراتەگيالىق جوبا مەن جوعارى دەڭگەيدە جوبالاۋدى كۇشەيتۋ، سونداي - اق «وعان تومەندى ەسكەرۋ نەگىزىندە ەگجەي - تەگجەيلى ءمان بەرىپ»، قىزمەتتىڭ كۇش سالۋ ءتۇيىنىن يگەرۋ كەرەك. ءبىرىنشى، كەمەلدى ىشكى سۇرانىم جۇيەسىن جەدەل جەتىلدىرۋ كەرەك. ەكىنشى، عىلىم - تەحنيكادا ءوز كۇشىنە سۇيەنىپ ءوزىن الۋەتتەندىرۋدى جەدەلدەتۋ كەرەك. ءۇشىنشى، كاسىپ تىزبەگى مەن قامداۋ تىزبەگىنىڭ ساپالىلانۋىن، دارەجەسىن جوعارىلاتۋدى ىلگەرىلەتۋ كەرەك. ءتورتىنشى، اۋىل شارۋاشىلىعىن، اۋىل - قىستاقتى وسىزامانداندىرۋدى ىلگەرىلەتۋ كەرەك. بەسىنشى، حالىقتىڭ تۇرمىس ساپاسىن جوعارىلاتۋ كەرەك. التىنشى، حاۋىپسىز دامۋ سىندى تومەنگى شەكتى بەرىك ساقتاۋ كەرەك.
سوزدە بىلاي دەپ اتاپ كورسەتىلدى: پارتيانىڭ جاڭا دامۋ ۇستانىمىن دايەكتىلەندىرۋگە باسشىلىق ەتۋ، جاڭا دامۋ جاعدايىن ورناتۋ قۋاتى مەن دەڭگەيىن جوعارىلاتۋ كەرەك. ستراتەگيالىق ويلاۋدى كۇشەيتىپ، ستراتەگيالىق تاباندىلىقتى ساقتاپ، جۇمىس تىندىرۋ مەن اۋقىمدى باعامداۋدى، قازىرگى جاعدايدى كوزدەۋ مەن بولاشاقتى جوسپارلاۋدى بىرلىككە كەلتىرىپ، ستراتەگيالىق ىرىقتىلىقتى مىقتاپ يگەرۋ كەرەك. حالىقتى وزەك ەتكەن دامۋ يدەياسىن دايەكتىلەندىرۋدە، حالىقتىڭ نەگىزگى تۇلعالىق ورنىندا تاباندى بولۋ كەرەك. جاپپاي سوتسياليستىك وسىزاماندانعان مەملەكەت قۇرۋدا، ءسوز جوق، ساياسيدا ىسىلعان، وسىزامانداندىرۋ قۇرىلىسىنا باسشىلىق ەتۋ قابىلەتىن ازىرلەگەن كادرلار قوسىنى بولۋ كەرەك. ەلەۋلى حاۋىپ - قاتەردەن ساقتانۋدى جانە ونى شەشۋدى توتەنشە ماڭىزدى قىزمەت ەتۋ كەرەك، تيتتەي دە بويكۇيەزدىككە سالىنۋعا بولمايدى. بۇكىل پارتيا، ءسوز جوق، العا باسۋ جولىنداعى ۇلى كۇرەستەردىڭ ۇزاق ۋاقىتتىلىعىن، كۇردەلىلىگىن، جاپالىلىعىن ايقىن تانىپ، تومەنگى شەكتە ويلاۋدا تاباندى بولىپ، تاۋقىمەت تانىمىن كۇشەيتىپ، كۇرەس رۋحىن ساۋلەلەندىرىپ، كۇرەس جۇرگىزۋ قابىلەتىن جوعارىلاتۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
