شينجياڭ ۇيعۇر اۆتونوميالى رايوندىق 13 - كەزەكتى حالىق ۇكىمەتى 174 - رەتكى ۇنەمىلىك ىستەر ءماجىلىسىن اشتى
2022.08.29 14:39 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى لي ياڭ 8 - ايدىڭ 27 - كۇنى ۇرىمجىدەن حابارلايدى. 8 - ايدىڭ 27 - كۇنى تۇستەن كەيىن اۆتونوميالى رايوننىڭ ءتوراعاسى ەركىن تۇنياز اۆتونوميالى رايوندىق 13 - كەزەكتى حالىق ۇكىمەتىنىڭ 174 - رەتكى ۇنەمىلىك ىستەر ءماجىلىسىن باسقارىپ اشتى، ءماجىلىسىن ”14 - بەسجىلدىق“ مەزگىلىندە شينجياڭنىڭ كومىر الاپتارىندا ءورت ءسوندىرۋ قىزمەتىن جەدەلدەتۋ، مەملەكەتتىك كەڭەستىڭ 9 - رەتكى جاپپاي باقىلاۋ - تەكسەرۋىن ويداعىداي ورنالاستىرۋ، سايكەسۋ، ىندەتتەن ساقتانۋ - تىزگىندەۋدەن قامال الۋ شايقاسىندا مىعىم قايراتپەن جەڭىسكە جەتۋ سياقتى قىزمەتتەردى اقىلداستى.
ءماجىلىس مىنالاردى اتاپ كورسەتتى: شينجياڭنىڭ كومىر بايلىعى مول، الايدا وزگەشە كليماتتىڭ جانە كومىر قاباتىنىڭ ساقتالۋ شارت - جاعدايىنىڭ ىقپالىنان رايونىمىزدىڭ كومىر الاپتارىندا ءورت اپاتى وڭاي، كوپ تۋىلاتىندىقتان، كومىر الاپتارىندا ءورت ءسوندىرۋ مىندەتى جاپالى بولىپ وتىر. ”14 - بەسجىلدىق“ مەزگىلىندە باس شۋجي شي جينپيڭنىڭ ءوندىرىس حاۋىپسىزدىگى جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، تياناقتاندىرىپ، دامۋ مەن حاۋىپسىزدىكتى ءبىر تۇتاس جوسپارلاپ، كومىر الابىنداعى ورتەنگەن اۋماقتاردى باسقارۋدى كۇشەيتىپ، كومىر الاپتارىندا ءورت اپاتىن باقىلاۋ - تەكسەرۋدى، ساقتاندىرۋدى كۇشەيتىپ، كومىر الابىنداعى ورتەنگەن اۋماقتاردىڭ ساقتالۋ مولشەرىن قۇلشىنا جويىپ، كومىر الابىنداعى ورتەنگەن اۋماقتاردىڭ مولشەرىنىڭ ارتۋىنان ءونىمدى ساقتانىپ جانە تىزگىندەپ، ”كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ“ ستراتەگيالىق نىساناسىن جۇزەگە اسىرۋعا، مەملەكەت جەرى كەڭىستىگىن اشۋدىڭ، قورعاۋدىڭ جاڭا ارناسىن قالىپتاستىرۋعا پارمەندى تىرەك ازىرلەۋ كەرەك. كومىر الابىنداعى ورتەنگەن اۋماقتاردى جونگە سالۋ جاۋاپكەرشىلىگىن تياناقتاندىرىپ، شينجياڭنىڭ كومىر الابىنداعى ءورت اپاتىن باقىلاۋ - تەكسەرۋ، ساقتاندىرۋ جۇيەسىن قۇرىپ، كەمەلدەندىرىپ، عىلمي زەرتتەۋ تەبىنىن ارتتىرىپ، كومىر الابىندا ءورت ءسوندىرۋدىڭ عىلىم - تەحنيكالىق دەڭگەيىن، ءورت ءسوندىرۋ ساپاسىن جانە جالپىلىق ونىمدىلىگىن ۇزدىكسىز جوعارىلاتىپ، كومىر الابىنداعى ورتەنگەن اۋماقتاردى جونگە سالۋ اياق الىسىن جەدەلدەتۋ كەرەك.
