بايلىق باسىمدىعى دامۋ باسىمدىعىنا جەدەل وزگەرۋدە
الدىڭعى 7 ايدا مەملەكەت قارجى قوسۋ توبى لوپنۇر كالي تۇزى سەرىكتەستىگىنىڭ پايدا جالپى سوماسى 2 ميلليارد 579 ميلليون يۋان بولدى
2022.08.30 16:45 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى شى شين 8 - ايدىڭ 28 - كۇنى ۇرىمجىدەن حابارلايدى. الدىڭعى 7 ايدا مەملەكەت قارجى قوسۋ توبى شينجياڭ لوپنۇر كالي تۇزى شەكتى جاۋاپكەرشىلىك سەرىكتەستىگى ساتۋ كىرىسىن 5 ميلليارد 587 ميلليون يۋانعا جەتكىزىپ، پايدا جالپى سوماسى 2 ميلليارد 579 ميلليون يۋان بولىپ، ءبىر ميلليارد 700 ميلليون يۋان سالىق تاپسىردى. لوپنۇر كالي تۇزى بايلىعىن اشۋ شينجياڭنىڭ جەرگىلىكتى ەكونوميكاسىنىڭ دامۋىنداعى ماڭىزدى تىرەكتەردىڭ بىرىنە اينالدى، بايلىق باسىمدىعى دامۋ باسىمدىعىنا جەدەل وزگەرۋدە.
لوپنۇر تۇز كولى چارقىلىق اۋدانىنىڭ ىشىندە، ەلىمىزدەگى چيڭحاي چارعان تۇز كولىنەن كەيىنگى قازىرگە دەيىن بايقالعان بىردەن - ءبىر كەڭ كولەمدى كالي قۇرامدى سور سۋ كەن قورى. 2000 - جىلى 9 - ايدا، مەملەكەت قارجى قوسۋ توبى لوپنۇر كالي تۇزى سەرىكتەستىگى وسىندا كالي تۇزىن اشۋدىڭ شىمىلدىعىن اشتى.
”ءبىز لوپنۇردىڭ تابيعي سور سۋ بايلىعىن اشىپ، كۇكىرت قىشقىل كالي جاساپ الۋدى باستى كاسىپ ەتەمىز، نازاردى جوعارى ساپالى دامۋ نىساناسىنا شوعىرلاندىرىپ، رەفورمانى ۇزدىكسىز تەرەڭدەتىپ، بايلىق، بازار، جاڭالىق اشۋ ستراتەگياسىن زور كۇشپەن اتقارىپ، كۇكىرت قىشقىل كاليدىڭ جىلدىق ورتاشا ءونىم مولشەرىن ءبىر ميلليون 600 مىڭ توننا مولشەرىنە جەتكىزدىك، بۇكىل الەمدەگى ەڭ ۇلكەن دارا كۇكىرت قىشقىل كالي وندىرەتىن كاسىپورىنبىز، مەملەكەتتىك جاساۋ كاسىبى سالاسىنداعى جەكە تۇردە اعا جۇلدەگەرلىكتى العان ۇلگى كورسەتەتىن كاسىپورىنبىز“، - دەدى مەملەكەتتىك قارجى قوسۋ توبى لوپنۇر كالي تۇزى سەرىكتەستىگى پارتكومىنىڭ شۋجيى، باس ديرەكتور لي شوۋجياڭ.
