9 – ايدا مىناداي جاڭا بەلگىلەمەلەر اتقارىلادى
2022.08.29 16:12 كەلۋ قاينارى : حالىق تورابى
9 – اي باستالىسىمەن، تاعى ءبىر توپ جاڭا بەلگىلەمەلەر اتقارىلادى، بۇل بەلگىلەمەلەر وقۋ – اعارتۋ، مەديتسينالىق قامسىزداندىرۋ، ەكولوگيانى قورعاۋ، ەلەكترلى ۆەلوسيپەت حاۋىپسىزدىگى قاتارلى جاقتارعا سايادى.
ەڭبەك ساباعى الدا «دەربەس» ساباق رەتىندە وتىلەدى
ورتا ەسەپپەن اپتاسىنا كەمىندە ءبىر ساعات وتىلەدى
5 – ايدا، وقۋ – اعارتۋ مينيسترلىگى «مىندەتتى وقۋ – اعارتۋ كەزەڭىندەگى ەڭبەك ساباعىنىڭ ولشەمىن (2022 – جىلعى نۇسقاسى)» جاريالاعان، ورتا، باستاۋىش مەكتەپتەر بيىل كۇزگى وقۋ ماۋسىمىنان باستاپ ەڭبەك ساباعىن ورنالاستىرادى ءارى ون مىندەت توبىن قۇرادى. 9 – ايدان باستاپ، كوكونىس ەگۋ، تاماق جاساۋ، وتباسىلىق ەلەكترلى جابدىقتارىن جوندەۋ قاتارلىلار وقۋ كەزەڭىندەگى نىسانالار قاتارىنا ەنگىزىلەدى.
8 – ايدىڭ 2 – كۇنى، سىچۋان ولكەلىك وقۋ – اعارتۋ مەڭگەرمەسى وقۋلىقتى باسقارۋعا قاتىستى بىرنەشە ەگجەي – تەگجەيلى ەرەجەنى باسىپ تاراتقان، بۇلاردىڭ بارلىعى 2022 – جىلى 9 – ايدىڭ 1 – كۇنىنەن باستاپ اتقارىلادى، كۇشىنە يە مەرزىمى 5 جىل بولادى.
بالالار باقشاسى مەن باستاۋىش مەكتەپ ۇشتاستىرىلادى
باستاۋىش مەكتەپتىڭ 1 – جىلدىعىنىڭ الدىڭعى ماۋسىمى ۇيلەسۋ مەزگىلى بولىپ ورنالاستىرىلادى
2021 – جىلى 3 – ايدا، وقۋ – اعارتۋ مينيسترلىگى «بالالار باقشاسى مەن باستاۋىش مەكتەپتى عىلىمي ۇشتاستىرۋدى كۇش سالا ىلگەرىلەتۋ جونىندەگى جەتەكشى پىكىردى» جاريالاعان، «پىكىردە» مىنالار ايقىندالعان: باستاۋىش مەكتەپتە وقۋعا تۇسۋگە ۇيلەسۋ تاربيەسى اتقارىلىپ، 1 – جىلدىقتىڭ الدىڭعى وقۋ ماۋسىمى وقۋعا تۇسۋگە ۇيلەسۋ مەرزىمى بولىپ بەلگىلەنەدى. 2022 – جىلى كۇزگى وقۋ ماۋسىمى باستالعان سوڭ، ءارقايسى ولكەلەر (اۆتونوميالى رايون، توتە قاراستى قالا) وقۋعا تۇسۋگە دايىندالۋ جانە وقۋعا تۇسۋگە ۇيلەسۋ جاقتارىندا تاربيەلەۋدى جاپپاي ىلگەرىلەتەدى.
قامسىزداندىرۋ مال – مۇلكىن باسقاراتىن سەرىكتەستىكتەردى باقىلاۋ – باسقارۋ كۇشەيتىلەدى
8 – ايدىڭ 5 – كۇنى، بانكە – قامسىزداندىرۋ ىستەرىن باقىلاۋ – باسقارۋ كوميتەتى «قامسىزداندىرۋ مال – مۇلكىن باسقاراتىن سەرىكتەستىكتەردى باسقارۋ بەلگىلەمەسىن» جاريالادى، 9 – ايدىڭ 1 – كۇنىنەن باستاپ اتقارىلادى.
تولىقتاپ بەلەت الۋ ەلەكترونداندىرىلادى
جولاۋشىلاردىڭ ءجۇرىس – تۇرىسىنا قولايلىلىق جاسالادى
چاڭجياڭ اتىراۋىنداعى تەمىر جول تاراۋلارى 9 – ايدىڭ 1 – كۇنىنەن باستاپ تولىقتاپ بەلەت الۋدى ەلەكترونداندىرۋدى جالپىلاستىرىپ اتقارادى. سول كەزدە چاڭجياڭ اتىراۋىنداعى تەمىر جولدارداعى بارلىق جولاۋشى تاسىمالى بەكەتتەرى مەن جولاۋشىلار پويەزدەرى (قالا ىشىندەگى تەمىر جولدار قامتىلمايدى) تولىقتاپ بەلەت الۋدى ەلەكترونداندىرۋدى جاپپاي جالپىلاستىرادى.
