ءوندىرۋ، قامداۋ جەتكىلىكتى، قىزمەت وتەۋ، قامتاماسىزداندىرۋ تىڭعىلىقتى بولدى
□ انار بۇلت \ شينجياڭ گازەتىنىڭ تىلشىلەرى
2022.08.29 14:43 كەلۋ قاينارى : شينجياڭ گازەتى
قازىر رايونىمىزدىڭ ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە جەتۋ ەڭ تىعىز تاياڭ، ەڭ شەشۋشى كەزەڭدە تۇر، جەر - جەر ىندەتتەن ساقتانۋ - تىزگىندەۋدى ويداعىداي ىستەۋ العى شارتىندا، زات اينالىمىنىڭ ىركىلىسسىزدىگىنە كەپىلدىك ەتۋ، تىزبەكتى ورنىقتىرىپ قامداۋ، قيىنشىلىق قىسپاعىنان قۇتىلدىرۋ قىزمەتتەرىن بار كۇشپەن ويداعىداي ىستەپ، ىندەتتىڭ ەكونوميكالىق، قوعامدىق دامۋعا جانە بۇقارانىڭ وندىرىسىنە، تۇرمىسىنا جاساعان ىقپالىن ەڭ زور شەكتە ازايتتى.
بىرنەشە كۇننەن بەرى بۇكىل رايونداعى مۇناي - تابيعي گاز وندىرەتىن كاسىپورىندار جابىق باسقارۋ شارالارىن قاتاڭ تياناقتاندىرىپ، تۇگەلدەي جوسپار بويىنشا قالىپتى ءوندىرىس جۇرگىزدى، مۇناي - تابيعي گاز ءونىم مولشەرى ورنىقتى، بازاردىڭ قامداۋى جەتكىلىكتى بولدى.
بۇكىل رايونداعى ءتۇيىندى مۇناي، تابيعي گاز وندىرەتىن جانە ساتاتىن كاسىپورىنعا قاراتىلعان كۇندىك قاداعالاۋ ساندى مالىمەتتەرىندە كورسەتىلۋىنشە، 8 - ايدىڭ 10 - كۇنىنەن 22 - كۇنىنە دەيىن رايونىمىزدىڭ شيكى مۇناي - تابيعي گاز، كومىردەن ايرىلعان گازىنىڭ كۇندىك ورتاشا ءونىم مولشەرى 8 - ايدىڭ 9 - كۇنىندەگىمەن سالىستىرعاندا نەگىزىنەن قارايلاس بولعان؛ وڭدەلگەن مۇنايدىڭ كۇندىك ورتاشا ساتىلۋ مولشەرى 8 - ايدىڭ 9 - كۇنىندەگىدەن ازىراق تومەندەگەن، تابيعي گازدىڭ كۇندىك تۇتىنىلۋ مولشەرى 8 - ايدىڭ 9 - كۇنىندەگىمەن سالىستىرعاندا نەگىزىنەن قارايلاس بولعان. مۇناي - تابيعي گازدىڭ ءوندىرىلۋى مەن ساتىلۋى جالپى جاقتان ورنىقتى، قورى مول، قامداۋى جەتكىلىكتى بولعان، اسىرەسە، وڭدەلگەن مۇنايدىڭ قورى تاريحتاعى جوعارى دەڭگەيدە بولىپ، بۇكىل رايوننىڭ قالىپتى وندىرىسكە، تۇرمىسقا پايدالانىلاتىن مۇناي - تابيعي گاز قاجەتىن قاناعاتتاندىرا الادى.
وسى رەتكى ىندەت تۋىلعاننان بەرى اۆتونوميالى رايوندىق دامۋ جانە رەفورما كوميتەتى ىندەتتەن ساقتانۋ - تىزگىندەۋ مەن ەنەرگيامەن قامداۋدى قامتاماسىز ەتۋ قىزمەتىن ءبىر تۇتاس جوسپارلاپ، حالىق تۇرمىسى تومەنگى شەگىن مىقتى ساقتاپ، مۇناي - تابيعي گازدىڭ ءوندىرىلۋىن، ساتىلۋىن قاداعالاۋدى كۇشەيتىپ، جۇمىس جۇرگىزۋدى، ورنالاستىرۋدى ساپالىلاندىرىپ، مۇناي - تابيعي گاز ءوندىرۋ كاسىپورىندارىن ءوندىرىستى عىلمي ۇيىمداستىرۋعا قۋزاپ، مۇناي - تابيعي گاز ءوندىرىسىنىڭ ورنىقتىلىعىنا شىنايى كەپىلدىك ەتتى.