لوپنۇردىڭ ەجەلدەن ”اجال تەڭىزى“ دەگەن اتى بار. مەملەكەتتىك قارجى قوسۋ توبى لوپنۇر كالي تۇزى سەرىكتەستىگى كوپتەگەن قيىنشىلىقتى جەڭىپ، 5 جىلعا جەتپەيتىن ۋاقىتتا، قۇرامىندا كالي بار كۇكىرت قىشقىل ماگني قوسالقى سور سۋدان كۇكىرت قىشقىل كالي جاساۋدىڭ دۇنيە جۇزىلىك قيىن ماسەلەسىنەن قامال الدى؛ 2 جىلدان استام ۋاقىتتا، كەزەكتە دۇنيە جۇزىندەگى ءوندىرىس كولەمى ەڭ ۇلكەن، ءونىم ساپاسى ەڭ جاقسى كۇكىرت قىشقىل كالي ءوندىرۋ قوندىرعىسىن قۇرىپ، ەلىمىزدى ءبىر جولدا دۇنيە جۇزىندەگى كۇكىرت قىشىل كالي وندىرەتىن ءىرى ەلدەردىڭ قاتارىنا ەنگىزدى، كالي تىڭايتقىشىمەن ءوزىن قامداۋ مولشەرى ％50تەن اسادى، ەلىمىزدىڭ دۇنيە ءجۇزى كالي تىڭايتقىشى بازارىنداعى سويلەۋ ۇقىعىن بارىنشا جوعارىلاتتى.
لي شوۋجياڭ بىلاي دەپ تانىستىردى: سوڭعى 2 جىلدا مەملەكەت قارجى قوسۋ توبى لوپنۇر كالي تۇزى سەرىكتەستىگى ”عىلىم - تەحنيكا رەفورماسىنان ۇلگى كورسەتۋ ارەكەتىن“ كۇش سالا اتقارىپ، لوپنۇر تۇز كولى بايلىعىن بارلاۋ، زەرتتەۋ، ءوندىرىس تەحنولوگياسىن ءوسىرۋ، زەردەلى جاساۋ، تۇز كولى بايلىعىنان كەشەندى پايدالانۋدىڭ كاسىپتەندىرىلگەن تەحنيكاسى، جاڭاشا جوعارى ءونىمدى كالي تىڭايتقىشى جاڭا ءونىمىن اشۋ سياقتى جاقتارداعى ۇسىنىلىمدى ارتتىرىپ، بايلىقتىڭ ساتىلاي كوپ نەگىزدى، جوعارى ءونىمدى اشىلۋىن، پايدالانىلۋىن جەدەل ىلگەرىلەتىپ، كاسىپ سالاسى تىزبەگىن، قۇن تىزبەگىن ۇزدىكسىز ۇزارتىپ، كاسىپ تىزبەگىنىڭ سايكەسۋىن، سەلبەسۋىن ىلگەرىلەتتى.
قازىر مەملەكەتتىك قارجى قوسۋ توبى لوپنۇر كالي تۇزى سەرىكتەستىگىنىڭ اۋىل شارۋاشىلىعىنا پايدالانىلاتىن كۇكىرت قىشقىل كالي، كۇكىرت قىشقىل كاليلى ماگني تىڭايتقىشى، تەز ەريتىن كۇكىرت قىشقىل كالي سياقتى 10 نەشە ءتۇرلى ”لوپنۇر“ ماركاسى ءونىمى بار. لوپنۇر تۇز كولى ەسكى سور سۋىنان ليتي ايىرۋ، بروم ايىرىپ كەشەندى پايدالانۋ نىسانى جەدەل ىلگەرىلەتىلۋدە، لوپنۇر تۇز كولى ەسكى سور سۋىنان ليتي ايىرۋ نىسانى ينجەنەريالىق قۇرىلىس ساتىسىنا ءوتۋ الدىندا تۇر.
مەملەكەت قارجى قوسۋ توبى لوپنۇر كالي تۇزى سەرىكتەستىگى قۇرىلعاننان بۇگىنگە دەيىن، جيىنى 20 نەشە ميلليون توننا كۇكىرت قىشقىل كالي ءونىمىن ءوندىردى، ساتتى، جيىنى 12 ميلليارد 980 ميلليون يۋان سالىق اقىسىن تاپسىردى ءارى قوعامعا 4000نان استام جۇمىستانۋ ورنىن ازىرلەدى، سەرىكتەستىكتىڭ ％90تەن استامى شينجياڭدىق قىزمەتكەر، سونىمەن بىرگە تەمىر جول تاسىمالى، زات اينالىمى، قۇرىلىس، قىزمەت وتەۋ كاسىبى، قورا - جاي كاسىبى سياقتى قاتىستى كاسىپتەردىڭ دامۋىن دا جەتەكتەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
