سەلبەستىك كووپەراتيۆى اتويشى بولدى، ءجۇزىمنىڭ ساتىلۋ جولى كەڭەيدى
□ انار بۇلت \ شينجياڭ گازەتىنىڭ ءتىلشىسى ءپاريزات ابدۇل، ەرىكتى ءتىلشى ليۋ شاۋبين
2022.08.30 16:47 كەلۋ قاينارى : شينجياڭ گازەتى
8 - اي ءدال ءجۇزىم پىساتىن مەزگىل، مامەتتۇرسۇن مامەتنياز ءبىر جىلداعى ەڭ قاربالاس مەزگىلگە ءوتتى. ”سەلبەستىك كووپەراتيۆى اقسۋداعى ءجۇزىم شىرىنىن وندىرەتىن ءبىر كاسىپورىنمەن 8000 توننا ءجۇزىم ساتۋ توقتامىن جاساستى، بۇگىننەن باستاپ ءجۇزىم ەككەن وتباسىلارىنىڭ اتىزىنا بارىپ ءجۇزىم ساتىپ الامىن“، - دەدى 8 - ايدىڭ 24 - كۇنى مامەتتۇرسۇن.
52 جاستاعى مامەتتۇرسۇن قاراقاش اۋدانى كاۋاك اۋىلى شىنا قىستاعىنىڭ تۇرعىنى، ول ەرتەدەن باستاپ - اق اكە - شەشەسىنە كومەكتەسىپ ءجۇزىم ەگىپ، ءجۇزىم جيناپ، ءجۇزىم ساتقان، قىستاقتاعى ءجۇزىم كەلىستىرۋشىلەرىنە ەرىپ شينجياڭنان سىرت جەرلەرگە بارىپ ساۋدا ىستەگەن. 2013 - جىلى ول شىنا قىستاعىنداعى تۇرعىندارمەن بىرگە قاراقاش اۋدانى شىنا ەگىن، مال، ورمان شارۋاشىلىعى شارۋالار كاسىپتىك سەلبەستىك كووپەراتيۆىن قۇرىپ، 600 مۋ جەرگە ءجۇزىم ەكتى، سونىمەن بىرگە ءجۇزىمدى جيناۋ، وڭدەۋ جانە ساتۋمەن شۇعىلداندى. سەلبەستىك كووپەراتيۆى وندىرگەن مەيىز بەيجيڭ، گۋاڭدۇڭ سياقتى شالعاي جەرلەرگە ساتىلدى.
”ءار جىلى 5 - ايدىڭ سوڭىنان باستاپ ءجۇزىمدى توڭىرەكتەپ، كەلەسى جىلى 4 - ايعا دەيىن سوندا ابىگەر بولامىز“. ءجۇزىمدى ساتۋدان ءسوز قوزعاعان مامەتتۇرسۇن ءسوز تيەگىن اعىتا بىلاي دەدى: ”5 - ايدىڭ سوڭعى شەنىندە ءبىز ءجۇزىم جاپىراعىن ساتىپ الا باستايمىز، مۇنى 8 - ايدىڭ سوڭىنا دەيىن ىستەيمىز، بيىل 12 توننا ساتىپ الدىق، 8 - ايدىڭ 20 - كۇندەرىنە تاياۋ ءجۇزىم پىسادى، سونىمەن ءجۇزىم ۇزۋمەن، وڭدەۋمەن قاربالاستايمىز، جاڭا ءجۇزىم، نەگىزىنەن، شينجياڭنىڭ ىشىندە ساتىلادى، ال مەيىزدى ءبىز وڭىنە، ۇلكەن - كىشىلىگىنە، ساپاسىنا قاراي دارەجەگە ايىرامىز، ودان سوڭ قوراپتاپ ەل ىشىندەگى وزگە ولكە، قالالارعا ساتامىز“.
مامەتتۇرسۇن تۇرعان كاۋاك اۋىلىندا ءجۇزىم ەگىلگەن جەر اۋدانى 24 مىڭ مۋ، جىلىنا مولشەرمەن 40 مىڭ توننا جاس ءۇزىم وندىرىلەدى، ءجۇزىم كىرىسى شارۋالاردىڭ جان باسىندىق تازا كىرىسىنىڭ ％40ىن يەلەيدى. بيىل ءجۇزىم پىسقان مەزگىل ىندەتكە ءدوپ كەلدى، كاۋاك اۋىلدىق پارتكوم مەن ۇكىمەت اۋىل شارۋاشىلىق ونىمدەرى تاسىمالىنىڭ ”جاسىل ارناسىن“ اشۋ، ينتەرنەت جەلىسىندە ساتۋ تۇعىرىن قۇرۋ سياقتى تاسىلدەر ارقىلى ءجۇزىمنىڭ ساتىلۋ ارناسىن ىركىلىسسىزدەندىردى.
سوڭعى جىلدارى كاۋاك اۋىلدىق پارتكوم مەن ۇكىمەتتىڭ كومەگىندە، شىنا ەگىن، مال، ورمان شارۋاشىلىعى شارۋالار كاسىپتىك سەلبەستىك كووپەراتيۆى ىلگەرىندى - كەيىندى زاۆود ۇيلەرىن كەڭەيتىپ سالدى، وزىق جابدىقتاردى ەنگىزدى، ساۋدا دۇكەندەرىن اشتى، تاعى ينتەرنەت جەلىسىنەن پايدالاندى. ”قازىر سەلبەستىك كووپەراتيۆىمىزدىڭ ءجۇزىم ونىمدەرى ەلەكتروندى ساۋدا ارقىلى دا ساتىلادى. بيىل ينتەرنەتتەگى دۇكەندەردىڭ ساتۋ سوماسى 70 مىڭ يۋانعا جەتتى، 24 ادامدى جۇمىسقا قابىلدادى“، - دەدى مامەتتۇرسۇن.
وسى بىرنەشە كۇندە مامەتتۇرسۇنعا تاعى جاقسى حابار كەلدى. ”تاعى ءبىر ساتۋ توقتامىنا قول قويىلۋ الدىندا تۇر، بەيجيڭگە 30 توننا مەيىز ساتىلاتىن بولدى“، - دەدى ول.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