بۇكىل رايونداعى مۇناي - تابيعي گاز ءوندىرۋ كاسىپورىندارى قاتاڭ تۇردە ىندەتتەن ساقتانۋ - تىزگىندەۋ تالابى بويىنشا، ىندەتتەن ساقتانۋ - تىزگىندەۋ ساياساتىن ءدال يگەرىپ، عىلمي، دالمە - ءدال، جوعارى ءونىمدى بولۋعا، اۋماققا، دارەجەگە ءبولىپ باسقارۋ - تىزگىندەۋگە، جابىق وندىرۋگە، باسقارۋعا تاباندى بولىپ، كاسىپورىننىڭ ءوزىنىڭ ىندەتتەن ساقتانۋ - تىزگىندەۋىن جانە قىزمەتكەرلەردى باسقارۋدى بەلسەنە ويداعىداي ىستەدى. ”اۆتوكولىكتەردى قاتاڭ زارارسىزداندىرۋعا، قىزمەتكەرلەردى جۋىستىرماۋعا، جۇمىستاردى ارالاستىرماۋعا“ تاباندى بولىپ، ىندەتتىڭ حاۋىپ - قاتەرىن ەڭ زور شەكتە تومەندەتىپ، مۇناي - تابيعي گاز ءوندىرىسىنىڭ قالىپتى، ءتارتىپتى ءجۇرىلۋىن قامتاماسىز ەتتى.
مۇناي - تابيعي گاز ساتۋ كاسىپورىندارى جەر - جەردىڭ ىندەتتەن ساقتانۋ - تىزگىندەۋ جانە جول قاتىناسى سياقتى احۋالدارىن يكەمدى قاداعالاپ، ءوندىرۋ مەن ساتۋدى ۇشتاستىرۋدى كۇشەيتىپ، بايلىقتى ۇلەستىرۋدى دەر كەزىندە رەتتەپ، ساپالىلاندىرىپ، ماي قۇيۋ پۋنكتىنىڭ، گاز قۇيۋ پۋنكتىنىڭ بايلىعىن عىلمي، ۇيلەسىمدى ۇلەستىرۋدى كۇشەيتىپ، مۇناي - تابيعي گازبەن قامداۋدىڭ ورنىقتى، ءتارتىپتى بولۋىن قامتاماسىزداندىردى.
ىندەت تۋىلعاننان كەيىن قاشقار ايماعى كاسىپورىنداردىڭ ءوندىرىس ءتارتىبىن كوپ شارامەن قامتاماسىزداندىرىپ، زات اينالىمى ارناسىن ىركىلىسسىزدەندىرىپ، ماتەريالداردىڭ كىرگىزىلۋىنە، ونىمدەردىڭ شىعارىلۋىنا، ءوندىرىستىڭ قامتاماسىزداندىرىلۋىنا شىنايى كەپىلدىك ەتتى.
”كاسىپورىنداردىڭ قالىپتى اينالىمىن قامتاماسىزداندىرۋ ءۇشىن، ءبىز ىندەتتەن ساقتانۋ - تىزگىندەۋ قىزمەتىن باتىلدىقپەن ويداعىداي ىستەپ، كىرۋ وتكەلىن قاتاڭ يگەردىك“. قاعىلىق تيانشان سەمەنتى شەكتى جاۋاپكەرشىلىك سەرىكتەستىگىنىڭ جاۋاپتىسى بىلاي دەدى: قاعىلىق اۋدانى كاسىپورىندارعا ”جاسىل ارنا“ اشتى، سونداي - اق 100دەن استام تاسىمال اۆتوكولىكتەرىنىڭ قالىپتى تاسىمالىن ارنايى بەكىتىپ، كاسىپورىنداردىڭ قالىپتى ءوندىرىس قاجەتىن قاناعاتتاندىردى.
ىندەتتەن ساقتانۋ - تىزگىندەۋ كەزىندە قاشقار ايماعى ونىمدەردى جاس كۇيىندە سۋىق ساقتاۋعا ىستەتىلەتىن 2183 قامبانى تەكسەرىپ جوندەۋدى كۇشەيتىپ، ۋاقىتشا ساتىلماعان اۋىل شارۋاشىلىق ونىمدەرىن قامباعا كىرگىزىپ، جاس كۇيىندە ساقتادى، سونداي - اق سۋىق تىزبەك زات اينالىمى اۆتوكولىكتەرىن ءبىر تۇتاس جوسپارلاپ سايكەستىرىپ، اۋىل شارۋاشىلىق ونىمدەرى زات اينالىمىنىڭ ىركىلىسسىزدىگىنە شىنايى كەپىلدىك ەتتى.
8 - ايدىڭ 19 - كۇنى سانجى مەملەكەتتىك جوعارى، جاڭا تەحنيكالىق كاسىپ سالالارىن اشۋ رايونى (تومەندە قىسقارتىلىپ ”سانجى جوعارى، جاڭا رايونى“ دەلىنەدى) بيولوگيالىق عىلىم - تەحنيكا كاسىپ سالاسى باقشاسىنا ورنالاسقان شينجياڭ حۇييۋان ازىق - تۇلىك، سۋسىن شەكتى سەرىكتەستىگىندە جاشىك - جاشىك سۋسىن مەن تازارتىلعان سۋ تارتىپپەن ءوندىرىس جەلىسىنەن شىقتى. سول كۇنى 29 مىڭ جاشىك سۋسىن مەن تازارتىلعان سۋ بۇكىل شينجياڭنىڭ جەر - جەرىنە جونەلتىلدى، تاعى 9000 جاشىك جەمىس شىرىنى لانجوۋعا جونەلتىلدى.