مەديتسينالىق قامسىزداندىرۋ جەكەلىك تىركەلگىسىندەگى اقشانى شىعارىپ الۋعا بولمايدى
باعىتتامالى پايدالانۋ ىسكە اسىرىلادى
جۋىردا، بەيجيڭ قالالىق مەديتسينالىق قامتاماسىزداندىرۋ مەكەمەسى ۇقتىرۋ شىعارىپ، 2022 – جىلى 9 – ايدىڭ 1 – كۇنىنەن باستاپ، مەديتسينالىق قامسىزداندىرۋ جەكەلىك تىركەلگىسىندەگى قاراجاتتى ەسەپكە قوندىرىپ باسقارۋدى ايقىندادى، قامسىزداندىرۋعا قاتىناسقانداردىڭ قالاعانىنشا شىعارىپ الۋىنا بولمايدى، باعىتتامالى پايدالانۋ ىسكە اسىرىلادى. 9 – ايدىڭ 1 – كۇنىنەن بۇرىن مەديتسينالىق قامسىزداندىرۋعا ارناۋلى پايدالاناتىن امانات داپتەرشەسىندەگى جەكەلىك تىركەلگىگە ساقتالعان قاراجاتتى قامسىزداندىرۋعا قاتىناسۋشىلاردىڭ بۇدان بىلاي دا كەز كەلگەن ۋاقىتتا شىعارىپ الۋىنا بولادى.
ءۇي مايلاۋ بازارىنداعى بىلىققان جاعدايلاردى جونگە سالادى
بۇقارانىڭ قونىستانۋ قاجەتىن قامتاماسىزداندىرادى
8 – ايدىڭ 26 – كۇنى، بەيجيڭ قالاسى «بەيجيڭ قالاسىنىڭ تۇرعىن ءۇيدى مايعا الۋ ەرەجەسىن» باسىپ تاراتتى، 2022 – جىلى 9 – ايدىڭ 1 – كۇنىنەن باستاپ اتقارىلادى. «ەرەجەدە» باستىسى مايعا بەرىلەتىن تۇرعىن ۇيمەن قامداۋدى ارتتىرىپ، ءۇي ينفورماتسياسىن جالعاننان جاريالاۋدى تەجەپ، ءۇي مايلاۋ بازارىنداعى بىلىققان جاعدايدى جونگە سالىپ، بۇقارانىڭ قونىستانۋ قاجەتىن قامتاماسىزداندىرۋ قاتارلى جاقتار قامتىلعان.
ەكولوگيالىق وركەنيەت جونىندەگى ءتالىم - تاربيە ىلگەرىلەتىلەدى
قاينارىنان باستاپ مىقتى ۇستاپ، باقىلاۋ – باسقارۋدى كۇشەيتىپ، ەكولوگيالىق ورتا قورعالادى
«جياڭسۋ ولكەسىنىڭ ەكولوگيالىق وركەنيەت جونىندەگى ءتالىم - تاربيەنى ىلگەرىلەتۋ ءادىسى» مەن «جياڭسۋ ولكەسىنىڭ توپىراقتىڭ لاستانۋىنان ساقتانۋ ەرەجەسى» بيىل 9 – ايدىڭ 1 – كۇنىنەن باستاپ اتقارىلادى.
ەلەكترلى ۆەلوسيپەت حاۋىپسىزدىگىن باسقارۋ كۇشەيتىلەدى
انحۇي، فۋجيان، جياڭشي قاتارلى جەرلەر قاتىستى بەلگىلەمەلەردى ورتاعا قويىپ، ەلەكترلى ۆەلوسيپەتتى توقتاتۋ، زاريادتاۋ، تىزىمگە الدىرۋ، جۇرگىزۋ قاتارلىلاردى جۇيەگە تۇسىرەدى، 9 – ايدىڭ 1 – كۇنىنەن باستاپ اتقارىلادى. «انحۇي ولكەسىنىڭ ورتتەن ساقتانۋ ەرەجەسىندە» ەلەكترلى ۆەلوسيپەتتى بەلگىلەمەگە قايشى توقتاتۋعا نەمەسە زاريادتاۋعا تيىم سالىنادى دەپ بەلگىلەنگەن؛ «فۋجوۋ قالا رايونىندا ەلەكترلى ۆەلوسيپەتتى تىزىمگە الدىرۋدى باسقارۋ ادىسىندە» سارى تاقتالى ەلەكترلى ۆەلوسيپەتتەرگە قوسىمشا قىزىل، جاسىل بەلگى سالىپ باسقارۋ بەلگىلەنگەن؛ جياڭشيدىڭ يچۇن قالاسى ۇقتىرۋ جاريالاپ، ءنومىر تاقتاسى جوق، ولشەمگە تولمايتىن ەلەكترلى ۆەلوسيپەتتەردى جولدا مىنۋگە تيىم سالعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