ءماجىلىس مىنالاردى باسا دارىپتەدى: مەملەكەتتىك كەڭەستىڭ 9 - رەتكى زور باقىلاۋ - تەكسەرۋى ءارى رايونىمىزدىڭ پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن دايەكتىلەندىرۋىنە، تياناقتاندىرۋىنا قاراتىلعان ”ساياسي تەكسەرۋ“، ءارى شينجياڭنىڭ جوعارى ساپالى دامۋدى ىلگەرىلەتۋىنە بولعان پارمەندى جەبەۋ، اسىرەسە، جەر - جەردىڭ، تاراۋلاردىڭ قىزمەت ستيلىن جاقسارتۋىن، قىزمەت قابىلەتى دەڭگەيىن جوعارىلاتۋىن ىلگەرىلەتۋدەگى ءتيىمدى وراي. ساياسي دەڭگەيدى اناعۇرلىم جوعارىلاتىپ، دۇرىس پوزيتسيامەن، تەرەڭ تانىممەن، پارمەندى ارەكەتپەن زور باقىلاۋ - تەكسەرۋ قىزمەتىنە بار كۇشپەن سايكەسۋ كەرەك. ماسەلەنى باعدار ەتۋدى كورنەكتىلەندىرىپ، باقىلاۋ - تەكسەرۋدىڭ ماڭىزدى مازمۇنىمەن سالىستىرىپ، ولشەمگە تۋرالانۋدى، ۇلگىگە تۋرالانۋدى، ەسەپكە تۋرالانۋدى مۇقيات، ەگجەي - تەگجەيلى جۇرگىزىپ، ساياسات - شارالاردىڭ تياناقتانۋ جاعدايى مەن ماسەلەلەردى رەتتەۋ - تۇزەتۋ جاعدايىن جالپى بەتتىك سالالاۋ، سونداي - اق وسى رەتكى زور باقىلاۋ - تەكسەرۋدى وراي ەتىپ، ولقىلىقتى تولىقتاپ، ءالسىز تۇستاردى كۇشەيتىپ، تاعاندى بەرىكتەپ، باسىمدىقتى ساۋلەلەندىرىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرى مەن ورنالاستىرۋلارىنىڭ ناقتى تياناقتانۋىنا، ناقتى ونىمدىلىككە قول جەتكىزۋىنە شىنايى كەپىلدىك ەتۋ كەرەك.
ءماجىلىس مىنالاردى اتاپ كورسەتتى: نولگە ءتۇسىرۋ نىساناسىن قاداعالاي وتىرىپ قامال الىپ، توسقاۋىلداردى بۇزىپ، 9 - نۇسقاداعى ساقتانۋ - تىزگىندەۋ جوباسىنىڭ تالابىن قاتاڭ تياناقتاندىرىپ، كۇشتى شوعىرلاندىرىپ ءتۇيىندى اۋماقتارعا، ءتۇيىندى ورىندارعا، ءتۇيىندى ادامدار شوعىرىنا تالداۋ جۇرگىزۋدى، تۇجىرىمداۋدى جانە ”قايتا قاداعالاۋدى“ كۇشەيتۋ كەرەك. ءتۇيىندى وڭىرلەر قازىرگى ىندەتتەن ساقتانۋ - تىزگىندەۋدىڭ جاعدايىن جانە ءتۇيىندى مىندەتتەرىن دالمە - ءدال يگەرىپ، ماسەلەنى باعدار ەتۋگە تاباندى بولىپ، قىزمەت ونىمدىلىگىن جوعارىلاتىپ، تەكسەرۋ، بولىمدى بولعانداردى قاداعالاۋ، اۋىستىرىپ تاسىمالداۋ، ەپيدەميولوگيالىق تەكسەرۋ سياقتى ساقتانۋ - تىزگىندەۋ شارالارىن ونان ارى قاتاڭ، دالمە - ءدال، جوعارى ءونىمدى تياناقتاندىرۋ كەرەك. قوعامدىق جاقتاعى قىزمەتكەرلەردى جابىق باسقارۋدى قاتايتىپ، قوعامدىق جاقتاعى ىندەت حاۋىپ - قاتەرىن ەڭ زور قۇلشىنىسپەن تومەندەتۋ كەرەك. حالىقتى بارىنەن جوعارى قويۋعا تاباندى بولىپ، بۇقارانىڭ اڭىس ەتكەن تىلەك - تالاپتارىن ءبىر - بىردەن قاداعالاي شەشىپ، ”قارتتارعا، ءالسىز ادامدارعا، ناۋقاستارعا، مۇگەدەكتەرگە، بالالارعا، جۇكتى ايەلدەرگە“ جانە قيىنشىلىعى بار قاۋىمعا قامقورلىق كورسەتۋ، قىزمەت وتەۋ قىزمەتىن شىن مانىندە ويداعىداي ىستەپ، بۇقاراعا پارتيا مەن ۇكىمەتتىڭ مەيىرىن سەزىندىرۋ كەرەك.
ءماجىلىس باسقا دا ىستەردى اقىلداستى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