”ىندەتتەن ساقتانۋ - تىزگىندەۋ مەن ءوندىرىس حاۋىپسىزدىگىن اناعۇرلىم ويداعىداي ءبىر تۇتاس جوسپارلاۋ ءۇشىن، سانجى جوعارى، جاڭا رايونى كادرلاردى كاسىپورىنداردا تۇرىپ قىزمەت وتەۋگە جىبەرىپ، ءبىزدىڭ اق قانت سياقتى شيكىزاتتى كىرگىزۋىمىز قيىن بولۋ ماسەلەسىن شەشۋىمىزگە كومەكتەستى“، - دەدى شينجياڭ حۇييۋان ازىق - تۇلىك، سۋسىن شەكتى سەرىكتەستىگىنىڭ باس ديرەكتورى ما شىڭبين.
ىندەتتەن ساقتانۋ - تىزگىندەۋ كەزىندە سانجى جوعارى، جاڭا رايونى كاسىپورىننىڭ قازىرگى ءوندىرىس جاعدايىمەن ۇشتاستىرىپ، 8 ارناۋلى قىزمەت وتەۋ گرۋپپاسىن قۇرىپ، 100دەن استام كادردى كاسىپورىندارعا تۇيىننەن - تۇيىنگە، بەتپە - بەت، دەن قويا قىزمەت وتەۋگە ۇيىمداستىرىپ، كاسىپورىننىڭ ءوندىرۋىنىڭ، ساتۋىنىڭ ءتارتىپتى، ىركىلىسسىز ءجۇرىلۋىن جان - جاقتى قامتاماسىزداندىرىپ، كاسىپورىنداردىڭ ءوندىرىس فاكتورىمەن قامتاماسىزداندىرۋ، شيكىزاتپەن قامداۋ، ونىمدەردى ساتۋ سياقتى بۋىنداردا كەزدەسكەن ماسەلەلەردى شەشۋىنە كومەكتەستى.
8 - ايدىڭ 24 - كۇنى حىجيڭ ونەركاسىپ باقشا رايونىندا بولات ماتەريالدارىن تولتىرا تيەگەن اۆتوكولىكتەر شينجياڭ تيانشان بولات - تەمىرى بايىنعولين شەكتى سەرىكتەستىگىنىڭ قاقپاسىنان شىعىپ، تيانشان الابىنداعى قۇرىلىس ورىندارىنا بەت الدى.
”ىندەت تۋىلعاننان كەيىن سەرىكتەستىك تاسىمال اۆتوكولىكتەرى تاپشى بولۋ ماسەلەسىنە ءدوپ كەلدى، باقشا رايونىنداعى كادرلار بەلسەنە سايكەستىرىپ، ۇشتاستىرىپ، شيكىزات ماتەريالدارمەن قامداۋ جانە بولات ماتەريالداردى سىرتقا ساتۋ سياقتى ماسەلەلەر دەر كەزىندە شەشىلدى“، - دەدى شينجياڭ تيانشان بولات - تەمىرى بايىنعولين شەكتى سەرىكتەستىگى پارتكومىنىڭ شۋجيى دي ميڭجۇن.
كاسىپورىنداردىڭ قالىپتى ءوندىرىسىن قامتاماسىز ەتۋ ءۇشىن، حىجيڭ ونەركاسىپ باقشا رايونى باسقارۋ كوميتەتى كاسىپورىنداردا تۇرۋعا 4 كادر شىعارىپ، كاسىپورىننىڭ ىندەتتەن ساقتانۋ - تىزگىندەۋ قىزمەتىن ويداعىداي ىستەۋىنە كومەكتەسۋمەن بىرگە، كاسىپورىنداردىڭ ءوندىرۋى، ساتۋى، تاسىمالداۋى ءۇشىن قىزمەت وتەۋدى، قامتاماسىزداندىرۋدى ويداعىداي ىستەدى.
”ءبىز ’داياشى‘ رۋحىن ساۋلەلەندىرىپ، كاسىپورىنداردىڭ شەشۋشى بۋىندارىن قاداعالاي وتىرىپ دالمە - ءدال شارا قولدانىپ، بوگەتتى تۇيىندەردى اشىپ، قيىن تۇيىندەردى شەشىپ، كاسىپورىنداردىڭ حاۋىپسىز، ءتارتىپتى ءوندىرىسىن بار كۇشپەن قامتاماسىز ەتتىك“، - دەدى حىجيڭ ونەركاسىپ باقشا رايونى باسقارۋ كوميتەتى پارتيا قىزمەتى كوميتەتىنىڭ شۋجيى، ورىنباسار مەڭگەرۋشى ما جيان.
(ءتىلشى شى شين، قاتىناسقان تىلشىلەر حان چين − يان، جاڭ جىلي، دۋ جيانحۇي، ەرىكتى ءتىلشى سۇڭ حۋامين)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
